𝔹𝕒𝕩𝕥𝕚𝕪𝕠𝕣 𝕠𝕚𝕝𝕒🫀

𝙐𝙭𝙡𝙖𝙢𝙖𝙜𝙖𝙣𝙡𝙖𝙧 𝙗𝙤𝙧𝙢𝙞🙄❓

𝗤𝗮𝗻𝗱𝗮𝘆 𝗠𝗣𝟯 𝘁𝗶𝗻𝗴𝗹𝗮𝘀𝗵𝗻𝗶 𝘆𝗼𝗾𝘁𝗶𝗿𝗮𝘀𝗶𝘇🎧 𝗦𝗶𝘇 𝗶𝘇𝗹𝗮𝗴𝗮𝗻 𝗛𝗶𝘁 𝘁𝗮𝗿𝗼𝗻𝗮𝗹𝗮𝗿🎧

𝗤𝗮𝗻𝗱𝗮𝘆 𝗠𝗣𝟯 𝘁𝗶𝗻𝗴𝗹𝗮𝘀𝗵𝗻𝗶 𝘆𝗼𝗾𝘁𝗶𝗿𝗮𝘀𝗶𝘇🎧 𝗦𝗶𝘇 𝗶𝘇𝗹𝗮𝗴𝗮𝗻 𝗛𝗶𝘁 𝘁𝗮𝗿𝗼𝗻𝗮𝗹𝗮𝗿🎧

— Profilga rasmlar https://t.me/+n9KzuY-9KCg5ZDQy

Bu nomi nasibdir❤️❤️❤️ https://t.me/+n9KzuY-9KCg5ZDQy

❤️❤️❤️ https://t.me/+n9KzuY-9KCg5ZDQy

Шамсиддин ҳўрсиниб қўйди. Ўша кунгача ҳаммаси яхши эди... Шамсиддин хотинини ёнида ҳаёл суриб ётган пайт, Нуройим жуда ғалати туш кўриб ётарди. Аллақандай ёруғ жой. Шунақа ёруғ... Қараса ҳамма ёқни ёритиб турган ой эмиш. Жуда катта ва тўлин. Атроф эса гўзал... Бир пайт ер шиддат билан айлана бошлабди. Нуройимни қулоғи остида бир пайтлар ўқиган сатрлари жаранглар эмиш... -Ғамлардан ҳалос бўлишни истасангиз шунчаки уларни қўйиб юборинг. Уларни озод қилинг. Токи сиз ғамларни қайта~қайта ёд этар экансиз, улар сиз билан қолаверадилар... Қолаверадилар... Ер чирпарак бўлиб, айланар экан, тўлин ой борган сари кичрайиб борарди.  Нуройимни кўзлари ярқ этиб очилиб кетди. Бир қанча вақт шу алфозда туриб, кейин онги ёришди. Шамсиддин уни кучиб ётарди. Афтидан ҳали ҳам ухламаган. Нуройимни кўзлари ёшланди. Онасини гапини эслади. Ростдан ўтмиши учун бугунини азобламаяптими?!  Нуройим ўғли Нуриддин туғилганида ҳам хурсандчилик, ҳам қайғудан кўзлари ёшланди. Биринчи фарзанди ёдига тушди... Аммо атрофдагиларига буни билдирмади. Ичида қандайдир тушунуксиз ҳис ғимирлаб қолди. Буни айниқса ҳар бир қадамидан камчилик ахтарадиган биринчи эридан тубдан фарқ қилиб, Нуройимни ҳар бир иши учун миннатдор бўладиган Шамсиддинга билдиргиси келмади. Бироқ...   Ўша куни уч ойдан энди ошган Нуриддин билан онасини уйига борганди. Дўконга чиқиб собиқ эрини қариндошига дуч келиб қолди. У Нуройимни кўриб кўзлари катта~катта бўлиб кетиб гапга тутишни бошлади. Турмушга чиққани ва фарзандли бўлганини эшитиб мамнун бош ирғади: -Мен уларга ўша пайти айтган эдим, бировга бундан  туҳмат қилманг Худодан қўрқинг деб. Ҳаммаси ўша Муҳаббат келинни иши эканини билиб туришсада, индашмади. Сиз туққан болага эга чиқиб ўзича сувдан қуриқ чиқдим деб ўйлади. Аммо ҳаммасини Худо кўриб турибди. -Нима бўлди,- кўнгли бир ёмон нарсани сезиб юраги орқага тортди Нуройимни. -Ҳабарларингиз йўқда а? -Нимадан?! - Муроджон... Ўғлингиз ўтиб қолди. -Нима?!  Нега?! -Ўзлари ҳам билмай доғда қолишди. Бечора янгам дардини билсак ҳам алам қилмасди дейди. Битта яра чиққанди. Баҳонаси шу бўлди~ю, уч кунда шифохонада ётиб жон берди. Бир ой бўлди.   Нуройим аёлна изтироб билан қараб қолди. -Энди эр ~хотин бир~бирини еб ётганмиш. Фаёз хотинига "Ҳаммасига сен айбдорсан, сенга айтгандим иккита~учта болали бўлайлик, кейин ажрашаман деб, қўймадинг оғиб кетасиз деб. Энди на болани, на туғишни эпладинг деётган эмиш"...   Шу гапдан кейин Нуройим йиқилиб қолганди. Ҳозир ҳам шу гапни эслаб лабларини тишлади. Тавба буларни боладан айрилиб ҳам инсофга келмагани, иккита~учта болали бўлгандан кейин ҳайдаш бўлган экан режаси... Тақдир Нуройимни қандай аблаҳ кимсадан ажратиб олган экан... Нуройимни ҳаёлларини Нуриддинни инграган овози бузди. Туриб болага кўкрак тутди. Тунги чироқ ёруғида юзлари милтираб кўриниб турган ўғлини юзларини силади. У уйқусида бир тиржайиб, яна эмишга тушиб кетишини тамоша қилиб турган Нуройимни лабида табассум пайдо бўлди. "Аллоҳим болагинамни ўзинг асра". Кейин ўзига термулиб турган эрига жилмайиб қаради. Бу табассумда жуда кўп нарса мужассам эди. Нуриддинни қорни тўйгач, устини очиб ташлаган болаларни устини ўраб Шамсиддинни ёнига ёнбошлади. -Нега ухламаяпсиз? -Ўзим... -Шамсиддин ака. -Ҳа. -Сизни жуда ҳам яхши кўраман. -Эе, севги изҳор қиляпсанми? - Ҳа. Борлигингиз учун раҳмат. Ҳаётимга кириб келганингиз учун... - Аслида сени борингга шукур,-шивирлади Шамсиддин, кейин Нуройимни қулоғига яна ҳам яқин келди- юр нариги хонага ўтайлик. Қолган гапни ўша ерда айтаман... Нуройим эрини елкасига кучсиз мушт туширди. -Мен нима дедим, сиз нима дардда. -Нима қилай соғиндим...    Эрта тонгда туриб, бетартиб аҳволга келиб қолган ҳовлини супириб~сидириб, нонуштага тайёргарлик кўрар экан, юрагида қамалиб қолган қайғуларга рухсат берганини ҳис этди. Алвидо ойнинг ўн беши қоронғу тунларидан қолган ҳасратлар. Энди ўрнингизни буткул ёруғликка бўшатиб берадиган кунлар келди. Отаётган янги кунлар учун Алҳамдулиллаҳ.    Айни шу сўзлар чақалоқ йиғиси билан уйлари қувончга тўлаётган Ориф ва Саиданинг ҳам ҳаёлларидан ўтар эди...                  🌺🌺🌺   Ойнинг ўн беши якунланди.

ОЙНИНГ ЎН БЕШИ. Мафтуна Абдуллаева. #ЭНГ_ГУЛЛАГАН_ЁШЛИК_ЧОҒИМДА. 8~ҳикоя. #Ойнинг_ўн_беши. №20 НУРОЙИМ. Ўзим бордим сенга асрга, Қалб тўридан  қурдим олтин тахт. Энди қолган бутун умрга, Ҳаётимга ҳуш келибсан, БАХТ! Сени интиқ кутгандим, ишон, Парвозларим энди сен томон, Соғингандим жуда ҳам ёмон, Ҳаётимга ҳуш келибсан, БАХТ! Хўп синалдим қисмат қўлида, Ёлғонларнинг ёмғир, дўлида, Сени топдим умид йўлида, Ҳаётимга ҳуш келибсан, БАХТ! Аллоҳимдан сўралган неъмат, Илоҳий ишқ, гўзал мухаббат, Кетмайман деб сўз бергин фақат, Ҳаётимга ҳуш келибсан, БАХТ! Меҳринг билан мумдек эритдинг, Ширин сўзлар болидан тутдинг, Жон-жонимга жойланиб кетдинг, Ҳаётимга ҳуш келибсан, БАХТ! Бахтни кўз-кўз этмоқлик ҳато, Бизни ўзи асрасин Худо, Номеҳрга айтдик алвидо! Ҳаётимга ҳуш келибсан, БАХТ! Малика Тавфиқ Нуройим дори таъсири кетиб кўзларини очиб шифтга маъносиз тикилиб бир оз ётди.  Кейин яна фарзанди ҳақидаги ҳаёллар миясига келиб кўзларидан ёш сизиб чиқди. - Турдингми?- онасини овозини эшитиб унга ўгирилди,- овқатланиб ол. Тур болам. - Егим йўқ она. - Бўлди~да. Ўзингни қўлга ол энди. - Нега ҳаёт мени бунча қийнайди а, она. - Шунга яраша сабринг бордирда... Эринг қўнғироқ қилмадими?-гапни бурди она. - Йўқ,- сўниккина шивирлади Нуройим. - Қизим... Очиғи мен ҳозир сен томон эмасман. Тўғри кўп қийинчилик кўрдинг. Чарчадинг... Лекин ўша кунларинг сояси учун янги бахтингни ҳам хавф остига қўйяпсан. - Она... - Аввал бошида майли ўзингга кел деб индамадим. Аммо бўлди етар энди.  Шу бугуноқ уйингга кетасан. Орадан уч ҳафта ўтди ахир. Нуройим онаси билан тортишгиси келмай жим бўлди. Аммо кеткиси йўқ эди. Шундай бўлсада тинчиб кетди деб юрган опасини маззаси бўлмай келиши ёқмай турган укаси, онаси бир оғиз гапи билан, уйига олиб келиб қўйди. Кун кеч бўлиб қолганди. Ойгул опа қизиникига кетган, болалар ва Шамсиддин аллақачон овқатланиб телевизор кўриб ўтиришган экан. Уни кўриб ҳамма хурсанд бўлиб кетди. - Айтганингда ўзим олиб келардим,- деди Шамсиддин бир оз гина билан. Нуройим айтиш у ёқда турсин телефонини ҳам атайин ўчириб қўйганди. -Оввора қилмай дедим.    Шамсиддин юзлари сўлғин Нуройимга қараб гапни кўпайтирмади. Шифокорни гапини эслаб ўзини босди. - Туғруқдан кейинги депрессия ҳамма аёлда бўлади. Бу ҳатто олти ойгача давом этиши мумкин. Кўпчилик эътибор бермайди. Аёлда вазифаси туғиш дейишади. Лекин бу пайт аёл ҳамма вақтдан кўп тушинишларига муҳтож бўлади. Айниқса сизни аёлингизни вазиятида.   Дўстлари чақиргани учун кетаётганини айтиб кўчага чиқиб кетди. Қайтиб келганида чироқлар ўчиқ ҳамма ухлаб қолган эди. Шамсиддин Нуройимни соғинганди. Аммо битта қўли бешикка осилиб ухлаб қолган, хотинини сочларини силаш билан чекланди. Қўли бешикдан чиқариб қўйиб, ўрни бошқа жойга солинган бўлса ҳам, Нуройимни қучиб кўзларини юмди.    Шамсиддин аввал бошида бу никоҳдан қанчалар қўрққанди. Яна бир бор турмуш ришталарини узишни ўйлашни ўзи бир фожеа эди. Аммо кунлар ва ойлар фақат ва фақат Нуройим билан ораларида муҳаббат пайдо бўлишига хизмат қилди. Болаларини қорни иссиқ овқатга, қалби меҳрга тўлди. Уст боши тоза озода, сочлари ювилган. Буларни ҳеч бирини Нуройим мажбурликдан, қўл учида   қилмасди. Болаларига бир она бера оладиган меҳрни бера олди. Нафақат болалари балки онасига ҳам жуда яхши қаради. Ҳам келин, ҳам ҳамшира сифатида парвариш қилди. Ойгул опа анча соғлигини тиклаб олди. Энг муҳими эса Нуройимни қилган ишида миннат бўлмасди...    Орада у ҳомиладор бўлди. Биринчи турмушида содир бўлган кўнгилсизлик ҳақида илк бор ўшанда айтиб берганди. Қалбида қаттиқ жароҳат борлигини билган Шамсиддин Нуройимни қаттиқ аввайларди. Бунга жавобан хотини ҳам бор муҳаббатини ва меҳрини унинг ўзига ҳам оиласига ҳам кўрсарди. Қадамини тортиброқ юрадиган дўстлари ҳам, қўлини кўксига қўйиб кутиб оладиган келин туфайли кириб бемалол ўтирадиган бўлишди...