᷂قصيّد

واللي جعل عصريّة الجمعة جواب السائلين أني أحبك حب — مايوصف ولا يلحق مداه

ولا تندم على الماضي ولا تبكي على الأطلال ‏مثل ما الشمس مغربها هناك هناك مشرقها

" أنطفى نور الأمان وما غدى لـ الصبح طاري ‏وابتدأ ليل الشعر يرسل مع العتمه نذيره ‏مرّ في بالي شريطٍ فيه من عمري مواري ‏يشبه أحلام السنين وعثرة اليأس الأخيره مو غريب إن السكون يجول في سكّة نهاري ‏الغريب إن الصخب في ليلي أحداثه كثيره ‏بين صدفه جابها العمر ووداعٍ بـ أختياري ‏ما عرف قلبي يطيع الواقع أو يرضي ضميره ‏كنت أظن إن مرّت الأيام بيْجفّ أنتظاري ‏ما هقيت إن الأمل يستمطر إليا جفّ بيره كيف صارت وحشة الغربه تغني في دياري ‏ذبلت أنوار الشوارع وأنطفت شبه الجزيره ودي أقسى ، ودي أنسى ، ودي أرسى في مساري ‏وأمسك يدين اليقين .. اللي تخافه كل حيره وش على يمناي تتحمل شقى خطوة يساري ! وش على القلب يتحمل صدمة الوهم الكبيره ؟ ‏لـ الليال الذكريات ، ولـ الصباحات الطواري ‏ولـ العبور التضحيات ، ولـ السنين البعد خيره العمر ما هو مشاورني ولا رهن لـ قراري العمر يمضي وسيف الوقت ما يحضن جفيره ذي نجوم التايهين .. اللي تجلّت في مداري ‏وذا خفوقي مؤمن إن التيه منفاه ومصيره لا تداوين الجروح ، ولا تمرين أنكساري ‏وجهك أنتي له ملامح تبري الجرح وتثيره يا عظيمه ما معي غير الموادع وأعتذاري ما بقى في مرجع الإحساس درع ولا ذخيره كنت داري بـ الرحيل المرّ .. والله كنت داري ‏وكنت داري إن الوداع أقسى من الدرب وهجيره إذكريني لا بكت نجد .. وتخطتها الصحاري وأكتبيني لـ الرسايل كل ما أنقصت ظفيره إنتهى عذر اللقاء من يوم ما مات أنبهاري ‏يوم جيتيني ورحت ولا طرى لـ الشوق سيره " - فيصل القاضي

‏سبايب وليفٍ حط فالقلب ست ارماح ‏تندم على حالي بعد مامكن ارماحه ‏ترى القلب طير وشوفتك كنها الملواح ‏ترفق على قلبي ولا تجدد اجراحه

‏عايش بمرحله مدري وش تسمّى ‏لكن الظاهر أسم المرحله عادي ‏زاهدٍ لي بأمور ، حبها جمّا ‏وصاير يقفي أغلى الناس ما أنادي ‏حتى لو الوضع ماهوب أخو شمّا ‏العرب تخترش جنبي وانا هادي

انت لو تغيب عني وتتركني وحيد والله ان يبطي بي الجرح منّك ما برى حافظً حبّك ومخفيه في مجرى الوريد كن مابه عين شافت ولا حيّ درى

انت لو تغيب عني وتتركني وحيد والله ان يبطي بي الجرح منّك ما برى حافظً حبّك ومخفيه في مجرى الوريد كن ما به عين شافت ولا حيّ درى

تموت الحروف اللي تباهت على طرياك تقل ما هي لعينك من القلب مولودة ما غير أكتب وأمسح قصايد بعد فرقاك لو إن القصايد دون مسمعك مؤودة رحل عمري الفايت بلا صوتك ولقياك وأكيد الليال اللي بقت لي محدودة ماني عاشقك بالأمس لأجل بغدي أنساك أنا شاعرٍ قبل الشعر جهّز شهوده عزاي إن عشقي كان ما جاء على مشهاك يردد قصيدي فيك عاشق بمقصوده فَهَدْ السعد

شرهه مليئه بالاحباط زي شرهه أبو نوره يوم قال (( تنشد عن الحال حالي كيف ماشفته )) وختمها بنبرة يأس (( وأنا أحسب أنك قبل الوقت تدري به ))

‏أي والله إن ودي أحاكيه وأبعث له ‏لكن بعض الرسايل تبث أوجاعي ‏هو خايف إني معاد أرجع وأنا مثله ‏خايف من الرجعة اللي مالها داعي ‏— علي الدعيّه

‏كيف برجع بأول الدرب و أكون الغريب ‏دام ربعي عادي تموت ماترجع ورى

‏لاتعود لي تبكي ندم حيل مجروح ‏مشطوب من قلبي وعقلي وخيالي ‏بساير الدنيا على .. وين ماروح ‏اضحك وانا بضحك والندم فيك تالي

‏لاتعود لي تبكي ندم حيل مجروح ‏مشطوب من قلبي وعقلي وخيالي ‏بساير الدنيا على .. وين ماروح ‏اضحك وانا بضحك والندم فيك تالي

تعبت أسقي عذق قلبي ومايثمر سوى الغياب ‏تعبت أرثي مغيّب الشمّس ولا به فيّ يرثيني

‏احبك حسبي الله ليت مالك في سماي بروج ‏ولا لك في البسيطة كود شيٍ بينك وبيني ‏دخيلك لا تلفت رح بفالك واترك المرجوج ‏تغانم ما بقى لك ولا انا ما عاد يمديني ‏فمان الله سق ركبك على درب السنين العوج ‏ولكن طالبك لا اقفيت عني .. لا تخليني

‏عليك السلام الوافر بكل وقت وحين ‏يامن غاب عن عيني ولا غابت أطيوفه ‏يقولون لابد اللقاء يجمع الحيين ‏وأنا أقول لولا الوقت ما شانت ظروفه ‏سقى الله يوم المواجه شبة روتين ‏وجلساتنا بالود والشوق محفوفه ‏قبل دمعة الحسره تبل الجفن وتبين ‏وتستوطن الاحزان في جوفي وجوفه

لقيت إن القصيد أبلغ لغة وأحلى من الميعاد ‏ على قلبٍ يشوف العافية في شوف معشوقه