Eshboʻriyev Sherali
Bu kanalda havaskor shoir Eshboʻriyev Sherali ijodidan namunalar berib boriladi, hurmat bilan muallif!
Show moreThe country is not specifiedThe language is not specifiedThe category is not specified
189
Subscribers
No data24 hours
No data7 days
No data30 days
- Subscribers
- Post coverage
- ER - engagement ratio
Data loading in progress...
Subscriber growth rate
Data loading in progress...
Har bir yaratiqdan Yaratganni ko'ra oladiganlar uchun ...
Xayrli tun...!
Sening qargʻingda, millionta dard bor.
Voh, bundan behabar mingta nomart bor.
Qay tilda soʻzlama, anglayman oshkor.
Yoʻqchilik shevasi, musofir ayol.
Osmoningdan, erta uchdi yulduzing
Bolang isin, qumsar kecha, kunduzing.
Nechun, buncha mayus boqadi koʻzing.
Sen kimning bevasi,musofir ayol.
Bilmaysanda, dunyoning hur gulisan.
Jannat tomon borguvchi bir yoʻlisan.
Ishon gulim, Allohning chin qulisan.
Muhabbat mevasi, musofir ayol.
Karvoningga, toshlar otar tinmayin.
Sen yashayver, unga nazar qilmayin.
Xaqqing yesa, itlar xazar qilmayin.
Sen sabr kosasi, musofir ayol.
Kim boʻlibman, kuylamoqqa madhingni.
Hali kimlar koʻrolmaydi baxtingni.
Bu gʻurbatda, yoʻqotmagin shaxtingni.
Sen baxtning egasi, musofir ayol.
Eshboʻriyev Sherali
@Sherali_mm
Buncha maʼsum buncha begunoh
Buncha sirli tilsim bu tunlar
Yuragimdan qazib chuqur choh
Nigohingni koʻmar qaygʻular.
Har galgidek menda shu ahvol
Topolmayman dardlar adogʻin
Senda ham shu begʻubor zavol
Achishtirar qoʻling qadogʻin.
Buncha maʼsum buncha begunoh
Qorongʻu dil izlagan gʻashlik
Yodtiqdoshim ayni chogʻda moh
Sogʻinganim huuv oʻsha yoshlik
Bilmadim bu betizgin sheʼrda
Nima yozdim sen uchun firoq
Balki sogʻinmaganim dilda
Buncha ogʻir seni oʻylamoq.
Eshboʻriyev Sherali
@sherali_mm
Мен ўша, сўнгги йўқ ўйларинг сени,
Чексиз хаёлларинг етаклаб чопган.
Мен ўша, изтироб топган-тутгани,
Сени фироқларга текинга сотган.
Мен ўша, юзларинг ювган уқубат,
Бетўзим қарғишинг, дуойинг чексиз.
Мен ўша, сен учун якка муҳаббат,
Сени ўз-ўзидан айлаган эрксиз.
Мен ўша, ҳеч кимга бермас мактубинг,
Ойдинда сабога шивирланган сўз.
Мен ўша, билмай ҳам, кўрмай ҳам юзинг,
Сени ташлаб кетган телбаранг беюз.
Мен ўша, кўзингда қотиб қолган мунг,
Сени қамал қилган бошсиз оломон.
Мен ўша, чин ишққа бўлмаган Мажнун,
Мен ўша, ҳеч кимса ишонмас ёлғон.
Шерали Эшбўриев
@sherali_mm
Photo unavailableShow in Telegram
Allohumma solli a'la sayyidina Muhammad!
Juma muborak va xayrli bo'lsin barchamizga!
Assalomu alaykum!
Moskov koʻchalari sovuq, onajon
Shamollar izillar haroratni yeb
Otam duosidan yuribman omon
Kiyindim, sogʻinchim sovqotmasin deb
Menga dard yetmaydi, menga jin urmas
Siz meni oʻylamang omonman shaksiz
Bunday tashvishlarni koʻzlarim koʻrmas
Bunday sinovlarga choʻkolmayman tiz.
Men izn bermayman armonlarimga
Osmon etagidan tutaman mahkam
Olamlar egasi zoti karimga
Meni topshirganku ikkita odam
Garchi qishlar qattiq izgʻirin qattiq
Mushtday yuragimda ming yillik olov
Xohlasam olamga qilaman tortiq
Qirilib ketgaydir muzlaru qirov
Ha ona, xalqimdan iliqlik meros
Qalbimga qahraton kirolmas essiz
Sogʻinchni asray deb kiyindim xolos
Oʻzim bu ayozga choʻkolmayman tiz.
Eshboʻriyev Sherali
@sherali_mm
Goʻdaklarni tiriklay
Yetim qilib toʻymagan
Ota gʻaribxonada,
Oʻzi toʻyda oʻynagan
Faxsh uyida dalliyu
Ayolini suymagan
Xiyonat ildiziga
Poya boʻlgan erkaklar.
Shaytonning izlarida
Soya boʻlgan erkaklar.
Shu tuproqda ulgʻayib,
Vatan sotib kettingiz.
Bilmadingiz aslida
Kafan sotib kettingiz.
Shoqollarning koʻziga
Qondek botib kettingiz.
Ota yurtiga qarshi
Gʻoya boʻlgan erkaklar
Yot yoqlarda kun koʻrmay
Zoya boʻlgan erkaklar.
Ikki dunyo xor boʻlgay
Xilqatidan ketgan jon
Quloq teshib lozim kiyib
Fitratin unutgan jon
Axir erkak zotiga
Yarashmaydi hech qachon
Nahs bosgan yumushlarga
Doya boʻlgan erkaklar.
Nomi ulugʻ karvonda
Moya boʻlgan erkaklar.
Ming shukur yuraklarda
Hamiyat bor vijdon bor
Kafti duoga toʻlgan
Sajdalar bor iymon bor
Koʻksi togʻ rijollaring
Asragin parvardigor
Yor boʻling oʻzbegimga
Qoya boʻlgan erkaklar
Bor boʻling oʻzligiga
Qoya boʻlgan erkaklar.
Eshboʻriyev Sherali
@sherali_mm
Paxta terim. ( Hazil sheʼr)
Men bir qizni sevardim
Bu sevgi sirim edi.
Sir saqlash ham aslida
Azaliy irim edi
Bu sir bilan sevgimiz
Juda ham shirin edi.
Men sevib qolganimda,
Birinchi terim edi.
Uyigacha borardim
Keyin kelardim qaytib
Xatlar yozib gap otib
Izidan yurdim daydib
U ham bitta xat yozdi
Oshiqligini aytib
U sevib qolganida,
Ikkinchi terim edi.
Kunduzlari u bilar
Gulzorlarda yurardik
Kechalari bildirmay
Tutzorlarda yurardik
Maysalarga bosh qoʻyib
Shirin suhbat qurardik.
Sevgimiz gullaganda
Uchinchi terim edi.
Fermer ham rejasini
Mana bajarib boʻldi
Bir katta bayram qilib
Ichdi, maqtandi, kuldi
Oʻsha fermer oʻgʻlidan
Unga sovchilar keldi.
Men undan ayrilganda
Toʻrtinchi terim edi.
Gulzorlarda kutganim
Qiziqtirmas hech kimni.
Tutzorlarda oʻpganim
Qiziqtirmas hech kimni
Endi ayting doʻstlarim
Nima qilay sevgimni
Uning toʻyi boʻlganda.
Gʻoʻzaga qirgʻin keldi.
Ketmonu oʻroq olib
Gʻoʻzani chopdim terdim
Oʻsha sevgan qizimni.
Uch oyda erga berdim..
Eshboʻriyev Sherali
@sherali_mm