ABA with Dr. Deena Team

مساء الخير امبارح نزلت بوست عن اهمية الcv واننا نعمل حساب بشكل احترافي علي لينكدان وقولت لو حد محتاج فديوز تساعده يسيب كومنت والحقيقه كان في كومنتات كتير طلبت الفديوز دي.. فالبوست دا مهم ‼️ قبل ما تعمل الCV في اكتر من وجهة نظر في التنظيم والعناصر اللي تضيفها باختصار دول ٢من وجهات النظر - الاول دا غريب الشيخ بيوضح ازاي تبني CV بطريقة احترفية من خلال آداة مجانية اونلاين. 🔽🔽 https://youtu.be/9ZGOWzk1icM?si=g0YCjAuVjdMhDLDo - ووجهة النظر التانيه اللي بتقول نستخدم الورد في بناء ال Cv بتاعنا وقدم شوية نصايح. تهمنا كلنا بسبب عملية الفلترة اللي بتحصل بسبب الاعداد المهولة اللي بتقدم علي اي فرصة توظيف فبيتم الفرز من خلال برامج. والفديو بيشرح الموضوع دا 🔽🔽 https://www.youtube.com/watch?v=JrG2kH9eznk ‼️((في Word template ممكن تضيفه فيه معلومات بشكل مباشر لو حد محتاجه هرفعه علي قناتنا علي تيلجرام ))‼️ -ودي شوية نصايح واراء في بناء الcv من حبيبنا عبد الله العلاوي 🔽🔽 https://youtu.be/fnPRsh_UWfw?si=RO9bkGfszbsRSByX —————— بالنسبةل لينكدان:- فدا crash course من غريب الشيخ بيشرح بنا حسابك بشكل كامل علي لينكدان اعتقد شرح الموضوع بشكل كامل هيفيدكم جدا 🔽🔽 https://youtu.be/7JysIkTyccs?si=fyDHhIHqIAyGe1UV -ودا فديو من وليد طه كويس جدا كمان عبارة عن tips في حسابك عل لينكدان كدا ان شاء الله تفيدكم 🔽🔽 https://youtu.be/FiGKmTy9m4o?si=6pBYkDEoTJwEtA-Z

دا لينك البوست فيه كل اللينكات 🔽🔽🔽 https://www.facebook.com/groups/608477840966011/permalink/674314334382361/?mibextid=S66gvF

عندنا مصطلح اسمه extinction (الإطفاء) هو ترجمته الحرفية الانقراض ... صراحة أنا عجبني اكثر ترجمته الحرفية... فكر كدة في الديناصور لما ملقاش الظروف المواتية للحياة انقرض زي السلوك بالضبط لما نتوقف عن تعزيزه مش هيلاقي البيئة المواتية للحياة وبالتالي سيختفي -الأطفاء ليس اجراء من اجراءات العقاب - التحسن بيكون اسرع لو استخدمناه مع السلوكيات اللي لها تاريخ تعزيز مستمر طويل في البيئة الطبيعية - الأطفاء مش تجاهل (بجد والله مش هزار) - الأطفاء مش حجب الاستجابة response blocking .... ولا ينفع تعمل الاتنين مع بعض - الاطفاء لا يمكن ابدا ابدا ابدا يجي مع العقاب وانما لازم ويجب وحتما ولابد انه يجي مع التعزيز -ولما بنقول انه ممكن يجي معاه عوارض جانبية محتملة غير مرغوب فيها ده معناه انها مش لازم تيجي معاه واننا لازم نقوم لعملنا علشان نقلل الاعراض دي او نتلاقى حدوثها يعني مش لازم يحصل extinction Brust مثلا “د-دينا مصطفي"

في اطار تعاون رائع ومثمر مع الجمعيه العمانيه للتوحد يسعدنا تقديم محاضره مهمه جدااااا عن التدريب في البيئه الطبيعيه مع الاستاذ أحمد جمعه - أخصائي معتمد بنموذج دنفر للتدخل المبكر الساعه ٨ بتوقيت الامارات و ٧ بتوقيت مصر لينك الحضور Join Zoom Meeting https://us06web.zoom.us/j/82031560384?pwd=6Qpt9bNbVufN2XCx1qIUjpCXQvZaEj.1 Meeting ID: 820 3156 0384 Passcode: 629849

مساء الخير في محاضرة مهمة جدا وقيمة . موعدها خلال ساعة تقريبًا النهاردة الساعة 9 مساء functional play based intervention مع أ نجلاء يوسف رابط التسجيل للمحاضرة https://us02web.zoom.us/meeting/register/tZEqdeuvrzMtE9UcvxiS6fFOTvSb0VFFn7vW

اكتب كومنت وسيتم ارسال اللينك ‼️

في اطار تعاون رائع ومثمر مع الجمعيه العمانيه للتوحد يسعدنا تقديم محاضره مهمه جدااااا عن التدريب في البيئه الطبيعيه مع الاستاذ أحمد جمعه - أخصائي معتمد بنموذج دنفر للتدخل المبكر الساعه ٨ بتوقيت الامارات و ٧ بتوقيت مصر ان شاء الله المهتمين بالحضور اكتبلنا في التعليقات وسيتم ارسال لينك الحضور 🙏 #منصه_دمج #inclusion_platform

مساء الخير البوست دا مهم ‼️ الانجليزية من اكتر الحاجات اللي هتكون مشكلة بالنسبالك سوء لو بتدور علي شغل او كورس لو مستواك مش كويس وخاصة ان علم ال ABA في الغالب كل مصادر اللي هتتعلم منها هتكون بالانجليزي في فرصه حاليا لدراسة الانجليزي مجانا في الجامعة الامريكية عاملين برنامج لدراسة اللغة فري وكمان في فرصة تحضر برنامج في الصيف فالجامعة نفسها هتدخل تعمل اكونت علي سايت الجامعة وبعدين تعمل اختبار تحديد مستوي وهتكمل دراسة من مستواك .. https://www.aucegypt.edu/ar/academics/free-english-courses

التوحدي هو اول واحد لازم ندربه على معرفة نفسه وقدراته وامكانياته وانه يقدر يتكلم عن مشاعره وافكاره واختلافه بالشكل اللي شايفه (مش بطريقتنا لا بطريقته هو) وده محتاج تدريب بطريقة خاصة ولفترة طويلة ومن اول يوم لازم ندربه انه يختار ويبرر اختياره ده وانه يكون قادر انه يقول ان لمستك له مش مريحة له وازاي يدافع عن نفسه ضد اي مواقف ممكن تحسسه بضيق لازم ندربه ان الحياة مش دائما هتدور حواليه وان الدنيا مش وردي وانه لازم يتغلب على المواقف دي ويشوف حلول تانية

لو عندي طفل ظهر عنده سلوك جديد وانا مستهدف سلوكيات وبتعامل معاها! ايه الاجراءات اللي مفروض اعملها ١- مدام سلوك جديد يبقى اول متغير هشوفه هو اذا ما كانت فيه مشكلة طبيه او لا لو المتغير ده أحد انها مشكلة سلوكية ٢- الخطوة التانية هتكون هى وضع السلوك تحت المراقبة ا. علشان نعرف ايه اللي بيحافظ على السلوك ولان السلوك جديد فتاريخ التعزيز بيكون مش طويل وبالتالي محتاج دراسة ووقت انك تقول الوظيفة ب.- معرفة معدل التعزيز المطلوب في التدخل وطبعا لازم نعرف معدل التعزيز في البيئة الطبيعية ولان السلوك جديد بالتالي فالداتا بتاخد وقت ج- لازم نراقب السلوك علشان نعرف اذا كان في حاجة اصلا للتدخل ولا لا وده لان بعض السلوكيات ممكن تظهر وتنطفئ نتيجة لتدخلات السلوكيات الاخرى ٣- هنا لازم تعرف ان السلوك لازم تاخد عليه داتا لحد ما نوصل لمعدل ثابت يقولنا ان فيه اقتران حصل (المعدل الثابت ده ممكن نستغنى عنه في حال ما اذا كان السلوك فيه خطر على الشخص لكن الخطوة بتاعت مراقبة السلوك لازم تحصل) *** طيب ينفع اوقف التدخل في السلوكيات القديمة سواء في فترة المراقبة او او هنتدخل في السلوك …. قولا واحدا لا طبعا "د.دينا مصطفي "

الاطفاء هو حجب التعزيز... يعني هو قادر تماما علي الوصول للمثير بس مش هيوصل للتعزيز زي مثال بطارية العربية اللي لو نايمة تقدر تحط مفتاح العربية عادي بس العربية مش هتمشي.... اما العقاب فحاجة بتحصل لنفس المثير يعني اشيل منك المفتاح علشان متخرجش او احط حاجة في العربية متخلهاش تمشي كمان الاطفاء مش بس تجاهل الاطفاء بيكون حسب وظيفة السلوك يعني لو وظيفة السلوك هروب بكرر التعليمات مرة واتنبن وعشرة ومش بسمح بالهروب (اللي هو المعزز) الاطفاء بيجي معاه تعزيز للسلوكيات المرغوبة ومينفعش يجي مع العقاب طيب ليه مينفعش استخدم انواع العقاب مع الاطفاء باختصار لان الاتنين من اجراءات تخفيض السلوك واستخدامهم مع بعض قد يضر العميل طيب ليه مقدرش اقول انه الاطفاء مش بدي تعزيز ولا عقاب.... لان ده اصلا منافي لتعريف الاطفاء اللي هو حجب المعزز "د.دينا مصطفي"

كيفية اختيار طريقة التواصل البديلة المناسبة للطفل ‏ المحك الأول قدرة الطفل ‏ لو الطفل قادر على التقليد الحركي Motor imitation ومتمكن فيه ولكنه عنده صعوبة في اختيار الصور... هنا لابد من اختيار لغة الإشارة أما لو الطفل متمكنًا في اختيار الصور يعني مفكرا بصريا بصورة كبيرة ولكنه غير قادر على التقليد الحركي ... هنا لابد من استخدام طريقة تعتمد على الصور زي نظام بيكس او احد التطبيقات المعتمدة على الصور (فيه منها مجانا) طيب لو الطفل قادر على اختيار الصور والتقليد الحركي بنفس الدرجة ... هنا بنقعد مع أهل الطفل (او الشخص نفسه لو القانون بيسمح بده) ونشوف الطريقة الأسهل لهم ونختارها ملحوظة هامة... لابد من اختيار الفني اللي عنده الكفاءة الكاملة على استخدام طريقة التواصل المختارة ... يعنى لو اختارنا لغة الإشارة يبقى لازم يكون fluent في لغة الإشارة او لو بيستخدم نظام بيكس لازم يكون قادر على استخدام النظام بكافة مراحله

للناس اللي عاوزة معلومات اكثر عن PEAK .... فكرة PEAK قائمة على نظرية اسمها relational frame theory ممكن نترجمها للعربية الى نظرية اطار العلاقات ... وهي نظرية عن اللغة الانسانية والادراك بعض الباحثين بيقول اان النظرية امتداد لشغل سكنر للسلوك اللفظي في بعض النواحي لكنها تتحدى بشكل مباشر المبادئ الرئيسية لهذا التحليل .. الهدف من النظرية هو دمج مجموعة من الظواهر السلوكية مثل تكافؤ المثيرات stimulus equivalence والتسمية والفهم والتشبيه والاستعارات واتباع القواعد ... فالنظرية بتوفر تحليل للسلوك البشري المعقد ... مع العلم ان فيه برامج اخرى قائمة على النظرية زي Acceptance and commitment therapy التقييم في PEAK ممكن يتعمل بطريق مباشر او غير مباشر .. الغير مباشر ممكن ان يتم عن طريق شخص على علاقة بالطفل (الاب .. الام ... الاخصائي..وهكذا) اي حد بيشوف الحاجات الموجودة في survey ويشوف اذا كان الطفل ممتلك المهارة دي ولا لأ او مش قادر يحكم وده على ٣ مستويات (نعم .. لا.. ؟؟) التقييم المباشر (ده انا بفضله مع حالاتي) بنعمل ١٠ محاولات على سبيل المثال نعرض ١٠ محاولات تستهدف مجموعة مختلفة من الاسئلة او المثيرات التمييزية والاستجابات الصحيحة لها فمثلا لو عاوزين نشوف مهارة زي تقليد حركى لخطوة واحدة 4b فالفاحص يسأل الطفل ان يقوم بعدة حركات زي تقليد لمس الرأس لمس البطن لمس الارجل لمس المنضدة التصقيف ...الخ لو الطفل سجل ٩٠٪ يبقى الطفل ممتلك المهارة وهنا بنعمل علامة على نعم ... لو سجل اقل من ٩٠٪ يبقى بنكتب لا !! طيب ٤ كتب بتوع peak ليه؟؟ وليه مش اقل زي ما بنلاقي في vbmaap ؟ علشان البرامج اللي قائمة على السلوك اللغوي (واللي ممكن نسميها تقليدية) بتقوم على التعليم المباشر وتعميم المثيرات (يعني تعلم الاستجابة لمثيرات مماثلة للي تم تدريسها) ف PEAK بياخد خطوة ابعد من ده ... هو بيسمح بحاجة اسمها الاستجابة المستمدة يعني التعلم من خلال العلاقات بين المثيرات من غير ما تدرس بشكل مباشر والعملية دي تقع في صميم اللغة البشرية ومسئولة عن قدرتنا على تفسير التعبيرات الجديدة بسهولة وفهم معاني الكلمات وكمان تطوير علاقات جديدة بين المفاهيم وبعضها .... طيب مين افضل vbmaap ولا peak ... هنا اقولك ان مفيش دراسات تقول مين افضل ومين اقل لكن استخدامك لتلك البرامج بيكون حسب خبرة الاخصائي ودراسته وازاي هو متدرب كويس مش بس دورة او اتنين لا لازم يكون اشتغل بإيده فترة على البرنامج وهنا بقول اي برنامج سواء vbmaap او ablls او afls او peak ... طول ما الاخصائي متمكن من برنامج طول ما هيقدر يساعدك ويساعد ابنك صح!! (مع ملاحظة ان PEAK محتاج حد فاهم جدا النظرية RFT ودارسها دراسة عميقة علشان يقدر يطبق البرنامج لكن النظرية نفسها عميقة) "د. دينا مصطفي"

كتير بتجي ام وتقول انا عاوز ابني يبطل انه يقعد على iPad علشان مش بيسيبه بصعوبة فيه بعض الاجراءات اللي ممكن نعملها منها ان اثناء ما بيكون الطفل مستغرق في اللعب ب ال iPad نطلب منه اداء بعض الحركات البسيطة زي folding hands او touching head او اي حاجة تانية .... ده بيخلي الطفل متهيأ انه ممكن يرجع الشغل اي وقت وكمان هتقطع الانغماس في اللعب والانقطاع عن العلم انك تشارك الطفل في اللعب على iPad او تبادلوا الادوار لمدة طويلة ممكن توصل الى ٥ دقايق او انه ينتظر لحد ما تخلص لعبه ما (طبعا ده بيجي بعد تدريب) ممكن يطلب اللعب لدقيقة اخرى او اكتر وهنا ممكن تستخدم معاه اطالة الجملة والنظر في عينك يكون ال iPad معزز لاكثر المهمات صعوبة وبالتالي فالطفل هنا هيعمل effort كبير علشان يوصل له وبالتالي بالتدريج دافعية الطفل ممكن يقل نحو اللعب عليه ويتجه نحو الالعاب الاخرى وهنا يجي دور الاخصائي والاباء انهم يلاقوا لعب يلعبوها مع الطفل ويعملوا pairing بينها وبين شئ مادي بيحبوا الطفل #DrDeena_ABA_Team

لينك الملخص باللغة العربية https://www.youtube.com/watch?v=7nmKtI7fEmU&t=365s

لينك الدخول للكورس https://www.coursera.org/learn/learning-how-to-learn

وأخيرًا وليس آخرًا تقدر تبني ثقة في نفسك وقدراتك وتطور عقلية نمو ودا بدوره هيساعدك تتغلب ع العقبات في حياتك عموما مش في التعلم بس الكورس متوفر مجانا من خلال منصة كورسيرا. تقدر تحضره هو تقريبا ١٠ ساعات وباللغة الانجليزية هتقولي لا كبير وتسوف وتنسي!! هقولك تم تلخيص الكورس بالغة العربية في ٤٠ دقيقة من قبل احد اهم صناع المحتوي في مجالي التعليم والانتاجية. مهندس احمد ابو زيد من خلال قناة دروس اونلاين

مساء الخير البوست دا مهم جدا جدا ‼️ كتيرر مننا بيبدأ سوا كورس او كتاب او اي محتوي تعليمي ك استثمار في نفسه وتطوير في مهاراته. ولاكن بتواجه مشاكل اهمها : - إنه مبيكملش الكورس او الكتاب وشغفه بينطفي بعد ٩ دقايق - انه يكمل الكورس ولاكن بعد ما يخلصه بيكون ناسي معظم الحاجات المهمه. اللي سمعها وفي مشكلة اكبر !! وهي ان للاسف تكون متأكد ان الكورس دا انت محتاجه وتفضل تأجل ومتبداش فيه ولا تدرسه اصلا !! ..ودلوقتي احب اقدملكم الحل السحري لكل المشاكل والعقبات اللي هتقابلك في عملية التعلم عموما وهو: اكتر الكورسات حضورًا علي منصة كورسيرا :: كورس تعلم كيف تتعلم ببساطه الكورس هيقدملك - هتفهم ازاي الدماغ بيستقبل المعلومات وازاي بيعالجها ويحتفظ بيها - ازاي تقسم الموضوعات المعقدة الي ابسط صورة ممكنه - ازاي تبني عادات تعليميه وتخلي التعلم جزأ يومك ميكملش غير بيه - تتخطي كل الحاجات اللي هتقابلك من تسويف وقلق او قلة انضباط عموما -تكتسب ادوات وتقنيات عملية هتحسن جدا من زاكرتك وازاي تطبقها رحلة تعلم ممتعة ان شاء الله.✅

تعميم الاستجابة مهم جدا في معاملاتنا اليومية وده لازم نخطط له من اول يوم في الخطة ومعناه ببساطة الاستجابة باستجابات مختلفة لنفس الموقف (المثير) زي المثال اللي في الصور مثلا لما تقابل حد ويقوم بالقاء التحية عليك فممكن هنا تستجيب بعدة طرق او لما تكون عاوز تشرب مياة وتطلب بأكثر من طريقة زي ممكن تديني مياة عاوز كوباية مياة اذا سمحت ناولني المياة من جنبك لو سمحت عاوز اشرب ممكن اشرب مياة ساقعة اديني ازازة المياة اللي جنبك من فضلك.... وهكذا "د.دينا مصطفي