Egypt Cyber Security

7 أكتوبر 2023 حصل اكبر عملية عسكرية للمقاومة الفلسطينية ضد الاراضي الفلسطينية المحتلة العملية الي سميت ب "طوفان الاقصي" والي المقاومة الفلسطينية حقتت نصر ساحق وخلي الاحتلال في حالة صدمة لسا مفقش منها لحد دلوقتي. علشان يجي الاحتلال الصهيوني يقصف غزة بالصواريخ والطيرات المسيرة و يرتكب مجازر في حق الشعب الفلسطيني خاصتنا قطاع او مدينة غزة، قصفوا المستشفيات والجوامع والكنايس وقتلوا الاطفال والنساء والشيوخ، يعني الاحتلال الصهيوني قصف و قتل ومزال بيقتل المدنيين ودي اصلا جريمة حرب انك تقتل مدنين عزل دي جريمة وده مش كلامي ده كلام القانون الدولي، ومش يكتفي وبس انه يقصف مدنين لا قصف مستشفيات وجوامع بحجة ان المقاومة في الاماكن دي! ودي جريمة تانية وجريمة حرب ومجزرة بكل م تحمله الكلمة من معني. طب انت تعرف ان اقامة دولة علي ارض مش بتاعتك دي جريمة في القانون الدولي ولا يحق التعامل معاك كانك دولة؟ يعني وجود إسرائيل ف ده بحد ذاته ضد القوانين الدولية تخيل! طبعا انتوا متابعين الاحداث والي مش متابع سمع ان في حاجات كبيرة جدا بتحصل في فلسطين، كنت حابب اجاوب علي كام سوال كده علشان ميحصلش لبس وخلط ويتنقل ليك معلومات غلط عن الي بيحصل بما ان اغلب الي بيتابع هما شباب صغير: هل حماس منظمة ارهابية؟ _ حماس وهو لقب جاي من كلمة " حركة المقاومة الفلسطينية الاسلامية " ودي حركة هدفها الاول والاخير هو تحرير فلسطين المحتلة. الاعلام الغربي والعبري عمال يروج من زمان ان حماس منظمة ارهابية ده علشان يبرر لنقسه انه يقتل ف اخوتنا ففلسطين رغم انهم هما الإرهابين والي عمالين يقتلوا في الاطفال والنساء والكبار والشباب والمدنيين العزل بشكل خاص وعمالين يضمروا مساجد وكنايس وعمارت سكنيه كل ده علي مدنيين عزل ميملكوش حتا انهم يدفعوا عن نفسهم وكل ده علشان يهجروهم من غزة ويحتلوها، طب ده ماخدش بالك ف حاجة؟ كلمة ارهابية جايه من ارهاب يعني تخويف لو جيت في جوجل وكتبت *ما المقصود بالارهاب؟* هتلاقي بيتقالك (الارهاب هو : استخدام العنف أو التهديد به لخدمة أهداف سياسية، دينية، أيديولوجية، اجتماعية، والأفعال المرتكبة من قبل جهات فاعلة غير حكومية أو (الشخصيات المتخفية الذين يخدمون نيابًة عن حكوماتهم) قريت؟ سمعت؟ ايقنت؟ خلينا دلوقتي متفقين ان الارهبين الي بجد هما الصهاينة و الامريكان والغرب لانهم بيقفزا مع الارهاب واي حد بيعمل كده بيبقي اسمه ارهابي. طيب حماس؟ هل حصل من حماس انها ارهبت حد؟ حماس هي حركة مقاومة فلسطينة اسلامية لو نسيت المصطلح يعني، حماس او المقاومة دورها انها تقوم الاحتلال في حد جاي يغزوك ويحتلك ويغتصب ارضك واخواتك واهلك هل هتسكت؟ هل في حد هيسكت؟ اكيد لا الي بتعمله المقاومة هو دفاع عن ارضاها ضد احتلال غاصب لا يراعي اي قانون ويرتكب جميع المجازر والجرايم الدوليةوالانسانية في حق الشعب الفلسطيني، المقامة لما هجمت هي هجمت علي عساكر مش مدنيين عساكر دورها انها تحتل الارض وتقتلهم وكمان لما جت تقصف رد علي مجرزة كانت بتبلغ قبلها المكان الي هتقصفه وكانت بتقصف مناطق عسكرية مش مشتشفي او مدنيين وده رد فعل مش فعل. طيب بالله عليك في حد ارهابي هيكون بيعاملك كا اسير بلطف و يهتم بكل التفاصيل حتا الحجات الشخصية موفرهالك وبيتعامل معاك الاول يهدئك ويقولك احتا مسلمين متخافش ومش هناذيك ويعمل ده كله علي الجانب الاخر اخوه واهله بيموتوا وبيتم اغتيالهم بمجاز والاسري الفلسطنيين في جيش الاحتلال بيتم اغتيالهم ؟ المقاومة كمان بتطلق سراح الاسري كده من غير مقابل تخيل! اول م حصل طوفان الاقصي وبعدها بيومين تقريبا كانت النقاومة اطلقت سراح سيدة وابنها وبعدين اطلقوا سراح اسيرة تانية ومن يوم او يومن اطلقوا سراح اسرتين تانين رغم ان اهمية الاسير كبيرة جدا ممكن باسير واحد انه يخرج الف فلسطيني او اكتر اسير من سجن الاحتلال! ده فديو عن مستوطنية إسرائيلية كانت أسيرة من اسبوعين لما حصلة العملية العسكرية "طوفان الاقصي" بتقولك ايه الي حصل وازاي كانوا بيعملوها: https://youtu.be/zagpvuXWs3Q?si=rcHdp29Z21gC-lyJ ودي الاسيرة الي اطلقتهم المقاومة من ضمن اسرتين طلعت اتكلمت هي كمان والاعلام الغربي مغطاش ده و نشره زي مبيعمل: https://youtu.be/YlP7jKx2iUI?si=79anF-6JgiZWCz72 طب انت تعرف ان اي دولة كانت بيتم احتلالها ف بيكون خيارها الوحيد هي المقاومة؟ وده حصل في اورباء شخصيا والجزائر ومصر الخ.. ف الاجابة حماس مش ارهابية حماس مقاومة ضد الارهبيين. التكملة: https://t.me/ZeroSecur1ty/1963?comment=101727 https://t.me/ZeroSecur1ty/1963?comment=101727 https://t.me/ZeroSecur1ty/1963?comment=101727 https://t.me/ZeroSecur1ty/1963?comment=101727

يارب 🙏🏻🇵🇸

Hello We need admin and content Creator field at cyber security In this channel and group. To connect: @Slientxout

من كام يوم كان مؤتمر شركة Apple الي اعلنت فيه عن iPhone 15 الجديد الي تمنه بيبدا من 1200$ .. ف في واحد عمل حسبة لطيفة قوي قالك لو كل مره نزل فيها IPhone من أول اصدار لحد IPhone 15 كنت حطيت تمنه في انك تشتري أسهم في أبل بدل ما تشتري IPhone كان زمان دلوقتي معاك ٣٦٧ مليون دولار 😃، في حين كل الي هتكون دفعته كان هيبقى ١٧ الف دولار بس 😊 المقال المصدر 👇 https://www.unilad.com/technology/how-much-apple-stock-iphone-736202-20230914

مجتمع السكيورتي العزيز اهلا ومرحبا بالناس الجديدة .. شوية معلومات مش هتشوفها لكن في قلب كل راجل محترم مننا 1 : الشغل علي Target واحد بشكل كويس افضل من انك مشتت نفسك ( كأنك شغال مع الشركه دي بس علي برامج تابعه للشركة دي ) بتاخد خبره جبارة ومش هتلاقي نفسك دخلت في صراع يفقدك تركيزك " الموضوع تركيز وهدوء " 2 : فكره انك تاخد كورسيز تطلع منها تنين مجنح دي خدعه ابتدعها أصحاب ال Business وأخواتنا ال Marketing وكل واحد ليه الحق في أنه يعرض الخدمة بتاعته وانت اختيارك هو مصيرك فاتعدد المصادر اللي بتدمج مابين الشخص المجتهد المثقف الممارس الهاوي عكس مصادر اللي لسه بيبداء وداخل في اكتر من مجموعه " بتسند بعض زي الكوميونتي علي فيسبوك وتويتر والهشتاجات والذي منه فأنت كل المحتوي اللي عايزه موجود علي YouTube , Google , Cyberary , Nereides Academy , Coursera , Etc لكن المحتوي المدفوع دا بيتميز بيه أصحاب الخبرات النادرة فقط ومش كل من هب ودب يقلبك في فلوس طالع عينك وعين معيلك فيها استفاد بيها صح ... 3 : الخبرة ماهي الا عدد محاولاتك الفاشلة في هذا المجال " لا مجال للنقاش في النقطه دي " ف مش معني أن كل ما الحاجه دايره معاك انك ناجح ، كلمني كدا عن كام Error سيح الدنيا ونسيت اسمك حتي ، كام Test باظ ليك بسبب ال Firewall ، كام تقرير كتبته وفي الاخر طلع Out Of Scope ، امثله كتيرة كل اخ امين عنده خبره يذكرها ، ف ارمي نفسك ف البحر " هتتعلم من كل حاجه " 4 : متبصش في رزق حد سواء كانت Bounty , Targets ، Salary سيب رزقك انت يجيلك واجتهد علي اللي فوق ، ولا في حاجه سهله ولا في حاجه صعبه " احنا بنفهم مرة واتنين والف وبرضوا مفهمناش بنرجع تاني للنسيان والتشتت والمشاكل الخارجية والعوامل المؤثرة مشتركة بينا 5 : إدارة الوقت والترتيب الجيد ل الأولويات أهم عوامل النجاح ف اجتنزهم في حياتك 6 : الصلاة عماد الدين وهي اللي هتهندل كل الصفات فيك ف تركها هيخليك محلك سر ودي اسمها مرحلة انهيارك وربنا يوفقنا ويوفقكم كلكم .. 💥

البوست اللي فوق هو Road map للmalware analysis متقسم لتلت اجزاء متتخضش من حجم الroadmap فيه حجات كتير اختياري تعملها

البوست اللي فوق هو Road map للmalware analysis متقسم لتلت اجزاء متتخضش من حجم الroadmap فيه حجات كتير اختياري تعملها

أوعى تسأل اد ايه أنا ممكن أقولك سنتين مثلًا وأنت ممكن تخلص في سنه ( أنت هتستغرب هاخد المده دي كلها ليه ؟ أنا قاصد اقول المده دي علشان تاخد راحتك في التعليم ومتستعجلش ولا تجري لازم تعرف تفاصيل كل حاجه ودا اللي انا بعمله حاليًا لما رجهت تاني للمجال بدرس التفاصيل اللي كنت سايبها وهي ال OOP مثلًا فأنا قاصد أقولك حاجه زي كدا علشان اوضحلك انك تاخد وقتك ومتستعجلش ). دا لو انت مش خريج اما لو انت خريج الوضع يختلف وانت ادرى بوضعك. طيب طول فترة تعليمك دي لازم تنمي مهاراتك في الانجليزي ولازم تقوى مهارة سمعتك كمان ولغتك في الكتابه لذلك طول فترة تعليمك لازم تشوف فيديو واحد من كورسيس استاذنا وحبيبنا كلنا ابراهيم عادل من قناة Zamerican English أو من التطبيق برده هتحمله من جوجل بلاي Zamerican English وأنا لما بدأت المجال جديد في البج هانتج كان كل محتواي عربي فقط ومكنتش بعرف اسمع انجليزي نهائي وكورس الاستماعي خلاني مش بسمع غير اجنبي بس وزي ما بيقولك هو لازم فيديو واحد فقط كل يوم وهتحس بالفرق بعد اسبوع حرفيًا ما بالك بعد سنه ؟ لذلك نصيحه اخويه دي مني ليك حتى لو مش هتخش مجال المالوير اناليزيز عالأقل يكون عندك لغه. وكمان طول فترة تعليمك أوعى تنسى صلاتك في الجامع وحفظ ولو آيتين في اليوم ( آه والله زي ما بقولك هتدرك بعدين انك ملكش غير ربنا لذلك بكتبلك النصيحه دي حبًا مني ليك ومحدش هينصحهالك غير لو عايز مصلحتك ) والله الموضوع هيفرق معاك جدًا وكمان شغفك للمجال بتلاقيه بيزداد لأنك بتشتكي لله مش بتشتكي لبشري زيك وكمان مميزات كبيره هتحصل عليها لما تكون مقرب من ربنا واللي منهم الراحه النفسيه وعدم الاحباط والأمل الدائم فأنصحك جدًا بيها.

وبرده هنا الطريق دا اختياري لكن يفضل جدًا وبشجعلك عليه وهو انك تشوف كتاب Hacking; The art of exploitation حتى لو اول شابتر والتاني علشان النتورك والله الموضوع هيفرق معاك اووووي وهتعرف عظمة الاسمبلي والكتاب دا هو اللي شجعني على الاسمبلي أكتر وانا كنت متعلم لينكس برده من المهندس ابراهيم حجازي فبشجعك تشوف الكتاب تشوف اول 18 فيديو من الكورس بتاع المهندس ابراهيم حجازي بيتكلم عن سيكيورتي بلص على شوية نتورك بلص على شوية لينكس بلص يعني مدلعكم https://www.youtube.com/watch?v=BjfCWSFmIFI&list=PLv7cogHXoVhXvHPzIl1dWtBiYUAL8baHj خد بس انا مش بلخبطك أنا بجبلك شرح عربي يفهمك نتورك ويفهمك سيكيورتي ولينكس وانت معاك برمجه كدا في الكتاب hacking; the art of exploitation هتمشي معاه زي الفل خالص وكمان هتعرف لغة ال C لأنه هو برده حببني في السي. ولو حاسس نفسك مش سالك في الكتاب بسبب ال buffer over flow شوف او 6 فيديو من الكورس دا في قناة Nakerah Netwok يعرفك شرح الثغره https://www.youtube.com/watch?v=yRvuEVgSPBk&list=PL_yseowcuqYIaReP8ttfr0BAxbqZ7tmhq&index=1 علفكره الكورس دا هو السبب الرئيسي اللي خلاني احول من Bug Hunting ل Reverse Engineering وعشقت الاسمبلي واللي خلاني اروح اشوف كتاب هاكينج بس اصبر كدا كله دااااا اختياااااااري ( يعني انت مش مطالب بكله دا دلوقتي يعني تقدر تتعلم سي بلس بلس وبعدين اسمبلي وبعدين تيجي هنا ): بعد كدا تشوف كورس البشمهندس أحمد بهاء في موقع مهاره تك التابع ل ITI اللي بيشرح فيه اساسيات تحليل البرمجيات الخبيثه ال Basic Static Analysis وال Behavioral Analysis https://maharatech.gov.eg/course/view.php?id=1404 لازم وضروري تطبق ورا الدرس وتقدر تحمل اللابز من هنا: https://github.com/mikesiko/PracticalMalwareAnalysis-Labs وكمان المراجعه هتكون من كتاب Practical Malware Analysis و learning malware analysis لأن الكورس مغطي حاجات كتيره منهم يعني لما تتعلم ال basic dynamic analysis تشوفهم في الكتابين وتكتب نوتس خاصه بيك بحيث لما تعوز تراجع تشوف النوتس أو - ودا أفضل حل - تكتب رايتاب عن تحليلك لمالوير حقيقي statically. وكذلك لما تتعلم ال behavioral analysis تراجعهم من الكتابين وبعدين تكتب رايتاب عن مالوير حقيقي. أنت عارف لو عملت الخطوات دي هتبقى اسطوره حرفيًا بعدين تشوف الكورس الثاني للبشمهندس أحمد بهاء تبع الهندسه العكسيه https://maharatech.gov.eg/course/view.php?id=1423 هنا يفضل ويحبذ إنك تحلل البرامج اللي انت كتبتها لما تعلمت برمجه أول مره وتشوف الكود بتاعها بالاسمبلي عامل ازاي وتشوف الفرق بين السي والسي بلص بلص ودي نقطه كويسه ليك جدًا ويا سلاااااااام لو تحول الاسمبلي لل C 😁😁 يفضل جدًا تعمل كدا واللي اللي بعمله حاليًا يعني علشان مخبيش عليكم علشان تكون فاهم التفاصيل. وأوعى تنسى المراجعه في الكتابين شوف اسمهم فوق وبرده اللابز فوق وبرده أي مالوير البشمهندس كاتب الهاش بتاعه حمله من malware bazaar ولازم تطبق على كل فيديو مينفعش تسيب فيديو فاضي كدا معملتش فيه حاجه لازم كل حاجه بيعملها تنفذها وإلا هتخرج من الكورس مش فاهم حاجه أو مخلص الكورس مشاهده وخلاص. ويفضل جدًا تكتب رايتاب بعد كل خطوه تعملها والنوتس تخليها عباره عن رايتاب خاصه بيك مثلًا. بعد كدا هتشوف كورس تحليل البرمجيات الخبيثه مستوى متقدم https://maharatech.gov.eg/course/view.php?id=1599 هنا طول براحتك في الكورس بس دام خلصت ال debugging انت كدا هتكون اتعلمت Static Malware Analysis Behavioral Analysis Static Code Analysis [ Disassembling and Decompiling ] Dynamic Code Analysis [ Debugging ] ومعاك لغة C++ و Assembly ومعاك الكتابين وقبل ما تتعلم ال analysis بتوع ال scriptting languages فأنت المفروض مفيش حاجه تقف معاك في تحليل اي مالوير ( لو مش مشفر ) وتقدر تعمله Reverse بكل سهوله. لذلك بقولك لازم تفهم تفاصيل كل فيديو في البرمجه C++ و Assembly وكمان تفاصيل كل فيديو في ال malware analysis. فأنت هنا هتكون مطالب تكتب ريتساب عن مالويرز ومش بالكثره انت ممكن تحليل 2 وبعدين تكمل الكورس للنهايه. طيب في حاجات تبع ال unpacking ممكن تأزمك شويه فهنا أخونا المهندس جميل علي هيساعدك ( أنا قولت هقترح العربي فقط في البوست دا ): https://www.youtube.com/watch?v=5TCA-O6wrAQ&list=PL8QENHwbGY1NyZqjV_xyhwTQj3vnIWN1b هنا المفروض تكون مخلص الكتابين مع ال3 كورسيس بتوع البشمهندس أحمد بهاء بعيدًا عن انك لازم تكون مخلص C++ و Assembly وتكون كاتب رايتساب كتيره , هياخد أد ايه دا كله ؟

السلام عليكم ورحمة الله وبركاته. في البوست دا هتكلم عن Road map للmalware analysis انا شرحت فوق ايه هو مجال الmalware analysis فلو مشوفتهوش روح شوفه يلا بينا نبدأ 😃 (*ملحوظة اليوست منقول من بشمهندس محمود نورالدين*) اول حاجة لغة البرمجة أنا صراحة بفضل انك تتعلم لغة C مش C++ والسبب ان مالويرز كتيره جدًا هتقابلها بلغة السي وكمان لأنها مش لغه OOP ومش معقده فبتلاقيها سهله في التحليل الكورس دا عربي بلغة ال C لدكتور جامعي: https://www.youtube.com/playlist?list=PLVp0hvzMSQHTlz2CNlbhq-E6WYYujm7b8 يعني بدل ما تتعلم سي بلص تقدر تاخد الكورس دا ويبقى تمام . --------------------------------- لكن لو عايز تتعلم c++ ف أفضل كورس عربي لشرح البرمجه بلغة الC++ ولأي حد نفسه يتعلم برمجه يبدأ بكورس الدكتور أو المهندس محمد الدسوقي لأنه أصلًا دكتور في جامعه والشرح بتاعه بيعرفك ليه بتكتب كدا واشمعنى وعلشان ايه ودا المطلوب انك تفهمه. لذلك: من أول الكورس لغاية درس 14 اللي بيشرح ال pointers ولازم تحاول تحل بنفسك الدرس رقم 13 من غير ما تشوف الحل علشان تدرب عقلك على البرمجه. https://www.youtube.com/watch?v=&list=PL1DUmTEdeA6IUD9Gt5rZlQfbZyAWXd-oD ------------------------------ بعد كدا هتشوف أول 3 دروس من الكورس دا بيتكلم عن ال Dynamic memory allocation وعايزك تركز أوووووووي فيهم وخصوصًا الدرس التاني لازم تفهم ال stack وال heap وازاي تتعامل معاهم دول مهمين جدًا جدًا علشان كدا لازم تكون فاهم ال pointers قبلهم. https://www.youtube.com/watch?v=&list=PL1DUmTEdeA6JlommmGP5wicYLxX5PVCQt ---------------------------- فأنت لو حابب تكمل شرح ال OOP في السلسلة الأولى كمل عادي كدا كدا التكمله مفيده ليك أنت وهترجع تسمعلها بعد فتره كبيره زي حلاتي كدا😁 ---------------------------- وبرده ال Data strucure مش شرط تشوفها دلوقتي غير لما تعرف أهميتها ارجعلها وبرده هقولك نفسك الكلام على ال OOP لما تعرف اهميته ارجعلهم لكننننننننننن لازم تشوف اللي قولتلك عليهم فوق دول ومينفعش تطنشهم. وكذلك لازم تفهم كل تفاصيل كل فيديو لأن التفاصيل مهمه لأن التفاصيل بتعلمك يعني ايه برمجه ومن غير فهمك للتفاصيل دي مش هتقدر تكمل بعدين. --------------- حلو كدا أنت اتعلمت البرمجه بلغة C++ والدنيا زي الفل معاك : لو عايز تحل تمارينات شوف موقع hackerrank او موقع codeforces وتدخل في عالم ال problem solving ( أي طالب حاسبات بيدرس دا بس أنت لو حابب يعني لكن مش شرط تدخل حاليًا ). --------------------- ( الطريق دا اختياري اللي رايح اقولهولك ): بعدين يفضل تشوف شرح لل Network Plus تفهم فيها يعني ايه نتورك وكمان تفهم Network Programming ازاي تبرمج socket ( الموضوع هتحتاجه بعدين يعني في فتره معينه من الزمن هتدرك انك محتاج تتعلم دا علشان المالويرز كلها بتستخدم دي ) لذلك بنصحك تشوف الكورسين دول هما مش تفاصيل اوي بس لو عندك كورس عربي بيشرح تفاصيل عن النتورك اكتب في التعليقات دا كورس بيشرحلك النتورك عمومًا بشكل نظري للمهندس محمد عدلي: https://maharatech.gov.eg/course/view.php?id=22 دا كورس بيشرح نتورك سيكيورتي بشكل نظري: https://maharatech.gov.eg/course/view.php?id=37 لكن يفضل تشوف ال Network Plus و Security Plus لكن زي ما قولتلك دا طريق اختياري لما تحتاجه ارجعله ودا كورس نتورك بلس عربي : https://teracourses.com/ar/course/computer-network-nplus-course3 يعني لما تتعلم سي او سي بلص بلص تتعلم هنا النتورك بلص أو من أي مصدر وبعدين تتعلم Socket Programming ازاي تبرمج سوكت بلغة سي او سي بلص بلص. وهتتعلم ازاي تعمل client و server بيكلموا بعض وكذلك ارسال الملفات والاتصال بالانترنت وحاجات كتيره بتتعلمها ودا مهم جدًا في المالويرز لأنك بعد الخطوه دي هتكون قطعت جزء كبير جدًا من المالويرز. ومنتظر حد يقترح كورس عربي للسوكت بلغة سي او لغة سي بلص بلص --------------------------------------------------------- يعني لما تتعلم C++ تعالى هنا: بعدين تشوف كورس لغة ال Assembly ودي أصعب من ال C++ لأنها بتهتم بالتفاصيل جدًا وبسببها الناس مش بتكمل المجال وبتروح تتعلم الويب ( لو شوفت السطر دا شجعك وحمسك تتعلم فأعرف انك فيك ميزة انك بتعشق الصعب والمستحيل وبتحب تدخل فيه وعلشان كدا المجال دا مناسب لعقليتك ). برده اللي شارح الكورس دا الدكتور أحمد سلام بجامعة السويس تقريبًا https://www.youtube.com/watch?v=VXyjgzbxH0Q&list=PLMm8EjqH1EFVodghdDWaAuHkHqj-nJ0bN

مساء الخير ❤️

مش عارف الpoll مش شغاله ليه بس تحب البوست اللي جاي يكون عن ايه؟ malware analysis roadmap ❤️ اتكلم عن وظيفة تانية في ال cyber security 👍

ازيكم يا شباب عاملين ايه، دا اول بوست من سلسلة هتكلم فيها عن وظائف ومجالات الcyber security وهراعي فالسلسة دي ان البوست ميكونش طويل ويكون الكلام سهل ومفهوم يلا بينا نبدا 😃 في البوست دا هتكلم عن وظيفة الMalware Analyst الوظيفة دي تعتبر من اصعب الوظائف في مجال الcyber security فبسبب دا مش هتلاقي ناس كتير شغاله في الوظيفة دي رغم انها مطلوبة جدا هل انا بحبطك؟ لا إطلاقا انا بشجعك الوظيفة دي من اعلي الوظائف بالنسبة للمرتبات ومن امتع الوظائف كمان طيب هي ليه صعبة؟ تعالا احكيلك اكيد سمعت قبل كدا عن ال malwares او اللي بيتقال عليها الفايرس زي فايرس الفيدية او الفايرس اللي بيسرق للaccounts والpasswords مهمة الmalware analyst انه يعمل تحليل او فحص للملفات اللي قد تكون ضارة وقد تكون ملفات عادية طيب ايه المشكله في كدا؟ المشكله ان الهاكرز اللي بيعملوا الmalwares بيستعملوا طرق و techniques علشان يخدعوا الantivirus و يعطلوا شغلك كmalware analyst علشان الmalware بتاعهم يفضل موجود لفترة اطول ويعمل اكبر ضرر للضحايا واكبر مكاسب للهاكرز دول فممكن تلاقي الmalware بيستعمل techniques علشان يعرف اذا كان فيه malware analyst بيعمله تحليل فيغير ال behaviour بتاعه او ممكن يستعمل طرق تشفير علشان يصعب علي الmalware analyst شغله وفيه طرق تانية كتير. ومتقلقش كل ال techniques ديه ليها حلول او زي ما تقول انت كmalware analyst هتعرف تتغلب علي ال techniques ديه، وشغل الmalware analyst عبارة عن ٤ مراحل اول مرحة وهي فحص الملف دا من غير ما تشغله علشان تعرف اذا كان هو مضغوط او مشفر - علشان تشوف الstrings (تقدر تعتبرها كلمات) اللي جوا الملف وحجات تانيه تاني مرحلة وهي انك تشغل الملف علي virtual machine (عبارة عن جهاز وهمي مثبت علي الجهاز بتاعك تقدر تفتح فيه اي ملف ضار منزغير ما تأذي جهازك) وتراقب الملفات بتاعت الجهاز والاتصالات اللي بتتبعت من جهازك وحجات تانيه عن طريق برامج و tools مخصصة لكدا تالت مرحلة وهي انك تفحص الكود بتاع الملف والكود بيبقا مكتوب بلغه الassembly لكن فيه tools زي Ida مثلا بتحول الكود دا لc++ او c علي حسب المالوير مكتوب بأيه ورابع مرحلة وهي انك تشغل الملف عن طريق الdebugger وهو ببساطه بيديك التحكم الكامل بالملف بيخليك تنفذ كل امر او كل كود لوحده. وبس كدا اتمني يكون البوست عجبكوا ومتنساش تقول رايك ولو عندك اي سؤال انا تحت امرك ❤️

بوست مهم لاصحاب القلوب والنفوس الضعيفة حاول تركز شوية عشان متخسرش شقى عمرك في لحظة طمع 😅 في نصباية جديدة دايرة اليومين دول مع ناس كتير وللاسف دي من اكتر النصبات اللي تكيفك عادي جدا لحد ما تجلد نفسك على القهرة في حد هييجي يكلمك فجاة كدة مرة في العمر ومش هتشوفه تاني 😂 هيجي يقولك انه من شركة ذكاء اصطناعي وشوية مصطلحات كده … هتعمل فيها المفتش كرومبو ومش هتخش على اي لينك ده اكيد هاكر بس هتلاقيه اكونت واحد من البراندات المعروفة زي زارا ر كونفرس والاكونت الرسمي ليهم على الانستجرام كل اللي مطلوب منك تدوس لايك على ٣ اعلانات شكرا هيجيلك زي الباشا ٦٠ جنيه في دقيقةعلى فودافون كاش او اي محفظة مجانا كده مبروك وقعت في الفخ وكده شغلك لايكات وكل لايك ب٢٠ جنيه و يفضل يتحولك الفلوس تاني مرحلة مرحلة الاستثمار … كل ٣ اعلانات وراهم تاسك استثمار بتحول فلوس وفعلا بترجعلك الفلوس اول مرة وتاني مرة وتالت مرة … طبعا عشان النفس البشرية ضعيفة والنصاب عايز طماع هتجرب تبعت اول ٣٠٠ جنيه زي ما واضح في الصور هيجيلك بعد ربع ساعة ٤٥٠ طبعا كده انت بدات ترتاح تجرب تزود المبلغ هيجيلك برضوا لحد ما في ناس اعرفها كانت بتحول ٥٠ الف جنيه وبيرجعوا ٨٠ الف بعد ربع ساعة برضوا انت كده يا باشا لبست في حيطة وللاسف كلها يوزرات وهمية ومحافظ كمان فودافون كاش scam ملهاش اسماء حقيقية مش هتعرف توصل لحاجة لانهم محترفين في اللعب على نفسيتك اوعى حد يلبس لان خليك فاكر الحداية مبترميش كتاكيت 😂 اللهم بلغت اللهم فاشهد الويب سايت الوهمي بتاع النصابين دول اهو https://aismartbit.com/#/ شير عشان للاسف في ناس لبست كتير اوي و استلفت فلوس من بعض بعد ما كانوا ضامنين انهم بيرجعوا بجد .. نصيحة اعمل خميرتك مرة مرتين بالكتير واخلع 😂

من أفضل المصادر العربية شرح في أمن المعلومات بشكل عام و فيه برمجة و كمان برمجة مواقع و شبكات ): https://t.me/RedTeam_Courses/38 

شوفت  بوست لشخص منزل بوست عشان تتعلم Web Penetration  لازم تتعلم CEH وبعدين MCSA و CCNA و Linux + وبعدين تاخد كورس DevOps وبعدين تاخد كورس ويب ديفلومبنت واخيرا تاخد eWPT وانا بقولك لو مشيت علي Roadmap دي مش هتبقا Web Penetration Tester قريب ، تمام ؟ مش اي حد يكتب Roadmap وهو مشتغلش بايدو نسمع كلامه اسال الاول علي CV بتاعه و بعدين خد منه المعلومة غير كدة انت بتسوح نفسك بنفسك متاخدش كلام من حد غير لما تتأكد من الشخص قبل المعلومة وبعد كده تبحث عن المعلومة كويس وتسال كذا حد. في ناس بتستغل قلة الخبرة وانهم يعملوا شو كداب ويقولك انا خبير Cyber Security  او خبير Bug Hunting او مدرب او غيره من المسميات الناس دي فعليا مش فاهمة حاجة ومعندهاش خبرة والمعلومات اغلبها غلط ولو جيه شخص فاهم كلمه هيهرب او هيقلب الموضوع بشكل شخصي ويعملك بلوك علشان انت بتكشفه، ودول بيبقي همه اما انه يتعرف او يبعلك كورس او عاجبه نظرة الانبهار و الشكر الي الناس بتقولها ليه رغم ان معلوماته غلط وهيلبسك بس بسبب قلة خبرتك هتسقفله عن جهل. متتخدعش بعدد الاشخاص و Followers الي موجودة ف الجروب او عند الشخص نفسه وعدد الناس الي بتشكر فيه علشان ده مش مقياس تقيس عليه صحة المعلومة. لما يجي حد يديك معلومة قوله انت شغال طب شغال فين وخبرتك ايه و هات الCv بتاعه وبعد كده اتاكد من المعلومة بالبحث وبعدها بالتجربة.

في شركتين Zinad و Optima عاملين Cyber Security Internship للخرجين و الطلبة https://www.linkedin.com/posts/fadymoheb_cybersecurity-students-cyber-activity-7073986195050905600-NmGm?utm_source=share&utm_medium=member_android Reposted_from : Mohamed fathy

اعتقد ان ناس كتير متعرفش مين هي شركة IBM ودي حاجة غريبة جدا بالنسبالي بس ممكن تكون مش معروفة فعلا لان معظم شغلها مع الشركات بس أو B2B يعني، بس خلوني اعرفكم ب IBM عملاق التكنولوجيا في العالم كله وبعدين اقولكم انا بعرفكم بالشركة ليه! اي بي ام او زي ما بيسموها BIG BLUE اتأسست سنة 1911 وهي عملاق التكنولوجيا في العالم كله بمبيعات تخطت ال 60 مليار دولار في السنة و 350 الف موظف في العالم كله بالاضافة لانها معاها رقم قياسي في عدد براءات الاختراع اللي بتملكها شركة لمدة 27 سنة! الشركة بتشغل في 170 دولة ورائدة في المجالات والحلول التكنولوجية وعندها 8 مختبرات تكنولوجية متسيدة بيهم العالم وهما السبب في عدد براءات الاختراع المهول اللي عندها وكمان في رصيدها خمس جوائز نوبل، وتسع ميداليات وطنية للتكنولوجيا، وخمس ميداليات وطنية للعلوم. ليه بحكيلكم عن اي بي ام؟ لان الشركة عملت منصة اسمها IBM SkillsBuild ك جزء من مسئوليتها المجتمعية في الدول اللي بتشتغل فيها، المنصة دي عليها عدد كبير جدا من الكورسات في مجالات مختلفة وتعتبر الكورسات دي عصارة علم خبراء الشركة ورواد المجالات دي علي مستوي العالم. الكورسات بتبدأ من مرحلة ال Basic وتتطور لحد ما توصل لل Advanced وكل كورس بيكون ليه شهادة ب Serial Number من IBM وفي نهاية البرنامج لما تدرس 20 ساعة بيكون في تكريم وشهادة بالبرنامج كامل وكمان بيكون في تدريب مدفوع للمتميزين في البرنامج وجولة في مقر IBM في القرية الذكية وكمان ممكن تدريب مدفوع للمتميزين جدا جدا البرنامج والمنصة دول فرصة عظيمة جدا للى عاوز يتعلم حاجة جديدة ويطور من نفسة خصوصا في المجالات التكنولوجية زي ال AI - Cyber Security - Data Science وغيرها مجالات كتير جدا انصحكم انكم تستغلوا وقت الاجازة وتركزوا فيها هتستفادوا جدا في وقت مينفعش تضيعوا فيه دقيقة علي الفاضي! #منقول_للافادة

البارحة كان بداية مؤتمر آبل العالمي للمطورين2023.. والذي سيشهد أحدث تقنيات طورتها الشركة لأنظمة iOS | macOS | iPadOS وأحدث إصدار من أجهزة MAC. كشفت الشركة عن منتجها المنتظر وهو نظارة الواقع الافتراضي&ألمعزز. النظارة كانت بها مميزات كثيرة وافضل من اكثر من شركة ف السوق.