Logical_Dr. Marwa Khider

إذا جربتا الطريقة دي ح تقرا أسرع بمعدل ×3 (ان شاء الله) - افتح الشيت العايز تقراهو اتصفح الاسلايدات ساي بس عشان تعرف انتا ح تقرا شنو ،، ركز شوية على العناوين الكبيرة والتقسميات والارقام . بعد كده انتا عرفتا الإنتا ماشي عليهو ، يعني بقيت مهيأ ذهنياً . مثلا فلنفترض الشيت فيهو ٦٠ سلايد . قسمهم ل٣ أجزاء ، ٢٠ سلايد ف كل جزء ال٢٠ سلايد زاتهم تعال اقراهم (بتصفح بس ) وركز على التقسيمات والعناوين الكبيرة بشكل أكبر . اقرا اول ٥ سلايدات افهمهم ، كرر الكلمات الجديدة عليك زي ٣ او ٥ مرات اكتبا بي يدك واقرا الكلام واتخيلو ف راسك عديل . مثلا اتخيل زول جاك بالsymptoms المذكورة واستخدم الdrug المعين وجاتو الside effects الفلانية لاحظ ! لحدي الآن احنا م قلنا نحفظ حاجة . يلا بعد نتخيل ، نقفل الشيت ونجيب ورقة ونحاول نطلع الحاجة العرفناها من ال٥ سلايدات دي ، نرجع تاني نشوف نحنا نسينا شنو واتذكرنا شنو . (دي يدووب مرحلة الحفظ) كده انتا بتكون فهمتا بشكل أعمق وح تتذكر لانك استخدمتا أفضل تقنية ف الحفظ واللي هي الactive recall . وصدقني ال٥ سلايدات دي قد م تشيل منك ٣ دقايق بالطريقة دي . طبعا الزمن المطلوب للحفظ بيختلف من مادة للتانية . بس تظل الطريقة دي ح تسهل عنك كتير جداً . يلا لو م عندك جدول مراجعة الكلام الفوق ده كلو ح تنساهو👌💔 ف خلي عندك ساعتين ثابتات للمراجعة . وكلم اصحابك وبرالمتك عشان يستفيدوا برضو شير الرابط لو استفدتا https://t.me/+7uc0z6qUka9iMDA8 #Marwa_Khider #Logical

صحيح البخاري.. يتوجب علينا أن نقرأه جميعاً، فأحببت أن أشارككم به

لمن تمسك الشيت وتكون عايز تقرا ، انتا عندك هدفين : انك تفهم الشيت ده بيتكلم عن شنو و انك تتذكر الكلام الموجود في الشيت ده هما خطوتين ، رقم واحد فيهم م ممكن تبقى رقم اتنين والعكس صحيح . إذاً احنا اولاً محتاجين نفهم . ولما تلقى حاجة تديك الفهم العام بسررعة ومن دون تضيع زمنك بين الكتب والفيديوز عض عليها بالنواجذ . وبالمناسبة دي الليلة ح نعمل تخفيضات الجمعة على كل كورساتنا . اللي كل يوم في زول بيرسل لي انهم حضروها قبل الامتحانات بفترة بسيطة ونجحوا وجابوا درجات عالية والحمدلله و ده لانو الكورسات معمولة من طلاب الطب وإلى طلاب الطب يعني عارفين تماماً انتو عايزين شنو 👌 والليلة كمان عندنا - ⭕️تخفيضات الجمعة 🥳 أي كورس من الكورسات دي ب 3000 ✅️ بدلاً عن 5000ج🚫 الكورسات المتوفرة : Physiology of Cardiovascular system - Physiology of Respiratory system - Physiology of Endocrine System - Carbohydrate and lipid metabolism - Genetics - كورس القراءة الصحيحة . ارح حصلنا يتم الدفع بنكك 2719958 بإسم مروة خضر حاج محمد 0902931689 #Marwa_Khider #Logical

عارف ليه انتا م قادر تنظم وقتك؟! عشان (غالباً) انتا م عارفو بضيع وين اصلا فجأة بتلقى اليوم بدا وانتهى . بتلقى روحك إنجازك بسيط شديد بنهاية كل يوم . وقد م تكون خلصت كل الtasks العليك ف عشان تنظم زمنك لازم تعمل الآتي : - الدعاء ، ادعي ربنا يبارك ليك في زمنك ويمددك بحول منه وقوة عشان تقدر تخلص الأشغال العليك ، م تستهين بقوة الدعاء أبداً ، استعن بالله أولاً وأخيراً . - ثم بعد كده خذ بالأسباب ، راقب زمنك بضيع وييين بالتحديد وحاول اتخلص من الحاجة البتضيعو ليك . مثلا لو بتضيع الزمن في الونسة مع الاصحاب او ناس البيت, حاول انعزل بعيد عن الناس مثلا امشي مكتبة قريبة منك ، او امشي غرفة م فيها ناس لو بتضيع زمنك في التلفون نزل تطبيق digital detox واقفل تلفونك واحذف التطبيقات البتشغلك . -- برضو ممكن تنزل تطبيق your hour ، ده بيوريك قعدت ف كل تطبيق كم من الزمن بالتالي تقدر تراقب نفسك ، مشكلتك أي تطبيق بالضبط .. --- أخيراً ،،،عشان تقدر تحل مشكلة ، لازم تعرفها هي شنو من الأساس وتعرف ابعادها ، وإلا حتكون داير في حلقة مفرغة وكل مرة تحاول وتفشل لأنك عايز تحل حاجة انتا اصلا م عارفها شنو! غير منطقي صح؟! - أذكركم انو اغلى حاجة انتو بتملكوها هي زمنكم العملة الوحيدة اللي لو ضاعت تاني م ح تتعوض ، وحاليا انتوا في فترة الشباب اللي هي اكتر مرحلة مليانة طاقة و مقدرات هائلة ف م تخليها كامنة جواك ، و خليك عندك غيييرة كده على زمنك ، ودايما اطمح للأفضل وخلي أفعالك تتناسب مع طموحك 🤍 https://t.me/+7uc0z6qUka9iMDA8 #Marwa_Khider #Logical

باقي شهر للإمتحانات ! كيف انجز كمية كتيرة في وقت بسيط ، وبي تركيز وما انساها؟! ده سؤال كل طالب . الإجابة بسيييطة جداً : ركز على حاجة واااحدة امسكها هي ظبطها وحل فيها امسكيوز ثم انتقل للبعدها . برااحة وبالتدريج م تمسك حاجة وتبداها وتفكها في نصها . بديت فسيولوجي ؟ اقرا حاجة سيكشن كاامل فيهو مثلا بديت cardiovascular فسيولوجي خلصو برااهو ، اديهو زمنو ، حل امسكيوز ، ثم انتقل للبعدو واعمل نفس الطريقة لمن تنتقل للبعدو خلي في جدولك زمن ثااابت لمراجعة الكارديو عشان م تنساهو كمان وطبعا المراجعة بطريقة الactive recall وبرضو حل امسكيوز مرة مرة . طبعا عادي ممكن تمسك مادتين مع بعض . م تزيد اكتر من مادتين عشان م تتشتت . امشي بالطريقة دي . وح تختم المقرر بي تركيز وبي فهم وم ح تنسى بإذن الله .. بالتووفيق❤️ https://t.me/+7uc0z6qUka9iMDA8 #Marwa_Khider #Logical

خلصتا كل الشيتات وحفظتها وفهمتها ودخلت الامتحان و(فاكر) انك مظبط المادة و لقيت نفسك م قادر تحل كويس؟!!! مبدئيا كده انتا مهما تقرا م ح تعرف روحك فاهم ولا لأ مااا لم تحل امتحانات . لانو الحل بخليك تعرف انتا فاهم شنو وما فاهم شنو يعني بيطلعك من وهم المعرفة (فاكر روحك فاهم) للواقع (عندك ضعف في حتة معينة في المادة) وافضل حاجة تحل من مصدر فيهو إجابات عشان تتأكد من المعلومة يعني . عايز مصادر للكيسات ومحلولة ومشروحة شوفوا سلسلة الpretest اضغط هنا ودعواتكم❤️ https://t.me/+7uc0z6qUka9iMDA8 #Marwa_Khider #Logical

م كنتا متخيلة انو يجي يوم واقفل التلفون 14 ساعة في اليوم 😍 اكشتفت انو اليوم ده طويييل جدا ومبارك بعيداً عن السوشيال ميديا والواحد بيكون مركز جدا في قرايتو ومف حاجة تعكر عليك جو القراية الممتع كيف عملتا كده؟! بي تطبيق digital detox بيقفل منك التلفون ، و م بتقدر تفتحو لحد م تكمل الزمن البتحددو انتا ( ساعة ، ساعتين ، ٣ ساعات ..الخ) ممكن تستقبل مكالمات عادي . حتقدر تفتحو ٣ مرات ، وف كل مرة ح يفتح دقيقتين بس للطوارئ . يلاا امشوا نزلوهو سريع https://t.me/+7uc0z6qUka9iMDA8 #Marwa_Khider #Logical

جيب 3 حلل (من حَلّة) و كب فيهم موية وختهم في النار في الحلة الاولى خت بطاطس في التانية خت بيض في التالتة كب بُن وخليهم لمدة ٢٠ دقيقة وتعال اطفي النار المس البطاطس ، ح تلقاها بقت طرية المس البيض ، ح تلقاهو اتسلق وبقى ملمسو قوي كب البن ف الكباية ح تشوف قدامك قهوة جميلة الرائحة . احنا ختينا التلاتة مواد (بطاطس، بيض، بُن) في نفس الظروف بس كل واحدة منهم كان ليها رد فعل مختلف البطاطس بقت هشة بينما البيض بقى اقوى نحنا م بنقدر نتحكم ف الظروف الحولينا وإنما بنتحكم في رد فعلنا على الظروف دي هل اي حاجة تقدر تكسرنا وتبقينا ضعفاء ولا نستغل الظروف خير استغلال و نقدر نطلع احسن ما فينا ؟! إذا الخيار دايما عندنا ونحنا المسؤولين تماما عن ردود افعالنا -- https://t.me/+7uc0z6qUka9iMDA8 #Marwa_Khider #Logical

⭕️ نعمل فعالية اسمها اوعى تغلط غلطتي (فيما يخص القراية ) بالنسبة لي : اوعى تغلط غلطتي وتفهم المادة وتمشي تخليها احححححفظ ، وإلا ح تنسى حتى الفهمتو حتى الفسيولوجي ده مش بيقولوا فهم؟! لو م حفظت ح تنسى الفهمتو كلو . ارح شاركونا ، يمكن غيرك يستفيد . https://t.me/+7uc0z6qUka9iMDA8 #Marwa_Khider #Logical

للآن متذكرة لما كنتا في سمستر 3 و اتقال لي الكارديو ده صعب شديد وسستم م ساهل و معقد جداً الحمدلله مشى معاي بكل البساطة الفي الدنيا و عملت كورس فيهو كمان🙈 عشان كده م تخلي زول يديك خلفية سيئة عن حاجة انت لسه م اتعرضت ليها وتسمح ليهو يحكمك بي تجربتو هو عيش المغامرة براااك . #Marwa_Khider #Logical

القراية م صعبة القراية دي كتيييييرة شديد والذكي هو البيحاول بقدر الإمكان انو يقرا كمية كبيييرة في وقت قليل . بس معظم الناس م عارفين كيف يحققوا الحاجة دي ! وفي ناس بتقرا لسه زي قراية الثانوي الزماااان ديك . ف عايز حل ؟! الحل هو انك تفتش وتفتش وتفتش عن طرق القراية الصحيحة . وم توقف بحث ابدا ، لانك في كل مرة حتكتشف حاجة جديدة ، وحتقرا كتاب جديد ح يعلمك تقنيات جديدة . واشترك ف الكورس حقنا اللي ح يمثل ليك بداية كويسة جدا جدا كورس القراءة الصحيحة ده انا بشوف انو أهم من اي كورس تاني في القناة دي . لانو هو ح يشكل ليك الbase اللي ح تسند عليها معدلك في بقية المواد . ان شاء الله شرطاَ تطبق !! وإلا م ح تنتفع ب أي حاجة تتقال .. ⭕️الكورس عبارة عن ريكوردات لايفات ، وبنرسل فيهو صفحات من المراجع عشان تطبق أثناء الكورس . رسوم الكورس 3000ج يتم الدفع بنكك 2719958 بإسم مروة خضر حاج محمد وإرسال الإشعار واتسب 0902931689 #Marwa_Khider #Logical

ليه انا م بحس بالإنجاز لمن اجي احسب القريتو في نهاية كل يوم ؟! واحد من أهم الأسباب لعدم الإنجاز في القراية وفي كل حاجة في حياتك ، انك تقرا ٢٠ دقيقة وتقوم تعمل قهوة . تقرا ١٠ دقايق وتقوم تفتح الواتسب تخلص ربع شيت ، وتتونس مع صحبك شويتين انتا عارف المشكلة م انك قريت حبة وبس لأ ..!! حتى القريتو زاتو م حيكون بي تركيز ! وح تنساهو الليلة قبل بكرة ! طييب اعمل شنو ؟ Focus on deep work style اللي هو انو لمن تجي تقرا ، خصص ساعتين مثلا متواصلات خالص م يشغلك فيها حاجة للأكل زاتو م تقوم . وم تفتح التلفون وم تتونس مع اي زول كده انتا قريت قراية متواصلة ومترابطة وبي تركيز ، و دي اهم حاجة . وركز على مصدر واحد في وحدة زمنية معينة . يعني م تقرا حبة فسيولوجي ، تخلص نص شيت تقلب باثولوجي ، تقرا كم سلايد تمشي تفتح البايو . ديل اكتر حاجتين بضيعوا ليك زمنك ، وبحسسوك بي قلة الإنتاجية .♥️ https://t.me/+7uc0z6qUka9iMDA8 #Marwa_Khider #Logical

عايز كورس مجاني؟!! اتفضل👆👆👆👆👆👆👆 وشير الرابط لي دفعتك https://t.me/+7uc0z6qUka9iMDA8 #Marwa_Khider #Logical

⭕️الكورسات المتوفرة Physiology of Cardiovascular system (5000 SDG) - Physiology of Respiratory system( 5000 SDG) - Physiology of Endocrine System (5000 SDG) - Carbohydrate and lipid metabolism (3000 SDG) - Genetics (5000 SDG) - كورس القراءة الصحيحة . (3000 ج) ارح حصلنا يتم الدفع بنكك 2719958 بإسم مروة خضر حاج محمد 0902931689

تعالوا باركوا ليها يجماعة 🥺🥹❤️❤️❤️

صباااح الخير والتفاؤل ♥️ الحمدلله على نعمة اليوم الجديد يوم تاني ح نعبد فيهو ربنا بطلب العلم وح تحفنا فيه الملائكة وتضع لنا أجنحتها رضًى بما نصنع . يوم ح نعرف فيهو معلومة جديدة عن خلق الله ونتأمل ونتدبر في أنفسنا . يوم جديد = تحدي جديد ومغامرة أروع ، موكلين أمرنا لله وراضين بكل مآلات الأمور في هذا اليوم . لأننا مؤمنين و الأصل في أمر المؤمن الخيرة . (عجباً لأمر المؤمن فإن أمره كله خير ...) لا للstress نعم لتوسيع نظرتنا عن هدفنا من الحياة🥰 https://t.me/+7uc0z6qUka9iMDA8 #Marwa_Khider #Logical