مخيم العلوم Science Camp

لكل محبي مجلة ( باسم ) عندي لكم مفاجأة رهييييبة أسطورية إن شاء الله بعد قليل 😍😍 https://t.me/donaldduckcomics

ما هي حقيقة نظرية التطور ؟ وهل الدين بيعارضها أو بيتعارض معاها 🤔 ! وهل من الأهمية أصلاً إن إحنا نتعرف على النظرية دي ؟!! وهل يتعارض الإيمان مع تلك النظرية ؟!! وهل التطور بينفي التميز البشري ؟ ولماذا لا نرى القدرات العقلية في باقي الكائنات ؟! وكيف نشأ العقل والوعي من مادة لا تعقل ؟؟ لماذا توجد في أجسامنا تشريحيا سمات ( بدائية ) كما يقول العلماء على العصعص ؟؟!! ولماذا لا توجد كائنات تبني حضارات ؟!! أسئلة كثيرة مهمة ، استعدوا لبحثي الجديد فيها بمشيئة الله تعالى . كل الأسئلة دي هنجاوب عليها مع بعض في البحث ده . وهننطلق من قول الله تعالى ( قل سيروا في الأرض فانظروا كيف بدأ الخلق ) وقوله ( سنريهم آياتنا في الآفاق وفي أنفسهم حتى يتبين لهم أنه الحق ) . فانتظروني بمشيئة الله في أكبر بحث سأقوم بإعداده .. قريباً بمشيئة الله .

ماذا نعرف عن القواعد النيتروجينية ؟! أولاً: إيه هي القواعد النيتروجينية ؟ هي مركبات عضوية بتكون جزء من النيوكليوتيدات (الوحدة الأساسية لـ DNA وRNA) . واسمها "نيتروجينية" لأن فيها ذرات نيتروجين (N) بجانب الكربون والهيدروجين . القواعد دي بتكون مسئولة عن تخزين المعلومات الوراثية في الكائنات الحية. ثانياً: أنواع القواعد النيتروجينية في 5 أنواع رئيسية، وهي بتتقسم لـ مجموعتين : 1. البيورينات (Purines): - قواعد مزدوجة الحلقة (زي الإطارين). - أنواعها: - الأدينين (Adenine - A) - الجوانين (Guanine - G) 2. البيريميدينات (Pyrimidines): - قواعد وحيدة الحلقة (إطار واحد). - أنواعها: - الثايمين (Thymine - T)(فقط في DNA) - السايتوسين (Cytosine - C) - اليوراسيل (Uracil - U)(فقط في RNA) ثالثاً: الفرق بين DNA وRNA في القواعد - في DNA تلاقي القواعد : A, T, C, G - في RNA تلاقي القواعد: A, U, C, G يعني ( الثايمين ) بيحل محله ( اليوراسيل ) في RNA . رابعاً: طريقة اتحاد القواعد (التكامل الأساسي) القواعد النيتروجينية بتكون متقابلة في شريطي DNA عن طريق (روابط هيدروجينية) ، ودا بيحصل حسب قاعدة (تشارجاف ): - الأدينين (A) دايماً بيتحد مع الثايمين (T) في DNA (وبيتحد مع اليوراسيل (U) في RNA). - الجوانين (G) دايماً بيتحد مع السايتوسين (C) في DNA وRNA. - عدد الروابط الهيدروجينية بينهم: رابطتين هيدروجينيتين (A=T أو A=U) . تلات روابط هيدروجينية (G≡C) . خامساً: ليه القواعد النيتروجينية مهمة ؟ - الترتيب المختلف للقواعد النيتروجينية على طول شريط DNA هو اللي بيعّرف الجينات (المسئولة عن الصفات الوراثية). - أي تغيير في ترتيب القواعد (طفرة) ممكن يغير الصفات أو يؤدي لأمراض. شوف ال DNA زي سُلّم ملوي، كل درجة من السلم عبارة عن قاعدة نيتروجينية (A مع T أو G مع C) . - القواعد دي بتكون زي حروف جينية، وترتيبها بيكون الرسالة الوراثية ( الشفرة الوراثية ) اللي بتحدد لون عينك أو طولك أو أي صفة تانيه فيك ولازال حتى يومنا هذا هناك صفات كثيرة جدا لا يعرف العلماء هل هي من الصفات المتوارثة ام المكتسبة... أم غير ذلك . ( أحمد سمير ) ( الأحياء للجميع ) ( معلم أحياء )

ما بعد آينشتاين كتاب مهم جدا اقرأوه

شرحت لكم قبل كده ببساطة نظرية الأوتار واثناء ما كنت بقرأ فيها وقعت عيني على كلمة غريبة ( نظرية المجال الموحد ) ركنتها لحد ما خلصت مفهوم نظرية الأوتار وحاولت ألخصه ليا ولكم في كام سطر كده يشفي الصدور شويه ، وبعدين رجعت علشان أقرأ في نظرية المجال الموحد .. ركز معايا شوية : فكرة النظرية دي ببساطة إن العلماء عايزين يوحدوا القوى الأربعة الأساسية في الكون في معادلة أو قانون واحد، زي ما تحط الليمون والسكر والمية في كوب واحد وتشربهم مع بعض ( خليط يعني ). القوى الأربعة دول هم: 1. الجاذبية : اللي مخلياك ماشي على الأرض ومش طاير في الفضاء . 2. الكهرومغناطيسية : اللي بتحكم في الكهرباء والمغناطيسية والضوء والراديو وكل الحاجات اللي بتشحن أو بتتجذب . 3. القوة النووية القوية : اللي بتخلي نواة الذرة متماسكة (مش بتفكك نفسها). 4. القوة النووية الضعيفة : اللي لها علاقة بالانشطار النووي والإشعاع (زي اللي بيحصل في المفاعلات النووية). ( اوعي تكون فاكر القوى الاربعة بتوع افاتار 😅😅😅 ) المهم آينشتاين نفسه (أبو النسبية) حاول يوحد الجاذبية والكهرومغناطيسية في حاجة واحدة، لكن الموضوع معقد أوي ومكملش ( مات وهو شغال عليها ) . دلوقتي العلماء بيحاولوا يوصلوا لـ "نظرية كل حاجة" (Theory of Everything) تربط القوى دي كلها ، خصوصًا إنهم يدمجوا الجاذبية مع ميكانيكا الكم (الفيزياء اللي بتتحكم في الجسيمات الصغيرة جدًا). المشكلة إن الجاذبية بتتصرف بشكل مختلف عن القوى التلاتة التانية، فمحدش لسا عرف يطلع معادلة واحدة تشرحهم كلهم. فيه نظريات كتير بتتخانق على الموضوع ده، زي ( نظرية الأوتار ) ودي شرحتها لكم قبل كده . أو ( الجاذبية الكمية ) ( صعبة شوية ومحتاجه وقت على ما أقدر أفهمها أنا علشان أفهمها لكم 😅😅 ) ، لكن لسا مفيش حاجة اتحسمت. فالخلاصة: النظرية دي لو تمت، هتكون زي "الأسطورة" اللي هتفهمنا الكون من أصغر جسيم لآخر المجرات ، لكن لسه الوضع فيه لخبطه وتحير وكلام كتير ومحتاجين آينشتاين تاني يفك الشفرة! 😅 لو عايز مثال تقريبي: اتخيل إنك فاكر كل قوة في الكون زي نوع واحد من "الطقس" (مثال: ريح، مطر، شمس)، ونظرية المجال الموحد هي اللي هتقولك إزاي كل دي حاجات من ظاهرة واحدة كبيرة . يعني هتفهمها كلها بفهم شيء واحد بس منها . المشكلة بقى ان التوحيد ده مش عارفين يوصلوله 💁💁 . ولازلت بقولكم إن القراءة والبحث والاطلاع دا من اساس ديننا ، صحيح إن النظريات دي كلها بتخرج من علماء اجانب ومش هقول علماء لا دينيين لأن أغلبهم بيؤمن بوجود إله واحد ، هي مشكلتهم زي مشكلة كتير زيهم بيحتاجوا دليل ، بيحتاجوا النظرية تبقى مطبقة بالدليل والبرهان .. لافتقادهم لشيء واحد بس ... وهو الإيمان . إنك لازم تؤمن مع بحثك وعلمك إن كل اللي بتدرسه وتقرأه ليس لإثبات وجود إله .. لكن تنفيذا لكلامه سبحانه وتعالى ( سنريهم آياتنا في الآفاق وفي أنفسهم حتى يتبين لهم أنه الحق ) . ( نقطة واستمر في بحثك يا فتى .. استمر واقرأ وقوي إيمانك أكثر وأكثر ، كل ما تكتشف عظمة خالقك في كل شيء موجود حواليك ) ( أحمد سمير ) ( معلم أحياء ) .