M20 Constantine Official

يوم كملنا الـExternat، نظمنا حفلة في الكلية، لكن بصراحة ما كانتش في المستوى اللي كنا حابين تكون عليه، وهذا بسبب الظروف الاستثنائية والتعليمات الصارمة اللي كانت في تلك الفترة، خاصةً بعد القرارات اللي منعت إقامة الحفلات بالشكل المعتاد. وقتها وعدناكم أننا نعوضوكم بحفل أفضل، يليق بكم وبالمرحلة اللي وصلنا لها كامل. ومن ذلك الوقت، بقينا نخدمو على هذا الوعد، واليوم وبعد ما جهزنا كل شيء تقريبًا واتفقنا مع مختلف الأطراف اللي حبينا تكون حاضرة معنا في هذا الحفل، حبينا نشارككم أخيرًا التفاصيل. لكن، وكما تعرفوا، الأيام الماضية كانت صعبة جدًا على بلادنا بسبب أزمة الحرائق، ولهذا السبب تعمدنا ما ننشروش أي شيء متعلق بالحفل خلال تلك الفترة، لأن الظروف اللي عاشها الوطن، وما عاشته العائلات المتضررة، ما كانتش تسمح لنا أننا نهدروا على الاحتفال وكأن شيئًا لم يحدث. ربي يرحم جميع من فقدناهم، ويشفي المصابين، ويعوض كل شخص خسر منزله أو ممتلكاته، وإن شاء الله ربي يحفظ بلادنا وأهلها من كل سوء. 🇩🇿❤️‍🩹 اليوم، وبما أننا نحتاجوا نبقاو محافظين على الحجوزات والاتفاقات اللي درناها مع مختلف الأطراف، لازم علينا أولًا نعرفوا اذا راح نوصل للعدد الكافي من الحضور ونأكدوا الحضور خاصة فيما يخص حجز قاعة الحفلات . لهذا راح نحطولكم Formulaire من اجل تأكيد الحضور باش نقدروا نعرفوا العدد ونكملوا التنظيم ونأكدوا كل التفاصيل مع الأطراف المشاركة. وبالنسبة للحفل، راح يكون إن شاء الله حاجة مليحة كيما وعدناكم، وحضرنالكم فيه عدة مفاجآت. 🤫 📅 التاريخ: السبت 26 سبتمبر 📍 المكان: قاعة الحفلات Dar Nakhla المتواجدة فوق الشالي 💰 سعر التذكرة: 3700 دج، شامل كل شيء: - قاعة الحفلات - الغذاء - التحلية - وباقي التفاصيل والمفاجئات حشمنا نهدرو عليها الان في ظل هذه الظروف نخليوها لوقتها 🤫 والأهم أن الحفل راح يكون يوم سبت،26 سبتمبر يعني نكونوا رجعنا للدراسة والإقامات تكون مفتوحة، وهذا باش نسهلو على الجميع الحضور والاستفادة من هذا اليوم. أما بيع التذاكر، راح يكون بعد أيام، بعد ما نكملوا مرحلة تأكيد الحضور ونعرفوا العدد النهائي. حاليًا، ما عليكم غير تعمروا الـFormulaire وتأكدولنا حضوركم. ❤️ وإن شاء الله نعوضوكم على الحفل الأول ونعيشوا كامل يوم يليق بكم وبنهاية مرحلة الـExternat. ❤️ https://docs.google.com/forms/d/e/1FAIpQLScV6PU4JsdsxmYGi6PyE1W8-GpVb7P0Vm3OzCt8IHDQAHu5iQ/viewform?usp=header