Sonwalaloo Hamzaa Amaddiin

NUUR BUS ~ Imala gaarii deemuu Abjuu yeroo dheeraa Ajaja amantii eegee Kan guuttate seeraa Waan gaarii qabatee Nuur busiin dhufeera ~ Gaaffii hundagaleessa Hawwii nama kumaa Sababa geejjibaatiif Namni maaliif dhumaa? Naamusaan konkolaatee Nagaan maaf hin galuu? Hawaasa keenya kanaa Geejjibni maan-maluu? ~ Yoomuma boqonnaan Bakka hawwii geenyaa? Akka jaarmiyaa amantiin Ija-nabiin yoom teenyaa? Salaata salaatuudhaaf Hanga yoom cinqamnaa? Rabbiinoo wol dhabnee Jiruu maalii qabnaa? ~ Jennee abjuu keenyaan Rabbitti wot-waannaa Kootaan keenya ga'ee Yoomuma howwaannaa? Utuu jennuu dhufee Kootaan sun nu ga'ee Imala milkaa'inaa Nuur baasiin as ba'ee ~ Deebii gaaffii keessanii Eeyyeen kan deebisuu Akka fedhii hundaatti Milkiin kan deemsisuu Xiyyaara balali'udha Dacheerra qoochoonii Uffee jedhaa imaluun Hafeera cookkoonii ~ Lafa hawwii qubattee Qilleensa fudhachaa Uumama gaarreenii Bosonas daawwachaa Sagalee simbirroolee Wocanu dhaga'aa Nuur bus erga dhufee Cinqamuun nu ga'aa ~ Nuur bus filannoo hunda keenyaati maatii haa taanu Galatoomaa https://docs.google.com/forms/d/1tdcabWKjC2zdZaWd_Ar28AsBIfzMIZGStVFYYyUgKlo/edit

Warri Makkaa carraa warqee kanatti fayyadama. #Beeksisa Lammilee Makkaa fi Naannawa isheetti argamtan hundaaf. =================================== Qoonsilaa Jiddaa lammiilee keenya naannoo Makkaa jiraataniif tajaajila haaromsa paaspoortii fi Liisipaase /Lisse-Passe kennuuf Makkatti October 17 fi 18 ni argaman waan ta'eef, sanadoota barbaachisoo ta'e qabattanii argamuun lammilee beeksifna isiin ilaalatu tajaajilumuu dandeessa. Guyyaa Tajaajila: Jimaata October 17 fi Dilbata 18, 2025). Bakka Tajaajila: Community Makka Hay Al-Shuqiyah Tajaajila guyyoota kana keessatti kennamu fi Sanadoota guutachuu qabaman. 1. Haaromsa paaspoortii - Paaspoortii yeroon isaa darbef Paaspoortii yeroon isaa darbee fi footokoppii 2 Suuraa gurddii 3 (4x5) kan duubbee adii fi gurra lamaan mul'atu. Kaffaltii: Riyaala Sa'udii 750 - Paaspoortii badeef Suuraa 4 (4x5) kan duubbee adii fi gurra lamaan mul'atu. kooppii yoo qabaattan kooppii ykn lakkoofsa paaspoortii. Kaffaltiin Riyaala Sa'udii 1,688 -  paaspoortii Sirreessuuf Kaffaltiin Riyaala Sa'udii 1,313 2.Liisipaase ( Lisse passe) Ga’eessotaaf . Paaspoortii yeroon isaa darbe ykn waraqaa eenyummaa Itoophiyummaa ibsuu (koppii) .Kaffaltiin Riyaala Sa'udii 450 Sr Ijoolleef Suuraa gurddii 3 kan daa'imaa (4x5) Paaspoortii warraa ykn hayyama jireenyaa ykn waraqaa eenyummaa seera qabeessa (Itophiyaa) . Ijoolleen qaamaan argamuu qabu. Kaffaltiin 450 Source: SAOC Namootni Copy Paasportii barbaaddan nu qunnama. Lakkoofsa WhatsApp fi Telgram 0936840928

Jireenyi maal akka ta'e hubachuuf bakka 3 daawwachuu qabda: • Hospitaala • Mana hidhaa • Bakka awwaalchaa Hospitaalatti wanti fayyaa caalaa bareedu akka hin jirre ni hubatta. Mana hidhaa keessatti bilisummaan waan hunda caalaa gatii guddaa qabu ta'uu ni argita. Bakka awwaalchaa sanatti jireenyi gatii akka hin qabne, lafti har'a irra deemnu, boru foddaa keenya akka ta'u ni hubatta."

💥Abjuu Keetti Amani! Namuu abjuu qaba. 📍Tarii daldala jalqabuu barbaadda     ta'a. Tarii addunyaa kana irra naanna'uu barbaadda ta'a. Tarii waan haaraa barachuu barbaadda ta'a. Garuu yeroo tokko tokko namoonni "Abjuu galmaan gahuun Baay'ee ulfaataadha" jedhu. 🪬Sagaleewwan sana hin       dhaggeeffatinaa. 📍Abjuun kee barbaachisaadha. 📍Isaanis ni danda’amu. Karaan isaan bira gahu ofitti amanuu fi tarkaanfii fudhachuu qofa. 🔺Namoonni milkaa'an Maallaqa,      gargaarsa, ogummaa addaa hin      qaban turan. Garuu waan tokko qaban: abjuu isaaniitti amantaa cimaa. ▫️Cimanii hojjetan, dogoggora irraa      barataniiru, gonkumaa abdii hin       kutanne. Abjuun kee halkan tokkotti hin ta'u.         🔹Yeroo fudhata.        🔹Carraaqqii ni gaafata. 🔘Garuu guyyaa guyyaan tarkaanfii      tokko yoo fudhatte, itti dhihaatta. 🔅Yeroo mudaa hin qabne hin      eeginaa. ♦️Yeroon itti jalqabnu inni gaariin       amma. ♦️Gochoonni xixiqqoo illee jijjiirama       fidu.

Mee hordoftoonni koo hunduu yeroo tokko tiktokii follow naaf godhaa.karaa sanaan wolaloo ani asirratti maxxansu suur sagaleen dhaggeeffadhaa. Follow naaf godhaa na deeggaraa isin malee maalin qaba lammiiwwan koo? tiktok.com/@hamzaamaddin

Mee maaliin of jabeessu Garaa koo siif raafamu? Mataa siif na dhukkubee Kaayyoon koo siif cufamu. ~ Maalree suma turee Onneen koo kan fedhu Abdiikoo fuula duraaf Wobii koo siin jedhu ~ Anoo sirraan fagaadhuu Daandii sagal cufanullee Jalala kee hin lagadhuu Numan dhufa gufadhullee ~ Imaanaan kee kaleessaa Harkaan qaba jabeessee Si na jibbisiisuudhaaf....! Hormi meeqa odeessee? ~ ✍️ Hamzaa Amaddiin

ABBAA OFII! ~~~~ Tolli abbaan namaaf tolu Ga'uu baatus kan haadhaa Firee inni nu facaasetu! Nama taanee geenye har'a. ~ "Namuu harmeekoo jedha" Kan abbaa maaf dagatee? Abbaan ofii gaaddisadhaa! Galata isaa maaf lagatee? ~ Dhiiga keetu nama ta'ee, Dandeettii rabbiif moojii Harmeen adda si baasee Sin dagadhuu ani beekii...! ~ Namoota danuun dhaga'a Kan jaalala haadhaa lallabu Harmee koo naaf jiraadhuun Kan maqaa ishee ol qabu.. ~ Kan abbaa dhabe faaruu Itti yaadeen of gaafadhe Ta'uu hin oolu kun cubbuu Jedheetuman of qaanfadhe ~ Abbaaf haatis wol-qixa Ga'ee jaraatu adda malee Ciniinfatee da'uu baatus, Abbuma keetu si dhalee.! ~ Lookoo ciniinfuu qabatee Miixatee hiyyuu baatullee, Hirkisee harmee ciniinfattu Boo'ee,gaddee qabatee illee. ~ Egaa........….........................! Haadha ga'uu baatullee,. Siif gumaache abbummaa Maqaa isaan waamamuun Si oolcheera gabrummaa..! ~ Abbaa gaarii qabaannaan Hiree ganamaa milkaa'uu Akka isa abbaan qabnee Bishaan yoom akaa'uu? ~ Rakkoo yoo hudha si ga'u "Ilma koo jedheetu furaa" Si ceesifachuudhaaf.....! Daandii imala siif uraa. ~ Jiraachuun isaa waa caalaa Hammeenya isaa hin odeessin Jibbaa isaatiin guutamtee....... Maqaa isaa hin balleessini..! ~ By Hamzaa Amaddiin Abbaa koo rabbiin jannata isaatiin sihaa qanansiisu.share naaf godhaa rabbiin naaf kadhaafii.isin keessa nama rabbiin jaallatu meeqatu jiraam

Harmee kooyyee? Harmee harma lakkuu Guddistuu deesseekoo Dhiiga keetu ana ta'ee Guutummaa qaamakoo Sin jaalladha harmee Anaan yaa haadha koo ~ Ji'a "kudhan" guutuu Garaatti na baattee.! Dhukkubni meeqaatam Sirratti wol geessee Rakkoo meeqa biraan Miixattee na deessee ~ Guddisa koof cinqamtee Fakkaattee maraatuu Qaama kee naaf fixxee Labdee akka raatuu Miidhama kootiif boossa nyaattee garaan qabduu ~ Dararaan rakkinaa Sirratti wol geessee Rakkoon guddisa koo Annisaa si buusee Daartee daaraa baatee Rakkoon sitti yuusee ~ Laaffiftee naaf laattaa Ofiif Gogaa nyaachaa Dheedhii bilcheessitaa Dugdatti na baachaa Yaa harmee galata kee Akkam godheen galchaa? ~ Buluun natti ulfaatee Mukan qabus dhabee Gidiraa guddoo labee Situ na woliin cabee Silaa amman jiruum Turteen lubbuu dhabee ~ Hin boo'in harmee koo Maal rakkattee boossaa Imimmaan kee bu'ee Anatu sirraa qoorsaa Na giddisuuf dhamaatee Sichi boqonnaan teessaa ~ Maaliin godhaa mitii Barreessees hin fixuu Kumaatamni dhufus Harmee namaan qixuu Naaf jiraadhu ummiikoo Jaalalli kee hin cituu ~ Harmeekoo sin jaalladha Kan harmee kee jaallattu share share share share godhi

Abaaboon daraareeraa Baala harcaafachuufii Garaan koo si yaadeeraa Amma obsa fixachuufii ~ Nan yaaddu naan jettaa Sin yaada maafin dhiisa? Bitaaf mirgan garagalaa Yaada keef yoomin ciisa ~ Wol yaadanii wol yaadanii Xumurasaa maaltu dhufaa? Jaalalli keenya diigamee Godoon jibbaa itti fufaa? ~ Jibbaan ofiisaa maseenaa Dhalee firee hin lalisuu Yoo obsine booda jaalalaan Mana ofitti howwisuu ~

Barruu fuula kootii dhiiga ijoollummaa dadhabbi keessa kootii miira gad-aantummaa ~ Utuu rakkoon jiruu Daandii narkaa gatuu utuu yaanni wol koree Kanin godhu dhabuu ~ Yoo aaru keessikoo gubatee yaaddooni Sossobeetu obsaa kadhadhee giddiini ~ Siif bari'a jechaan jajjabeessa miira imalaafan qajeelee Yoomin yaada hira? ~ Hin goolabu yaada koo!

Hordofaa Hamzaa Amaddiin Jaalalli qixxeedha! ~~~~~ Bakka ati na madeessite Ichimadhee qaama tiyya Jaalalan fedhu naafin-laanne Sirraa adda ba'uu kiyya ~ Jaalalli qixxeedha turee Kan woliin qooddatanu Malee na jaallatte jettee Miti kan woliin ooddatanu ~ Siif laadhee qaama kiyya Jaalalaan na boojiinaan Si amanee boruu kiyyaaf Ati sin jaalladha jennaan ~ Dafee hin murteessine Obsee kadhee garaakoo Ati naaf hin bannekaa Akkan siif bane onneekoo ~ Kan siif ta'u argatteetta Anaafis waaqni naaf qabaa Kan si fakkaatu dhabullee Kan na fakkaatu nan dhabaa? ~ egaa...................................! Egaa imala koo eegaleera.... Onnee kiyyas sossobadhee Mada keessaa koo jiruu Waaqa jaalalatti himadhee ~ Fuula feesbooka koo hordofaa 👇👇👇👇👇👇👇👇👇👇👇👇 https://www.facebook.com/profile.php?id=100074321895399

Follow Hamzaa Amaddiin JAALALA DHUGAA ~~~~~ Irraan gadeen mudhiikee Muraa akka jabanaa! Dheerinni rifeensa kee Naaf ta'eeraa qabbanaa ~ Koo ta'uu kee ergan baree Rakkoon jiruu nan dhiphisu Si argachuu koottin boonaa Dhabiinsi koo nan yaachisu ~ Ija keessa yoon si laaluu biyya hundan kessatti argaa Si biraa deemuu hin fedhuu Guyyaan oolee natti darbaa ~ Naaf taateetta utubaa koo Bitaaf mirga koo gortee Na baafteetta dheebuukoo Bishaan taliila naaf taatee ~ Gagaa jaalalaa cuunfitee Nadhii isa keessaa filtaa Sagalee kiiloleen waamtee Kan ofii qabdu naaf hirtaa ~ Furtuu onnee kiyyaa banuu Arka kee gubbaa kaawwattee Ergan gaafa si baruutii.......! Keessaaf ala koo hawwattee ~ Fuula feesbooka koo Hamzaa Amaddiin hordofaa