الزعلان official .

الحرب الباردة مكنش حدث وانتهى لكنه لسه لحد الآن بيأثر علينا خاصة في منطقتنا الشرق الاوسط المنطقة اتقسمت زي اي مكان في العالم دول تبع المعسكر الشرقي واخرين ضمن المعسكر الغربي التقسيم ده مكنش مجرد شامل سياسات لا كمان شمل الجماعات السياسية في مصر بعد وصول جمال عبدالناصر للحكم وبعد تثبيت السلطة بيحصل تعارض بين الاخوان المسلمين وسياسات جمال رغم ان في البداية الاخوان المسلمين كانوا مؤيدين لثورة 23 يوليو بينتهي الامر ان جمال بيفتك بالجماعة قمع واعتقالات علشان يجدوا ملاذ في السعودية ومع احتياج السعودية وقتها لعمالة بيبدأ توافد الاخوان هناك ولكن برضو السعودية مش عبيطة علشان تستضيفهم بلا هدف ولكن السعودية كانت اقرب للمعسكر الغربي وامريكا وطبعا الخلافات بتبقى اعقد خاصة بعد حرب اليمن وكمان بعد تحول كذا دولة في المنطقة لنظام حكم جمهوري واسقاط الملكيات وده سبب كان اكبر من مجرد العمالة لقبول السعودية بالاخوان المسلمين ان لا يستشري بين الناس افكار يسارية بيقدر الاخوان تقريبا يسيطروا على مجال التعليم ومش بس خلال المدارس والجامعات اللي اصلا كدة كدة بتتحكم الدولة في المناهج المُدرسة ولكن برضو من خلال حلقات تحفيظ القرآن او حتى معسكرات بتتعمل في الصيف او مسرحيات بيعملوها لسرد الاحداث اللي بتقع في بلاد المسلمين زي فلسطين طبعا كلنا عارفين المنهج الوهابي للسعودية وفي ده لم تختلف معه الاخوان بالعكس فا مثلا محمد قطب اخو سيد قطب حاول يربط بين افكار اخوه اللي هي عبارة عن اعتبار جميع مجتمعات العالم مجتمعات جاهلية كافرة ويجب قيام دولة مسلمة تغير ده فربط ده مع افكار الوهابية اللي بتفرق بين الكفار او المبتدعين او ايا يكن في نظرهم وبين التوحيد والحكم بما انزل الله طبعا على حسب تفسيرهم فا انتجلنا ده الصحوة الاسلامية فا هي مش وهابية وبرضو مش افكار اخوان مسلمين بس لكنها ميكس ولما جت السبعينات ودي كانت نقطة تحول مهمة لأن البترول اسعاره اتضاعفت سبعين مره تقريبا وده يعني ان الفلوس اللي بتحصل عليها المؤسسات الدينية سواء الحكومية او الخاصة هتكتر والعمالة كمان هتكتر اللي هترجع بلدها محملة بافكار الصحوة وكمان تغريق الاعلام والصحافة بالافكار دي مع وجود فلوس فا مبيكنش امر صعب فا بعد سنين من الافكار دي وكمان ما زاد الامر دعوات الجهاد في افغانستان وغيره بتبدأ تخرجلنا اغلب الجماعات اللي افكارها متطرفة وطبعا لا يظهر الامر الا لما ينهار الاتحاد السوفيتي لان طول ما هو موجود حتي اللي عايز يحارب او يجاهد كان بيتم توجيهه لناحية السوفيت وافغانستان وحرفيا كانت امريكا بتتعاون معاهم مكنش بيتم وصفهم اي صفة انهم ارهابيين بل كانوا مجاهدين واسوأ الامور ان المنطقة اللي اصلا كانت متلزقة بالعافية بتنفجر سواء بتأثير داخلي او خارجي بيبدأ الامر يكون واضح مع الغزو الامريكي للعراق اللي هو لوحده بدون الصحوة بيئة مناسبة لانتاج الجماعات دي ثورات الربيع العربي والحرب الاهلية في سوريا وانقسام اليمن كل انقسام وكل سقوط لدولة هو بيئة مناسبة لخروج الجماعات دي اللي اساسا تم انتاجها علشان تواجه الافكار اليسارية وغيره ولكن تحولت هي للمشكلة .

" لما نصحو دائماً قبل النهاية، قبل سقوطنا من سلم وقبل أن يمزقنا وحش؟" أحمد مراد

امس شعرت بمدى ثقلي على من حولي ورأيت أن لا فائدة من وجودي فقررت الانتحار جلست افكر في الطريقة ثم اكاد اجزم اني كتبت رسالة انتحار داخل عقلي والان لا اعرف لماذا لازلت هنا .

لا احد يستطيع أن ينقذني سوى نفسي ولا احد يستطيع تدميري اكثر منها .

وانت مكتئب انت مش يائس من رحمة ربنا وحتى مش يائس من البشر او العالم انت يائس من نفسك مخنوق منها ومن مدي ثقلها على اللي حواليك .

في رواية الجريمة والعقاب كان بطل الرواية راسلينكوف عنده رؤية ان بس العظماء واللي بيكتبوا التاريخ هما اللي قادرين يتصرفوا زي ما عايزين بدون محاسبة مهما كانت افعالهم قاسية أو دموية وكمان افعالهم دي بتتحول لأفعال اسطورية وامجاد مش مجرد الناس الناس بتكون بتخاف منهم لسلطتهم وراسلينكوف كان شايف نفسه واحد من الفئة وفعلا بينفذ جريمته ولكن رغم ان الامر بيبقى ناجح في البداية محدش بيشك فيه فا محدش بيحاسبه الا انه كان ناسي شئ مهم واغفلة في نظريته وهو ضميرة اللي بدأ كأنه بيقتله بالبطئ من كتر الشعور بالندم وعلى هذا فالاشخاص العظماء دول زي ما خلوا الناس تخضع ليهم ويمكن حتى تحول جرايمهم لامجاد ولكنهم اخضعوا ضمايرهم وكانوا بيشوفوا هدف اعلى يبرر وسايلهم او شايفين مجدهم اكبر من البشر دول فا هم مش شئ تتوقف عنده ضمائرهم ممكن نشوف ده قسوة وان دول بشر سايكو ولكن هل هما لما بيعملوا الافعال دي بيعملوها لغرض الاستمتاع ام ان فعلا رغم البشاعة بتكون افعال ضرورية يعني في حدث زي مذبحة القلعة الحدث بشع ان تجمع بشر في مكان ويبدأ اطلاق النار من كل حته بدون تفرقة ولكن لو رجعنا شوية قبل تولي محمد علي الحكم فا هنلاقي المماليك غرقانين في صراعات وكانوا بيقوموا بالنهب ومسببين حالة من انعدام الامن طبعا اخذ العاطل بالباطل غلط لكن لنفترض معملش كدة وقرر انه هيسير في محاكمات طويلة للاشخاص ونشوف مين عمل ايه هل كان هيقدر يثبت حكمه بالسرعة دي ويتفادي امور كتير كانت هتبوظله الدنيا بسبب المماليك ويمكن ده الفرق بينا وبينه يمكن هو شخص اتاه الله القدرة لعمل شئ كلنا منقدرش نعمله او نتخذ القرار حتى لو عارفين انه في مصلحتنا ولكننا اكثر ضعفا ويمكن ما في نحن هو النعمة حتى لا نذهب محملين باثقال يوم القيامة .

حتى بتاع نظم معلومات بقى يحط جنب اسمه إنچي .

لما بنتكلم عن الأخلاق كشيء ونقعد نتجادل في هل الاخلاق نسبية او موضوعية وازاي نقدر نحدد إن فعل ما خير أو شر وهل الإنسان يقدر يحدد بعقله ولا لازم يكون محتكم لشريعة قوانين هو شيء وموضوع كبير ولكن لما بنتكلم عن شعور بشر بالألم بالإهانة بالظلم هو امر آخر على سبيل المثال الاسرائيلين حسب عقيدتهم اللي بيتبعوها في الخير والشر فا هما شايفين ان قتلهم للناس في فلسطين أو أي حته حتى لو اطفال او عجائز هو شيء خير لانه بيساهم في الوصول لهدفهم ولكن على الجانب الاخر مع اعتقاد اليهود ورؤيتهم لخيرية ما يفعلوه حسب اعتقادهم ف ده مش هيفرق شيء في معاناة الفلسطنيين، اثناء استعباد السود في امريكا كان البيض بيروا انهم افضل وان حقهم هو استعبادهم وده حق طبيعي لدرجة ان اقتنع السود نفسهم بكدة لكن الحقيقة الاقتناع لم ينهي المعاناة .

طبعا كله بيتكلم عن حقوقه في جوازه لأربعه وحقوقه في انجاب قدر ما يشاء بس بالنسبة لحقوق اربعين انسان جم الحياة ابوهم حتى اسمهم بيفتخر انه ميعرفوش من كترهم طبعا هيروح حد فاتح كتاب اتكتب في القرن التاني أو التالت هجريا عن حقوق الأبناء اللي هي كسوتين في السنه ويكون قادر يجبلهم كام رغيف عيش يوميا وكدة حقهم واخدوه وبقى راجل زي الفل .

اخي العزيز المفرط في الإنسانية المهتم بضحايا البرجين وشايف إن لازم مواطن شرق اوسطي يتعاطف ويعلن الندم حتى لو كان لم يولد وقتها صدقني يا رفيق انت عامل زي اللي بيطالب حد قاعد في افقر القرى المصرية انه يهتم بمشاكل سكان مراسي وأنهم لازم يدفعوا الف دولار للفرد لدخول الشط اقل شئ الراجل ده هيعمله لما تعمل كدة هيمشي صامت بيدعيلك ربنا يكملك بعقلك او اقلها هيمسكك تريقة وشتيمة .

كيمو الو .

يمكن أسوأ نتيجة ل 11 سبتمبر مكانتش الحروب في رأيي امريكا طالما قررت دخول حرب ما او شافت اهمية لاجتياح اي دولة هتعملها بعيدا عن اي حادثة وهتوجد مبرر لده، زي العراق اللي اجتاحتها لمصالح ما واخترعت اسباب غير موجودة، ولكن ان شعوب دول كاملة اصبح محكوم عليهم كلهم بالارهاب تنقلاتهم اصبحت صعبة رغباتهم في الترقي العلمي أو الهجرة لأماكن احسن بقيت صعبة بقوا بيتعرضوا للعنصرية واسوأ نتيجة للأمر ارتباط اسم دينك عالميا بالإرهاب وترويع المدنيين فا علشان تدعو ليه بقى لازم تحاول تشيل كم كبير من أفكار اتزرعت في دماغ الناس، طيب هنبص لجانب اخر وانهم بيعملوا كدة اصلا بالذات امريكا في دول كتير ولكن للأسف الدنيا مش كدة الإعلام والصحافة وغيره بيغيروا صياغة الامور فا امريكا لو ضربت حته في اي مكان زي مثلا المدرسة اللي في ايران بيتقال انه بالخطأ ضمن عمليه على منشآت عسكرية وغيره ورغم اننا عارفين انه مش بالخطأ لانه امر اتكرر مرات في بلاد مختلفه لكن الإعلام قادر انه يلعب بده بمجرد اللعب بالكلمات ولكن في النهاية ايه الفرق بين ارهاب واحد لابس بدلة وواحد لابس جلابية لو النتيجة واحدة بس هما قادرين يغيروا نظرة اغلب العالم .

اللي قدامنا ده ريتشارد سورج وهو واحد من افضل الجواسيس في التاريخ سورج كان جاسوس للإتحاد السوفيتي ضد دول المحور ولكن النقطة الأهم في الموضوع ان سورج كان الماني وكان جندي في صفوف الجيش الالماني ولكن بعد الحرب سورج اقتنع بالفكر الشيوعي وقرر انه يخدم السوفيت النقطة اللي عايز اركز عليها هنا الناس مقدسة فكرة الأوطان لآخر درجة وشايفين انه لو حد قرر نصر افكاره الشخصية اللي شايفها بتقاوم افكار نازية أو افكار خراب بمعنى أصح بيطلعوا في القطط الفطسانة والحقيقة ان الأمر اللي بتتكلموا عليه مش شئ مقدس وحتى تاريخيا هو يعتبر فكر حديث مع ظهور الدول القومية وما قبل ذلك كان الدعم بيتقدم للدولة اللي بتمثلك ايدولوجيا .

وبرضو كنت محتاج اركز ف الحلقة .

فيه واحد هيموت ويضربني ف العربية علشان قولتله مش هلم الأجرة (مديني ٣ مئات وبيقولي ٤ من 100 و 1 من 100 و 3 من 100... فا ده سبب رفضي)وجيت ارجعله الباقي من السواق راح قالي مش هاخد منك فلوس قولتله عنك ما خدت ده كده كده فلوسك، راح عكس الكلام وزعق وقال ده مش عايز ياخد مني فلوس، هو انت يبني عبيط هو انا اعرفك منين اصلا علشان اشخصنها معاك، انا كل اللي قولته اني مش هلم، ده يزعلك ف ايه؟ هو دلوقتي هيستناني انزل من العربية ونمسك ف بعض، ميعرفش اني مستني اللحظة دي من زمان .

وبعد ما يرزعوا الكلام ده يقولك منها لله النسوية بوظت عقول النسوان والحقيقة النسوية مكانتش محتاجة تبذل مجهود علشان تنتشر قصاد خطاب قهر وتعامل معاها على انها كست ليست شيء غير اداة او ربوبوت للسمع والطاعة بلا ابداء اراء او حتى مشاعر .

الجربوع اللي معندوش حضارة ده اقوى دولة على الكوكب كجيش اعلى تكنولوجي على الكوكب اكبر اقتصاد في العالم تاني اكتر دولة تسجيلاً لبراءات الاختراعات بعد الصين رغم في فرق في الاعداد على حسب معلوماتي هي الدولة الوحيدة تاريخياً اللي ملهاش منافس في سيادة العالم واه امريكا من بعد الحرب الباردة وهي ملهاش منافس لحد دلوقتي اه متوقع الصين تاخد جزء من سيادة امريكا لكن لسه ده محصلش ولسه في شرق اسيا محيط الصين امريكا حاطه قواعدها في كل حته الصين متقدرش تعمل ربع ده في امريكا الجنوبية الصين دولة قوية مش علشان حضارتها عامة لا هما اقوياء لاخذهم بأسباب التقدم اما العبيط الفرعوني وجوده في النص لا معنى له .