رَحـيقٌ مَخـتوم 💚🇵🇸.

صباح الخير السعي حلو لأن الفراغ مُهلك، بس ما خلف الكواليس مؤلم! مؤلم لأنه بياخد مننا فِكر ووقت وعُمر وتجارب وفي الآخر لا صابت لا خابت. بناخد كل خطوة وإحنا مش عارفين إذا كانت صح ولا غلط، بنبقا نفسنا حد يقولنا أي حاجه تنور لينا خُطانا. و في نهاية المطاف عسانا إنها خُطى نؤجر عليها، ما أصاب منها سَنسعد به، و ما لم يصب سنضعه في خانة التجارب التي ينبغي أن نتعلم منها و نتشاركها مع الغير فربما يُعينهم ذلك ع خطوة يُقدمون عليها. أسأل الله أن يُسدد خُطانا ولا يُذهب منها شيئا سُدى ويرزقنا الصبر والرضا أينما حللنا.💗

السلام عليكم ورحمة اللَّه وبركاته ..! بجد انصح أي حد يتفرج علىٰ: وعي ( شريف علي، احمد عامر، حازم الصديق ) الداء و الدواء ( علاء حامد ) السيرة النبوية ( أحمد عامر ) السيرة النبوية (سمير مصطفىٰ) أنوار الكهف ( علاء حامد ) أبجديات الصلاة ( محمد الغليظ ) أسماء اللَّه الحسني ( شريف علي ) ودرس السر الأعظم ( للشيخ العجيري ) ودرس ماذا لو تكلم الكفن ( حازم شومان ) اعرف نبيك (محمد الغليظ) أبي بكر وعائشة (عثمان الخميس) استهدي باللَّه (محمد الغليظ) طريق السعادة مِن الفاتحة( محمد الغليظ) التفسير د/ أحمد عبد المنعم إيه المشكلة. فهدي . بجد هيغيروا حياتكم💛

ليس"لعله خير".. بل هو كُل الخير ، دائماً الله يعلم وأنتم لا تعلمون.💙💙💙💙💙💙💙💙💙💙💙💙💙💙💙💙💙💙💙💙💙💙🦋

عودوا أنفسكم على قراءة الأذكار، وبعدها لا تخاف من شيء لا من عين ولا شر بيومك كله، ووقت قراءتها قصير؛ يعني دقائق بسيطة تحميك من الشرور ساعات. يقول ابن عثيمين رحمه الله: <أذكار الصَّباح والمساء أشدَّ من سُور يأجوج ومأجوج في التحصَّن لمن قالها بحضور قلب.>

التانية، ودَ سر مِن الأسرار اللِ ساعدتني أنجح في أكتر من حاجة وأستغل يومي وأنظم وقتي بشكل أفضل♥) الموضوع مِش صعب، بالعكس سهل جدًا ومُريح جدًا، علىٰ الأقل لو مخلصتيش كمية المُذاكرة اللِ محدداها بتاخدي جِبال حسنا. _ شهد منصف.

بِمُناسبة الإمتحانات وضغط الإمتحانات، دَا بوست هيساعدك تعرف إزاي تلم المُتراكم عليك. جدد نيتك الأول في طَلب عِلم، والنّية محلها القلب، نيّات طَلب العِلم كتيرة، جدد نيتك وأخلص لله سُبحانه وتعالىٰ، وقوم إتوضىٰ وصلي ركعتين إطلب فيهم الإستعانة مِن ربنا سُبحانه وتعالىٰ التنظيم: أهمّ حاجة إِنك تكون مُنظم، نَظم مكتبك وخلّي شكله حِلو وتحفيزي، علشان يساعدك تتأقلم على جو المُذاكرة وتحبها. ممكن تِكتب أكتر عبارة أو عبارتين بيحفزوك وتخليهم قدامك على المكتب، وحاول دايمًا إنك تكون داعم ذاتي لنفسك♥ المُشتتات: المُشتتات هي أكتر حاجة سيئة في حياتك الدراسية، ولازم ولابد تتخلص منها، علشان متشغلش وقتك أكتر وأكتر وتبدأ تراكم عليك كل حاجة. وأنا قصدي هنا على المُشتتات بشكل عام هي السوشيل ميديا والتليفون! إبعد عن التليفون وخصص وقت مُعين إنك تمسكه فيه، ويكون بعد المُذاكرة مفيش حاجه هتفوتك على السوشيل، وكل حاجه هتعرفها وتعملها، لكن وقتك لو ضاع مش هييجي تاني. وإفتكر إن الساعات اللي بتقضيها تصفح بدون فايدة تقدر تنقلك نقلة عظيمة بإنجازات حلوة جدًا لو إستغليتها صح. وقت المُذاكرة نقفل التليفون، ونبعده عننا تمامًا. طيّب لو فيه مادة مش فاهمينها، أو محتاجة ترجمة مثلًا أو شرح يُوتيوب؟ _لو ترجمة فخلّي ساعة أو نص ساعة قبل المُذاكرة تترجم فيها وتبعد عن التليفون. _لو شرح يوتيوب فيُستحسن إنك تعمل فاصل بين المُذاكرة الأونلاين والمُذاكرة الطبيعية، وتخلّي ساعات محددة من كل يوم تبيض فيها الشرح في ورق خارجي أو كشكول وتذاكر منه. جدول المُذاكرة: مُهم إنك تخطط بُكرة هتذاكر إي؟ من الحاجات اللِ بتساعدك هي إنك تكون عارف بكرة عليك إي، متستناش لحد ما تصحىٰ وتقول هعمل الجدول الصبح، أو على حسب! وأنت بتخطط لجدول المُذاكرة خليك رحيم بنفسك، ومهما كان عدد المحاضرات متزودش على نفسك مهام أنت ممكن متعملهاش، وركز لإنك كدا بتحبط نفسك، حط مهام قليلة وكميات قليلة تخلصها علشان تحس بالإنجاز وتكمل وبالتدريج في الإنجاز هتلاقي حماسك بيزيد حدد لنفسك كميات ومحاضرات صغيرة علشان متزهقش وأنت أصلًا زهقان. ومع الإستمرارية هتوصل لنتيجة حلوة جدًا ومُرضية ليك♥ أفضل وقت تذاكر فيه: _طبعًا وقت الصبح بعد صلاة الفجر لحد الساعة 9 أو 10 دا أفضل الأوقات اللِ نذاكر فيها؛ لإنه وقت مُبارك جدًا لقوله صلىٰ الله عليه وسلم(بُورك لِأُمتي في بكورها) _وقت بعد العصر من أفضل الأوقات اللِ نذاكر فيها بردوا. مُهم إننا ناخد بالنا منهلكش نفسنا طول اليوم في المُذاكرة؛ لإن دا غلط وغير منطقي أصلًا. لو ذاكرنا ساعتين أو تلت ساعات في اليوم بتركيز أفضل من إننا نذاكر اليوم كله ومنطلعش منه بفايدة. ذاكر ساعات قليلة بأعلىٰ تركيز ودي الطريقة اللِ بذاكر بيها، كُنت نشرتها قبل كدا، فتقدروا تقرأوها وتلتزموا بيها، هتساعدكم جدًا عن تجربة ___ عادة مِن أفضل العادات اللِ لازم كُلنا نعتاد عليها، ونخليها جُزء أساسي أثناء المُذاكرة(سواء كانت مُذاكرة مواد دراستك، كورس، أو تَعلم أيّ شئ آخر...) العادة دِ من أكتر أهم العادات اللِ لازم نعتاد عليها في حياتنا؛ لإنها هتكون سبب في نجاحنا، وبركة وقتنا بإذن الله. العادة دِ هي(قراءة القُرآن أثناء المُذاكرة) إزاي أقرأ قُرآن وأنا بذاكر؟ وإزاي هنجز الكَمّ اللِ عليَّ وأنا بقرأ وبذاكر؟ متستغربش فيه ناس بتذاكر، وبتقرأ قُرآن وبتكون عاملة وِرد ذكر كمان. في الحقيقة النّاس دِ من أكتر النّاس اللِ هتلاقيهم بيركزوا أكتر في المُذاكرة، وبياخدوا جِبال حسنات، وبتلاقي أثر قراءة القُرآن بتظهر في وقتهم، عندهم بركة في الوقت، بيخلصوا كُل مهامهم الدراسية والعملية في وقت قليل جدًا. طيب هي النّاس دِ بتعمل كدا إزاي؟ _بإختصار شديد النّاس دِ بتشتغل بتقنية البرمودورو (50 دقيقة مذاكرة، 10دقايق راحة) في الـ10 دقايق دول تقدر تقرأ فيهم صفحة قُرآن، وتذكر الله 100مَرة أو 50 علىٰ حسب طاقتك، ودَ هيكون أفضل مِن إنك تمسك التليفون وتقلب فيه بلا فايدة، ودِ من الحاجات اللِ هتريحك جدًا واللهِ وهتزيد وقتك بركة، دَ غير إنها هتساعدك تداوم على المُذاكرة وتحبها♥. _إستبدل عادة سيئة(إنك تمسك الفون وتسمع فيديوز مش مفيدة) بعادة هتنفعك دنيا وآخرة (قراءة صفحة من القُرآن في كل بريك). هل هركز في المُذاكرة كدا؟! القُرآن هيزود تركيزك وهتحس بفرق كبير جدًا، وهتحس بكدا بعد فترة مش كبيرة وعن تجربة♥ وخِتامًا.. دِ حاجة من واقع تجربتي في المُذاكرة اللِ مكنش ينفع إنّي أتركها ومتكلمش عنها. (كان بيبقى عليَّ كميات كبيرة جدًا، وأبحاث هتتسلم، و study cases لازم ولابد أسلمها، الوقت كان بيبقى قليل ومطلوب مِنّي أعمل كُل دَ، وفي نفس الوقت مضغوطة بين شغل ودراسة، واللهِ من ساعة ما داومت علىٰ قراءة القُرآن في بريك المُذاكرة وأنا بدأت آلاقي نتيجة جميلة جدًا في إني أخلص في وقت قليل، وكمان أستمر في إنجاز مهامي

أصبحنا نسألُك يُسرًا بعد العُسر ،وفرجًا بَعد الشِدة، ومَخرجًا من كل ضِيق. الحمدُ للهِ الذي أذِن لنا بيومٍ جديد لِنعبده ونشكره ونتوب إليه.