ما يُؤنِسُ الروح سلامًا 📻🤎

أكتر أنسان مُريح ومرتاح في نفس الوقت هو الأنسان اللي بيعيش علي طبيعته ، لأنه مُش محتاج يبذل أي مجهود عشان يبهرك هو طبيعته مُبهرة في حد ذاتها ، لا بيتصنع ولا بيحاول يخليك ملهوف عليه ، ويمكن دي أكتر حاجة تخلي الناس ملهوفة عليك أنك "طبيعي" وكمان في تعاملاته مع الناس مَبيجبرش حد أنه يتعب عشان يعرف حقيقته ، فَالصراحة ده أكتر أنسان بحب أتعامل معه فِي يومي لآنه بأختصار بيشع "positive energy" اللي تخليك مطمن ومُش محتاج تعيش في دور "المُفتش كرومبو " عشان بس تتعرف على حقيقة المشاعر اللي بتتطلع مِن الأنسان اللي قدامك ، فَـ كُل الدعم مِن أعماق قلبي❤️.

الحقيقي أن الشَغف المُحرك الأساسي للأنسان ، يعني مَثلا وأنتَ عندك شغف مُمكن تصحي بدري تأخد شور ، وتفطر ، وتنزل تخلص"مدرستك ، جامعتك ، شُغلك" ، وهيكون عندك طاقة أنك ترجع تتغدي ، وتفكر هتنزل الجيم أو مِشوار مع حد بتحبه ، وبترجع في أخر اليوم تنام وأنتَ في كلمل روقانك وهدوئك النفسي ، على العكس خالص الأنسان لما يكون فاقد الشغف بيحس أن الحاجات الطبيعية اللي مَفروض يعملها في يومه تقيلة جداً على قلبه ، فالشَغف نعمة كبيرة أوي مِن ربنا علي الأنسان لأزم نحمده ونُشكره عليها كُل دقيقة بنعشها ، يَمكن تدُوم ونعيش دايماً في راحة ، فاللهمَّ لك الحمد والشُكر دائماً وأبداً💗.

خلينا أحِس بقيمتي عندك وصدقني هَمشي معاك حتى لو الطريق أخره لحن حزين ، فأنا مِقدر نفسي جداً وعارف قيمتي ولو المكان اللي أنا فيه مِش مقدرني أو محسسني بأحساس مُش لطيف هسيبه وأمشي حتي لو المكان ده أخره كُل حاجة جميلة ، عشان أحنا أتعلمنا أن اللي يحطنا علي دماغه وأحنا تراب نُحطه علي دماغنا دهب ، غير كده والله ما يهمني أنتَ مين ، ولا كُنت اي ، ولا هتبقى أي ، غير ما يهمني أصلك النضيف ومعدنك الطيب ❤️.

انا لما بحاول مع حد ، بحاول عشان أراضيه ، عشان ميحسش أنه ولاشئ ، عشان لما أمشي ميقعدش مع دماغه ويكون عنده أسئلة ملهاش أجابات ، أنا بحاول عشان أمشي وأنا ضميري مرتاح ، لأن الزعل والخصام حاجة متمناش حد يحسها مِن ناحيتي ، أنا أنسان مُسالم مُش طالب مِن الدُنيا غير شوية سلام نفسي نعيش فيهم أنا واللي حواليا ، فَـ المُحاولة بتكون عشانك مُش عشاني ، بس لو مُحاولاتي مُش نافعة معاك هسيب ايدك وهديك ضهري مُش عشان أنتَ وحش ، أنتَ أجدع حد في الدُنيا بس للأسف مننفعش مع بعض ، وهمشي وأنا بتمنالك كُل الخير، وأنك تقابل الناس اللي شبهك ، وأتمنى أن أنتَ كمان تكون بتتمنالي الخير 💗.

" محدش مابيغلطش بس الناس في الغلط نوعين .. فيه ناس الغلطة عندهم هي الاستثناء، وناس غلطهم عبارة عن طبع .. المشكلة عمرها ما كانت في الغلطة لكن في حجمها وتأثيرها .. فيه غلطة بتمسحها الأفعال الحلوة، وفيه غلطة بتمسح كل الأفعال الحلوة 🤍🌱."

أنا بحب الناس الحنينة جداً ، اللي هُما بيعرفوا يشتروا خواطر الناس ، اللي هو أنا زعلان بس مفيهاش حاجة لما أراضيك ، أنا مُش طايق نفسي بس هسمعك وأحال أخليك تفضفض وتتطمن أن الدُنيا بخير ، أنا الدُنيا جاية عليا بس مفيهاش حاجة لما أطبطب عليك ، الناس اللي بتبقى عارفة أن الدُنيا صعبة ولسه مبطلتش تواسي غيرها ، أحيانًا الحنية بتكون نجأة من الدُنيا ومصاعبها والله 💗.

الفرح بالعيد سُنة وعبادة مُستقلة نؤجر عليها، ليس لها علاقة بالحالة النفسية أو ما نمر بهِ مِن بلاء، نفرح لأن رب قلوبنا أمرنا بذلك. عيدكم مُبارك؛ وكُل عام وأنتم بخير، أعادهُ الله عليكم بالخير واليمن والبركات❤️🥰."

You are enough.

" طيِّب خاطِري بما يسُرُّني ، اللّهم حقِّق حُلمي ، اللّهم أَجِب دعوةَ قلبي ، اللّهم قدراً جميلاً وخبراً جميلاً ودعوةً مستجابةً ، اللّهم املَأنا بسكونِ النفسِ وطمأنينةِ القلبِ وراحةِ البالِ وجميلِ السترِ وكمالِ العافيةِ 🌱."

" يارب جمّل في عيني ما رزقتني، وراضني بقدر ما خذلني الناس، واعطني بقدر ما حرمني الناس 🌱."

بس عارف يا بحر الحياة مش وردي ولا سهلة زي ما قلتلي 🤎."

" كان رسولنا رقيق القلب، حسن العشرة، يترفّق بأصحابه، ولا يهين أحدًا من رآه هابه، ومن عرفه أحبه يألف الناس ويألفونه، لا ينطق بفحش ولا يعيب على أحد، لين الجانب، لا يرد سائلاً، وليس بفظ ولا غليظ، صلوا عليه وسلموا تسليمًا 🌱."

" لفت نظري جملة بتقول "افهمنى قبل ماتحبنى" وفعلاً أنا محتاج اللي قدامى يفهمني ، مش محتاج كلام حلو ولا chat كله قلوب وكلام حلو أنا محتاج حد يفهم خوفي ، حد يستحمل سكوتي، حد يفهم ملامحى اللي بتبقي مقفولةة وقت الزعل ، حد يعاملني براحة، حد يسمعنى و مایزهقش، حد وجودی وغيابي "فارق معاه🤎."

" إذا أخترت شريكًا يخاف الله لن تضطر لمراقبته أو الخوف منه، لأنه يراقب الله في حركاته وسكناته، سره وجهره، فهو أبعدُ عن ظُلمك أو أذاك.. ‏فمن يخشى الله لا خوف منه، ولا خوف عليه، ولا خوف معه 🌱"

" اللّٰه يزوِّج كُل حَبيبٍ بحَبيبه " اللّٰه يزوجكم مَن تدعون بهِم، زوجكم اللَّه برجالٍ تشعُ طمأنينية في الدين والدنيا ولا غيّبَ اللّٰه وجهَ حبيبٍ عن حبيبه ولا أذاقَ أحدًا مرارة البُعد بعد حلاوة القُرب ولا صقيع الوحدة بعد دِفء الونس اللّٰه يِزوجكُم بأحبُ الرِجالِ إليه🌱."

"إن الغُلوِ مذمومٌ، إلا غُلو المرأة في عفتها فهو محمودٌ 🌱."

" كل التوقعات اللي بتحطها في أى إنسان وارد جداً إنها تنهار في لحظة ويفاجئك بـ وش صادم يكسر صورته الملائكية اللي كنت حاطُه فيها ! القُرب من ربنا بيغلف القلوب بحصانة ضد تقلُبات البشر وجنانهم وبيسهل عليك فكرة تقبل ندالة فُلان، أو خذلان علان، أو بُعد اللي كانوا قريبين.. القُرب من ربنا بيخلّي نواقص البشر تصغر في عينك، وفي المقابل بيزيد رضاك عن نفسك خصوصاً لما تكون عامل اللي عليك للنهاية بدون تقصير.. الأديب "فيودور دوستويفسكي" قال: (نحن نخاف الناس أكثر من الله، رغم أن الرب يغفر الخطيئة، والبشر يعاقبوننا حتى على طيبتنا 🌱.")

" يا أخى سبحان الله "الذوق"، و"اللسان الحلو"، و"اللُطف"، و"القبول" دول رزق من عند ربنا يا عندك يا ماعندكش.. مش هتعرف تجبر حد يبقى عنده أساسيات التعامل الطيب مع غيره، أو أنه يكون مبلوع، أو يعرف معنى كلمة ذوق.. ربنا يديمها نعمة على اللي عنده، ويكون في عون اللي ماشفش طيفهم، ولا شم ريحتهم 🌱"