Logical_Dr. Marwa Khider

صدقني ده أفضل وقت عشان تقعد مع نفسك وتعمل خطة الأسبوع الجاي . الطريقة دي غيرت مجرى تفكيري عن التخطيط اليومي !! زي م قلتا ليكم انا كنت بخطط كل يوم وبفشل في تنفيذ الخطة ومرات كتيرة استسلمتا وقلتا تاني م ح اخطط ، لحد م اكتشفتا طريقة فعاااالة 🔥 . الطريقة بتعتمد على التخطيط الأسبوعي . وهو بيتم كالآتي ، اقرأ وطبّق طوالي : - بجيب ورقة واعمل فيها brain storming وبسأل نفسي سؤال ( شنو هي الحاجات اللي ح اكون مبسووطة لو تميتها خلال الاسبوع ده؟!) وبعمل لستة فيها كمية معقولة من الإنجازات ، لا هي كتيييرة شديد ولا حبة شديد حاجة واقعية ومقتبسة من معرفتي بقدراتي ومحدوديتها يعني م ح اكتب اني اخلص نيورو في اسبوع مثلا !😂 بعد كده بجي ارتب الحاجات دي على حسب الأولوية ، شنو اكتر حاجة مهمة وشنو الأقل هكذا . وهنا ممكن تشتغل بنظام 531 . (1) معناها أهم مهمة عندي لازم اخلصها خلال الاسبوع . ( مثلا اقرا شيتات البايوكمستري) (3) معناها التلاتة مهام الأقل اهمية من الأولى ، مثلا ابدا كورس جديد ، اتعلم كيف اقرا صح من مصادر تانية ، ابدا كورس ماركتنغ جديد . (5) خمسة اهداف Minor. كده ، اعملهم من اللستة الكتبناها فووق ديك👆 وكده انتا بقى عندك الroad map الحتمشي بيها . جا وقت التنفيذ !!! وده اهم حاجة تكتب ايام الأسبوع قدامك في ورقة او في التلفون وتكتب كل يوم مفروض تنجز شنو من اهدافك دي في اليوم كم شيت ، كم ساعة قراية وأفضل أفضل أفضل حاجة ممكن تعملها هي إنك تحدد زمن ثاابت للقراية او الإنجاز المعين مثلا القراية ثابتة من الساعة 5 ص لحد 10 ص والنوم عندو وقت معين ، وتصحى ف وقت معين كده ببقى عندك روتين للنجاح . وأخيراً وليس آخرا لازم تجي نهاية كل يوم وتشوف نسبة انجازك كم . واكيد م حتلقى إنجازك 100% من اول مرة ولا من عاشر مرة حتى بس على الأقل بتقدر تطوّر وتعدّل كل يوم ، وعشان تقدر تعدّل خطتك ، لازم يكون في خطة اصلا من البداية ! وشوية شوية ح تبقى ماستر ف التخطيط خلي عندك زمن ثابت للقراءة ، لانو دي اكتر حاجة حتفيدك .. خليك مرن ومُهيَأ لي إنو خطتك م تنجح كلها ، دي حاجة عادية ، عشان م تُصاب بالإحباط . -- شير الرابط لو حسيت انك استفدتا وكلم صحبك اللي بيعاني من سوء التخطيط https://t.me/+7uc0z6qUka9iMDA8 #Marwa_Khider #Logical

مضغوط وعايز تخلص كورس كامل في يومين؟😁 حتى لو لأول مرة ح تقرا الكورس ده وحتى لو ممتحن انترميديت وم عندك زمن كافي ترجع لمقرر السمسترات الفاتت . نحنا جبنا ليك الحل !!! الحل هو في كورس متكامل ومتوفر على التلغرام تقدر تحضر كل الكورس في يوم واحد او يومين . في ناس حضرت كورس من الكورسات يوم القاب والحمدلله جابوا A 😃 . ف يلا اشترك ف الكورسات وم تضيع الفرصة ، لانو الليلة الكورس الواحد بي 3000ج بدلاً عن 5000ج يلاا الحق احجز مقعدك 😍 للتسجيل يتم الدفع بنكك 2719958 بإسم مروة خضر وإرسال الإشعار واتسب 0902931689 #Marwa_Khider #Logical

بتسرح اثناء القراية ؟! بتكون قاعد قدام الشيت وبالك ف حاجة تانية نهاية اليوم تلقى نفسك قعدتا ٥ ساعات ، لكن فعليا قريت ساعة ونص بس ! مرت بيك الحاجة دي؟! - عندي ليك طريقة مجربة عشان تتخلص من السرحان . تتذكروا مش قلنا انو نقسم الزمن بطريقة جولات بومودرو ؟! ونقرا ٢٥ دقيقة ، ونرتاح ٥ دقايق لحد م نتم ٥ جولات كده نقوم نرتاح نص ساعة . يلا في ناس في ال٢٥ دقيقة دي زاتا بتسرح وم بتقدر ترركز . الحل شنو؟! تعمل كالآتي : - تجيب الشيت - تشوف فيهو كم سلايد . - تحدد تقريبا الاسلايد الواحد بياخد كم دقيقة . - فلفترض انك ح تخلص سلايدين في ٥ دقايق - تقسم ال٢٥ دقيقة بتاعت بومودرو على وحدات مقدراها ٥ دقايق . - كل ٥ دقايق تخلص سلايدين و تعاين للساعة فوق كل ٥ دقايق . - يعني كل ٢٥ دقيقة مفروض تخلص ١٠ سلايدات . - كده انتا ح تراقب زمنك بي شكل اقرب ، وح تقدر تتحكم فيهو اكتر . - لمن تخلص ال٥ دقايق وتلقى روحك خلصت عدد سلايدات اقل من الإتوقعتها ، المرة الجاية اعمل عدد سلايدات اقل ، عشان م تحبط نفسك . https://t.me/+7uc0z6qUka9iMDA8 #Marwa_Khider #Logical

إياك ثم إياك ثم إياك أن تتعلم العلم ليُقال عالم ! اجتنب الرياء م استطعت إلى ذلك سبيلاً اوعى تضيع البوصلة . نحنا بنقرا عشان العلم عبادة بنتقرب بيها لله تعالى بنقرا عشان ننتفع وننفع غيرنا ، م عشان يقولوا هو قاري جامعة معينة او تخصص معين . اها طيب الناس قالوا انك زول رهيب . الفائدة شنو ؟! ايوا نعم م تبقى انسان م عندك طموح بس طموحك يكون مُوجه صح ! لغايتو الأسمى : انو يكون معبر للجنة . وبناءً على ذلك رتب اولوياتك . - راجع نيتك كل فترة والتانية الصحابة كانوا بيقولوا والله م تعبنا من الغزوات ولكن تعبنا من تجديد النيات -- اللهم الهمني علما أعرف به أوامرك واعرف به نواهيك وارزقني اللهم فصاحة حفظ المرسلين وبلاغة فهم النبيين وسرعة الهام الملائكة المقربين واكرمني اللهم بنور العلم وسرعة الفهم واخرجني من ظلمات الوهم وافتح لي ابواب رحمتك وعلمني اسرار حكمتك يارب العالمين آميييين https://t.me/+7uc0z6qUka9iMDA8 #Marwa_Khider #Logical

اقتراح لي روتين قراية حدد ساعات معينة للقراية كل يوم مثلا 5 ساعات . ساعتين بالصباح ساعتين بعد العصر ، وساعة بعد العشاء شرطاً ! انك لما تقعد للقراية م تقوم خالص إلا للصلاة . وم تتكلم مع زول خالص وم تفتح السوشيال ميديا ولا تلفونك من اساسو والساعتين دي زاتا ، قسمها على جولات كل جولة مدتها 25دقيقة وال5دقايق الاخيرة دي ارتاح فيها شوية (من دون م تقوم من مكانك اصلا) واغصب نفسك انك في ال25 دقيقة خاالص م تسرح ولا تقعد تفكر في حاجة غير الشيت القدامك و إن استلزم الأمر اقرا بصوت عالي نسبياً . وكده انتا اتحصلت على صفة التركيز اللي بقت حاليا مفقودة . شير للرابط عشان نستمر https://t.me/+7uc0z6qUka9iMDA8 #Marwa_Khider #Logical

اوريك بتجيب درجات بسيطة ليه مع انك مجتهد؟! احتمال 80% السبب يكون انك م بتحل امتحانات لانو يجماعة القراية حاجة والإمتحان حاجة تاااانية خالص ف م تخلي اول امتحان تحلو في المقرر هو الإمتحان اللي جوة القاعة ح تتصدم صدقني ودرجتك م ح تعجبك . قسم زمنك جزئين اقرا بي نسبة 70% وحل امتحانات بي نسبة 30% . #Marwa_Khider #Logical

حاجة بتعملها ح تنقص درجاتك حتى لو قريت ١٥ ساعة في اليوم !! هي ---> التشتت مثلا تكون بتقرا في شيت فسيولوجي ، غلبتك حاجة توقف طواالي ، وتمشي تبحث عن المعلومة الوقفت ليك قد تشوف فيديو ف اليوتيوب ، او تبحث في قوقل او تتصل لصحبك . وعلى بال م تفهم الوقف ليك ده ممكن تكوم ضيعت ساعة كاملة او اكتر في البحث والتشتت . طيب اعمل شنو؟! م ابحث عن البيغلبني ?! لااا ،ماا كده كمان . اعمل الآتي : - لما تجي تقرا, اول حاجة اتصفح الشيت كلو ، كأنك بتقرا في مقال مكتوب في جريدة عشان تشوف الشيت بيتكلم عن شنو . - تعال بعد كده شوف العناوين المكتوبة بي خط تقيل ، وشوف العناوين الفرعية التحتها والحاجات المرقمة . - غلبتك حاجة ؟! م تقيف ، واصل واحفظ الداير حفظ وافهم البتقدر عليهو والبيغلبك ، اكتبو في ورقة عشان م تنساهو بعد تخلص ، حدد زمن معين للبحث مثلا نص ساعة . عشان تعرف المعلومة الفلانية . - انا متأكدة انك حتكون طلعتا بي 70% من الشيت وال30% دي هي الحتمشي تبحث عنها وحيساعدك على فهمها المعلومات القريتا وحفظتا من الشيت زاتو . مش احسن من كل مرة توقف وتمشي تبحث عن اي فتفوتة تغلبك وفي النهاية تلقى روحك خلصتا شيت واحد في ٤ ساعات؟! https://t.me/+7uc0z6qUka9iMDA8 #Marwa_Khider #Logical

احفظ الدعاء ده وكرره كتير : اللهم الهمني علما أعرف به أوامرك واعرف به نواهيك وارزقني اللهم فصاحة حفظ المرسلين وبلاغة فهم النبيين وسرعة الهام الملائكة المقربين واكرمني اللهم بنور العلم وسرعة الفهم واخرجني من ظلمات الوهم وافتح لي ابواب رحمتك وعلمني اسرار حكمتك يارب العالمين آميييين #Logical

رأي الطلاب في الكورسات 👆

⭕️تخفيضات الجمعة 🥳 عارف يعني شنو كورسات Logical?😁 يعني إختصار زمن ✅️ يعني فهم ✅️ يعني ربط للمعلومات ✅️ يعني تتدرب على الإمتحانات ✅️ يعني تطلع بي ثقة من زنقة الكلاب 😂✅️ وبسعر خرااافي ✅️ -- والليلة تخفييض الجمعة ✅️🥳 أي كورس سعره 3000ج بدلاً عن 5000 ج الكورسات المتوفرة هي : - Physiology of Cardiovascular system - Physiology of Respiratory system - Physiology of Endocrine System - Carbohydrate and lipid metabolism - Genetics - كورس القراءة الصحيحة . ارح حصلنا يتم الدفع بنكك 2719958 بإسم مروة خضر حاج محمد 0902931689 #Marwa_Khider #Logical

ح تعرف نفسك بتقرا غلط لما تلخص كتيير ، اكتر مما بتقرا فعلياً . خطأ كبير كلنا وقعنا فيهو . ليه خطأ ؟! لانو كده نحنا بندخل المعلومات جوة الدفتر م جوة راسنا 🤔 ناهيك عن انو ناس كتيرة بتلخص وتاني م بترجع لملخصها الا ايام القاب . الحل شنو؟! اشتغل بطريقة الactive recall اقرا من المرجع شوية ، جيب دفترك وطلع notes من راسك . م تعمل كوبي بيست من من المرجع . لما تطبق الفكرة دي كده انتا فعليا قريت غير كده ضيعتا زمن كتير مقابل فائدة بسيطة . --- شير الرابط عشان الكل يستفيد. https://t.me/+7uc0z6qUka9iMDA8 #Marwa_Khider #Logical

حاجة حزييينة شديد انك تكون زول مجتهد و درجاتك حبة . زول قرااااي ، وجهدك مقدّر و معدلك م بيرضيك عشان كده ح ننزل نصائح عن طريقة القراية الصحيحة كل يوم ان شاء الله . خليك متابع معانا يوميا وشير الرابط . https://t.me/+7uc0z6qUka9iMDA8 #Marwa_Khider #Logical

ح نكرر للمرة المليون يا طالب ، الخدعة كلها بتتمحور حول اختصار الزمن الزول البيقدر ينجز كتيير في زمن بسيط هو الحيقدر يلم المنهج بعون الله . ف قدامك فرصة انك تلم كورس ( الميتابولزم بتاع الكاربوهيدرات والليبيد في 7 محاضرات بس ) وتختصر عن نفسك ضياع ساعات بين المراجع والكتب . اللعبة لعبة زمن م لعبة ذكاء بس Work smart , not hard ونسبة للوضع الراهن ح نثبت سعر الكورس ده على 3000ج فقط م كتيرة على اختصار اسابيع قراية ، ولا شنو؟😁 خطوات الإشتراك : الدفع بنكك 2719958 بإسم مروة خضر ويتم ارسال الإشعار واتسب 0902931689 وح يتم آضافتك لقروب في التلغرام وح تلقى فيهو محاضرات بشكل ريكوردات وشيتات . يلاا حصصلوونا #Marwa_Khider #Logical

⭕️ روتين اوائل الدفعة : - هو روتين عادي بتميز بي حاجة وااااااحدة ومشتركة بين كل البروفات . صفة ومهارة لو اتقنتها ح تبقى ماستر فيها وح تتغير حياتك من كل النواحي ما بس الناحية الأكاديمية . الصفة الذهبية دي اسمها ( التركيز ) . - بروفات الدفعة يجماعة لما يجوا يقروا خلاص بقطعوا اي نشاط خارج اطار القراية (طلعات، ونسات ، قعدات ، سوشيال ميديا ) - بيركزوا على حاجة وااحدة في زمن معين وما بتشتتوا بين المصادر والمواد ، كيف؟! بيكون عندهم خطة جااهزة وبيمشوا على أساسها ، يعني م بيكون ماشين ساي لانو عدم وجود خطة بيعني تشتت بيعني عدم إنجاز حتى لو قعدتا ٦ ساعات تقرا ! احضر سيشن أخطاء بنرتكبها في القراية - بيركزوا على مصدر واحد او مصدرين فقط للقراية ! م بيقروا المادة الواحدة من خمسين مرجع . وهاك اعرف كيف اقرا من المرجع وبيكونوا عارفين روحهم هم بيفهموا من ياتو مرجع بالضبط ، في المادة المعينة . - بيركزوا جدا مع الزمن باالذات في نهاية السمستر ، بيحسبوها عديل ( نص ساعة اكل ، نص ساعة شاور ، عشرة دقايق مكالمة ) هي طبعا م بتمشي معاهم بالمسطرة ، مرات م بتظبط ومرات بتظبط ، بس برضو احسن من الواحد يخليها مفتوحة ساي . - لاحظتا انو كل البروفات اللاقوني ، بيميلوا لي انهم يشرحوا لي اصحابهم و دي الحاجة البتخليهم يفهموا المعلومة بشكل اعمق . - يمكن م حصل لاقاني بروف م بيحل امتحانات - بيبدوا قراية من اول السمستر ، م بيفطوا يوم من دون مذاكرة الا لظروف قوية شديد . - بيقروا كتيرر ، لحد م تبقى القراية متعة بالنسبة ليهم - بيصحوا بدري ، بيصحوا بدري ، بيصحوا بدري . - م كلهم بيعرفوا كيف يقروا صح على فكرة . (احضر السيشن دي حتساعدك لمعرفة طرق القراية الصحيحة ..كيف اقرا صح ) وتقدر تشترك في كورس كيف تقرا صح بيمثل كورس وتدريب ف نفس الوقت و صدقني م ح تطلع منو زي م دخلتو لو طبقتو صح ⏳️ . للتفاصيل ممكن تتواصلوا معاي واتسب 0902931689 -زي م بيقروا مراجع ف هم بيقروا من الشيتات ، لانو الامتحان غالبا من الشيت . - بيكونوا محددين ديدلاين لكل شيت او تاسك محدد . - بيعملوا جدول يوم بكرة من بالليل . - أهممم حاجة بيكونوا عارفين هم بيعملوا في شنو حاليا ، وحيعملوا شنو بكرة وبعدو وهكذا و زي م قلتا ليكم م دايما بتزبط ، بس بتلقاهم قررربوا . وانا بتكلم ليكم عن اوائل الدفعة اوعى تحسوا انهم ناس احسن منكم بمقدرات معينة مثلا بالعكسس هم عاديين جدا ، ومدى التفاووت في القدرات تقريبا بسيط جدا وغير كفيل بي انو يُحدِث فرق وااضح . الفرق بس التركيز ، هم بيركزوا اكتر منك وانتا مشتت جدا الحل شنو؟! الحل انك تقعد تعمل جدول واقعي مقيد بي زمن بداية وزمن نهاية توزع المواد صح تلتزم لمن تبدا تركز ، م تنشغل بحاجة تانية . وبالتووووفيق . #Marwa_Khider #Logical

ح اوريكم روتين اوائل الدفعة لكن م تكلموا زول🤫 . انتظروني وشيروا الرابط لأصحابكم https://t.me/+7uc0z6qUka9iMDA8 #Marwa_Khider #Logical

تيك توك تيك توك ⏳️ ارح حصل واحجز مقعدك ⭕️ تخفيضات الجمعة ✅️ تخفيض على كل الكورسات حالياً ولحد السبت الساعة 12 ظهرا كل الكورسات ب3000ج فقط كلهم بلا استثنااااء🥳 - اختصار ف الزمن✅️ محتوى شامل✅️ امتحانات بنفس طريقة امتحانات الجامعة ✅️ الكورسات المتوفرة : Biochemistry : Introduction to biochemistry Carbohydrate and lipid metabolism Genetics Physiology : Cardiovascular system Respiratory system Endocrine system Learn how to learn اللي عايز يشترك يرسل الرسوم بنكك 2719958 بإسم مروة خضر ويتواصل معاي واتسب 0902931689 #Marwa_Khider #Logical

أنا : السمستر الجاي اول بي اول انا في السمستر الجاي فعلا :