كتابات عبده جادو

عليَ فكرة إنت مش مُطالب خَالص ، إنك طول الوقت تَفضل تِدافع عن نفسَك ، و تبرر للي قُدامك تصرُفاتك و افعَالك .. دا ضَغط و عبِء نَفسي ماحدش يستحملُه ، ولا حتي يقبلُه علي نفسُه .. إنت في غَناا تماماً عن الشخص اللي محتاج أدلّة علي كل حاجة بتعملها و كُل كلمة بتقولها ، علشان تثبتلُه بيها انك صادق معاه و مش مقصر ، و إن ليك اسبابك و اعذارك .. وبعديين اللي بيحبك فعلاً بجد من جواه ، المفروض انه هايشوفك صح و يفهمك و يقدرك ، هايحسِن الظَن بيك ، ها يَلتمسلك الأعذار في عز ما الكُل جاي عليك و فاهمَك غَلط .. فا من الاخر كده .. طَالما شايف نفسك انك عَامل اللي عليك ، و ماقصرتش في حق حد ، ماتجيش ابداً علي روحك ولا تحاول تبرر و تأَكد و تصحَح لأي حد اللي فَاهمُه عنك ، مهما كان الحَد دا مين .. الحياة أبسَط كتير و أسرَع من اننا نضيعها واحنا بنحاول نثبت لحد اننا كويسيين ..