Муаррихлар

Скрипкачи 45 дақиқа давомида Нью-Йоркдаги метрода мусиқа чалди. Тўртта одам тўхтаб, қулоқ солди, биттаси қарсак чалди, 20 доллар пул йиғилди. Эртаси куни худди шу срипкачи дунёдаги энг машҳур саҳналардан бирида мусиқа чалди ва одамлар ҳар бир билет учун камида $100 тўлашди. Тажриба шуни кўрсатадики, оддий муҳитда ноодатий нарсалар ўзининг муносиб қийматини топа олмайди, уни тан олишмайди. Шундай маҳоратли касб эгалари борки, улар ўз иқтидорларига муносиб тарзда мукофотланмайдилар. Улар ўз қадрини билиб, бу муҳитни тарк этгач, муваффақият қозониб, ўса бошлайдилар. Инсон нотўғри муҳитда бўлса, унинг ёнидан ўтиб кетиб ҳам, уни сезишмайди ва унинг қанчалик иқтидорли эканлигини кўришмайди. Шунчаки сиз керакли жойда эканлигингизга ишонч ҳосил қилинг!

Леон қироли Санчо I Семиз шу қадар семиз бўлганки, ҳеч қачон отда юрмаган ва зодагонларнинг ҳарбий мусобақаларида иштирок этмаган. Шу сабабли у кулгуга қолиб, ўз фуқаролари ҳурматини йўқотган ва охир-оқибат тахтдан айрилган. Шунда у Қурдоба амири Абдураҳмон III га ёрдам сўриб, мурожаат этади. Машҳур табиб Хасдай ибн Шапрут унинг соғлиги билан шуғулланади. Ривоятга кўра, қиролнинг оғзини тикиб қўйиб, фақат сомон найчаси орқали овқатланиш имкониятини қолдиришади. Нима бўлганда ҳам, муолажалар иш бериб, Санчо озади ва кўп ўтмасдан, араб қўшинининг ёрдамида тахтни қайтариб олади.

VI - XVI асрлардаги Европа рицарлик дубулғаларининг генеалогик дарахти.

Парижский университет дунёдаги энг кекса иккинчи университет бўлиб, унинг тарихи 820 йилдан иборат - 1150 йилдан 1970 йилгача. 1150 йилда Нотр-Дам-де-Парисобор мактаби билан боғлиқ корпорация сифатида вужудга келган. Расман 1200 йилда Франция қироли Филипп II томонидан асос солиниган, 1215 йилда папа Иннокентий III томонидан тан олинган. Кейинчалик кўпинча ўзининг илоҳиёт колледжи Сорбонна номи билан аталган. Университет талабалари етакчи роль ўйнаган 1968 йилдаги инқилобий ҳодисалардан сўнг, университет тарқатиб юборилган. Унинг факультетлари базасида 13 та алоҳида университетлар ташкил этилган.

Рузвельтнинг рафиқаси, биринчи хоним Элеонор Рузвельт ўз матбуот - анжуманларидаиштирок этиш учун фақат аёл-журналистларга рухсат берган. Шу тариқа у ОАВлар кўпроқ аёлларни жалб этишларига муваффақ бўлган.

1492 йилда испан католик қироллари Фердинанд ва Изабелла яҳудийлар уч ой ичидат ёки чўқинишлари ёки мамлакатни тарк этишлари лозимлигини эълон қилишади. Ушбу муддат тугагач, қолган яҳудийлар қонундан ташқари деб эълон қилиниши назарда тутилган. Усмонийлар ҳукмдори Баязид II қувғинга учраган яҳудийларни кўчириш учун ўз флотини юборган. 150 мингга яқин испаниялик яҳудийлар ушбу таклифни қабул қилиб, Усмонийлар империяси ҳудудига кўчиб ўтган.

"Саҳродаги бўрон" ҳарбий операцияси чоғида Ўлим шоссесидаги юк машинасида тириклай ёниб кетган ироқлик аскар қолдиқларининг сурати. Қувайт, 1991 йил. Сурат муаллифи, Кеннет Джарек суратга шундай изоҳ ёзган: "Агар мен буни суратга туширмасам, менинг онам каби инсонлар уруш - бу улар телевизорда кўрадиган нарсалар, деб ўйлайдилар". Журналлар ушбу суратни ўта шафқатсиз деб ҳисоблаб, уни чоп этишга рад жавоби беришган. Кейинчалик уни кўрган инсонлардан бири шундай деган эди: "Агар биз ўзимизни урушиш учун етарли даражада улғайган деб ҳисобласак, урушга тик боқиш учун ҳам етарлича улғайган бўлишимиз лозим".

Адольф Гитлер чизган суратлар. 1907 йилда 18 ёшли Гитлер Венадаги тасвирий санъат академиясига кириш учун имтиҳон топширади, аммо иккинчи турга ўта олмайди. Имтиҳонлардан сўнг у ректор билан учрашишга муваффақ бўлади. Суратларидан меъморчиликда иқтидори борлигини кўрган ректор Гитлерга меъморчилик билан шуғулланишни маслаҳат беради. Бироқ унда еткулик аттестати йўқлиги учун меъморчиликни ўргана олмайди. 1908 йилда Гитлер иккинчи марта Тасвирий санъат академиясига киришга уриниб кўради, бироқ яна муваффақиятсизликка учрайди. У биринчи жаҳон урушига қадар почта откриткалари чизиб, сотиш билан шуғулланган.

Қадимги Римда марҳумлар салтанатидан қўним топмаган ва кечқурунлари тириклар дунёсига қайтиб, инсонларни қўрқитадиган ҳамда уларни таъқиб қиладиган ёвуз руҳлар лемур деб аталган. XVI асрда Мадагаскарга илк бор ташриф буюрган европаликлар кечқурун кўзлари ёниб турадиган ҳайвонларга дуч келишгач, рим афсоналарини ёдга олишган ва уларга лемурлар деб ном беришган.

Қизиқ маълумот: Тни англатувчи рим рақами ҳозирги кўринишда фақатгина XIX асрдагина ҳозирги кўринишга эга бўлган. Айнан мана шу даврдан у биз билган иккита рамздан иборат бўлган "IV" тарзда ёзила бошланган. Римликлар бу рақамни "IIII" кўринишида қўллашган. Чунки "IV" олий худо - Юпитер исмининг бош ҳарфини англатган. Унинг номи "IVPPITER" тарзида ёзилган.