برمـجَـة ✨ .

عندي ولاء عظيم لتقريب بشكل م تتصورونه 🧡🧡 كسبت خبرات منهم وتوظفت بفضل الله ثم فضلهم بنظرهم شي بسيط لكن لو م دخلت معهم ولو ماشتغلت معهم م كان جتني عروض وظيفية بيئة حلوة وناس محترمة وايد وحدة حرفيا كاننا اهل هدفهم فعلا انك تنجح وتكسب مهارات

كل هذي النوادي الي شاركت فيها تراها فادتني سوا بوظيفة سوا بخبره سوا تعليم سوا علاقات عامة سوا مناصب سوا مدراء تعرفت على كل شي والنوادي ترا تحسسك انك فعلا عندك مهمة انت ملزم تقدمها بشكل مرتب لانها تمثلك وتمثل شغلك يعني ماشاءالله فيه نوادي تبارك الله كانك متوظف بينما هي تطوع منك ماتاخذ راتب ولاتاخذ شي لكن تكسب خبرة

بالقناة ان شاءالله اذا عدُنا بمشيئة الله رح تكون فيه سلسلة جديدة تخص النوادي والمعسكرات اي نادي يعلنون عن تسجيل عندهم رح انشره وكلنا نسجل ورح ينكتب لك مسمى سوا لجنة معينة سوا معسكر معين لاتستهينون بالنوادي والمعسكرات تراها تفيد بالذات احنا كوننا حاسب تفيد هي خبرتك

في السيفي حقي انا كتبت خبرتي بتقريب كل نادي تشارك فيه اكتب المسمى حقه بالسيفي تعتبر خبره لك المهم تكون اكثر من ٣-٤ شهور الى سنة وفوق وكل شي انت تكتبك تراك مسؤل عنه كل شي حرفيا انا كتبت سئلوني عنه جميع النقاط جميع الخبرات جميع الشهادات كل شي

ونعم بالله الكلام هذا يكفي عن مية سطر اكتبه لاتنسوني من دعواتكم ي رفاق والله يكتب الخير للجميع ويوفقكم وشاكرة دعواتكم وكلامكم الله يعطيكم على قد نيتكم وحبكم الخير للغير ❤️

دائما ردد على لسانك انك رح تنجح انك رح تصير شي كبير والله ي جماعة اني مالي هدف اكذب عليكم لكنها صدق والله صدق انا اضحك قبل واقول بصير كذا وكذا والله اصير والله بعد سنه سنتين اصير قال تعالى: (انا عند ظن عبدي بي).. ‏ان ظننت به خير يكن، وان ظننت به شر يكن فاحسن الظن دائماً بالله دائما خلوا الخير وحسن الظن بالله شي اساسي قدامك لو كل الظروف عكس كل الي تقوله قل لا بصير كذا انا كل الظروف وكل شي قدامي كان يوحي لي ان م راح اتخرج م راح اتوظف م راح اكمل خلاص انتهى الشغف مع ذلك اقول لا ربي يبيني اكمل لان عندي طموح عندي حلم انا متاكده اني بصير شي كبير والحمدلله قاعده اشوف اثر كلامي في حياتي مانت خاسر شي يالانسان لو قلتها م راح يضرك شي يعني قلها وانت تضحك بعد ورح تصير وتصيب بأذن الله

وقلتها كثير دائما يجوني ناس ليش حنا ننرفض من قالكم انا مانرفض انا يوميا اشعارات الرفض م تتركني😂 مثلي مثلكم والله واتحبط واستسلم واقول خلاص طفشت قرفت ثاني يوم اسعى واحمد الله الحياه كذا يوم لك ويوم عليك اذا كل مره تفشل تبكي وخلاص الدنيا وقفت من الحين اقولك لاتنتظر وظيفة لان م راح تنجح

صدقوني انا انرفضت كثير واتضايق انسان بطبعي بشر لكن مانشر لان ماحب السلبية ماحب انشر طاقه غير عادتي لكن والله انت لمن تفشل او ترسب او تحمل او تنرفض صدقني مو نهاية الحياة استمر واسعى وحاول وادرس واتعب على نفسك بتحصل اقدر اوريكم كم مره انرفضت وكم مره فشلت وكم مره حملت مواد لكن هل الدنيا انتهت؟ الحمدلله دام مؤمنين بقضاء الله وقدره وان ربي مختار الخير ف مافي شي يدعو للزعل ❤️

وشي ثاني مهم كونك طالب جامعي النوادي مهمة والمعكسرات مهمة بعد توفيق الله ثم هم م جتني عروض وظيفية والفضل بعد الله الى تقريب 🧡 م كذبت يوم قلت ان الوظايف بتقريب هي تجيك مو انت تركض لها لهم فضل كبير علي كوني كسبت خبرة منهم وضفتها بالسيفي حقي وشافوها موظفين Hr وتوظفت بنفس المسمى الي اشتغلت وكسبت خبرة فيه بتقريب اشتغلوا على نفسكم وسجلوا بالنوادي والمعسكرات والشركات اكسبوا خبرات لازم تتعبون لازم تعيشون التجربة لازم انت تركض وتعرف بحالك للناس الي م يتعب والله م راح تجيك الوظيفة على طبق من ذهب وتقولك يلا تعال انت اسعى ورزقك يجيك خوذوا شهادات احترافية ادخلوا نوادي اشتغلوا فيها اكسبوا علاقات عامة تدربوا بشركات كل هذي الاشياء اكتبوها بالسيفي حقكم ترا والله تفيد والله انها تفيد اتكلم من واقع تجربة

ارجع اقول لينكدان اهم من اسمك ضبطوا حساباتكم كل الشركات موجودة بلينكدان كل شي حرفيا حاليا هذا زمن لينكدان اي شخص مو عارف يضبط حسابه يكتب بالتعليقات وانا بساعدة ولاابي منكم الا الدعوات

٤٣ د كانت اجمل الدقايق ماحسيت انها مقابلة عمل كثر ماني مرتاحه وجالسة اسولف واكسب خبرة واخذ واعطي ويشرحون لي واشرح لهم ماتوترت ابداً لاني ارتحت وسوا انقبلت مانقبلت انا راضيه لان عجبني الحوار اتمنى كل موظفين موارد البشرية زي كذا الفئة هذي جداً رائعة تطلع خبراتك مواهبك ترتاح اكثر يهمني بيئة العمل اكثر من العمل والراتب نفسه تصدقون؟

انا دائما اقدم بكل مكان رغم ان باقي ماستلمت الوثيقة بس اقول يلا خل اجرب وش بخسر منها اتعلم لنفسي بعدين لاخلصت اليوم الي انا قدمت به على هذي الوظيفه انا ماقدمت لنفس المسمى لمسمى ثاني وماكنت للامانة مرتاحه مابي المسمى القديم لان مو تخصصي ولادراستي وش مافهم فيه ولااستمتع فيه يعني ان قبلوني عشان راتب فقط اما هل بقدم شي لهم لا لكن سبحانك جاء وقت المقابلة وجالسة اتناقش مع موظف موارد بشرية ويسالني واجوبتي بالمسمى القديم كلها بيرفكت وفوق البيرفكت بنص الكلام قلت له انا عندي خبرة في كذا وكذا وكذا هي اشياء مالها علاقه بالمقابله اصلا بس ربي كانه قالي قوليها فجئة قال اساسا عندنا وظيفه بنفس المتطلبات ونفس كل شي تبينها؟ ماحكي لكم فرحتي قلت اكيد ابيها شي انا افهم فيه واحبه وتخصصي ومجالي ولي خبرة فيه جاتني على طبق من ذهب ف سبحانك يالله فعلا اقرب الينا من حبل الوريد مرات صدق احس ان ربي قريب مني واحب هذا الشعور حيل بدون ماتكلم بدون ماشرح الناس تفهمني الحياه تفهمني اتمنى من كل قلبي انكم تجربون الشعور هذا والحمدلله تيسرت لي نفس مابي نفس مجالي وللعلم هي مو وظيفة رسمية هي فقط اتسلى فيها لين اتخرج واستلم الوثيقة ونبدا جد يعني قولوا كسب خبرات اكثر من وظيفة وظيفة

الحوا ي جماعه بالدعاء حرفيا كل شي يتيسر باليقين والثقة بالله ربي يحب العبد اللحوح صدقوني كل شي بالدنيا هذي رح يجيك اذا فقط ايمانك زاد بالله تعالى بين كلامي هذا وكلامي السابق كان شهر فقط واقل بعد دائما احسنوا الظن بالله دائما تاكدوا ان رب العالمين مختارلكم الشي الزين وان مستحيل يخذل عبد من عباده والله اني اخطط واجتهد واسعى وادعي وبالنهاية الي يبيه ربي ينكتب لي يمكن الي انا اسعى واتعب له غير عن الي كاتبه ربي وازعل لكن ربي كاتبلي نجوم بينما انا حلمي نجمة والله اني رضيت بالقضاء والقدر بامور كثير السنتين هذي علمتني اشياء كثير والله اني اتكلم من واقع تجربة وشي انا عشته كل م تصبر وترضى بقضاء ربي يجيك العوض دبل يجيك بشكل م تتصوره الحمدلله على كل شي بالدنيا هذا رسالتي لكل واحد عاطل او يبحث عن وظيفه صدقني ربي مو ناسي احد هو موزع الارزاق كل شخص ورزقه لكن انت بدعائك تقدر تغير قدرك ادعوا باللي قلبكم يقوله بدون ترتيب كلام بدون جهد بدون تفكير الي بقلبك فضفض به قصة الوظيفه هذي لو اقولكم كيف جتني محد بيصدقني لكنها صدق مكتوبة

العوض الذي يأتي من الله ، مهما تأخر يأتي ‏مُذهلًا .. مُباركًا .. جابِراً ‏ الحمدلله دائما وابدا سعّيدة قد الدنيا ان ربي يشوف قد ايش اتعب واسعى واطمح دعواتكم وسعادتكم لي وصلتني قبل حتى ماعلن اللهم لك الحمد والعقبى للجميع يارب فالكم الوظايف الي ترضيكم وترضى تعبكم ورح اظل اسعى واساعد غيري لان الي يعطي ويحب الخير ربي يعطيه على قد نيته ❤️

بخاطري والله اعلمكم لان تعودت دائما اشارك معكم كل شي جميل وانجاز لكن ماقدر للاسف لين يصير كل شي رسمي 😭😭😭🥲😂 دعواتكم الله يتممم على خير ويوفقنا اجمعين 💗

صباحكم خير عارفه اني مقصرة جداً بالقناة الفترة هذي لاثريدات ولا معسكرات او دورات تدريبية لكن بأذن الله مجهزه لكم خبر متاكدة بيفرحكم مثل م فرحني وهذا هو سبب انشغالي الايام الي راحت دائما اي امر تقدمه ويكون خالص لوجة الله تعالى يرجع لك اضعاف اضعافه الحمدلله حمداً طيبا مباركا فيه من بداية دراستي وافتتاح قناتي وانا كل شي اقدمه مانتظر منه الا الاجر والدعاء والسمعة الحسنة ويالله قاعد يرجع لي كل تعب تعبته فالحمدلله قدم الشي ولاتنتظر الا اجرك وربي يعوضك اعتذر من كل شخص ارسلي الفترة الماضية ولارديت عليه او استفسارات بالخاص ولارديت يشهد الله اني انشغلت جداً ❤️ لنا لقاء قريب بأذن الله بانجازات اكثر واكثر …✨

انصفنا الترم وخلصت كل المُهام 🦦🥰 والاسبوع ذا كاملاً اوف ترم التخرج ايه ده الدلع

صباحكم خير ✨ عدنا لكم بعد غياب المعذرة كان عندي ميدات وشوية اشغال احس اني فخوره بنفسييي وش هالثقة الي خليت صديقاتي يجون يسألوني عن ايش يبغون يتوظفون شعور جداً جميلل ❤️❤️