-مُتنفَس

المهم دعواتكم بالتوفيق ما أعرف متى برجع البيت ووشلون بذاكر ، الله يسهل وييسر

غبت عشان يكون عندي متسع من الوقت اذاكر للاختبارين، جسمي كان عنده قرارات ثانية

بكرا عندي اختبارين واحد ماذاكرته أبد والثاني ذاكرت نصه واحد الساعه ١٢ والثاني الساعه٣ الان عندي بريك ل٢ وبعدها في محاضرة نظري من ٢ ل ٤ لو قعدت لها برجع البيت على ٥ ونص كذا شرح الدكتورة مايفهم كم لايك وأغيب عن المحاضرة وأرجع اذاكر لاختباريني

الاختيار بسرعة

اقسم بالله احلام عصر ! وحده جايه تطلبني حساب بنت عمتي اللي بالرضاعة مستوعبين كمية العلاقات وأساسًا بيئتي الجامعية والمدرسية والحياتية كلها بعييييدين عن بعض فكريًا تعامليًا كل شيء حرفيًا والبنت اللي سألت ماتعرفني ماخذه حسابي من وحده تعرفني صدق أحلام عصر

قرار حسن الظن والتعامل اللطيف والحنون وعدم وضع فرضيات في غير محلها قرار صعب جدًا ، هذا أول موضوع أحاول أخليه وِدي وأجرب فيه نفسي داخل هذا القرار ، احتمالية مب تنحذف الرسالة إنما ينلغي القرار بكبره يعتمد على مذاكرتي لاختبار بكرا

أعتقد هالفترة كلنا مضغوطين حتى الدكاترة ، وش خلاّني أضم الدكاترة معنا رغم صراحة ما أرجّح ينضمون لكن بعد موقفين حزنت شوي عليهم ، الثلاثاء اللي فات كان عندي مادة طب الأعشاب واللي يدرسني دكتور ، بنهاية المحاضرة رحت اسأله بخصوص كم عشبة ودواها بعد ماجاوبني قعد يذكر لي مواقف إستخدم فيها هالأدوية اللي بالأعشاب للتوتر والتركيز والنوم والمود السيء والخ وذكر لي موقف دراسته بالماجستير كيف دراسة ٤ سنين و٥ تتحدد بمناقشة مدتها ٣ ساعات يقول كنت متوتر وقلقان ومب قادر أنام فا أخذت هالدواء ونمت كويس وصحيت والحمدلله عدت على خير ، والموقف الثاني حق الدكتورة حق اليوم قالت لي موقف لها وهي أول سنه تحضيري تقول الشرح زمان كان أجانب هنود والخ والإنجليزي حقنا كان مب جيد ، فابيوم رحت سألت الدكتورة بعد المحاضرة إذا في نسخة من المحاضرة مترجمة عربي قامت الدكتورة قالت قدام الطالبات كلهم شايفين ؟ جايه كلية صحية وتبي كلام مترجم كمان … أنا إنهرت وأنا مالي دخل ، صدق الأسلوب نعمة عمومًا إكتشفت أيًا كانت منزلة الشخص أو جنسه أو جنسيته أو تخصصه أو وظيفته فهو لا بد إنه خاض تجارب مؤلمة كفيلة بأنها في بعض الأيام تخليه يحس وكأن الكرة الأرضية أجمع قاعده على صدره ، لذلك ترفقّوا وخلوا تعاملكم باللين وكلامكم لُطف ومراعاة،بغيةً بالأجر وإقتداء بالأنبياء والصحابة🤎

بدور مكان أقعد فيه وأشوف ردكم

عندي متسع من الوقت للساعة ال١٢ وبما إن من زمان عنكم قلت أكتب لكم نتناقش إذا ودكم أو أروح أكمل قراءة كتاب عندما يقول الجسد لا

نتناقش ل١٢؟

هي تدرسني فارما " مادة علم الأدوية "عملي خلصنا محاضرة وهي من النوع اللي متفهم وجلست طول المحاضره اي احد يجاوب صح تقول برافو ويعني من النوع اللي يشجع مب لا علاقتي فيك أنا دكتورة وإنتي مجرد طالبة، المهم هي بالمحاضره قالت انواع السكري الاول والثاني وش يميزهم أنا قلت الاول للأطفال والثاني للكبار قالت لا مافي تصنيف كذا ، أنا انصدمت لان درست هالمعلومه بمادة البايو وكانت كذا تمامًا وكنت متأكدة لأن رحت قلتها لأهلي ، المهم قلت درسناها بالبايو كذا وهي قالت لا ومدري ايش، المهم بعد المحاضرة رحت وريتها السلايدات اللي مكتوب فيها كذا بمادة البايو وقعدت تقولي غريبة بس ممكن قديم قلت لها أخذناها السنة اللي فاتت الترم الثالث يعني ماله وقت وقعدت تبحث بقوقل عن دراسات ومدري ايش وبعدها قعدت تشرح لي مفهومها بعدها قعدت تتكلم معي عن التوتر وكيف واضح علينا وبعدين النضج والخ وانا اتناقش معها ماركزت الا يوم قالت والله ماقد تكلمت مع طالبة لهدرجة من الانفتاح والميانة وما أعرف يعني متى المفترض أوقف ولكن وبعدها جلست تقول مواقف حصلت لها بأول سنة دراسية ، عسسسل يارب بس ماتخذلني بالاختبار وتصدمني

تخيلوا ! لأول مره أقعد نص ساعه كامله وممكن أكثر مانتبهت للوقت ، مع دكتورة اتناقش عن الحياة والنضج والخ

صوته عجيب تبارك الرحمن ، تحسوه مُدمج بين عثمان الحداد وعبدالرحمن مسعد ماشاءالله تبارك صدق ❣️

في حال شفتوا أحد معه أغرض وعفش واجد احتمالية إنها أنا مرتفعة جدًا تكاد تتجاوز ٦٠٪؜ 🌷

أصبحنا وأصبح الملك لله، نمت على مقطع تيك توك ولد صغير صوته عذب كان يقرأ قرآن وكنت أسمع له ونمت وهو شغّال ، أنا حاطه لجوالي مؤقت للبرامج ما أتجاوز ال٤ ساعات لاستخدام البرامج بالجوال ، الشاهد إنه الآن جوالي مقفل علي كل البرامج لأن يعتقد إني كنت بالليل أستخدم جوالي يوم نمت والتيك توك مفتوح ، هذا كيف أصارحه وأبرر له ؟

ان شاءالله من غير شر لا صار ابتدائي ، أولى ابتدائي تحديدًا ، بسوي له لانش بوكس الخيار والطماطم مقطعين على شكل قلب ، والتوست على شكل قلب ومحطوط عليه زيتون عيون والانف جزره اقطعها مثلث والفم بالطماطم هو والخدود دائرتين ، ولا كبر شوي وصار يعرف يقرأ بكتب له على كل لانش بوكس ، أحبك ياكتكوتي فطور جميل مثلك♥️

الحُب أفعال ، في هذه الفترات كل ماشعرت أني جهلتُ معنى الحب الصادق تذكرت محبتي بالأطفال خصيصًا بسعيداني "اسمه سعد لكنّي أفضل أناديه بسعيدان، سعدونه، سوسي" ، وأول ماشفت هالصورة حفظتها عشان لما يجيني أجلس أسويها له والعبه، سعيداني ولد أختي لكن حتى أمه لما تجيبه عندنا تقوله روح لأمهاتك تقصدني أنا وأختي😂، عمومًا فعلًا أعتبره ولدي وقطعة من روحي مب مجرد ولد أختي ♥️