និស្សិតរដ្ឋបាល-RULE

បណ្ឌិត្យសភាភូមិន្ទយុត្តិធម៌កម្ពុជា (អតីតរាជបណ្ឌិតសភាវិជ្ជាជីវៈតុលាការ) សូមជម្រាបជូន និស្សិត និងមន្ត្រីរាជការទាំងពីរភេទ មេត្តាជ្រាបថា៖ បណ្ឌិត្យសភាភូមិន្ទយុត្តិធម៌កម្ពុជា ចាប់ផ្តើមទទួលពាក្យសុំប្រឡងប្រជែងជ្រើសរើសសិស្សអាជ្ញាសាលា ជំនាន់ទី ៣ សម្រាប់ឆ្នាំសិក្សា ២០២៤-២០២៦ ចាប់ពីថ្ងៃចន្ទ ទី១០ ខែមេសា ឆ្នាំ២០២៣ តទៅ។

ឱកាសការងារ! សេចក្តីជូនដំណឹង ស្តីពីការប្រឡងជ្រេីសរេីសមន្ត្រីរាជការស៊ីវិលក្នុងក្របខ័ណ្ឌក្រុមប្រឹក្សាអភិវឌ្ឍន៍កម្ពុជា សម្រាប់ឆ្នាំ២០២៣ ប្រភេទ ក្របខ័ណ្ឌ ក ចំនួន ៦ កន្លែង។ -គណៈកម្មាធិការវិនិយោគកម្ពុជា ចំនួន ៣ កន្លែង -គណៈកម្មាធិការតំបន់សេដ្ឋកិច្ចពិសេសកម្ពុជា ចំនួន ២ កន្លែង -គណៈកម្មាធិការនីតិសម្បទានិងអភិវឌ្ឍន៍កម្ពុជា ចំនួន ១ កន្លែង។ ចាប់ទទួលពាក្យពីថ្ងៃជូនដំណឹងនេះ រៀងរាល់ម៉ោងធ្វើការ រហូតដល់ថ្ងៃទី២៨ ខែមេសា ឆ្នាំ២០២៣។ ដើម្បីទទួលបានឯកសារជាទម្រង់ PDF សូមចុចតំណភ្ជាប់ខាងក្រោម៖ https://t.me/tddocuments/2756

អត្ថន័យពាក្យ«សង្ក្រាន្ដ» និងការចាប់ផ្ដើមប្រើប្រាស់ពាក្យនេះ សង្ក្រាន្ដ ជាពាក្យកម្ចីមកពីភាសាសំស្ក្រឹត ដែលខ្មែរនិយមយកមកប្រើប្រាស់ដើម្បីសម្គាល់ព្រឹត្តិការណ៍ដែលរៀបចំឡើង នៅក្នុងអំឡុងពេល«បុណ្យចូលឆ្នាំថ្មី»។ ពាក្យនេះ ប្រហែលចាប់ផ្ដើមប្រើប្រាស់នៅក្នុងសង្គមខ្មែរ នៅតាមសិលាចារឹក ពីពាក់កណ្ដាលទី១ ស.វ ទី១០។ បើតាមប្រសាសន៍លោក ហ៊ុន ឈុនតេង ជាគ្រូបង្រៀននៅដេប៉ាតឺម៉ង់ភាសាវិទ្យា ពាក្យទាក់ទងនិងសង្ក្រានមានបី ដូចជា អង្គរសង្ក្រាន មហាសង្រ្កាន និង ត្រស្ដិសង្ក្រាន្ដ។ នៅក្នុងសិលាចារឹកខ្មែរក៏មានពាក្យ «សង្ក្រាន្ដ» ផងដែរ។ ពាក្យសង្ក្រាន្ដមិនមែនជាពាក្យកំណើតក្នុងភាសាខ្មែរនោះទេ វាជាពាក្យកម្ចីមានប្រភពមកពីភាសាសំស្ក្រឹត។ សង្ក្រាន្ដ មានន័យបួនយ៉ាងគឺ ដំណើរចាកទី ការឈានចូលដល់ ដំណើរដែលព្រះអាទិត្យចរចូលដល់ទីចួបមួយជុំរាសីចក្រ គឺដំណើរដែលដើមនិងចុងរាសីចក្រចួបគ្នា ពេញគ្រប់ជាមួយឆ្នាំ (ដំណើរឆ្នាំចាស់ផ្លាស់ចូលឆ្នាំថ្មី) និង ពិធីចូលឆ្នាំថ្មី។ លោក ហ៊ុន ឈុនតេង បានបន្ដថា ពាក្យ«សង្ក្រាន្ដ» អាចចាប់ផ្ដើមប្រើប្រាស់នៅក្នុងសង្គមខ្មែរ នៅតាមសិលាចារឹក ពីពាក់កណ្ដាលទី១ ស.វ ទី១០។ តាមទិន្នន័យសិលាចារឹក ពុំបានបញ្ជាក់ច្បាស់ថា «សង្ក្រាន្ដ» ត្រួវបានធ្វើនៅថ្ងៃខែឆ្នាំណា ឱ្យប្រាកដនោះទេ។ បើត្រឡប់ទៅគិតដល់«សង្ក្រាន្ដ» ជាពេលដែលព្រះអាទិត្យគោចរចូលរាសីថ្មី នោះមានន័យថា «សង្ក្រាន្ដ» មានរហូតដល់ទៅ១២ ព្រោះចំនួនរាសីចក្រមានចំនួន១២ដែរ។ យ៉ាងហោចណាស់មានសិលាចារឹកបី ដែលនាំឱ្យមានពន្លឺអំពីរឿងនេះកាន់តែច្បាស់។ លោក ហ៊ុន ឈុនតេង បានបញ្ជាក់ថា តាមភស្ដុតាង ដែលបានបង្ហាញកន្លងមក «សង្ក្រាន្ដ» ត្រូវបានប្រារព្ធធ្វើនៅពេលដែលព្រះអាទិត្យគោចរ ចេញពីរាសីមួយទៅរាសីមួយទៀត។ ក្នុងមួយឆ្នាំ មានការប្រារព្ធពិធីសាសនា១២ដង ត្បិតមានសង្ក្រាន្ដចំនួន១២ដង។ ហើយនៅតាមតំបន់និងហេតុផលផ្សេងៗគេជ្រើសរើសយក «សង្ក្រាន្ដ» ណាមួយធ្វើជា «ពិធីបុណ្យចូលឆ្នាំ» ទៅជនជាតិ ឬជាតិសាសន៍នោះ។ គួរបញ្ជាក់ថា នៅកម្ពុជានិយមប្រើពាក្យ «បុណ្យចូលឆ្នាំថ្មី» និង «មហាសង្ក្រាន្ដ» ដើម្បីសម្គាល់ពេលវេលាចូលឆ្នាំថ្មី។ ដូច្នេះហើយទើបថ្ងៃចូលឆ្នាំទី១ ហៅថា «ថ្ងៃមហាសង្ក្រាន្ដ»៕

💌រៀនចប់បរិញ្ញាបត្រដូចគ្នា ប៉ុន្តែកម្រិតចំណេះដឹង មិនប្រាកដថាដូចគ្នាទេ។ 💌ប្រាក់ខែដូចគ្នា ប៉ុន្តែមិនប្រាកដថាតួនាទី និងសមត្ថភាពការងារដូចគ្នាទេ។ 💌ជោគជ័យដូចគ្នា ប៉ុន្តែមិនប្រាកដថា ការតស៊ូប្រឹងប្រែង ភាពឆ្លាតវៃ និងកាល:បង់កន្លងមក វាដូចគ្នានោះទេ។ មនុស្សខ្លះកើតមកនៅក្នុងជម្រកទ្រព្យ លុយ ឡាន គ្រឿងស ម្ភារ:និយម។ អ្នកខ្លះទៀតកើតមកជាមួយនឹងការជួយជ្រោ មជ្រែងយ៉ាងសម្បើម ខ្លីៗសូម្បីតែដើរក៏មានអ្នកអមដែរ។ អ្នកខ្លះទៀត កើតមកជាមួយនឹងពិភពឱកាស ឆ្វេងឱកាសស្ដាំឱកាស ឱកាសខ្លះមានប្រគេនឱ្យដល់ដៃគេតែម្ដង ។ អ្នកខ្លះទៀតវិញ កើតមកមានគ្រប់យ៉ាងទាំងអស់នោះតែម្ដង មិនបាច់ខ្វល់ មួយជីវិតបិទភ្នែកសប្បាយ។ ប៉ុន្តែទន្ទឹមគ្នានោះដែរ ក៏មានមនុស្សមួយចំនួនកើតមកនៅក្នុងភាពខ្សត់ខ្សោយ ស្ថានភាពបែកបាក់ តែលតោលហើយ ល្ហ ល្ហេវ។ មែនទែនទៅចង់បាន ឬចង់សម្រេចរឿងអីមួយ គេត្រូវជម្នះ អត់ធ្មត់ ត្រដរ តស៊ូ ក្រាញននៀល បែកញើសហូរញើស ហើយព្យាយាមបង្កើតឱកាស និងចាប់យកឱកាសទាំងវេទនា។ ឧទាហរណ៍ងាយៗ: គេមានឡានជិះមកសាលា គេប្រើរបស់ថ្លៃៗ គេមានលុយរៀនដោយមិនចាំបាច់ធ្វើការ ប៉ុន្តែយើងវិញរៀនផងការងារផង រកតែលុយញាុំបាយ ហើយចាក់សាំុងសឹងតែគ្មាន ពិត??? មកដល់ចំណុចនេះ អ្នកកំពុងតែប្រៀបធៀប? អ្នកកំពុងតែតូចចិត្ត? អន់ចិត្ត? ឬអ្នកកំពុងតែគិតបែងចែកឋាន: តួនាទី ឬពាក្យថាមានក្រ?? អត្ថបទមួយនេះមិនមែនធ្វើឡើងដើម្បីឱ្យអ្នកប្រៀបធៀប រើសអើង ហើយទៅបែងចែកបក្សពួក ស្អប់នរណាម្នាក់នោះឡើយ។ ហេតុអីអ្នកត្រូវទៅប្រកាន់ខឹង ឬទៅច្រណែនរឿងទាំងនោះ? ទាំងដែលមនុស្សយើងមានពិភពផ្ទាល់ខ្លួន(មានតែយើង ឬគេខ្លួនឯងទេទើបដឹងច្បាស់) ក៏មានសុខមានទុក្ខដោយឡែកៗពីគ្នា។ មិនអីចឹង? ប៉ុន្តែកាលដែលខ្ញុំលើកឡើងនេះ ខ្ញុំគ្រាន់តែចង់ឱ្យអ្នកពិចារណា ហើយអរគុណចំពោះខ្លួនឯងប៉ុណ្ណោះ។ 👉អរគុណដែលខ្លួនឯងមិនបោះបង់ខ្លួនឯង នៅតែអនុញ្ញាត្តិឱ្យដង្ហើមនេះដកបន្ត ហើយរៀនរស់នៅជាមួយនិងខ្លួនឯង។ 👉អរគុណដែលខ្លួនឯងព្យាយាមផ្ដល់ឱ្យខ្លួនឯងនូវក្ដីសុខ និងភាពកក់ក្ដៅ បើទោះបីជាជីវិតនេះមិនសូវអំណោយផលចំពោះខ្លួនឯង។ 👉ហើយក៏អរគុណដែលខ្លួនឯងធ្វើឱ្យខ្លួនឯងមានថ្ងៃនេះ ការតស៊ូ ប្រឹងប្រែង កាល:បង់ ទឹកភ្នែក ញើសឈាម និងកម្លាំងជម្នះកន្លងមក... កុំបំបាក់ខ្លួនឯង ឬទៅច្រណែនអ្នកណា ព្រោះដង្ហើមដែលអ្នកដក និងលទ្ធផលជីវិតដែលអ្នកមាន វាបញ្ជាក់ពីកម្រិតនៃភា ពរឹងមាំ ការតស៊ូ ភាពឈ្លាសវៃ និងភាពពូកែៗដែលអ្នកមាន។ ត្រូវមានមោទកភាពនៅចំពោះមុខនូវលទ្ធផលទាំងនេះ ព្រោះវាកើតពីការសន្សំចេញពីកាក់សេន និងកម្លាំងញើសឈាមរបស់អ្នកពិតៗ។ #អរគុណ_ហើយស្រឡាញ់ខ្លួនឯងឱ្យច្រើនៗ!♥️ អត្ថបទពី: ស្នង នេត្រា

🔊🔊🔊🔊🔊🔊 សេចក្តីជូនដំណឹង ស្តីពីការប្រឡងជ្រើសរើសនិស្សិត និងមន្ត្រីរាជការ ចូលបម្រើការងារ ក្នុងក្របខ័ណ្ឌក្រសួងសាធារណការ និងដឹកជញ្ជូន សម្រាប់ឆ្នាំ២០២៣

សេចក្តីជូនដំណឹងស្តីពីការជ្រើសរើសបេក្ខជនចូលបម្រើការងារក្នុងក្របខណ្ឌទីស្តីការគណៈរដ្ឋមន្ត្រីសម្រាប់ឆ្នាំ២០២៣ ចំនួន 14 កន្លែង

ទីតាំង និងម៉ោងចេញដំណើរ ឡានក្រុងឥតគិតថ្លៃទៅស្រុកកំណើត ក្នុងឱកាសពិធីបុណ្យចូលឆ្នាំប្រពៃណីខ្មែរ 🇰🇭

ហេតុអ្វីចាំបាច់ចុះសំបុត្រអាពាហ៍ពិពាហ៍? តើការចុះសំបុត្រអាពាហ៍ពិពាហ៍មានសារៈប្រយោជន៍អ្វីខ្លះ? តើត្រូវចុះនៅទីណា? ភ្ជាប់ឯកសារអ្វីខ្លះ? សូមឈ្វេងយល់ អំពីការចុះសំបុត្រអាពាហ៍ពិពាហ៍ ដោយសង្ខេបដូចខាងក្រោម: សំបុត្រអត្រានុកូលដ្ឋានអាពាហ៍ពិពាហ៍ ១-សារៈប្រយោជន៍នៃសំបុត្រអត្រានុកូលដ្ឋានអាពាហ៍ពិពាហ៍ -ចុះបញ្ជីអត្រានុកូលដ្ឋានកំណើតរបស់កូន -ធ្វើសៀវភៅស្នាក់នៅ ឬសៀវភៅគ្រួសារ -ការពារប្រឆាំងនឹងទ្វេពន្ធភាព -ការពារទ្រព្យសម្បត្តិរួមរបស់ប្តីប្រពន្ធ -ទទួលអាហារកិច្ចពេលឪពុកម្តាយលែងលះគ្នា -សម្រាប់ស្នើសុំប័ណ្ណកម្មសិទ្ធិនានា -ជាមូលដ្ឋានក្នុងកិច្ចការផ្សេងៗ ២-លក្ខខណ្ឌចាំបាច់ដើម្បីចុះបញ្ជីអត្រានុកូលដ្ឋានអាពាហ៍ពិពាហ៍ -បុរស នារី ត្រូវមានអាយុចាប់ពី១៨ឆ្នាំឡើង -ប័ណ្ណប្រកាសអាពាហ៍ពិពាហ៍ដែលបានបិទប្រកាសជាសាធារណៈ ផុតរយៈពេល១០ថ្ងៃដោយគ្មានការប្តឹងតវ៉ា -សាក្សីចំនួន ០២រូបជានីតិជនដែលមានលំនៅដ្ឋានពិតប្រាកដ។ ៣-ឯកសារសម្រាប់ស្នើសុំចុះបញ្ជីអត្រានុកូលដ្ឋានអាពាហ៍ពិពាហ៍ -ពាក្យសុំរៀបអាពាហ៍ពិពាហ៍ -សេចក្តីចម្លងសំបុត្រអត្រានុកូលដ្ឋានកំណើតរបស់សាមីខ្លួនទាំងពីរ -លិខិតបញ្ជាក់ភាពនៅលីវ មេម៉ាយ ឬពោះម៉ាយរបស់សាមីខ្លួនទាំងពីរ -សៀវភៅស្នាក់នៅ ឬសៀវភៅគ្រួសាររបស់សាមីខ្លួនទាំងពីរ -អត្តសញ្ញាណប័ណ្ណសញ្ជាតិខ្មែររបស់សាមីខ្លួនទាំងពីរ (ប្រសិនបើមាន)។ ៤-ទីកន្លែងចុះបញ្ជីអត្រានុកូលដ្ឋានអាពាហ៍ពិពាហ៍ សាលាឃុំ សង្កាត់ នៃលំនៅដ្ឋានអចិន្ត្រៃយ៍ខាងនារី។ ៥-តម្លៃនៃការចុះបញ្ជីអត្រានុកូលដ្ឋានអាពាហ៍ពិពាហ៍ ដោយឥតគិតថ្លៃ។

អានលេង..!

ឱកាសល្អ! ក្រសួងបរិស្ថានជ្រើសរើសមន្ត្រីក្របខ័ណ្ឌ ៣១ នាក់ (ផុតកំណត់៖ ០៥ ឧសភា ២០២៣)