.•°❁⊱𝐷𝑖𝑙 𝑑𝑎𝑓𝑡𝑎𝑟𝑖𝑚⊰❁°•.

Boʻgʻiladigan issiq, chang nafas olib boʻlmaydi😓

OY yerning tabiiy yoʻldoshi...)

Taqdir Tanlab olgan taqdirim, nolib sendan ne hojat? Faqat senga iltmos, yarim varoq murojaat: Yashab bersam bo'ldi-ku, taskin yo'lla zo'rman, deb. Men hadikdan charchadim, tugamadim yurak yeb. Istamadim ko'nishni, har ayrilgan yo'limga. Nahot shunday ko'nganman tushganingda qo'limga. Ey, Taqdirjon, osonlash! Ko'rin, mayli tushimda. Seni azal do'st bildim, mastlikdamas hushimda. Nega mendan berkinib, kunda kunlik kelasan? Men xohlayman boringni sabrsizman bilasan. Ulgur, deya sepgan sen, shoshilmoqlik urug'in. O'zing istab ketdingmi, yo qildimmi men quvg'in? Buncha sirni sevasan? Kelajakdan yor yasab. Erta-indin o'ylari... Ozuqasidir – asab. Ishonch bormi, ayt, senda aniq senga yormanmi? Varoqlaring so'nggida hali hamon bormanmi? Zuvillagan, zolim, vaqt meni sendan yulsa-chi? Yarim yashab qo'ydi, deb huv Taqdirlar kulsa-chi? Tanlanmagan taqdirlar, kutar qayrab tishlarin. Meni izza qildirma ey, Taqdirim ishlari... Yelkam suya, but tutgin! Yondoshingman, dildoshing. Sir bag'ringga yozilgan ko'zyoshingman, ko'zyoshing! Kulsang, kulib beraman yig'lat, mayli, qalbim bor! Ikkimiz ham o'xshashmiz, bizga yolg'iz Xudo yor. Yozilmagan, deysanmi? Ketgan bo'lsang ham o'chib yo'l-yo'lakay yozaman kelgin niyatdan ko'chib! Pokdan kelgin, oppoq kel! Qalam, mana, siqilma. Menda borsan, men senda – tugadim, deb yiqilma! Izn bergan Xudoyim, yuqtirgancha, ul, so'zni. Huzuriga borganda, olib qochmaylik ko'zni. Beshni tashla, Taqdirjon seni tanlab olganman. Meni quchgin, tinsin, jon, sirdan juda tolganman. Nolib sendan ne hojat, yashab bersam bo'ldi-ku. Seni tanlab olganman, desam ko'ngil to'ldi-ku... Rozi bo'lganman demak, senda ajib hikmat bor. Yelka suyagin, sherik, bizga yolg'iz Xudo yor!.. dekabr, 2025 © Boxodirov Izzatillo

Men oʻtgan umrga achinmay qoʻydim...) Olti yil boʻlibdi. Alloh behisob shukur mana shu soʻnggi olti yil davomida men deyarli har kuni, har soniyada chinakam baxtni his qilib yashayapman. Chunki, baʼzi ogʻriqlarimning oʻrnini ma'no-mazmunga toʻldirgan insonlarni uchratdim. Mendan olisda boʻlishsa ham doimo kerakligimni his qildirib turishadi. Ular bilan qalban bogʻlanganman...

G'ussalar meniki? Emas meniki! Bu shunchaki ro'yo, uyg'on uyqudan. Kuzakka bog'lama umr hazonin Bu shunchaki umr, ketma tuyg'udan! Armonlar kimniki? Emas seniki! O'zingga g'alati qobiq yasama. Kulaver betahqiq dushmanga qarab, Sen hech qachon yig'lab g'amni bezama! Senga yozdimmi? Yo'q. Emas tegishli! Xotiram past, bu she'r menga esdalik. Bu she'r emas bilgin juda sevishli, Ovvora ko'chirma olma kundalik... G'ussalar meniki! Emas Kuzniki! Bilganim hazonlar, chinorlar, barglar Sevgimi? Mayliga, mayli seniki. Menga qolsin rosti abadiy dardlar... Jasad meniki? Yo'q. Ruhim haqiqiy. Ruh g'ussali bo'lsa mayyitga jabr! Balki rostdan baxtim kelmas abadiy, Balki rost do'st bo'lar menga shu qabr. Xat tashib charchama keyingi jussam Sen charchasang axir zardob yutaman. Qush bo'lib qaytaman agar men o'lsam, O'lib ham osmonda seni kutaman... ✍ Boxodirov Izzatillo