RESPUBLIKA TARG'IBOTCHILARI TADBIRLARI

Ўзбекистон ўқитувчи ва мураббийларига Муҳтарам устоз ва мураббийлар! Батафсил: https://uza.uz/posts/524577 📱Мобил илова 👉 iOS | Android Тelegram  | Facebook | Instagram | You Tubе

Жўра Ҳамроев ёзган "Ибратли оила соҳиби" ва "Чемпионнинг орзуси" мақолалари "Олот ҳаёти" газетасида чоп этилди.

Buxoro shahar 7-IDUMda "Xon atlas 2023" festevali o'tkazildi. Tadbirda o'quvchilar tomonidan mazmunga boy bo'lgan sahna ko'rinishlar, milliy liboslar namoyishi, o'zimizning milliy o'yinlarimiz mohirona namoyish etildi. Tadbir yorqin lahzalarga boy bo'lib, o'qituvchi va o'quvchilarga katta taassurot qoldirdi. Tadbir orqali o'quvchilarga milliy qadriyatlarimiz, urf-odatlarimizga hurmat hissi yana bir bor uqtirildi. Tadbir uzoq vaqt o'quvchilar xotirasiga muhrlandi.

💐    Устозлар! Меҳри дарё, сўзи зиё, Ўгитлари бизга дуо, Устозлар! Ҳикмат битган ўйиб тошга, Дарс берганлар кекса-ёшга, Устозлар! Ҳарф ўргатар, тил ўргатар, Фарзандларга йўл кўрсатар, Устозлар! Тиним билмас, қўним билмас, Меҳнатларин миннат қилмас, Устозлар! Ой-у йиллар ният қилар, Шогирдларга омад тилар, Устозлар! Умрлари бахш талимга, Китоб тутган муаллимга, Устозлар! Фаробийга, Атоийга, Сабоқ берган Навоийга, Устозлар! Она Ватан, боғи чаман, Боғбонга ҳам қайчи тутган, Устозлар! Ўғил қизи, нурли юзи, Элда азиз, ёруғ юзи, Устозлар!.. Сабр бардош сизга йўлдош, Ҳаммадан кўп олинг маош, Устозлар! Кўриб роҳат, тинч, фароғат, Юрингизлар соғ-саломат, Устозлар!       Беги Дўст.

Жўра Ҳамроев қаламига мансуб "Чандирнинг олим ўғли" сарлавҳали шеър "Олот ҳаёти" газетасида чоп этилди.

❗️1915 yil "Oina" jurnalida Mahmudxo'ja Behbudiy "Bizni kemirayotgan illatlar" nomli maqolasini e'lon qilgan edilar. Mana, 100 yildan oshiq vaqt o'tsa hamki maqolada ko'tarilgan TO'Y muommosi kattarsa kattardiki, kamaygani yo'q... Shu maqola asosida qarashlarimni she'riy shaklda e'tiborlaringizga havola etmoqdaman. Шайх Шиблий ва новвой ҳикояти ёхуд миллатимиз шаънига ярашмайдиган баъзи ТЎЙЛАРИМИЗ ҲАҚИДА (Ақл эгаларига мулоҳаза учун мавзу)                                                         Қилаётган амалларимизнинг ўндан тўққизи Аллоҳ йўлида эмас, “Одамлар кўрсин”(риё) учун бўлиб қолмоқда!          Али ТАНТОВИЙ                                                              Қадим ўтган замонда,         Насаф деган томонда.       Бир улуғ зот етишди,       Номи тилларга тушди.       Шайх Шиблий эмиш оти,       Асли Пайғамбар зоти.      У Аллоҳга чин ёрмиш,     Ҳар ким кўрмоққа зормиш.       Шу замон бир новвойи,       Қилиб орзу ҳавойи.       Шиблий учун атайлаб,       Йиғиб-териб, авайлаб.       Бир зўр тўй қилмоқ бўлди,       Кўнгли ҳавас-ла тўлди.      Бермай бировга бир тийин,       Йиғинди аста – секин.       Эшигида бир гадо,       Бир куни бўлди пайдо.       Аллоҳ -чун  нон сўради,       Новвой ҳайдаб судради: Сенга берар ноним йўқ, Сендайин меҳмоним йўқ! Орадан ҳафта ўтиб, Дабдаба-ла  гул тутиб. Шиблийга айлаб ҳурмат, Бошлади зўр зиёфат. Дастурхон мўл-кўл эди, Кимдир гап очиб деди: Айтинг, эй ҳазрат Шиблий, Ким жаннат, ким дўзахий? Жаннатий ким билмадим, Кўпам парво қилмадим. Дўзахий ким деб магар, Сўрасангиз сиз агар. Мана шу тўй эгаси, Шу зиёфат эгаси! Меҳмонлар лол бўлдия, Сўрашди нечун дея. Аллоҳ-чун бир нонни аяб, Қувиб уйдан ҳайдади. Шиблий деган  банда-чун, Зўр зиёфат айлади! Бирмас, минглаб нонни кўз, Қилиб мени сийлади!.. Ўша гадо Шиблийлигин, Билиб новвой дод солди. Энди не фойдаси бор? Бир умр доғда қолди...          *** Алқисса, эй замондош, Тўйлар қандай ўтмоқда? Одамлар кўрсин дея, Кимўзарга кетмоқда! Баъзи кучи етганлар, Ўзин жа зўр билмоқда. Келин-куёв баҳона, Бойлигин кўз қилмоқда! Қарз сўраб борсанг агар, Пул йўқ дея нолишар. ЗАГСда иномаркалар, Қаторлашиб  қолишар!  Келин-чи, тўрт соатга, 100 долларлик  “урф” кияр. Эмишки ғанимлари, Кўрганда ичи куяр!... Айтинг-чи,   “ич куйганлар”, Қарз кўтариб қолмасми? Олган қарзин тўлолмай, Жуда чарчаб толмасми?! Кимдир билар, зўр тўй дея, Ичиб ағнаб қолишни. Ана сизга,  “зўр тарбия”, Ёш авлодга қолиши! Тўй бу – эҳсон, тўй бу тоат, Халқ дуосин олишдир. Кимдир учун зўр тўй қилиш - Зўр гуноҳга қолишдир!!! ... Гапирсак кўпдир гаплар, Юрак урмас барига. Ким ҳам эслар шу “ЗЎР ТЎЙ”ни, Бирор ойдан нарига...                  Ўзбек элим ўзлигингни,          Унутмагин, бўл омон.          Боболаринг пок  руҳини,       Чирқиратма ҳеч замон!!! ✍ ORTIQ ALI BEHUTOV

БИРИНЧИ УСТОЗЛАРИМ Мени қай манзилга элтса бу карвон Тош каби ҳар ёққа отса ҳам ҳаёт, Гоҳи дашном берса, гоҳ берса унвон Мен уч азиз зотдан қарзман умрбод. Бири –отам эрур, кўз нурин берган Қўлларимдан тутиб, кўрсатган дунё, Бири -азиз онам, қалб қўрин берган Меҳри офтоб каби, юраги – дарё. Бири – муаллимим, бошимни силаб Қўлларимга илк бор тутқазган қалам, Фарзандидай суюб, камолим тилаб Улуғлар ичра ҳам улуғ, мукаррам. Бугун ота десам, ўртанар жоним Бугун онам десам, кўзларимда ёш, Бугун устоз десам, дилда армоним - Сўз бўлиб, шеър бўлиб кўтаради бош. Бошқа устозларим тутишсин маъзур Заррача камситмай уларни, айтгум: Бошим узра ҳамон шулар сочгай нур Юрагимда ҳамон шу уч муаллим... Абдунаби Ҳамро

#MILLAT GAVHARI 💐💐USTOZ YAXSHI-DA!💐💐 Ustozlar yodini har dam eslab tur! Ustozlar yodi bu - aziz, muqaddas, U qalblar to'rini yoritguvchi nur. Kel do'stim, yonimga o'tirgil bir pas, Ustozlar yodini har dam eslab tur! Esla, ibrat olgin har qadamidan, Shunda yorishgaydir qalb-u,ong-u shuur. Fayz olmoqchi bo'lsang ular nuridan, Ustozlar yodini har dam eslab tur! Tangrim ato etgan bir so'z zargari, Biz uchun har aytgan so'zlaridir dur. Ey xalqim, qadrla, millat gavhari, Ustozlar yodini har dam eslab tur! Unutma ustozing chin inson esang, Duolarin olib xizmat qilib yur. Har neki maqsadga yetayin desang, Ustozlar yodini har dam eslab tur! 💐💐💐💐💐💐💐💐💐💐💐💐1-OKTYABR - BAYRAMLARINGIZ MUBORAK BO'LSIN, AZIZ USTOZLARIM!!!💐💐💐💐💐💐💐💐💐💐💐💐💐💐💐💐💐💐 ✍ Ortiq Ali Behutov

O'zbekistonim. Bir vatanki gulbog'li iforlari taralgan, Katta-kichchik niholga mehr bilan qaralgan, Qari-yoshlar hammasi bir ko'zlarda ko'rilgan, Sarhadlari chamanzor,bundan ortiq bo'lmagay. Ko'rsa lol qoladilar oshyoni osmono'par, Uzoq ketsa odamlar yana ortiga chopar, Bag'rida o'nib-o'sib odamlar kamol topar, Tinchlik hukmron bo'lgan ko'zlar yoshga to'lmagay. Dunyo tan olgan vatan bayrog'i xilpiraydi, Kundan-kun chiroy ochib jamoli gurkiraydi, Quyosh xalqga kuch berib samoda charaqlaydi, Bog'boni mehrlidir nihollari so'lmagay. Chegaralar mustahkam qo'riqlaydi o'g'lonlar, Duolarga qo'l ochar munis ota-onalar, Ruxsatsiz tuprog'ini bosolmas begonalar, Himoyachilar turar sarhadiga kirmagay. Yuksalaver vatanim jahonda bo'lib tanho, G'animlarning qo'llari senga aslo yetmagay. Sen mening vatanimsan qadrlisan bebaho, Senday go'zal hur vatan jahonda topilmagay. O'g'il-qizing ulug'lar sharafingni-sha'ningni, To'y-hashaming kurashsiz,ko'pkarisiz o'tmagay. Surxon qizing Oynaxol kuylaydi sharafingni, Shunday vatanda yashab hech armonim qolmagay. Oynaxol Mamaziyayeva Surxon qizi .