CHRISTYFLIX 🍿

January : Abraham Ozler Captain Miller February : Premalu (2) Bramayugam Manjummel Boys March : Anchakkallakokkan Aadujeevitham

മമ്മൂട്ടി എന്ന നടന് ഒന്നും ഇനി തെളിയിക്കാൻ ഇല്ല, അയാൾക്ക് എന്തൊക്കെ കഴിയുമെന്നും എത്ര മികവിൽ ഒരു കഥാപാത്രമായി മാറുമെന്നും നമ്മളെ ഇനിയും ബോധ്യപ്പെടുത്തേണ്ടതില്ല. അത്രമാത്രം ശക്തമായ വേഷങ്ങൾ ആയാസത്തോടെ ചെയ്ത് വെച്ചിട്ടുള്ള മനുഷ്യനാണ് അയാൾ. എന്നിട്ടും തുടരെ തുടരെ പിന്നെയും അസാധ്യമെന്ന് തോന്നും വിധത്തിലുള്ള അതി വൈദഗ്ധ്യമായ കഥാപാത്രങ്ങൾ ചെയ്ത് ചെയ്ത് പുതുമകളെ നമുക്ക് പരിചയപ്പെടുത്തുകയാണ് മമ്മൂട്ടി എന്ന നടൻ ചെയ്തുകൊണ്ടിരിക്കുന്നത്. അതെ, മുൻപൊക്കെ മികച്ച നടൻ എന്ന് കേൾക്കുമ്പോൾ മനസ്സിലേക്ക് രണ്ട് മൂന്ന് മുഖങ്ങൾ കൂടി ഓടി എത്തുമായിരുന്നു, പക്ഷേ ഇന്ന് അങ്ങനെ ഒരു മത്സരം പോലും അവശേഷിപ്പിക്കാതെ തന്റെ പേര് മാത്രമായി അത് മമ്മൂട്ടി മാറ്റി എഴുതി കഴിഞ്ഞു. സിനിമയേക്കാൾ മമ്മൂട്ടിയെ കുറിച്ച് സംസാരിപ്പിക്കുന്നത് ഇപ്പോഴൊരു ശീലമായി മാറിയിരിക്കുന്നു. മമ്മൂട്ടി പടങ്ങൾ ഇറങ്ങുമ്പോൾ സിനിമ റിവ്യുവല്ല, പകരം മമ്മൂക്കയെന്ന നടൻ പുതിയതായി എന്ത് ചെയ്തു എന്നതിനെ കുറിച്ചുള്ള ആകാംഷ പങ്കുവയ്ക്കലാണ് പലപ്പോഴും എന്റെ ഭഗത്ത് നിന്ന് ഉണ്ടാകുന്നത്. അത് എന്തുകൊണ്ട് എന്ന് ഒരിക്കൽക്കൂടി മനസ്സിലാക്കി തരുന്ന സിനിമയാണ് ഭ്രമയുഗം. ചിലപ്പോഴൊക്കെ സംസ്ഥാന അവാർഡുകൾ പ്രഖ്യാപിക്കും മുൻപ് നമ്മൾ കാണാറുണ്ട് മികച്ച നടന് വേണ്ടിയുള്ള മത്സരം എന്ന തലക്കെട്ടുകൾ. എന്നാൽ ഭ്രമയുഗത്തിലേക്ക് വരുമ്പോൾ സിനിമയിലെ മൂന്ന് പ്രധാന കഥാപാത്രങ്ങളും അത്തരത്തിലൊരു മത്സരമാണ് ഉടനീളം കാഴ്ച വെക്കുന്നത്. ഒരിടത്ത് പോലും പിഴവ് പറയാൻ ഇട കൊടുക്കാതെ മൂന്ന് പേരും അവരവരുടെ ഭാഗം കൃത്യമായി ചെയ്തു വെച്ചിട്ടുണ്ട്. ആർട്ട് വർക്ക് ആണെങ്കിൽ എത്രത്തോളം പണിയെടുത്തിട്ടുണ്ടെന്ന് ഓരോ ഫ്രെയിമിലും കാണാൻ കഴിയും. മ്യൂസിക്ക് ഡിപ്പാർട്ട്മെന്റിലേക്ക് വരുമ്പോൾ ക്രിസ്റ്റോ സേവ്യർ സിനിമയോട് ചേർന്നു പോകുന്ന വിധത്തിൽ തന്നെ ഗാനങ്ങളും പശ്ചാത്തല സംഗീതവും ഒരുക്കിയിട്ടുണ്ട്. പലതും ഈ നിമിഷവും മനസ്സിൽ ഓടിക്കൊണ്ട് ഇരിക്കുകയാണ്. മൂന്ന് പേരെ മാത്രം വെച്ച് ബ്ലാക്ക് ആൻഡ് വൈറ്റിൽ ഇതുപോലെയൊരു പരീക്ഷണം ചെയ്യാൻ ധൈര്യം കാണിച്ച രാഹുൽ സദാശിവൻ തന്നെയാണ് ഈ സിനിമയുമായി ബന്ധപ്പെട്ട എല്ലാ നേട്ടങ്ങളുടെയും അവകാശി. വീണ്ടും മമ്മൂട്ടിയിലേക്ക് വരുമ്പോൾ ഈ കാലം അത്രയും കൊണ്ട് അത്രമാത്രം കഥാപാത്രങ്ങൾ ചെയ്തു കൂട്ടിയിട്ടുള്ള മമ്മൂക്കയ്ക്ക് ഇതൊക്കെ വെറും കേക്ക് വാക്ക് ആണെന്ന ബോധ്യവുമായി സിനിമ കാണുമ്പോഴും പല സീനുകളിലും അയാൾ എന്നിലെ പ്രേക്ഷകനെ പിന്നെയും അത്ഭുതപ്പെടുത്തുകയായിരുന്നു. എനിക്കുറപ്പുണ്ട്, ഈ നിമിഷവും അയാൾ അടുത്ത കഥാപാത്രത്തിലൂടെ നമ്മളിലെ പ്രേക്ഷകനെ തൃപ്തിപ്പെടുത്താൻ ഒരുങ്ങികൊണ്ട് തന്നെ ഇരിക്കുകയാണ്. ഒരു സൂപ്പർസ്റ്റാർ എന്നതിനേക്കാൾ ഒരു നല്ല നടനെന്ന് അറിയപ്പെടാനാണ് അയാൾ എന്നും ആഗ്രഹിച്ചിട്ടുള്ളത്. ആ ഭ്രമിപ്പിക്കുന്ന ആഗ്രഹത്തിന്റെ ഫലമാണ് നമ്മളിങ്ങനെ യുഗങ്ങളായി കണ്ട് കൊണ്ടേയിരിക്കുന്നത്. ഇനിയും കാണാൻ ഇരിക്കുന്നത്.♥️ Once again you won. #Bramayugam

Intha andamaina cinema! I cinimalaloni prathi sannivesham, pathra naku nakkayi. Recent Best! ♥️

മമ്മൂട്ടി കമ്പനിയെ കുറിച്ച്. മമ്മൂക്ക പുതുതായി ഒരു പ്രൊഡക്ഷൻ ഹൗസ് തുടങ്ങുന്നു എന്നറിഞ്ഞപ്പോൾ അതിശയിച്ചിരുന്നു, എന്തിനാണ് ഇനീപ്പോ പുതിയ ഒരെണ്ണം? മുൻപ് ഉണ്ടായിരുന്ന പ്ലേ ഹൗസ് തീരെ ആക്റ്റീവ് അല്ലാതെ എടുത്ത് പറയത്തക്ക പ്രൊഡക്ഷൻ ക്വാളിറ്റീസ് ഒന്നും ഇല്ലാത്ത പേരിന് കുറച്ച് സിനിമകൾ ചെയ്ത് എവിടെയും അടയപ്പെടുത്താതെ പോയ ഒന്നാണ്. അതുപോലെ തന്നെ ഇതും ആവുമെന്നാണ് ആദ്യം കരുതിയത്. പക്ഷെ ആദ്യം പ്രഖ്യാപിച്ചത് LJP സിനിമ ആയത് കൊണ്ട് മാത്രം ഒരു പ്രതീക്ഷ വെച്ചിരുന്നു. അങ്ങനെ ഓരോ സിനിമ പ്രഖ്യാപിക്കുമ്പോഴും പ്രതീക്ഷ കൂടി കൊണ്ട് തന്നെ ഇരുന്നു. ആദ്യമായിട്ട് മമ്മൂട്ടി കമ്പനിയുടെ ബാനറിൽ പുറത്ത് ഇറങ്ങിയ സിനിമ റോഷാക് ആയിരുന്നു. ഈ അടുത്ത കാലത്ത് വന്ന മികച്ച സിനിമകളിൽ ഒന്ന്. അത്ര മാത്രം സ്ട്രോങ് ആയ ടെക്നികൽ സൈഡുകളും മികച്ച തിരക്കഥയും അഭിനയ പ്രകടനങ്ങളും കൊണ്ട് ഞെട്ടിച്ച ഒരു സിനിമ എന്ന് തന്നെ റോഷക്കിനെ പറ്റി പറയാം. പിന്നീട് നൻപകൽ നേരത്ത് മയക്കം വന്നപ്പോഴും ഇതേ ഞെട്ടൽ തന്നെയായിരുന്നു അനുഭപ്പെട്ടത്. കണ്ണൂർ സ്ക്വാഡ് ആണെങ്കിലും അപ്രതീക്ഷതമായിട്ട് കിട്ടിയ മറ്റൊരു മികച്ച സിനിമയിയിരുന്നു. കൊമേഴ്സ്യലി വളരെ നല്ലൊരു ഔട്ട്പുട്ട് തന്നെ ആയിരുന്നു സ്ക്വാഡ് സമ്മാനിച്ചത്. അങ്ങനെ ഈ ചുരുങ്ങിയ കാലം കൊണ്ട് മമ്മൂട്ടി കമ്പനി എടുത്ത വെച്ച സിനിമകളിൽ ഏതാണ് ഏറ്റവും മികച്ചതെന്ന് പറയാൻ പോലും പറ്റാത്ത രീതിയിൽ ഒന്നിന് ഒന്ന് മെച്ചമായ സിനിമകളാണ് അവർ ചെയ്തു വെച്ചിരിക്കുന്നത്. ഇന്നലെ കാതൽ കൂടി കണ്ടപ്പോൾ ഒരു കാര്യം കൂടി ഉറപ്പായി നിലവിൽ ഇന്ത്യൻ സിനിമ നിർമ്മാണ രംഗത്ത് തന്നെ ഏറ്റവും കൃത്യതയോടെ സിനിമകൾ ചെയ്യുന്ന പ്രൊഡക്ഷൻ ഹൗസിൽ ഒന്നാണ് മമ്മൂട്ടി കമ്പനി എന്ന്. കാതിലിനെ കുറിച്ച് പറയുമ്പോൾ മമ്മൂക്കയുടെ അഭിനയം മാത്രമല്ല കയ്യടി അർഹിക്കുന്നത്, അതിനും അപ്പുറം ഇത്രയും സാമൂഹിക പ്രധാന്യം അർഹിക്കുന്ന ഒരു വിഷയം സംസാരിക്കുന്ന സിനിമ അദ്ദേഹം നിർമ്മിക്കാൻ കൂടി തയ്യാറായി എന്നതുകൂടിയാണ്. മാത്രമല്ല സാധാരണ സ്വർഗ്ഗ അനുരാഗം ചർച്ചയാക്കുന്ന സിനിമകളിലും കഥകളിലും നിന്നും തീർത്തും വ്യതസ്തമായ അവതരണമാണ് ചിത്രം സ്വീകരിച്ചിരിക്കുന്നത് അതിനും അപ്പുറം സ്വർഗ്ഗാനുരാഗം പറഞ്ഞ് പോകുന്നതിന് ഒപ്പം തന്നെ ഒട്ടനവധി സാമൂഹിക പ്രധാന്യാമുള്ള കാര്യങ്ങളും പറഞ്ഞു വച്ചുകൊണ്ട് തിരുത്തലുകളിലേക്ക് മനുഷ്യരെ നയിക്കുന്ന കൃത്യമായ പൊളിറ്റിക്സ് പറയുന്ന സിനിമയാണ് ജിയോ ബേബിയുടെ കാതൽ. സിനിമ മേഖല പല കാലങ്ങളായി അരികുവത്കരിക്കപ്പെട്ട മനുഷ്യരോട് തുടർന്നിരുന്ന ക്രൂരതകൾക്ക് ഉള്ള പ്രയശ്ചിത്തം കൂടിയാണ് ഈ സിനിമ ചെയ്യുന്നത്. പറഞ്ഞു വരുന്നത് എല്ലാം നേടിയെന്ന് നമ്മൾ ഒക്കെയും കരുതി ഇരുന്ന ഒരു നടൻ തന്റെ എഴുപതാം വയസ്സിൽ ഇങ്ങനെ ഒരു പ്രൊഡക്ഷൻ കമ്പനി തുടങ്ങി വെക്കുകയും അതിലൂടെ വിപ്ലകരമായ വെല്ലുവിളികൾ ഉള്ള സിനിമകൾ തുടർച്ചയായ് നിർമ്മിക്കുന്നതിനെ പറ്റിയുമാണ്. വ്യതസ്തമായ പ്രമേയമുള്ള നാല് സിനിമകൾ അതും ചലഞ്ചിങ് ആയിട്ടുള്ള സിനിമകൾ അവ അതിന്റെ മാക്സിമം ലെവലിൽ പ്രേക്ഷകരിലേക്ക് എത്തിക്കാൻ സാധിക്കുന്നുണ്ട് എന്നത് തന്നെയാണ് മമ്മൂട്ടി കമ്പനിയെ പ്രിയപ്പെട്ടതാകുന്നത്. ഇനിയും മമ്മൂട്ടി കമ്പനിയിൽ നിന്ന് ഒരുപാട് സിനിമകൾ വരണം എന്നൊന്നും ആഗ്രഹമില്ല. പക്ഷെ ഇതുപോലെ ഇടക്കെങ്കിലും നല്ല സിനിമകളുമായി വരുമെന്ന് പ്രതീക്ഷയുണ്ട്. മമ്മൂക്കയും മമ്മൂട്ടി കമ്പനിയും നിലവിലെ മലയാള സിനിമക്ക് തരുന്ന പ്രതീക്ഷ വളരെ വലുതാണ്. M Kampany is ❤️ #MammoottyKampany

കാതൽ♥️

2023 : Nanpakal Nerathu Mayakkam Thankam Iratta Romancham 2) Ponniyan Selvan II 2018 Pranayathinte Yatra 18+ Jailer (2) King of Kotha 🥲 RDX Kannur Squad Leo (2)

കണ്ണൂർ സ്ക്വാഡ് ! ഒരു ഇൻവെസ്റ്റിഗേഷൻ സിനിമ കണ്ടിട്ട് നിങ്ങൾ കരഞ്ഞിട്ടുണ്ടോ? ഞാൻ കരഞ്ഞിട്ടില്ലായിരുന്നു, കണ്ണൂർ സ്ക്വാഡ് കാണുന്നത് വരെ. മമ്മൂട്ടി കമ്പനി പടങ്ങൾക്ക് ഒരു പ്രത്യേകതയുണ്ട്. ഇന്ന് വരെ ഒരു നെഗറ്റീവ് പോലും ഈ പ്രൊഡക്ഷൻ ഹൗസിന്റെതായി പുറത്ത് വന്ന സിനിമകളിൽ ഞാൻ കണ്ടിട്ടില്ല. റോഷക്കും, നൻപകലും, ഇപ്പോ ദാ കണ്ണൂർ സ്ക്വാഡും എന്നെ പൂർണ്ണമായി തൃപ്തിപ്പെടുത്തിയ സിനിമകളാണ്. ഈ അടുത്ത് വന്ന മലയാള സിനിമയിലെ ഏറ്റവും ക്വാളിറ്റിയുള്ള ചുരുക്കം സിനിമകളിലെ പ്രധാന മൂന്നെണ്ണം. അതെ റോഷക്കിൽ തുടങ്ങി ഇന്ന് കണ്ണൂർ സ്ക്വാഡിൽ എത്തി നിൽക്കുമ്പോൾ മമ്മൂട്ടി കമ്പനി തോൽക്കാൻ റെഡിയല്ല. അങ്ങനെ ഇപ്പോ തോൽക്കാൻ ഞങ്ങൾക്ക് മനസ്സില്ലെന്ന് ഒരൽപ്പം കൂടി ഉച്ചത്തിൽ വിളിച്ചു പറയുകയാണ് റോബി വർഗ്ഗീസും പിള്ളേരും! സിനിമയിലേക്ക് വന്നാൽ നേരത്തെ പറഞ്ഞ പോലെ ഒരൊറ്റ നെഗറ്റീവ് പോലും തോന്നിയില്ല. പറയാൻ ഭീകര കാസ്റ്റിങ് ഒന്നും ഇല്ലായിരുന്നെങ്കിലും ജോർജ്ജ് മാർട്ടിനും ജയനും ഷാഫിയും ജോസും അടങ്ങുന്ന സ്ക്വാഡ് ഉടനീളം നമ്മളെ ബോർ അടിപ്പിക്കാതെ അവരുടെ അന്വേഷണം മുന്നോട്ട് കൊണ്ട് പോകുന്നുണ്ട്. ഒരു പേര് കൂടി ഉൾപ്പെടുത്താതെ സ്ക്വാഡ് പൂർണ്ണം ആവില്ല, അത് വിനോദാണ്. ശരത് സഭ ആ കഥാപാത്രത്തെ വളരെ മനോഹരമായി തന്നെ അവതരിപ്പിച്ചിട്ടുണ്ട്. ടെക്നികൽ സൈഡിൽ എടുത്ത് പറയേണ്ടത് സിനിമാട്ടോഗ്രാഫിയാണ്. സിനിമ തുടങ്ങുന്ന ആദ്യ മൊമന്റിൽ തന്നെ സിനിമാറ്റോഗ്രാഫറിന്റെ പേര് നോട്ട് ചെയ്യണം എന്ന് തോന്നിക്കണമെങ്കിൽ ആള് ചില്ലറക്കാരനല്ല, പേര് മറക്കണ്ട, റാഹിൽ എം. പുതുമയൊന്നുമില്ലായിരുന്നെങ്കിലും എഡിറ്റിംഗും വളരെ നന്നായി തന്നെ കൈകാര്യം ചെയ്തിട്ടുണ്ട്. പിന്നെ ഒരു സിനിമ ഇറങ്ങും മുന്നേ തന്നെ തീർപ്പുള്ള ചില കാര്യങ്ങളുണ്ട്, അതിൽ ഒന്നായി മാറിയിട്ടുണ്ട് സുഷിൻ ശ്യാം എന്ന പേര്. എന്ത് സംഭവിച്ചാലും അവിടെന്ന് ഒരു നിരാശ കിട്ടില്ലെന്ന് ഉറപ്പായിരുന്നു, പതിവ് പോലെ സുഷിൻ ഞെട്ടിച്ചു. അതിൽ തന്നെ പ്രത്യേകിച്ച് എടുത്ത് പറയേണ്ട ചില സാധനങ്ങളുണ്ട്. അത് പടം കാണുമ്പോ മനസ്സിലാവും. വേറൊരു കാര്യം ഒരൽപ്പം പേഴ്സണൽ ആണ്, എന്നാലും പറയാം. നൂറ് കണക്കിന് ഫാമിലി ഓടിയൻസ് ചുറ്റും ഇരിക്കുന്നു, സ്ക്രീനിൽ നായകന്റെ എൻട്രിയോ അത്ര കൗതുകം ഉണർത്തുന്ന കാഴ്ചയോ കോരിത്തരിപ്പ് കേറ്റുന്ന സീനോ ഒന്നുമല്ല, എന്നിട്ടും അവിടെ കയ്യടി മുഴങ്ങുമ്പോൾ കിട്ടുന്നൊരു സാറ്റിസ്ഫാക്ഷൻ ഉണ്ട്, സിനിമയെന്ന മാധ്യമത്തെ ഒരിക്കൽ കൂടി സ്നേഹിക്കാനും സിനിമയെ കൂടുതൽ പ്രതീക്ഷയോടെ സമീപിക്കാനും ഊർജ്ജം തരുന്ന ചില കൈ അടികൾ. അത് സിനിമയ്ക്കുള്ള അംഗീകാരമാണ്. അത്തരം നിമിഷങ്ങളിൽ കണ്ണ് നിറയാതെ പിടിച്ചു നിൽക്കാൻ സത്യമായിട്ടും എനിക്ക് അറിയില്ല. അങ്ങനെ ചില നിമിഷങ്ങൾ കൂടിയായിരുന്നു എനിക്ക് കണ്ണൂർ സ്ക്വാഡ് സമ്മാനിച്ചത്. സന്തോഷമുണ്ട്, ഈ സിനിമ കാണാൻ പറ്റിയതിൽ. ആസ്വദിക്കാൻ പറ്റിയതിൽ Dear Mammootty Kampany, Please do more films, not to housefull screens, but to fullfill hearts. Love you so much team, thankyou for selecting this wonderful movie. എന്ന് സിനിമയെ സ്നേഹിക്കുന്ന ഒരു കാഴ്ചക്കാരൻ. (ഇനിയും ഒരുപാട് പറയാനുണ്ട്. പല സീനുകളെ കുറിച്ചു പറഞ്ഞ് കാട് കയറണമെന്നുണ്ട്. പക്ഷേ വേണ്ട. തിയേറ്ററിൽ അതൊന്നും അറിയാതെ കേറി കാണുമ്പോൾ കിട്ടുന്നൊരു തരിപ്പുണ്ട്, അതാർക്കും മിസ്സാവരുത്. അത് കൊണ്ട് തന്നെ മനപൂർവം പോസ്റ്റീവിന്റെ കൂട്ടത്തിൽ പ്രധാനപ്പെട്ട പല കാര്യങ്ങളുകളും എഴുതിയിട്ടില്ല. ക്ഷമിക്കുക.) #KannurSquad #MammoottyKampany

Usually, I never recommend any movies to anyone but this time, I have one: meet "Kannur Squad," probably the best movie from Mollywood in 2023. Mammootty Kampany❤️ #KannurSquad Detailed Review Soon!