Nosir oğlu | Author📚✒

Uyqusiz ko’zlardan bezor tun, Qachondir huzur yo’q holingda. Boshingga tashvishlar tushgan kun, Biror kim qolsaydi yoningda… Koshki… @nosiroglu

Bir kun o’z o’zini uradi toshga, Bir kun yengolmaydi bu qilig’ini, Bir kun hamma tinglar bir Sendan boshqa, Bu telba yurakning hayqirig’ini… @nosiroglu

Istardim holimni bilmasligingni, (Lek sendan xabarlar kutaveraman) Men garchi bilsamda kelmasligingni, Yo’lingga tinmay ko’z tutaveraman… @nosiroglu

Qoida bu: har zamon yashirib yurgan, Zaif tomoningdan sinaydi hayot. Chunki har ishingda yoningda turgan, O’sha “yaqin”larning ko’pi – yetti yot! @nosiroglu

Necha bahorlarni qoldirding ortda, Necha tun huzursiz o’tdi birma-bir. Necha orzularni o’chirding yoddan: Chunki peshonangga kulmadi taqdir. (Kurashda yengmading zafarlar quchib, Tiz cho’kding – shu baxting qoraligidan) Yengmasang! Bu noming ketadi o’chib, Kelish va ketishning oralig’ida… 📝@nosiroglu

Doim aytganingday bo’lmaydi, tushun. Qo’lingdan ketganga kuyunaverma. Keyin pushaymonlar bo’lmaslik uchun, Uchragan har tog’ga suyanaverma! @nosiroglu

Men Senga munosib emasman, bilsang, Yarim yo’lda Sensiz davom etarman. Bir kun uzr so’rab qo’ng’iroq qilsam, Go’shakni ko’tarma! @nosiroglu

Kimlarga so’zlagan so’zlarim bekor, Hatto tinglasa ham, tushunguvchi kam. Biroq hayotimda bir yaqinim bor: Dardimni anglaydi – indamasam ham🫂🫀 @nosiroglu

Ne kunlar o’tkazdik yelkama-yelka, Na Sen kechib ketding, na yo’qoldim Men. Garchi shu kungacha aytmadim senga: Bu hayotda topgan eng yaqinim SEN! 🫵🫂@nosiroglu

Chin oshiq ishqdan hech tonmaydi, Nigohi aytadi bor sirin. Hech zabon anglata olmaydi – Ko’zlarning ko’zlarga ta’sirin… @nosiroglu