Лоһуура

Арай туран саҥа дьыл бырааһынньыга бу тирилээн кэлбит. Үгэс курдук, К. оскуолатын бары кылаастара араас тиэмэлэринэн үллэстэн, маскараат буолаары бэлэмнэнэн барбыттар. Ол быһыытынан биир кылаас салайааччыта оччолорго бэрт тэрээһиннээхтик үлэлии-хамсыы олорбут Сойуус республикаларын үллэстэн, олор национальнай көстүүмнэрин кэтиэҕиҥ диэн этии киллэрбит. Онон оҕолору омуктарынан үллэрбиттэр. Төрөппүттэргитиниин бэлэмнии тураарыҥ диэн этэттээн, быһааран ыыппыт. Арай сарсыныгар биир төрөппүттэн учуутал саппыыска туппут. Арыйан аахпыта маннык ис хоһоонноох эбит: "Дорообо, Мария Иванна! Кыыһым беларус буолабын диир. Көлүөһэтин хайдах оҥорорбут буолуой? Төһө улахан буолуохтааҕый?" 😂😂😂 Бу барахсаныҥ кыыһым атыттартан төрөлкөй уонна бөдөҥ буолан, "Беларус" тыраахтыр оҥорор буоллахтара дии санаабыт.😃😂😂😂

Ватсаптан# Бу манна баар буолан хаалыан баҕарбыт эр дьон элбэҕэ буолуо? 😅

Эмиэ ол кэмҥэ😅: Саас чахчы кэлбит эбит. Дьэбин уостан турбут кыраан Дьиэбэр кэлэн холбообуппар Дьэ, эбээт төлө биэрдэ! Курдьугунуу, хардьыгыныы Кураанаҕынан уһуурда, Курулаата, харылаата, Курунньуктаах хара уутун Кута- симэ ыһан барда. Өлбөөдүйбүт ол уу салгыы Өһөх тимир өҥнөннө. Өр күүппүккүн кэтэс диирдии Өрүһүспүттүү сүүрүгүрдэ. Өргө диэри сырдыа суоҕун Өйдөөбөтүм кэлси дуу, Өрө тыынным, араардым. Куһаҕантан сонньуйдум: Куорат сиргэ бу аата -- Кэтэһиилээх саас кэлиитин Кэрэһитин көрдөҕүм! 😃😃😃 2015 сыл.

Тоҕус сыллааҕыта биир, билигин бобуулаах, соцситимҥэ суруйбуппун санатар: Фб санатар: Батсааптаах доҕотторбор. Батсаап диэн баттаатахха маталдьыйбат, үктээтэххэ өҕүллүбэт , таттахха тардыллыбат, хомуйа туттахха хомуллубат үтүө дойду быһыылаах? Бу кэпсээнэ элбэҕэ, сонуна-нуобаһа сойору билбэккэ солбуллан иһэрэ, хобо -сибэ! Ол-бу араас куолута хааһахтан хостонон эрэрдии, кэлэн баран элэгэлдьийэрэ эриэхсит, эчи да, түргэнин! Этэн баран эҕирийиэҥ иннинэ эппитиҥ эҥээр уһукка иһиллэ охсор, саҥаран баран сааһыланыаҥ иннинэ атын, саҥа группаҕа айаннаабыта ырааппыт буолар. Ол диэн, бэл, биир ааннаах, биир түннүктээх биир бүтэй хос иһигэр олорон саҥа таһаара сатаабакка, буукубанан кэпсэтии муодата ханна да тиий, баар буолла.😃 Батсааптаһыы чаҕыл чааһа тыҥ хатыытын саҕаттан саҕаланан баран, чолбон сулус саҕахха саспыта быданнаабытын кэннэ, дьэ, тыын ыла, сынньана түһэр бадахтаах. Ону да түүҥҥү түлүрбэхтэр си-дьүгээр олорор буоллахпытына. Барыны бары батсааптан билэрбит бэйэтэ быраабыла, суруллубатах сокуон курдук буолла. Хас биирдии, буолар-буолбат бырааһынньыктары баттаһа эҕэрдэ бөҕөтүн ыытыһабыт. Ол кэннэ: "Оо, дьэ, төлөппүөн туолара буолла!",- дэһэбит. Хардатын хартыыҥката суох ыыттахха, онтуҥ өһүргэстээх буолуох курдук. )) Хата, онон таҥара, айыыһыт күннэрин ат да манньаҕа аахайбат бэйэм араартыахча буоллум. Аккырыыкка аргыстыыбыт, ырбайбыт сирэйинэн мэктиэлиибит. Смайликтарынан сыһыгырыыбыт, перепостарга бэһирэбит. Бирибиэт, дорообо бөҕө буола саҥа киирбити айхаллыыбыт. Үөрүүбүтүн, хомолтобутунан бу ситимҥэ үллэстэбит. Быһата, олох оройо бу дойдуга кииннэнэр, бэһиэлэй, бэһирсии бу батсаапка эрэ сатанар бэрт бэһиэлэй үйэтигэр үктэммиппитинэн, үтүө дьонум, барыгытыгар эҕэрдэ!!!. Бээрэ, маны бэрэлээри олорон хаалбыппын. Батсаап тугу кэпсиир? Көрө охсуум эрэ! Лоһуура, 04.05.2015

* Сонун бырайыак Мария Семенова "Ыллаа, ыллаа" барыла аны Сунтаарга. Ыам ыйын 7 күнүгэр киэһэ 18.00 чааска Сибиэрэп киинигэр ыытыллар. ТӨҺӨ ДА СОНУННАРБЫН ТОХТОТТОР, БИИРДЭ ЭМЭ ИЭЙИИ КИИРЭН МАННЫК СОНУННААН ДЬОҤҤО СЫРДАТЫЫБЫН ОҤОРДОҔУМ БУОЛУОХТУН! АРБА, "СУНТААР СӨБҮЛҮҮР АТЫЫҺЫТА?" ДИЭН ЫЙЫННЬЫК ОҤОРБУППАР ҮГҮС КИҺИ ЭТИННЭ, БУ КҮННЭРГЭ ОЛ ТУҺУНАН БИЛИҺИННЭРИЭҔИМ... Тускулаана ГОРОХОВА-КОБЕЛЬЯНОВА, ыам ыйын 4 күнэ, 2024

Тускулаана сонуннара# 💚 @_TUSCU_ тэттик сонуннара: * Сунтаар, Саха сирин добун үөрүүтэ Лев Павлов - Россия первенствотын финалиһа буолла. Ол иннигэр ыччаттарга чөмпүйүөннээбитэ. * Үс сыл аннараа өттүгэр култуура салалтатын, нэһилиэк дьаһалтатын көҕүлээһинэн саҕыллан тахсыбыт "Оһуор үҥкүүтүн уруйдуубут!" тэрээһин Сунтаар нэһилиэгин баһылыгын Кубогар түһүмэх быһыытынан киирэн тэриллэн сүүрбэччэ тэрилтэ үлэһиттэрэ саха үҥкүүтүн бастыҥын өрө тутан долгуттулар. Быйыл көрөөччү олус элбэх, үҥкүү бөлөхтөрө сахалыы таҥастарын бэркэ тиктэн үөртүлэр. Үҥкүүгэ доруобуйатынан хааччахтаах (истибэт, саҥарбат) ыччат киһи үҥкүүлээн өрө дайбыта да сүрдээх... ийэтэ бу туһунан үллэһиннэ, оттон Николай Иванов 40 сыл буолан баран үҥкүүнү толордо. Көрөөччү саалатыгар ыччат дьон Оһуор үҥкүүтүн өрө-дайа көтүтэллэрин көрөн үөрдүм. Кыайыылааҕынан Баһаарынай сулууспа, "Кыталык" уһуйаан, бухгалтерия, ГИМС, ОНД холбоһуктаах бөлөҕө буолла. * Төһө да Кыайыы күнүн парада Сунтаарга тэриллибэтэр Сунтаар лиссиэйин оҕолоро "Байыаннай-патриотическай хаамыы, ырыа" күрэһин тэрийдилэр. 11 кылаас оҕолоро кыайдылар. * Сунтаарга Айылтаана Егорова өссө биир кэрэ айымньыта. Күөх Маай дьоро күнүн ыччаттар киэргэттилэр. Томуһукаан күөлүн үрдүгэр турар муостаны салама курдук арт-кэрэнэн киэргэтэн дьон сүргэтин көтөхтүлэр. * Улууспут, нэһилиэк баһылыктара анал байыаннай дьайыыга сулууспалыы сылдьар уолаттарбытыгар бэйэлэринэн тиийэн дойдуларын кэһиилэрин, ирдэнэр маллары, тэриллэри тиксэрэн улаханнык үөртүлэр. * Сунтаарга "Манчаары оонньуута" биирдэ да буола илик. Биһиги улууспут туруорсубута ыраатта, бу да сырыыга тэттик киинэ оҥорон күүстээхтик киирсэргэ үлэлэһэр. Санатан эттэххэ эһиил Манчаары Тааттаҕа тэриллэр. Онно 2029 сылга ханна буолара биллиэхтээх. * Сунтаар нэһилиэгэр кырачаан оҕолор сүтэн ыксата сырыттылар. Бу сонун иһиллээтин кытта Сунтаар дьоно түмсэн көрдүү сылдьара, бэйэлэринэн көмөҕө тахсыбыттара түмсүүбүтүн көрдөрөр. Оҕолор барахсаттар быраҕыллыбыт дьиэҕэ оонньуу сылдьан ааннара лип гынан сабыллан хаайтаран хаалбыттар эбит. Хата барыта этэҥҥэ... * Киһи бүгүн баар, сарсын суох... киһи онтон улаханнык дьиксинэр. Сунтаар улахан сүтүктэннэ. Улууспут үгүс онобулун түстэспит, үлэтигэр олоҕун анаабыт архыып үлэһитэ Аркадий Яковлев эмискэ ыалдьан күн сириттэн күрэннэ. Атаары туома ыам ыйын 5 күнүгэр "Партизан" НАТК тэриллэр. Күндү киһибит быдан дьылларга быраһаай, суохтуохпут, киһи итэҕэйиэн баҕарбат, Сэбиэскэй уулуссанан бэлэһэппиэтинэн күлэ-үөрэ айаннаан иһэриҥ харахпар бу баар... Нэһилиэкпит олоҕун-дьаһаҕын, дьонун барытын биэс тарбах курдук билэр, олохтоох дьаһалтаҕа олоҕун устата үлэлээн кэлбит Изабелла Еремеева дьонугар эмиэ кутурҕаммытын биллэрэбит. * Сунтаар туризмын сайыннарар санаалаах сынньанар дьиэлэр кыттыылаах Наахараҕа "Бөрө үүтээнэ" диэн түһүлгэҕэ соргулаах кэпсэтиилэр таҕыстылар. * Бастакы кустары ким бултаста? Улуустааҕы күрэскэ бастакы көҕөнү бултаан Кутанаттан Алексей Потапов бастакы миэстэ буолла. Василий Егоров моонньоҕону ытан иккис миэстэни ылла, Сергей Тен бастакы чыркымайын хаартыскаҕа хатаан, видеоҕа устан ыытан үһүс миэстэ. * Ил Дархан "Үлэ киһитэ" бириэмийэтин Сунтаартан "Сунтарцеолит" тэрилтэтин үлэһитэ Андрей Пахомов уонна Сунтаардааҕы "Якутлесресурс" ГАТ тэрилтэ кылаабынай инженерэ Василий Яковлев ылан үөрүүбүт үксээтэ. * Кэнники кэмҥэ Сунтаарга дьүкээбили арылхайдык үгүстэ көрөр буоллубут. Кэрэни көрөн үөрэбит даҕаны айылҕаҕа дьайыыта соччото суох ээ... * Саас кэрэ кэмигэр субуотунньуктар үксүүллэр. Ону кытта аҕа саастаахтарга көмөлөр оҥоһуллаллар. Сунтаар киин бибилэтиэкэтэ бэтэрээннэригэр көмө буолан тэлгэһэлэрин ыраастаатылар, саһааннарын хайытан, туруоран биэрдилэр. * Ыам ыйын 9 күнүгэр Сунтаарбыт норуот суруйааччыта Наталья Михалева - Сайа 60 сааһын бэлиэтиир. Истиҥ эҕэрдэ! * Кыайыы күнүгэр ыам ыйын 8 күнүгэр 19.00 чаастан "Кутурҕан төлөнө", ыам ыйын 9 күнүгэр 11.00 чаастан "Албан аат" болуоссатыгар миитин, 14.00 чааска "Сунтаар сонуннара" хаһыат эстафетата, "Партизан" НАТК "Военные песни о главном" мюзикла тэриллэр.

Ватсааптан#Бу хаар куоракка кэлэрэ буолуо🤥дуу?

Саамай курутуойдара бу турар быһыылаах.

Ким эрэ айанныыр, ким эрэ балыктыыр😅.