برمـجَـة ✨ .

بدايه ترم كويسه بالنسبة لي خلصنا الاسبوع الرابع وكميه اشياء متراكمه علي 🤨👎🏻 لكن نقول هانت مع اجازة الوطني يمدي يمدي نلحق قبل يجي السابع والميدات وصفقوا لي لاول مره بالحياة اذاكر مادة واخلص جزئية الميد قبل الاختبار باسبوعين 😎 باقي لي مادتين واختم والوضع مستتب ترم التخرج لازم يكون غير الله يوفقنا يارب وياكم وشدوا حيلكم عشان تجي الاجازة وانتو مريحين

هذا افكار مشاريع تخرج تكلم عنها انس الله يعطيه العافيه ان شاءالله تفيدكم ✨

الي قريب راح يتخرج او عندك مشروع وما تعرف وش تسوي مشروع تخرج فيه ٦٦ فكرة وفيه ١٠ افكار نادرة ومحد قد سواها إن شاء الله راح تساعدك👆🏼. وبنهاية أحتاج دقيقة من وقتك تعطيني لايك على التغريدة 🤍 https://x.com/sesooio/status/1826307828220367348?s=46&t=N3-Ppe-FNFSRYtuK9qdRHw

ثريد رقم ٤١ فيه كل شي يخص مشروع تخرج ٢ من البداية للنهاية النصايح الي بقولها لكم اكتبوا نظموا خططوا ووزعوا المهام لاتخلون المهام على شخص واحد انتم جميعكم تحت مسؤلية هذا المشروع خطاء يحصل الجميع يتحمله الدرجة تنرصد للجميع بناء على تعب الجميع مافي شخص شرح كويس تنرصد له درجه اخرى عن شخص مو كويس كلكم درجتكم وحده تدربوا زين مثل م قلت بخصوص الواجهات وقواعد البيانات خلوكم مسبقاً مجهزين كل شي فقط يبقى لكم التطبيق وارجع واقول اذا م كنتوا متعاونين م راح تنجحون افتحوا اجتماعات كل يوم محدد واشرحوا لبعض وساعدوا بعض هي كلها كم شهر وترصد النتيجه تعب اي تعب لكن يستاهل اتعبوا عشان تحصلون نتايج كويسه واتمنى اني ماقصرت بشرح كل التتجربتين واكيد فيه تفاصيل كثير م ذكرتها مابغا اطول عليكم ولكن اخذت المهم فقط والله يوفقكم يارب ويكتب لكم الخير جميعاً

والفخر الاخر رئيس قسمنا حضر مناقشتنا مشرفنا م حضر وزعلنا للي صار لكن العميد ورئيس قسمنا عوضونا وهذا كان كافي بالنسبه لي اني بيضت الوجه وزياده ✨

" الحلم اصبح واقع " 💗

وكميه فخر بنفسي ليومكم سعيده ان الدكتور طلبني بالاسم اشرح قدام العميد مسؤلية كبيره اي لكني قدها وبيضت الوجه وحصلنا على الممتاز بحمدلله وبكذا انتهت حكايتي مع مشاريع التخرج تجربة للامانه متعبه متعبه متعبه لكن يوم تشوف النتايج وتشوف تعبك قدامك تحس انك انجزت وانك فخور بنفسك وحتى الناس فخوره فيك حقيقي الحمدلله ❤️

وهذا كان افضل بوستر صممناه مختصر كل مشروعنا وهذا الي عرضناه قدام العميد د احمد السياط

وهنا المرجع كم مرجع عندنا ؟ ١٨ مرجع ليش لان كل شي ناخذه كمعلومة حتى لو تافه نكتبه رح يسالونك من وين جبت هالمعلومة انت مجبور تثبت انك اخذتها من موقع رسمي ومو اي موقع

هنا شكل التيست بعد التنفيذ لاحظواً ان كل الاشياء pass بمعنى ناجحه جربناها واشتغلت

وهذي الاكواد بلغات برمجة الويب يعني مو بس تعطونهم صور لا اثبات انكم اشتغلتوا بنفسكم على الاكواد وبعض المناقشين طلبوا منا نفتح الاكواد ونغير بالصور ونغير بالالوان ونغير بكل شي تبع الواجهة يعني ضروري جدا جدا تكونون فاهمين الاكواد

هذي الدايقرامات اتفقنا ان لازم يكون نفس الواقع بالتمام الي نسويه بالمستشفيات وقت الواحد يكون تعبان نسويه بالدايقرام وهذا النوع اسمه use case digram

محتوى التقرير لكل المشروعين كان عبارة عن ٥ شباتر 1-SYSTEM ANALYSIS... 2-SYSTEM DESIGN.. 3-IMPLEMENTATION AND TESTING 4-TECHNOLOGIES USED 5-CONCLUSION & FUTURE WORK .. اول شي دايقرامات وتحليل بعدين تنفيذ بعدين اكواد بعدين خاتمة ومرجع والخاتمة لازم تثبتون ان بالنهايه النظري نفذتوه واصبح عملي

او تختصرها على نفسك بجدول والجواب يكون yes -no

كل شي لازم تصوره انه شغال او لا

هذي كانت الواجهة الرسمية لموقعنا جداً اعجبتني صراحة وكذا نفذنا شابتر التيست الحين بوريكم ان كل شي نسويه نوثقه

التقرير تجمعون تقرير مشروع ١ ومشروع ٢ وبوقت المناقشة رح تنسئلون عن الاثنين لان خلص هذا النهائي شغلكم رح يتم التقيم عليه هنا يعني لازم ترجعون تراجعون اللغات والدايقرامات والكلام الي كتبتوه بمشروع ١-٢

هذا نوع من انواع التيست لكن احنا م سوينا كذا بوريكم الي سويناه هذا اسهل للامانة انه جدول وتقيم هل الواجهة اشتغلت هل الزر الفلاني اشتغل وهكذا لكن حنا على طلب المشرف كل شي يتم توثيقه