Ержан Бақытжанов

Әбу Исхақтың бір жапырақ қағазы болатын. Әрдайым соны қарап, қайтадан қалтасына салып қоятын. Парақта не жазылғанын ол дүниеден қайтқанда білдім. Онда: "Амалыңды көркем жаса, ажалың жақын. Амалыңды көркем жаса, ажалың жақын", – деп жазылыпты. Имам Лубәйди (Алла рахым етсін)

Алла елшісі (оған Алланың салауаты мен сәлемі болсын) былай деген: "Расында, күндердің ең абзалы – жұма. Сол күні маған салауатты көп айтыңдар, өйткені сендердің салауаттарың міндетті түрде маған жеткізіледі". Әбу Дәуіт/1531.

Имам Абдулла ибн Мубаракка (Алла рахым етсін) бір кісі келіп: – "Қазір өзі насихат айтатын адам қалды ма?", – деп сұрайды. Сонда имам: – "Сол айтылған насихатты қабылдайтын адам қалды ма екен?", – деп жауап беріпті. Хилия.

Пайғамбарымыз ﷺ былай деген: "Расында кісінің әкесіне жасаған ең жақсы ізгілігі – әкесінің достарымен қарым-қатынасты үзбеуі". Қазақта, әкең өлсе де, әкеңнің көзін көрген өлмесін деген.

Туыстық қарым-қатынасты үзген адам жәннатқа кірмейді. Хадис

Әкеңді атымен атама, оның алдына түсіп жүрме және одан жоғары отырма. Әбу Һурейра (Алла разы болсын) Әл-әдәбул Муфрад.

Өз басына келмейінше, бәрі де ақыл айтқыш. Мысырлық жазушы, ақын Аббас әл-Аққад

Оқуға тұрарлық нәрсе жаз. Яки жазуға тұрарлық бір іс жаса.

Қабірден артық уағыз жоқ. Жалғыздықтан артық амандық жоқ. Кітаптан артық серік жоқ. Абдулла ибн Абдул Азиз (Алла рахым етсін) Хилия.