Samurai 47🎓

محتاج تملو البيانات دي ضرور يعشان النقابه معاكوا للخميس ضروري ضروري ا.علاء https://forms.gle/rB6pEmhEypomAtFu6

عشان لو حد قالكم مفيش شهادات منفصلة ومفيش جامعة طلعت عارفين طبعا هتعملوا ايه 😁

الديك اللي في الصورة قرب يبيض وإحنا لسة مش عارفين نتخرج😁

*لا يخص التخرج* لاقيت دا يمكن يساعد شوية ف الاورجانيك https://www.facebook.com/share/p/14J2UmVa8fi/

تعديل المادة ١٦٨ هل وصلنا هل مازلنا في السكة عشان احنا مش مصدقين هذا ما سنعرفه انتظرونا

الاونر وجميع من ساهم في هذه القناة سواء ادمن أو لأ اتخرجوا الحمد لله♥️ كانت رحلة كلها مطبات وحوادث، بس حمد لله ع السلامة وصلنا. لسة عندنا رحلات ومشاوير تانية والقناة هتفضل مفتوحة لأي جديد.

والآن مع ريڤيو المصانع ملحوظة مهمة (دا ريڤيو ممكن تحصل اختلافات من شخص للتاني ممكن تحصل تغييرات من المصنع نفسه عادي) Panax الحضور يومين من ١١ ل ٣ بالنسبة للشرح كله نظري منزلوش الاقسام نزلوا البرودكشن يوم واحد بس بيتعمل كويزات بسيطة م الداتا مفيش باص ولا وجبات ولا كانتين وممنوع التصوير وفي تفرقة شوية بين الخاص والحكومي EGPI النزول ٣ ايام الباص بيوديكم المصنع من نقطة تجمع معينة وبيرجعكم لنفس النقطة الايام ال مفهاش نزول بيبقى في تاسك بيتسلم اونلاين وبيكون سهل عادي، الغياب على مسؤوليتكم والسلوك مهم جدا هتنزلوا الانتاج تتفرجوا الحضور من ١٠ ل ١.٥ وبيبقى في سناك خفيف Allmed مدير المصنع هو ال بيشرح gmp وشوية عن البيزنس وسياسة المصنع وشهادات الجودة (المصنع مستلزمات مش أدوية ف الموضوع مختلف شوية عن الباقي) لفوا على المصنع عادي والمواعيد من ١٠ ل ١ أو ١.٥ مفيش مواصلات النزول يومين ف الاسبوع ورا بعض وفي بريك فيها وجبة معلقوش أوي على الغياب هو ف ٦ اكتوبر ف مواصلاته ابعد من العبور شويتين بيبقى كذا مواصلة الا لو هتستخدموا مثلا ديدي أو اوبر كدا GNP في ٦ اكتوبر برده الباص بياخدهم من الحصري النزول يومين أو تلاتة حسب الاسبوع من ٩ ل ١.٥ وفي وجبة Orchidia النزول حسب الاسبوع مفيش ايام محددة لكن توتال الايام كأنها يومين في الاسبوع وفي اونلاين واوقات بيبقى في كويزات في بريك عادي ووجبة الحضور من ١٠ ل ٤ بالبريك والتحرك وكل حاجة الوقت الفعلي بيبقى من ١١ ل ١.٥ أو ٢ هتلفوا على كل جزء ف المصنع وفي باص بياخدكم ويرجعكم السلام متكلموش عن الغياب أوي الا لو حد تجاوز الليمت مثلا النصر نزول يومين الوصول للمصنع صعب فبتروحوا ف باص الموظفين من بنها من ٧ الا ١٠ أو الا تلت المرواح بيبقى من السلام لحد ٢ أو ٢.٥ مواعيد الحضور الفعلي المفروض من ٨ ل ٤ لكن بيمشوا بدري التعامل كويس ومش بيتكلموا عن الغياب اوي بيبقى في شرح نظري وبعدين بتتقسموا جروبات على المصنع، مفيش وجبة يونيفارم يوم اوفلاين و٣ اونلاين (الاونلاين مش ثابت) الباص بياخدهم من المؤسسة ٩ وبيستنى لحد تجمع الناس وبيرجعهم موقف السلام ٢او ٢.٥ بيجيلهم سناك خفيف لذيذ غالي😁 مصر مواصلتين من طنطا للسلام لبلبيس قدام المصنع بس تخلوا بالكم وانتم بتعدوا الطريق الرجوع بس هو ال بيكون بالباص لحد السلام النزول الجدول كان ٣ ايام بس بينزلوا فعلي يومين بتلفوا على المصنع وبتتقسموا جروبين الاونلاين كان مرة واحدة يقظة المواعيد من ١٠ او ١٠ ونص ل ١ونص التقييم حسب الدكاترة طلبوا حاجة ولا لأ مفيش وجبة الفرق بين كل مصنع ف الحضور مش كبير المعاملة توتال في المصانع كويسة يمكن في مصنع واحد ال يعتبر ف المعاملة مش قد كدا، الوجبات مش هتهمكم قد كدا عشان رمضان وعدد الساعات يعتبر واحدة بفرق بس لو بريك زيادة أو غيره ف النص واللف هيبقى ف المصنع كله ولا لا وبالنسبة لأيام الحضور ضبطوها مع المصانع واتكلموا معاهم عن السفر والمواصلات عادي المواصلات كلها مكتوبة يعتبر ودي المصانع ال قدرت أوصلها عشان أحاول ألخص لكم المعلومات

السلام عليكم ورحمه الله وبركاته ازيكم يولاد عاملين اي بعد نهاية رابع دورة 🌚 الدوره الجايه ان شاء الله هتبدأ من يوم الاتنين 24/3 بكرا يعني ان شاء الله كالتالي : - مجموعات 1,2 هيبقو مشروع تخرج دي دوره لذيذه جدا بتبقي اونلاين وف دكاتره ممكن تنزلكم يوم كل فتره بس الغالب اونلاين ، احسن دوره أنا استفدت منها لحد حالا خصوصا الناس اللي حابه تكمل في ال research هتتعلمو ازاي تكتبوا بيبر صح بكل العناصر بتاعتها ، هتقرأو بيبرز كتير ، هتتعلموا ازاي تصمموا فيجرز وحاجات كتير ، واخرها بيبقي فيه برزنتيشن ودوره لذيذه جدا ... دا ف حاله لو حد مهتم يعني واشتغل مضبوط لكن الأغلب بيجيب من جوجل وشات جي بي تي وعيوبها طبعا ال teamwork. -مجموعه 3,4,5,6 دول متوزعين ع المصانع والشركات وال PV .. -بالنسبة للمصانع اسهلهم واحسنهم واروقهم واروعهم وافضلهم واجملهم يوم بالكتير نزول ف الاسبوع الدوره كلها بتصفي ع ٥ ايام نزول ماعدا مصنع روتابيوجين دا فورمال اوڤر وبينزلو ٣ أيام أسبوعيا ومصنع egyphar بردو النزول كل يوم 👀 مفيش اي التزامات ولا استفاده يعني مارس حياتك عادي مش هتأثر عليك ولو عرفت تصاحب حد هناك يبقي جامد عشان احنا ع وشك التخرج وممكن تحتاجوا تشتغلوا هناك لو حد مهتم -بالنسبة للشركات ف هي كويسه بردو ورايقه وهتتعلم فيها شغل الميديكال ريب والعلاقات وفرصه حلوه تصاحبلك حد وتشوفلك واسطه بردو لو مهتم تشتغل ف المجال دا -بالنسبة بقي لل PV دي بتبقي ڤيديوهات زي الدراج تور كدا ع نفس الابلكيشن بتنزل بردو من ٩ ص ل ٩ م وممكن تنزل بدري كمان وف ميتنج اي كلام كدا للاسئله يوميا وعليه غياب .. فيه ٣ كويزات بس الباقي هيبقي اسيمنتات وهتتقسمو جروبات وتعملوها ودا عيب لأن العمل الجماعي مشكله وكل واحد هيتكل ع التاني وانا مشغوووول جدا اشتغلوا انتو وواحد بس اللي هيشيل الشغل . ف ناس اشتغلت ومرضيتش تكتب اسامي اللي مشتغلوش ف الاسيمنت 🌚😂😂 فخلو بالكم بردو واشتغلوا ومتحملوش الناس فوق طاقتها وتناموا انتو القناه دي جمعتلكم فيها كل الاجابات والاسيمنتات والداتا بتاعت ال PV من الجروبات اللي اخدتها وفيها كل التفاصيل https://t.me/+VflJVohCvg5mZTBk فلنعاني معا ي رفاق هانت خلاص

٤٨* ملخص راوند ٣ و ٤ تقريبا عشان موضوع المصانع أي حد يجيله مصنع كويس يجرب يروح ويتفاوض ع الحضور والغياب ( اسألوا الجامعات التانية مش إحنا بس والخاص) كل راوند بيبقى لها حظها حتى لو نفس الاماكن عادي وبالتوفيق

{وَلَا تَقُولُوا لِمَن يُقْتَلُ فِي سَبِيلِ اللَّهِ أَمْوَاتٌ ۚ بَلْ أَحْيَاءٌ وَلَٰكِن لَّا تَشْعُرُونَ (154) وَلَنَبْلُوَنَّكُم بِشَيْءٍ مِّنَ الْخَوْفِ وَالْجُوعِ وَنَقْصٍ مِّنَ الْأَمْوَالِ وَالْأَنفُسِ وَالثَّمَرَاتِ ۗ وَبَشِّرِ الصَّابِرِينَ (155) الَّذِينَ إِذَا أَصَابَتْهُم مُّصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ (156) أُولَٰئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ ۖ وَأُولَٰئِكَ هُمُ الْمُهْتَدُونَ (157) ۞} اللهم تقبلهم من الشهداء وارحمهم وارحمنا اللهم توفنا مسلمين وألحقنا بالصالحين واعف عنا

السعر في المتناول طلع رينچ ألف جنيه، من مراقبة المناقشات على العلمية 🫢

السلام عليكم بعد ملاحظة وفحص وتمحيص آخر رسالة للعلمية عن حفلة التخرج، خرجنا بالآتي: - حاجات تصنف غير مهمة (النحاسية)، محتاجين نتناقش ف الكورال لأن الاتنين أكيد هيعلوا التكلفة. - حاجات متمش تحديد أي ملامح لها عشان هم 'معندهمش معلومة' (سعر التيكت، تشمل إيه، المرافقين فري ولا هندفع على البيزك كمان) بجانب إن المفروض نعرف تكلفة الأساسيات نفسها زي الكاب والروب بكام هل متاح حد يقلل سعر التذكرة ويجيبهم من برا أو يفصل عشان عايز يعمل ديزاين معين فيهم ولا لأ؟ جملة إن شاء الله السعر في المتناول دا تصنف تحت أي رينچ بالضبط هل تحت الألف هل تحت ٥٠٠؟ محتاجين نعرف تكلفة الحفلات السابقة في نفس المكان كام بالضبط. فياريت العلمية يوضحولنا كل النقاط دي لأني أحب أعرف بالضبط أنا هصرف إيه فين تبعا لقدر الأهمية.

التكة الشبه أخيرة للمرة ال ٣ مليون في صيدلة طنطا😁

الامين للمجلس الاعلي للجامعات قال ان الشهاده بعد ست سنين😂😂😂 نطلع خطوه لقدام نرجع عشره ورا

هنلغي الاجازة والمسدح الأخيرة😃

رجعنالكم بعد ٦ ساعات إجازة 😁 ملخص القرار الممضي: مبروك التخرج رسمي ٢٤، تسجيل المدير بعد سنة من الامتياز(شربتها يا كروديا)، بالنسبة للمكافأة محتاجين نشوف محامي يجيبلنا الفلوس لو مش هناخدها كلها مرة واحدة بأثر رجعي. وأكيد مش محتاجين نقول إننا عشان نلاقي تكليف لازم ٢٣ اللي ربنا يهديهم يتكلفوا الاول أو نرفع قضية. اختيار القواضي محتاجة محامي كويس عشان منرجعش نلف لفة اول الامتياز.

نهاية الامتياز... كانت رحلة زي ما شوفتوا كدا الله لا يعيدها، القناة إجازة لحد ما يظهر جديد في أي حاجة وكل سنة وأنتم طيبين بمناسبة رأس السنة الهجرية♥️

والد زميلتنا شروق الشاذلي ف ذمه الله ربنا يرحمه ويحسن اليه ويجعل مثواه الجنه و يصبرهم يا رب

دعواتكم لوالد زميلتنا شروق الشاذلي ربنا يشفيه ويعافيه سريعا ويطمنهم عليه