ماذا بعد! 🖤

صعب ،عشان زمان مش زي دلوقتي ،كل واحد بيتغير ،ومش بأيده يرجع ،عشان هو اتغير نتيجة الصدمات أو التجارب ف مش بإيدك ،حاول بس تدور ع حاجه بتحبها ،ودايما تدور انك تحسن م نفسك .

واحده بتقول كنت بشتري حواوشي ففي بنوتة واقفة جنبي طلبت اتنين وبتتكلم في التلفون بتقول: (أنا جعانة بغباء مااكلتش طول اليوم فهجيب حواوشي عشان بحبه أوي ممكن أكل منه أربعة من حلاوته) أنا خدت طلبي وهي خدت روحنا المترو والحاجة في شنطتنا لسة ماطلعنهاش يعني مش عاملة ريحة اصلا لاقينا بنت شكلها ١٣ سنة بتتكلم مع مامتها: نفسي مرة ناكل كفتة أو أي حاجة من اللي بنشم ريحتها دي ومش بنشوفها، مامتها شتمتها وقالت لها وطي صوتك هنجيب شيبسي واحنا ماشيين، أنا الكلمة فطرت قلبي أقسم بالله لقيت البنت اللي اشترت جنبي وكانت هتموت من الجوع طلعت الكيس كله من غير ماتفتحه ولا تاكل منه حتة وراحت مديهالهم وقالت بالنص للصغنونة: أنتِ بنت حلال أنا كلت وشبعت أوي وكنت بقول حرام يترموا كدة، والبنت كانت هتموت من الفرحة ورب الكعبة لمعة عنيها خطفت قلبي البنت عشان ماتحرجهمش راحت آخر العربية بعيد عنهم روحت وراها عشان ناكل سوا (أنا كنت شارية واحد) بكل أريحية كلنا نص رغيف كل واحدة وشبعنا جامد جداااا ولاقيتني وأنا نازلة بحضنها وبتقولي شبعت كأني آكلة ألف واحد ❤❤❤ (لن تنالوا البر حتى تنفقوا مما تحبون) "الخير في أمتي إلى يوم الدين"

‏الحقيقة ان حتي اهالينا متعرفش القصة كاملة، ميعرفوش لحظات انهيارنا ولحظة ما اتعرضنا للرفض ولحظات ما الدنيا اتقفلت في وشنا ولحظات فشلنا ،ولحظات انك حاسس مفيش ركن واحد دافي،ولحظات أنه دماغك بتغلي م كتر التفكير.

لو أنك تدري كم تسوء الأمور من ناحيتي، كم أصلح شيئًا فتفسد آلاف الأشياء وكم أحاول، وكم أركض في كل اتجاه، في كل اتجاه ولا أصل !

بيبقى حبيب قلبي وعيوني 💗.

سبحان الله ! 💗. ربنا جميل جداً وتدخلاته دايماً مبهره وعجيبه.

لَا أدرِي لِأي دَارٍ أرتَمِي كُل الأمَاكِن لَيسَت مَوطِني.

أنا عارفه انها تزعل،عشان بذلتي مجهود واتعودتي،بس انتي لو مقتنعه اقتناع تام أنه الخير ربنا هو اللي بيختاره لينا،الموضوع هيهدى ف دماغك ،والحقيقه أنه كلام الناس انتي اللي حاطه ف دماغك ،لو متجاهله فعلاً مش هيفرق معاكي ،عشان مش اول ولا اخر واحده تفشكل ،فوقي كدا عشان مستقبلك وامتحاناتك وشغلك ،محدش هينفعك خالص ،كلامهم حقيقي ملوش ستين لازمه،ربنا يقدملك اللي فيه الخير ويجبر بخاطرك ويقويكي.

بِئس العبد أنا.. كثيرُ الشكوى، قليل النظر، كثير التعلُق بالأشياء. نِعم الرب أنتَ.. واسِع العطاء، جميل الستر، تتوالى نعمك حتى لا أكاد أحصي ما ظهر منها!

لأ طبعاً ولا تصلحي ولا حاجه ،وقولنا انتي متعلميش حاجه ،وخلي كل حاجه لوقتها،يعني سواء بيحبك ولا لأ كل حاجه هتبان ف الوقت المناسب ،ولو م نصيبك ربنا هيسهل كل الامور،وربنا يقدملك اللي فيه الخير ويقدمله🤍.

صباح النور ،لا ولا يهمك. مهو الحفاظ يحبيبتي يعني ميتكلمش معاكي عشان الذنوب ومخلي كل حاجه لوقتها،بس حقيقي انتي غلطتي جامد،حد يقول لحد كدا ؟ دا حتى لو مش بيحبك هيتجنبك ،يعني ايه تقولي لواحد أنه معجبه بواحد ؟ هو كدا احتمال كبير بعد عنك عشان انتي قولتي كدا ،وبيحاول ينساكي مثلاً ،يحبيبي الست مينفعش تحاول ،ولا تبذل مجهود حتى أنه الراجل يحكي ،كل دا دور الراجل ،انتي دورك بيجي لما يكون حلالك ،لكن الحقيقي انتي غلطتي ،المهم حصل خير وسيبي كل حاجه بنصيبها ،ولا تفتكري الماضي ولا الحلو ولا الوحش،وادعي ربنا أنه يقدملك اللي فيه الخير وأنه تحافظي ع قلبك.

"وإني لراضٍ بالقَضا وبما تشاء ‏وعندي يقينٌ أنَّ لُطفكَ شامِلِ"

‏"تُدركُ أن الأمر.َ انتهى لكنكَ ما زلت تتمسكُ بأملٍ غامض..لفرطِ معزّتهِ في قلبك"

تتأخر و كأنها ليست من نصيبك ثم يبهرك الله بطريقة تحقيقها ، ثق بالله وأطمئن 🤍🦋.

ياه بتقولي عارفه أنه ربنا مش هيديكي ؟ دا بيعطيكي وانتي عاصيه م بالك وانتي مقربه عليه ؟ ربنا رحيم رحيم جداً ،رحمته وسعت كل شئ،لما يلاقي جواكي أنه محتاجه تتوبي بجد يساعدك ويتقبلك حتى لو عامله ايه ،التوبه يحبيبي أنه تتوبي من قلبك وعقلك وتزعمي ع أن لا تفعلي ذلك الذنوب مره أخرى،دا انتي لو صلتي ركعتين وعيطي فيهم من قلبك لربنا ،هيقبلك ويكرمك من وسع ،احنا بنتكلم عن ربنا احنا بنتاجر مع ربنا ،ودي أفضل وأعظم تجاره ،توبي. وأرجعي ،دا نعم العبد الأواب ،متخيله ؟ يعني مش نعم العبد اللي هو مأذنبش ،لأ دا نعم العبد اللي أذنب ورجع وجري ع ربنا يقوله يا رب مليش غيرك ،يا رب عاوز رحمتك ومغفرتك ،أعفو عني يا رب ،بترجعي لربنا عشان بتحبيه عشان احنا مش قد النار ،احنا عاوزين الجنه،ارجعي واطمعي ف كرمه ،ربنا يغفر عنك ويعفو ويرحمك برحمته الواسعه🤍.

🤍🦋.

ياربِّ، جهدي قليلٌ، وكرمُك واسعٌ ! ياربِّ، صدقتُك بالسعي، فلا تُخيِّبْ رجائي في الوصولِ ! ياربّ.

أصلا حبيبي حتى لو سألتهم هيقولوا عادي ،بس خلاص فتره عدت يعني اكتر م ست شهور فتره كويسه وكمان انتوا مش هتعملوا حاجه غير السيشن،انتي متزعليش نفسك وكلمي مامتك قوليلها هما واخدين ع خاطرهم عادي بس دا مش معنى إنك وحشه أو مش زعلانه ع تيته،وهما وقت الفرح هيجوا وهينسوا الموضوع والأمور هتبقى. تمام،انتي بس ادعي انه يتمم فرحك ع خير وخلي طنط تدعي وأنه ربنا يصلح الحال.

الحمدلله ،اهدي كدا وصلي ع النبي ،وادعي وقولي يا رب سهلي الحال،بس أنا الحقيقه شايفه أنه شهر سبعه قريب جداً ،يعني شهرين بس عدوا ع وفاة جدتك ،عارفه لو اهلك موافقين خالاتك يعني وأخوالي كنت اقول ماشي،بس ع الأقل أجلوا الفرح خلوها بعد ست شهر ،عشان بعد السنويه بعيده ،انتي كلمي خطيبك ،قوليله احنا عاوزين نخلي الفرح بعد مرور ست شهور ع وفاة تيته ع الأقل ،عشان تقدير ليها وكمان لماما ،وحاسه كمان أن خوالي وخالاتي زعلانين وأنهم لسه متعافوش والحقيقه أنا شايفه أنه شهرين قليلين،وكل تأخيره وفيها خيره،والحمدلله كل حاجه جاهزه عادي يعني لو أجلناه.

أنا شايفه أنه هو بيحافظ عليكي ،ممكن اه بيحبك وممكن لأ ،ولو بيحبك بيعمل كدا عشان يحافظ وعشان لما يجي الوقت المناسب يقولك ويقول لأهلك ،ويمكن كمان قائل لعمتك ،بس الله اعلم ،مينفعش نتخيل حاجه او نحط أمل ،انتي سيبي امورك كلها لله ،وادعي يقدملك اللي فيه الخير،وهو يتصرف زي مهو عايز،بس انتي اتجاهلي تماماً وعامليه ع صلة القرابه بس.