أثرطيب🌼

نفسي القرآن يكون كل حياتي! 🤍 نفسي لما أفرح… أرجع للقرآن. ولما أتعب… أرجع له. ولما أحتار… أفتّش عن هدايته. ولما أخاف… أفتكر كلام ربنا. ولما أقع… ألاقي فيه اللي يرجّعني تاني. نفسي القرآن مايبقاش مجرد صفحات بقرأها كل يوم وخلاص، ولا ورد بخلصه عشان أقول إني قرأت. نفسي أعيش معاه… أفهمه، وأتدبره، وأخلي كلام ربنا يأثر في قراراتي، وفي أخلاقي، وفي طريقتي مع الناس، وفي نظرتي للحياة. ربنا قال: ﴿إِنَّ هَٰذَا الْقُرْآنَ يَهْدِي لِلَّتِي هِيَ أَقْوَمُ﴾ [الإسراء: 9] القرآن مش بس للوقت اللي بنكون فيه محتاجين نهدى… القرآن عشان يهدينا في حياتنا كلها. ومش لازم تبدأ بساعات طويلة. ابدأ بآية… افهمها، وفكر فيها، وحاول تعيش بيها. يمكن مع الوقت تكتشف إنك ما بقيتش بتقرأ القرآن بس… بقيت محتاجه. 🤍 ولو نفسك تقرّب من ربنا، بس مش عارف تبدأ منين… افتح لي قلبك. 💌