SCIENCE - (2022 O/L) LAKMAL RAMASINGHE - B.Sc.(Hons), M.Sc.,Faculty of Science, University of Colombo - www.explorescience.lk

තාත්තාට, මගෙයි, බිරිඳගෙයි Pressure Releasing Agent එක වෙන්නෙ මේ දෙන්නා. CHEN & ADHYAAN අපි දෙන්නගේ ලෝකය... ඇගේ වදිනකොටයි රෑට මේ දෙන්නා මගේ නින්ද සම්පූර්ණ වෙන්නෙ. තාත්තත් එහෙම හිතන්න ඇති මම සහ අක්කල දෙන්න ගැන. ඒ කාලෙත්, දැනුත්. තාත්තගෙ වාහනය : පිටිපස්සෙ ලගාජ් එකක් තියන ලුමාලා බයිසිකලය රැකියා ස්ථානය : වත්ත පහලින් තියන කුඹුර සහ ඊට පහලින් පිහිටා ඇති තක්කාලි, මිරිස්, පොල් තියන ගොඩැල්ල තාත්තා ගෙනැවිත් දුන් රසම ආහාරය : අපි පොඩි කාලෙ කුඹුරෙ වී විකිණූ දවසට විතරක් අරගෙන එන කට්ලට් (මාස 6 කට විතර සැරයක් ගෙදරට ගෙනාපු) මට දුන් සැරම දඩුවම : 8 වසරෙදි වෑවර Hair cut එකකට ලබා දුන් කෝටු පහර කිහිපය සහ එදිනම, එම වේලාවේදීම, එම සැලුන් එකේදීම, එම බාබර් ලවා එහි සිටි අය ඉදිරියේම නැවතත් කොණ්ඩය කොටට කැප්පවීම. මම දැකපු විදියට තාත්තා වැඩිපුරම කලබල වූ මොහොත : 5 වසරෙදි ඉස්කෝලෙ ළමයෙකු ඇගේ වැදීමෙන් බිම වැටී, හිස බිම වැදී මා අගුණකොළපැලැස්ස රෝහලට ඇතුලත් කල දිනය අපිව එක්කගෙන ගිය දිගම චාරිකා : කඹුරුපිටිය සහ බුත්තල ගම්උදාවන් බලන්න. අම්පාර උහන හමුදා කෑම්ප් එකේ වැඩ කල බාල තාත්තා බලන්න. තාත්තාට සිංහල අකුරු විතරයි කියවන්න, ලියන්න පුලුවන්. ඉංග්‍රීසි බැහැ. අවුරුදු 73 ක් උනාට තවමත් කණ්නාඩි නොමැතිව පොත් සහ පත්තර කියවන්නෙ හරි කැමැත්තෙන්. අවුරුදු කාලෙට ඉස්සර වෙලාම අත අලේ කරන්න, ගනුදෙනු කරන්න ගමේ සමහර අය තාත්තටයි එන්න කියන්නෙ. දෙයක් කීමට අමතක විය. දහඩිය මැද ඔබ වෙහෙසෙනු මා දැක ඇත... සමහර දින වල කෑම උයන විදිය මා දැක ඇත... ඔබගේ විවිධ දරා ගැනීම් දැක ඇත... එහෙත් කිසිදිනෙක, ඔබ හඩනු මා දැක නැත.! කිවුවෙ නැතත් අපි එනතුරු මග බලා සිටින, අව්ව සමග ඇති වෙන්න පොරබැදි යකඩ මිනිසානෙනි ඔබට හැමදාමත් යෝධ බල, යෝධ වීර්යය ලැබේවා... සසර කෙළවර වන තෙක් ඔබ මගේම තාත්තා වේවා...! -පුතා- ලක්මාල් රාමසිංහ