انصحني بكتاب 💛

كيفاه مازال كاين ناس يفكرو أنو الزواج مسابقة شكون اجمل 🤌🤌 👀 كامل شفتو الضجة على زواج سيلينا غوميز، والناس تقول: "واش لقات فيه؟ هي أجمل منو بزاف!" … وكأن العلاقة تنبني على شكل وجه، مشي على روح وعقل. ⚠️ إذا كان الزواج مبني غير على المظاهر، راهو محكوم يفشل أول ما يتغير الشكل الجمال يتلاشى، لكن الفهم، الاحترام، والانسجام الفكري هما اللي يبقاو. 📚 كتاب الرجال من المريخ والنساء من الزهرة يبينلكم كيف أنو الاختلاف بين الرجل والمرأة موش عائق، بل هو فرصة للتكامل… واللي يفهم هاذ النقطة يكون عندو زواج صحيح ✅ الرسالة: الزواج موش استعراض قدام المجتمع، هو مشروع وعي ومسؤولية

🍂سلام آل انصحني بكتاب، نقلكم هادي ونروح 🤭 قالك اليوم سي "جيلالي" شاف ريل على كتاب "الدّاء والدّواء" لابن القيم، فراح يزوخ على "جميلة" الي تحب الكتب وديما تقرا قالها: ✓ "جموول" تعرفي أنت أنو أفضل الكتب هو "الدّاء والدّواء" فيه كلشي ومفيد 😌 ✓ "جيلالي" جيب الجديد، ياك قتلك قبل عندي شحال من قريتو.🙄 ✓قريتيه!! وهذا وين تنطقي شايفاتيني نعاني من الفشلة وركابي يوجعو فيّا، وأنت قارية أهم كتاب في الداء والدّواء؟؟ ✓ يا "جيلالي داوي حالي" متقوليش في بالك هاد الكتاب الدّيني يحكي على الأعشاب والطّب البديل؟؟ 🙂🤦 🍂في الأخير يحكى أن "الجيلالي" قرر ميزيدش يهزّ كتاب ولا يحكي عليه إلاّ بعد ما يسقسي عليه من هم أهل لذلك، كيما حنا طبعاً 🤝🧡 #ابتسم ✌️

✨️تخيّل تلقى نجيب محفوظ وتوفيق الحكيم يهدروا قدامك. كتاب عشرة أدباء يتحدثون ✍️ تأليف: فؤاد دوارة الكتاب ليس تأليف بالمعنى الكلاسيكي، بل وثيقة أدبية ثمينة، جمع فيها فؤاد دوارة حوارات صريحة وقيّمة مع عشرة من كبار الكُتّاب العرب، ناس صنعت مجد الأدب العربي بصدق وتجربة. حوارات دارها الكاتب على مدار ربع قرن، بكل أمانة واحترام، وخلّا الكبار يهدرو على أفكارهم، مسيرتهم، وحتى على تفاصيل من حياتهم ما تنقالش فالكتب. 💡 الطبعة هذي بالرغم انها تعتبر قديمة إلا انوا فيها 5 حوارات أول مرة تنشر كاملة.☺️ لذلك تعتبر فرصة باش تقرأ الأدب من أفواه أهله، مش من وراء ستار.

📚 مقالات لكبار كُتّاب العربية في العصر الحديث ✍️ الكاتب: محمد بن إبراهيم الحمد ✨ نبذة مختصرة: كتاب ثري يضم مقالات متنوعة في الدعوة، الأخلاق، الإصلاح، قضايا الشباب والمرأة، الأدب، واللغة. أسلوبه يجمع بين العمق والسلاسة، ويأخذ القارئ في جولة بين حدائق فكرية متعددة، بأسلوب راقٍ وطرح أصيل.

فلسفة التاريخ – الفكر الاستراتيجي في فهم التاريخ المؤلف: د. جاسم محمد سلطان يتناول الكتاب فهم قوانين التاريخ التي تحكم صعود وسقوط الأمم والحضارات. يعرض آراء أهم المفكرين في فلسفة التاريخ مثل: ابن خلدون، توينبي، هيجل، ماركس، مالك بن نبي، وعماد الدين خليل. يربط بين تلك النظريات وبين الواقع الإسلامي والعربي، ويُسقطها على أزمة النهضة. يعتمد على منهج نقدي تحليلي، يستخرج الأفكار القابلة للتطبيق من كل نظرية. يأتي ضمن سلسلة "أدوات القادة" بهدف تمكين القارئ من أدوات استراتيجية لفهم مجتمعه وتاريخه. لغته بسيطة، مرتبة، وموجّهة للقراء والمهتمين بالتغيير والنهوض الحضاري.

تهدر ما يخلوكش تكمل، يفوت عليكم بنادم وما يقولش حتى السلام، تلقى محادثة بسيطة تتحول لمعركة كلامية... وكأنوا الأدب فالحديث ولى عملة نادرة! الكثير منّا نسى بلي الكلمة كيماوالسهم، يا تُصيب يا تجرح، وطرق التخاطب ماهيش تافهة، بل من صميم أخلاقنا وديننا. 📘 أدب التخاطب ــ مصطفى العدوي كتاب خفيف الحجم ، ثقيل المعنى، يعلّمك كيفاش تكون كلماتك موزونة، وأسلوبك راقٍ، مستنداً على أقوال النبي ﷺ والصحابة. فيه إشارات مهمة لكيفية الحديث مع الناس بأدب، بحسن اختيار العبارات، بلغة طيبة ووجه بشوش…

السؤال اللي ما تحبوش تسمعوه🫩 هل فكرت تشري لولدك كتاب او قصة؟ نشوفو ولادنا اليوم يحفظو الحركات، يقلّدو الشخصيات، يتبعو المؤثرين…وساكتين 🤌 ✋ الوقت يجرّي، وولادنا يكبرو بعقل مشغول، وخيال فارغ. أنت مسؤول تبني فيه ثقافة من الصغر. كيما تهتم بمظهره، اهتم بعقله! الكتاب مشي للمدرسة برك… هو اللي يصنع شخصية ولدك قبل ما يصنع مستواه الدراسي👌 📚 اليوم نقترحولكم كتاب مجاني وبسيط: "قصص النبيين" للشيخ أبو الحسن الندوي – 📌كتاب رائع، مكتوب بلغة سلسة، يروي قصص الأنبياء بطريقة مبسطة للأطفال. فيه شجاعة، صدق، أمانة، صبر… وكل قيمة نحب نشوفها في أولادنا. 👇 إذا تعرفو كتب خفيفة كيما هذي، زيدو شاركونا في التعليقات باش يستفادو باقي الأولياء

شفت قدامي موقف وما قدرتش ننساه : نهار كنت نمشي فاتت عليا وحدة تحكي مع وليدها بصوت عالي، تسب فيه وتقلو كل الالفاظ السيئة "يا غبي! يا حمار! عمرّك ما تفهم ....🤬 الطفل كان ساكت، عينيه معمرين دموع، والناس كامل تشوف فيه، حسيت قلبي تكسر! 🔴 كامل نغلطو، كاملنا نتقلقو لكن تربية ولدك ماشي في السبّ، ماشي في التحقير، الطفل ماشي حيط 🤌 ❌ بزاف ناس يحسبو أنو الطفل "لازم يتربا بالعصا"، "الكلمة القاسية تصلحو"، لكن التربية الحقيقية تبدا بالحب، بالفهم، بالقدوة. ✅ قال رسول الله ﷺ: "ليس منا من لم يرحم صغيرنا" رواه الترمذي. ✅ التربية مسؤولية ماشي لعبة، وراح نتحاسبو عليها. 📘 نصيحة اليوم كتاب هايل : تربية الطفل فنون ومهارات" للدكتور ياسر محمود الكتاب يشرح كيف نربّي أولادنا على القيم، كيف نفهم نفسيتهم، ونوجههم بدون ما نكسرهم. جداً بسيط وعملي، وتقدرو تطبقو أفكارو في يومكم العادي. 👍 كتاب لكل أم، أب، أو حتى معلم… لأنو الجيل لي نربّيوه اليوم، هو المجتمع لي نعيشو فيه غدوة.