LPE by Ko Zin Zae ( Channel )

ယုံကြည်မှု လွန်ကဲမှာ စိုးလို့ သတိပေးတာပါ … ( တစ်ယောက်ယောက်က ခန့်မှန်းပေးတာ မှန်တယ် … ဆိုပြီး ယုံကြည်မှုလွန်ပြီး အဲ့လူက သတိမပေးတော့တဲ့ အခါ ဒါမှမဟုတ် အဲ့လူ သတိပေးထားတဲ့ အချိန် ကာလ မဟုတ်တဲ့ အခါ ကျ … ပေါ့လျော့မိကြတာမျိုး မဖြစ်စေချင်လို့ပါ ) ငလျင်ကို ခန့်မှန်းနိုင်တဲ့ ပညာရှင် မရှိဘူး … လို့ USGS ( အမေရိက က ဘူမိဗေဒပညာရှင်တွေပါတဲ့ အဖွဲ့အစည်း ) ကတော့ သေချာ ပြောထားပါတယ် ။ ( Source : https://www.usgs.gov/faqs/can-you-predict-earthquakes ) အင်္ဂလိပ်လို ဆို ပိုကွဲပြားနိုင်မှာမို့ အင်္ဂလိပ်လိုပဲ သုံးပါရစေ ။ သူတို့ အဆို အရဆို *Predict မလုပ်နိုင်ပါ ။ *Forecast သာ လုပ်နိုင်ကြတဲ့ သဘောပါ တဲ့ ။ တကယ် တိကျတဲ့ ခန့်မှန်းမှု ( Prediction ) ဆိုတာ ၁။ နေ့ရက် / အချိန် ၂။ ( ငလျင် လှုပ်မယ့် ) နေရာ ၃။ လှုပ်မယ့် ပြင်းအား … စတဲ့ ၃ ခါကို ခန့်မှန်းနိုင်ရမှာပါ ။ ဒါမျိုး တိတိကျကျ ခန့်မှန်းနိုင်တဲ့ စနစ် / အဆင့်တော့ ခုထိ မရှိသေးပါဘူး လို့ ပညာရှင်တွေက ဆိုပါတယ် ။ Forecast လုပ်တယ်ဆိုတာကတော့ ခုနက ပြောတဲ့ Predict လောက် မတိကျပဲ - အရင်က ဖြစ်ဖူးတဲ့ အခြေအနေတွေ - ငလျင်ကြီး တစ်ခုခု လှုပ်ပြီး နောက်ဆက်တွဲ လှုပ်နိုင်တာတွေ စတဲ့ပေါ် မူတည်ပြီး - အချိန်ကာလ တစ်ခုအတွင်း - လှုပ်နိုင်ချေ ဘယ်နှရာခိုင်နှုန်း ရှိတယ်လို့ ထုတ်ပြန်တာမျိုးပါ ။ အသေးစိတ်ဆိုရင် အသုံးအနှုန်း ၄ မျိုး ခွဲထားပါတယ် ။ Early warning - Forecasts - Probabilities - Predictions ဆိုပြီးတော့ပါ ။ စိတ်ဝင်စားရင် ဒီမှာ ဖတ်နိုင်ပါတယ် ။ 👉 https://www.usgs.gov/faqs/what-difference-between-earthquake-early-warning-earthquake-forecasts-earthquake-probabilities ဒါလေးပါပဲ … တကယ့် ပညာရှင်တွေ ဆွေးနွေး အကြံပြုတာတွေကို ပို အလေးထားစေချင်ပါတယ် ။ ကျွန်တော်က နည်းနည်းလေး သတိပေးချင်ရုံပါ ။ ~ ကိုဇင်ဇေ