هبةُ_الله

جاية اذكركم بقيام الليل ❤️ اوعوا حد يسيب قيام الليل أبدا . اي حاجه نفسك فيها صلى ركعتين وادعى ربنا سبحانه وتعالى وانتي عندك يقين بالإستجابة وحسن ظن بالله تعالي . الشيخ حازم شومان قال: " أنا اتجوزت بالركعتين ، جبت طب بالركعتين ، والأول علىٰ الدفعة امتياز بالركعتين ، انا كُل حاجة في حياتي جاتلي بالركعتين. قيام الليل ومعجزاته ده فعلا والله عن تجربة كان فيه حاجات فى حياتي فضلت ادعى بيها ربنا كل يوم فى قيام الليل ، كل يوم ولا أزهق وعندي يقين ان ربنا سبحانه هيستجيب " والناس إللي متابعة من زمان هيفتكروا البوستات اللي كنت بكتبها عن إجابة الدعاء " والحمد لله كل اللي كنت بدعي به في قيام الليل اتحقق الحمد والشكر لله علي نعمة قيام الليل ❤️ قيام الليل لأي دعوة نفسك فيها حرفياً مهما كانت هي إيه؟ عايزة تخسي صلي قيام الليل وادعي عايزة تتخني قومي صلي قيام الليل وادعي . عايزة تتجوزي صلي القيام وادعي عايزة تلبسي النقاب وأهلك مش موافقين قومي صلي وناجي ربنا وادعي . عايزة جوزك ربنا يهديه واولادك يكونوا صالحين ، وتكوني ام هادئة مش عصبية قومي صلي القيام وادعي. ادعى بكل اللي نفسك فيه من أمور الدنيا وقبلها الأخرة..❤️ ادعي وانتي علي يقين ان ربنا مش هيخذلك وهيستجيب ❤️ #هبةُ_الله https://t.me/heba_allah_mohammed

روحيله وقوليله يارب انا مش عارفه اقول ايه بس انا تعبانه والله تعبانه ، ومش هيردك وهيراضيكِ روحي ومتتكلميش ، روحي عيطيله وانتِ ساكته. انتِ اصلا مش هتعرفي تتكلمي هو يعلم ايه اللي فيكِ هو يعلم انتِ عايزة ايه بس انتِ روحيله وصدقيني مش هترجعي من عنده إلا مجبورة عمرك ماهترجعي وايدك فاضية . لان نبيك الصادق الامين هو من قال ذلك ،ابشري ❤️ بس انتِ اقفي علي بابه واستحالة يقفله في وشك ، روحيله قوليله انك ندمانه علي كل الوقت اللي ضيعتيه بعيد عنه قوليله بس انك بتحبيه وشوفي هيكرمك ازاي . طب بصي روحي ناديه متقوليش حاجة غير يارب هتلاقي نفسك بتعيطي لوحدك روحيله قبل الوقت ما يفوت احنا ملناش غيره روحي صلي القيام وادعي وهيجبر بخاطرك ويراضيكِ والله❤️..!! https://t.me/heba_allah_mohammed

هيجى عليكي الوقت اللى تقولي لربنا شكراً يا الله انك بعدت عنى حاجة اتمنيتها وكانت مفيهاش خير ليا ف لما تتمني حاجة ادعي وقولي اللهم اختار لي ولا تخيرني 🤲 اختيار ربنا دائمًا هو الأنسب لكي ❤️ https://t.me/heba_allah_mohammed

عارفة ؟ لو استحضرتي حالاً ان ربنا في اللحظة دي في السماء الدنيا بيسأل العباد عن اللي محتاج حاجة فيعطيها له ؟ إللي محتاج اغفرله هغفرله ؟ واللي مريض فيشفي ويعدد النداء .. صدقيني هتسيبي اي حاجة في ايدك وتدعيه❤️ اخر ثلث قبل الفجر ده كنز والله استغفار ودعاء ❤️ https://t.me/heba_allah_mohammed

في مشكلة بتقابل نساء كتير في بداية التزامها ، سواء قبل ارتداء الحجاب الشرعي أو بعده ، عارفين إيه هي ؟! = الميك اب.. البنوتة إللي اتعودت طول عمرها تحط الميك آب وبتبقي عايزة تبطله أو تكرهه ومش عارفه ؟ أحب اقولك ان مش لازم تكرهي الميك اب ، ومش لازم يكون حاجة وحشة . إيه المشكلة لما تكون حاجة حلوة وأنا بحبها بس مش هحطها أمام الأجانب إرضاءً لوجه الله، لأنه سبحانه أحب عندي من أي حاجة تانية؟! أليس النبي ﷺ قال : "من ترك شيئًا لله عوضه الله خيرًا منه"؟! .. يعني حد حابب حاجة وسابها لوجه الله ، فربنا سبحانه وتعالى هيعوضك أحسن منها. إني أترك ما أحب لأجل حبيبي أعظم كثيرًا من أن أترك ما أكره .. وصدقيني والله مفيش واحدة شوفتها سابت الميك اب ابتغاد وجه الله تعالي إلا ورأيت وجهها مشرق ومنور زي الشمس اللهم بارك ❤️ #هبةُ_الله

- ايه ده هو النهاردة الثلاثاء؟! ، اخييه مش بحب اليوم ده ومش بتفائل به . - هو النهاردة ١٣ في الشهر؟! ده هو يوم باين من أوله كده ربنا يستر على النكد اللي هيحصل النهاردة. - فيه بومة وقفت علي سطح البيت ربنا يستر حد هيموت. النبي ﷺ قال : من ردته الطيرة من حاجة فقد أشرك . عارفين يعني إيه الطيرة ؟ = الطيرة دي اللي هي التشاؤم من يوم او رقم او حيوان او شهر او انسان.... إلخ يعني مثلاً كنتِ هتختاري رقم ٣ و افتكرتي انه رقم شؤم فقلتي مش هختاره ،، ده اسمه شرك! بتشائم من البومة ده شرك . بتشائم من يوم الثلاثاء ده شرك . بتشائم من حد بشوفه ده شرك. طيب أنا عرفت خلاص إن حرام اتشاؤم بأي حاجة بس لو نسيت غصب عني وبرضو بتشاؤم أعمل ايه؟ = الصحابة سألوا النبي ﷺ: يا رَسُولَ اللَّهِ ما كَفَّارَةُ ذلك؟ ايه كفارة الطيرة يا رسول الله؟! قال ﷺ: أن يقول أحدهم: "اللهم لا خير إلا خيرك، ولا طير إلا طيرك، ولا إله غيرك" الخلاصة اننا لا نتشائم أبدًا بأي شيء ،و لو نسينا ووقعنا في التشاؤم نقول الكفارة والدعاء سهل جدًا. ربنا يعلمنا وإياكم 🤲 #هبةُ_الله https://t.me/heba_allah_mohammed

لا يصطفي الله أحد لصلاه الفجر إلا الصادقين❤️ فهنيئًا لمن وقف بين يدي الله لتزف أسمائهم للمولى سبحانه وتعالى https://t.me/heba_allah_mohammed

ماذا لَو كُنتِ أنتِ مُعلِّمة أولادُك وشيخهم ، ومُربيهم ، وصُحبَتِهم الصَّالحة !! حبيبتي الغالية تفقّهي ، تُعلِّمي ، اقرئي ، تثقّفي ، احفظي القرآن والأحاديث ، أعدّي نفسك لهم دينيًا، وإيمانيًا، ونفسيًا، وفقهيًا .. الأُمّة في حاجة إليكِ ، وإلى نَشئكِ الصالح🤍

عارفين أفضل شهر للصيام بعد شهر رمضان!؟ - شهر مُحرم.. النبي ﷺ قال: " أفضل الصِّيام، بعد رمضان، شَهر الله المُحَّرم، طب ليه أفضل الصيام ، صيام شهر مُحَّرم بالذات!؟ = لأنه أول السَّنة المستأنفة فافتتاحها بالصوم هو أفضل الأعمال. ولأن النبي ﷺ قال : "شَهر الله المُحَّرم " وده يدل على تعظيمه ومَزيته على غيره من الشَّهور ،، وفي يوم عظيم في هذا الشهر العظيم يوم أعز الله فيه التوحيد وأذل الكفر وأهله، بإعزاز نبيه موسى عليه السلام، وإذلال فرعون الذي عاند الله تعالى وجحد ربوبيته. ☜إنه يوم العاشر من شهر الله المحرم وصيام هذا اليوم يكفر سنه كامله متخيلين ؟ النبيﷺ قال: " صيام يوم عاشوراء يكفر السنة الماضية ".. يعني لو صومت يوم عاشوراء ، يبقي كل المعاصي والذنوب إللي عملتها السنه إللي فاتت هتتمسح بصيام ١٦ ساعة فقط ‼ حتي لو عملت ذنوب كتير !؟ = حتي لو بلغت ذنوبك عنان السماء. = وإيه السبب من صيام يوم عاشوراء!؟ يوم عاشوراء هو يوم العاشر من محرم ،و هو اليوم إللي ربنا عزوجل نجى فيه سيدنا موسى عليه السلام من فرعون وجنوده ،، ولأن الأنبياء كلهم أخوة .. ولأننا بنؤمن بكل الانبياء ونعظمهم ، فبنفرح في اليوم ده بنجاة سيدنا موسى وهلاك فرعون. بنصوم ليه ؟! _ لأن دي كانت وصية النبيﷺ وأمنيته اللي مالحقش يحققها لأنه مات " لئِنْ بَقِيتُ إلى قابِلٍ، لأَصومَنَّ اليومَ التاسِعَ " .. فإحنا بقى لازم نحقق أمنيته ووصيته ﷺ ❤️ هنصوم يوم عاشوراء فقط !؟ _ لأ طبعاً ، الأفضل أننا نصوم يوم التاسع من محرم كمان معاه ، يعني هنصوم يوم التاسع والعاشر من محرم . ليه!؟ لتنفيذ وصية النبيﷺ بأننا نصوم يوم مع عاشوراء . وكمان تنفيذ لوصية النبيﷺ أننا نصوم في أفضل شهر في السنة بعد رمضان ، إللي هو شهر مُحرم . يوم الأربعاء إن شاء الله تاسوعاء ، والخميس عاشوراء ف لازم نصومهم ياجماعة عشان أجرهم الكبير . ولازم نعّرف الدنيا كلها عشان كل اللي يصوم يكون في ميزانك ويُكتب لك أجر صيامه . ربنا عزوجل في اليوم ده شق البحر الأحمر لسيدنا موسى عليه السلام وقومه، وجعل نفس البحر هلاك وعذاب لفرعون وجنوده اللي طغوا في البلاد . وهو وحده القادر على نجاتك من كل مهلك . وهو وحده القادر أن ينجيك من كل همومك . انت بس ارجعله بالتوبة وتوكل بقلبك عليه زي ماسيدنا موسى عمل ، و ساعتها بس هتكون نجاتك . #تاسوعاء #عاشورا عمل يسير ، وأجر عظيم في شهر كريم ❤️ #ذكر غيرك ، والدال علي الخير كفاعله ،، ﷲ يجعلنا وإياكم ممن يستمعون القول فيتبعون أحسنه 🤲 #هبةُ_الله

- أي حاجة تقدري تعمليها لوحدك، متطلبيش مساعدة من حد 🤚 - أي مشوار تقدري تروحيه لوحدك، متطلبيش يروح معاكِ حد الا لو كان سفر لابد من محرم معك . - أي موقف تقدري تتحمليه لوحدك (مهما كان صعب) متطلبيش دعم من حد. سيدنا النبي ﷺ علّمنا أن عِزّ المؤمن في استغناءه عن الناس.🕊️ و(الله) عز وجل اسمه (الغنيّ) فخذي حظك من اسم الله الغنيّ بالاستغناء عمّن سواه.💪 ف امسحي دمعتك بإيدك، وطبطبي على نفسك.. صدّقيني والله.. هترتاحي ❤️ ربنا يراضي قلبك 🤲 https://t.me/heba_allah_mohammed

هو إحنا في سنة كام!؟ = 2026 لأ قصدي هجرياً مش ميلادياً! = تقريباً ١٤٤٧ أو ١٤٤٦ لأ لأ تقريباً ١٤٤٨ بصراحة مش عارفة ، أصل مش بركز مع التاريخ الهجري زي التاريخ الميلادي! = هو الصراحة إنتي مش لوحدك! ناس كتير فعلاً ماتعرفش إحنا في سنة كام هجرياً! وكل سنة يحصل لغبطة جامدة بين الناس والناس تنقسم لفريقين ، فريق يبقي عارف تاريخ السنة صح ، وفريق تاني مش متذكر فعلاً إحنا في سنة كام! طب بالله مش عيب نكون مُسلمين ومش عارفين إحنا في سنة كام !؟ ـ ليه مش بنركز مع التاريخ الهجري وبنركز مع التاريخ الميلادي فقط !؟ ـ ليه بنستخدم التاريخ الميلادي وبنرتب أهداف السنة كلها علي التاريخ الميلادي مش الهجري !؟ انتوا عارفين ان أصلاً لا يجوز للمسلمين التأريخ بالميلادي !؟ = ليه !؟ لأنه تشبه بالنصارى، وده من شعائر دينهم .. لكن إحنا المسلمين ولله الحمد ، عندنا تاريخ يغنينا عنه ، ويربطنا بنبينا محمد ﷺ ، وطبعاً ده شرف عظيم لنا جميعاً.. = هل ده معناه إن حرام أحدد أهداف السنة كلها علي التاريخ الميلادي وليس الهجري !؟ = لأ طبعاً مش حرام ، لكن مكروه الإمام أحمد كره استعمال التاريخ الميلادي ، وأن الأولى أننا نستخدم التاريخ الهجري والتقويم بالشهور القمرية ، لأن الله عزوجل جعلها في القرآن ميقاتاً للناس، وطبعاً لا ينبغي الاقتصار على استعمال التاريخ الميلادي.. و الشيخ ابن عثيمين رحمه الله تعالى قال: إذا ابتلينا وصار لابد أن نذكر التاريخ الميلادي، فليكن أولاً بالعربي الهجري الشرعي، ثم نقول: الموافق كذا.. = يعني لو لازم أوي أستعمل التاريخ الميلادي في العمل أو الدراسة ، يبقي الأفضل والأولي أن نبتدي بكتابة التاريخ الهجري . بدأنا عام هجري جديد ،، عام ١٤٤٨ ه‍ العام الهجري إللي لازم نستخدمه ونرتب أمور حياتنا ، وأهداف السنة كلها فيه ، اتباعاً لهدي النبي ﷺ خلينا نغير عاداتنا وزي ما كنا بنرتب حياتنا كلها علي السنة الميلادية ، خلينا نرتبها السنة دي وكل سنة علي السنة الهجرية .. وكل عام وأنتم إلي الله أقرب ،، و سنة جديدة سعيدة علينا جميعاً ، ربنا يكتبلنا فيها الخير والفرح والسعادة والرضا والستر 🤲❤️ #سنة١٤٤٨هجرياً #هبةُ_الله https://t.me/heba_allah_mohammed

لكل بنت جميلة بتحاول تقرب من ربنا سبحانه وتعالى أنا جاية اقولك ‏متزعليش ❤️ - متزعليش لما تكونى في الشارع أو الجامعة والمعظم لابسين ضيق، وأنتِ مُلتزمة بالزي الشرعي اللي ربنا فرضه علينا - متزعليش لما تشوفي اي مناسبة والكُل حاطط ميك أب وأنتِ وشك طبيعي جدًا وعليه براءة زي الأطفال - متزعليش لما يكون المُعظم متابع مسلسلات وأنتِ متابعة برامج دينية ❤️ - متزعليش لما المُعظم بيسلم على رجال وأنتِ معروفة أنك مش بتسلمي غير على محارمك - متزعليش لما حد يقول لك اللبس مكبرك دي حقيقة أصلًا لأن مكانتك عظيمة مش بس كبيرة عند ربنا متزعليش يا غالية ، انتي بتعملي عبادات عظيمة جداً وكبيرة عند ربنا سبحانه وتعالى كملي في طريقك واثبتي وجاهدي نفسك لأن الجنة تستاهل نجاهد عشانها والله "❤️ #هبةُ_الله https://t.me/heba_allah_mohammed

أنا جاية أفكرك.. ـ انك هتاخدي ذنب المدرس اللي حط الامتحان صعب وأنتِ شتمتيه. - هتاخدي ذنب السواق اللي مكانش واخد باله منك وشتمتيه. ـ هتاخدي ذنب البنت اللي ماشية في الشارع مش عاجبك لبسها ولا شكلها وخوضتِ في عِرضها. ـ هتاخدي ذنب البنت اللي كانت ماشية في الشارع مع أخيها أو أبيها أو زوجها وقولتِ عليها شمال وكذلك الشاب. ـ هتاخدي ذنب البنت اللي فضلتِ تنمي مع صحبتك عليها. ـ هتاخدي ذنب كل شخص اغتبتيه في غيابه. ـ هتاخدي ذنب كل شخص سبتيه وشتمتيه. وقيسي علىٰ كده كثير. وفوق كُل هذا ستتقابلون يوم القيامة علىٰ القنطرة، ولا يظلم ربك أحدًا. "مَّا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ".. قال رسول اللّٰه صلىٰ اللّٰه عليه وسلم: "وَهل يَكبُّ النَّاسَ في النَّارِعلَى وجوهِهِم، أوعلَى مناخرِهم، إلَّا حصائدُ ألسنتِهم".. قال رسول اللّٰه صلىٰ اللّٰه عليه وسلم: "إنَّ الرجلَ لَيتكلَّمُ بالكلمةِ لا يرى بها بأسًا يهوي بها سبعين خريفًا". ياليتنا نحفظ ألستنا، إن صلينّا فرضنا وصمنا الشهر الفضيل، وحفظنا ألسنتنا وجوارحنا عن الحرام، نضمن الجنة بإذن اللّٰه.❤️ https://t.me/heba_allah_mohammed

ويبقى لـ سماع آذان الفجر متعة خاصة تُعيد للنفوس صفاءها اللهم لا تحرمنا صلاة الفجر❤🤲 https://t.me/heba_allah_mohammed

رسالة للأخت المنتقبة والمختمرة اللي لسه لا اتخطبوا ولا تزوجوا. - فيه كثير من الأهل بيرفضوا رفضًا باتًا إن البنت تختمر أو تنتقب قبل خطوة الخطوبة بغاية إن البنت لازم تتشاف ، وإن النقاب هيغطيها والخمار هيكبرها وبالتالي فُرص اختيارها هتقل!. وبيبدأوا يقارنوها ببنات جيلها اللي لابسين (عادي) واتخطبوا ودنيتهم زي الفل. ومحاولة ربط الخمار والنقاب بالموضوع ده بتزيد كل ما البنت بتكبر في السن. - فأنا بس حابة أقولك إن اللي هيجيلك علشان لبسك الحلو بلاش منه،، واللي هيجيلك علشان حلاوتك بس بلاش منه. لأن المعيار الأول في الإختيار هو الدين. - اللي يجيلك لازم يجيلك علشان نفسك ودينك وتربيتك، لازم يعرف أنتِ مين معنى قبل الشكل. لو قلعتِ نقابك وخمارك علشان السبب ده، فسببك ده واهي جدًا ومالوش أي قناعة. لأن أنتِ ممكن تقلعيهم عادي جدًا ومتتخطبيش برضو. - ونصيحة للأهالي : البنت اللي بتلبس النقاب والخمار، فَده لأنها مقتنعة به من ناحية الستر، فبلاش تمنعوها عنه، وإن الإنسان الصالح التقي هيعرف طريقه ليها بدون هادٍ أو مرشد. البنت لو اتخذته سبب لرضا ربنا، فَربنا هيراضيها ويقر عينها بواحد يتقي الله فيها ويحببها فيه أكتر وأكتر سواء جه دلوقتي أو بعدين، أو لو حتى مجاش خالص! لأنها مش لابساه برضو علشان (عريس)، هي لابساه إرضاءً لله سبحانه. بلاقي بنات كتير للأسف بتضعف وبتقلعه وبتتحول ١٨٠ درجة ودي تعتبر انتكاسة، وفي الآخر بيتبص لها إنها كانت لابساه عياقة ومنظرة وبرضو مبيجيلهاش حد لكثرة الظنون حولها، وبتندم ندم عمرها إنها تخلت عنه بعدين. ونصيحة يا أختي وحبيبتي الناس دي آخر حاجة تفكري فيها، خلي رضا ربنا نصب عينيكِ،، وافتكري كويس ان الدنيا والاخرة لله فقط. https://t.me/heba_allah_mohammed

نصيحة من قلبي ؛ كل ما البنت بتحط لنفسها حدود فكل حاجة.. كل ما قيمتها بتزيد عند ربنا وفي عيون الناس. ومااسمهوش تعقيد ولا خنقة ولا مش مُتفتِّحة🚶‍♀️. اسمه حياء ومروءة وأدب ودين وأصول واحترام 👌. مهما الدنيا اتغيرت من حواليكي والكل اتخلّوا عن مبادئهـم وباع نفسه خليكي أنتِ على وضعك واثبتي يا غالية وأوعى تتهزى. أنتِ غالية فخليكي طول عمرك غالية❤️👑" https://t.me/heba_allah_mohammed

= يا أخ ✋🏻 يا أخت 🤌 أيوه ثواني معلش 🙂 أولادك اللي سايبهم قُدَّام الأفلام والمسلسلات ، بيتعمل لهم غزو في عقولهم أيوه بجد مش هزار تخيَّل يصوروا هارون الرشيد إنه بتاع نساء وهو في الحقيقة كان مشهور بالورع وتقوى الله؟!! تخيَّل يصوروا شيخ الإسلام ابن تيمية إنه تكفيري وتفجيري والراجل بيقول: ليس الاعتقاد لي ولا لمن هو أكبر مِنِّي إنما الاعتقادُ لله ورسوله؟ تخيل يصوروا محمد عبده والأفغاني إنهم أبطال ، و هم من دعاة العلمانية في الحقيقة وقالوا كمان بحرية الكفر؟!! تخيل يصوروا الجاحظ الشاعر إنه أستاذ ورائع وجامد في نفسه و هو كان من المرجئة يناصب العداء للإمام أحمد رحمه الله حتى إن ابن قتيبة رحمه الله قال فيه: اتُهِمَ بالزندقة وكان لا يصلي ولا يصوم ؟!! تخيَّل يصوروا ابن عربي كبير ملاحدة الصوفية صاحب الفصوص اللي ردّ عليه عدد كبير جدًا من العلماء في منظوم ومنثور يصوروه إنه شيخ صالح وجاء بالإسلام الوسطي الجميل ؟!! دا غير الأفلام والمسلسلات اللي بتهدم عقيدة ابنك كمسلم تضييع الولاء والبراء، وتهميش السُّنَّة، وازدراء الهدي المحمدي، ومصايب كتير دا غير العُري بقىٰ وقلة الأدب أكيد حضرتك عايش معانا برضو - أيوة بس دي عيال صغيرة والدين يُسر = طب عارفين إن مَن شبَّ على شيءٍ شاب عليه ؟ طب تعرفوا إن الرسول ﷺ بيقولك: ألا كلكم راعٍ وكلكم مسئول عن رعيته ؟ وبعدين اليُسر في حُسن التربية، واجتناب الحرام العب ألعاب مباحة مع ابنك عادي جدًا هزَّر معاه مفيش أي مشكلة بس حافظ عليه من الغزو اللي جوا بيتك وحضرتك مش موجود حافظ على زوجتك اللي ممكن تتسخط على عيشتك لما تشوف الممثل فلان بيجيب كل حاجة في نِفس زوجته الممثلة فلانة لأ و رومانسي وأنت على قدَّك الخراب وارد جدًا يحصل بالحاجات دي علشان كدا بنصحكم لله ((كُن رجلًا وكوني إمرأة وافعلوا ما يُرضي الله، ولو سخط منكم جميع البشر)) .. https://t.me/heba_allah_mohammed

آمين لكل الدعوات التي لا يعلمها غيرك يا الله . آمين لكل الأحلام التي نبكي عليها ولا يعلمها غيرك يا الله . آمين لكل المخاوف التي نبكي منها وانت اعلم بيها يا الله . آمين لكل دعوة ف قلوبنا نفسنا تتحقق . اللهم انت المجيب ، اللهم استجيب ❤🤲 https://t.me/heba_allah_mohammed

صباح الخير ❤️ ‏ادعُوا لبعَضكُم بالأسماء،، توسَّلوا إلى الله لشِفاء فُلان، ورِزق فُلانة، وسعادة فُلان! فلرُّبما يطَّلع الله عليكَ ويلاقيك مشغُولٌ ومتلهّفٌ بأمرِ أخِيك لتَفريج كُربته فيُعطيكَ ويُعطيه. - كُنا إذ أردنا أن يستجاب لنا دعونا لإخواننا. ف ‏يَاربّ اجعلنا من مُجيبي الدُّعاء يَوم عَرفة" يا ربّ لا تَرد لنا دُعاء ولا تُخيب لَنا رَجاء يا ربّ يا واسع، أنعم علينا بإجابة دُعائنا ❤️🤲 https://t.me/heba_allah_mohammed

لو مش عارف تستغل يوم عرفة إزاي تعالي أقولك 👇.؟! - أولا كده بسم الله ؛ لو مفيش عندك أي مشاغل خالص اليوم ده ، ف أغلقوا هواتفكم من الليل، هي فقط ساعات معدودة ، ف انوي أنها كلها تكون لله . - نم ليلتك مبكرًا واضبط المنبة على الساعة ٢ أو ٢:٣٠ بالكثير واوعوا تنسوا اذكار النوم وسورة الملك ، ونية التقوى على العبادة . ده اللي هو يوم الإثنين بليل يعني 👆 -استيقظ واحمد الله ورددوا ذكر الاستيقاظ. - صلي قيام الليل وادعو الله بالتوفيق في هذا اليوم . - تسحروا بنية الصيام . - اجلس قبل الفجر بربع ساعة للإستغفار كي تنال أجر المستغفرين بالأسحار . - صلي الفجر وسنته ، واشرع في اذكار بعد الصلاة ، ومن ثم التكبير . - اذكار الصباح . -اجلس في مصلاك إلى بعد الشروق بـ ١٥د ( مع ذكر الله ، والتكبير والتهليل والتسبيح ، وخير ما قال النبي ﷺ والنبيون من قبله يوم عرفة لَا إِلَهَ إِلَّا اللَّهُ وَحْدَهُ لَا شَرِيكَ لَهُ، لَهُ المُلْكُ وَلَهُ الحَمْدُ وَهُوَ عَلَى كُلِّ شَيْءٍ قَدِيرٌ) - بعد شروق الشمس بربع ساعة صلي ركعتين الضحي كي تنال أجر عمره تامة . - قدامك دلوقتي ثلاث خيارات يا تنام ساعة وتحتسب التقوى على العبادة ، أو المواصلة في العبادة أو لو كان وراكم مشاغل لقضائها . - الساعة ١١ إللي مصلاش الضحى يصليه أو يزيد من الصلاة بحد ادني ٤ ركعات مثلاً ، لأن الوقت ده من الأوقات المحببة للصلاة حين يشتد الحر عند مضي ربع النهار.. - تلاوة قدر من القرآن. - صلي صلاة الظهر وسنته ، والذكر بعد الصلاة واشرعوا في التكبير . - احرصوا أن تكون لكم صدقة في هذا اليوم . - استمع لخطبة عرفة بكل الجوارح ، وشاهدوا مناظر الحجاج وحدثوا أنفسكم بالحج ، فهذا ركن من أركان الإسلام الخمسة سلوا الله أن يتمه عليكم قبل موتكم . - صلي العصر واذكار بعد الصلاة + أذكار المساء وابدأ في التكبير . - اختلوا بأنفسكم من بعد صلاة العصر إلى المغرب ، في ركن هادئ بالبيت وإضاءة خافتة وسجادة صلاة وبثوا ما في قلوبكم واعلموا أن الله يتنزل في هذا اليوم ويعتق من عبادة الكثير فادعوا أن تكونوا منهم . - ادعوا الله القبول واشكروه أن وفقكم وأذن لكم بهذا . - ابدأوا في الإفطار . - تفرغوا لروتينات وتجهيزات العيد وليلته المؤنسة 🎊. •اليوم متعب وممكن من لم يتعود على هذا فهو مرهق ولكن النتيجة والأجر يستحق والله وهو يوم واحد في السنة كلها ! وكل عام وانتم بخير لا تنسوني من صالح دعواتكم الطيبة ، ولا تنسوا أمي بالدعاء لها بالمغفرة ولموتي المسلمين أجمعين يارب العالمين 🤲 https://t.me/heba_allah_mohammed