قناة خاصة للتقديم على الشنغن الاوروبي 🇪🇺

ابشركم الحمدلله اليوم السبت استلمت جوازين من اصل 5 من السفارة السويسرية وعطوني مدة الجواز سنتين •موعدي كان ١٦ ماي يوم الخميس جتني رسالة انها وصلت للسفارة يوم الاثنين الموافق ٢٠ ماي والخميس ٢٣ ماي انتهت يعني يومين عمل تقريبًا والمتطلبات سويتها بنفسي نفس ماهو مكتوب بالقروب .. ماشفت منهم اي تعقيد صراحة مثل ما البعض يقول والموظفين جدًا جدًا متعاونين شكر للجميع 🙏🏻 .

السلام عليكم ورحمه الله وصلت اليوم جوازاتنا من سفارة النمسا 🇦🇹 موعدنا كان ٣٠ ابريل في جدة، كانت اول مره نطلع الشنغن وطلعناها بنفسنا. في الموعد رفضوا الصور وتصورنا عندهم مع اني مشيت على المطلوب في الموقع ولكن الظاهر يبون التركيز كله على الوجه بدون حتى ما يبين الكتف، و بعد احتجنا نغير التأمين، كان من شركة تشب (جاء مع سفر بلس الراجحي) ولكن قال لازم التأمين يكون شامل كوفيد و 30,000 € أو أكثر فسويت من وقتها تأمين الدرع العربي (سألته عن تكافل الراجحي والتعاونية قال مو مقبول) وبعد الموعد بأسبوع وصلني ايميل انه يوم العودة مو مشمول في التأمين واضطريت ازود الأيام. كلنا الأربعة اعطونا ٤ سنوات (قبل انتهاء الجوازات بـ٣ شهور بالضبط) وتبدأ الفيزا من يوم السفر

المدة ٤ سنوات نسيت اذكرها 😅 قبل انتهاء الجواز بـ٦ شهور 👍

تجربتي السفاره الفرنسيه 🇫🇷 تاريخ التقديم : 14.05.2024 تاريخ استلام الجواز : 22.05.2024 المتطلبات : تعبئة الابليكشن والتوقيع عليه كشف حساب اخر اربع شهور تعريف بالراتب حجز طيران حجز سكن صورتين شخصيه صورة من جواز السفر الصفحة الاولى عليه توقيع صاحب الجواز ( الجوازات الجديدة ) تامين طبي الراجحي سفر بلس من لايشكر الناس لا يشكر الله شكراً لكل اعضاء القروب الي تساعدو معي في استخراج الفيزا ❤️

تجربتي مع السفاره الدنماركية يوم الاربعاء ٢٢-٥-٢٠٢٤ ٣ كبار وطفلين (٧-١١سنه) ورضيع (٧شهور) المجموع: ٦ جوازات رسوم حجز الموعد ٥٣ ريال لكل واحد رسوم الشنغن ٨٠ يورو للاكبر من ١٢ سنه ٤٠ يورو من ٦-١٢ بدون لاقل من ٦ سنوات خصموا مني للشنغن تقريبا ١٣٥٠ للموعد ٣١٨ الطلبات/ ١-الجواز الاصل ٢-صوره من الجواز لاول صفحه وصفحه التوقيع ٣-صور شخصية ٤-الهويه الوطنيه مترجم ٥-بطاقة العايله مترجم ٦-حجز طيران ( ذهاب وعوده فرانكفورت مؤكد) ٧-تعريف العمل موجه للسفاره انجليزي ( كان موجه لمن يهمه الامر ) ورفضت قلنا ارفقيه على مسؤوليتنا ٨-كشف حساب اخر ٤ شهور انجليزي ٩-تأمين صحي ( طلعته مجاني من فيزا سقنتشر الراجحي) ١٠- خطاب تكفل ١١- الابلكيشن ( للي اقل من ١٨ عليه توقيع الام والاب) ١٢-حجوزات الفنادق ( الاغلب فالدنمارك) ١٣- حجز السياره ( خلتنا نحجز ومارضت تمشينا، رغم انا قلنا حطيها مواصلات عامه قالت لا ماينفع بيرفضون ، فحجزنا بسرعه وطبعناها ٦ نسخ للجميع) ١٤- خطة سير كل يوم وين بتروحون ( هذي ماجبناها ، فاضطرينا نكتبها عندها ) وصورناها سته على عدد الجوازات) ١٥- العنوان الوطني لكل واحد حتى الرضيع ( ترددت قالت مو مهم ثم خذته) احنا جايبينه معانا كل الطلبات انطلبت للجميع بعدد الجوازات ماعدا تعريف الراتب وكشف الحساب واحد للمتكفل فقط. قلت لها ناويه بزور جزر الفارو المره الجايه قالت قدمو من جديد للفارو تاشيرتها غير قلت لعلكم تعطونا مده طويله قالت الدنمارك ماصرحت بشي طبعا قالت ياخذ الجواز بحد اقصى ١٥ يوم عمل يعني ٣ اسابيع تعبي الابلكيشن من الموقع وتتأكد ان كل الافراد عند اسمهم جاهز للدفع مو مسوده ينقلك لصفحة الدفع بيخصم رسوم الشنغن بالكرونه الدنماركيه فاذا بطاقتك عملات وشاحنها يورو ماراح تمشي معاك انا دفعت بالريال وخصموا البنك فرق العمله ويارب مده طويلة. انا اضطريت للدنماركية لانهم الوحيدين الي عندهم مواعيد رحلتي بعد العيد علطول وهم يسكرون ب١٣-٦ كنت اليوم الي قبله بدخل ع الفرنسيه بس زحمه وفوضى وتحت الشمس الحارقه ( ماحدني ربي) دام فيه مواعيد نروح لاي سفارة، وبوقت مو ذروه نطلع من الفرنسيه اذا ربي اراد. ولا يقلبونه الكتروني ان شاء الله ويريحونا🙃

الحمدلله تم استخراج فيزا من فرنسا خمسة سنين من فرع VSF في الدمام، واخذوا بالضبط ثمانية ايام من بداية التقديم الى استلام الجواز عن طريق البريد

الحمدلله طلعت فيزنا من الايطاليه.. عطونا ٤ سنوات يقول لو جوازاتكم فيها ١٠ سنوات كانوا عطوكم ٥ سنوات بس الحمدلله بركه وماطولوا ٥ ايام وخلصت

استلمت جوازي من سفارة النمسا.. تاريخ التبصيم ٥/٥ تاريخ الاستلام ٥/١٩.. بعد التبصيم باسبوع طلبوا مني تأمين صحي مختلف عن الي سلمتهم وحجوزات الفنادق برقم تأكيد الحجز والـpin code للحجز وهذا الي أخرني باستلام الجواز.. عطوني سنتين ونص بالضبط قبل لا ينتهي جوازي بثلاث شهور.. التأمين الصحي طلبوا مني الدرع العربي أو أي تأمين يكون شامل covid19 و يغطي maximum 30,000€

تم استلام الجواز اليوم من ارامكس. التقديم كان على الفرنسية/الرياض تاريخ التبصيم: 15/5 تاريخ الاستلام: 22/5 اعطوني 3 سنوات ولله الحمد والجواز متبقي فيه 4 سنوات.

والساعه ٧ المساء امس ارسلوا لنا طلعناها من السفاره تقدرون تستلمونها الاربعاء

استجابوا للايملات وطلبوا منا صور الجوازات

ارسلتا لهم ايميل امس ان مقدمين اوراق وحجز ان سفرنا ٢٥-٥

وارسلنا حجز ثاني وهذا اخذ وقت على ماردوا

سملنا الجوازات قبل اسبوعين وبعده ب٣ ايام ارسلوا حجز الاوتيل غير مؤكد

ابشركم استلمنا الجوازات الحمدلله ، السفاره النمسا : المده كل واحد والباقي بجوازه

جلست تقريبا 45 دقيقه وخلصت كل شي والحين راجع لسيارتي 😇

انا حالياً متواجد في مركز التأشيرات الموحد بالدمام مقدم على السفاره الهولندية شخصين بالغين 1 طفل رسوم 815 مو مطلوب تجيب صور للي اعمارهم فوق 12 سنه يصورونك عندهم الي اقل من 12 سنه يجيب صور بدون تبصيم افادتني الموظفه ان الى الان ماجاهم خبر من السفاره كم يعطون مده بالفيزا وقالت 15 يوم عمل واستلم الجوازات

عشان يضمن الخمس

اللي معه مجال يجدد نصيحة يجدد عشر سنين

ابشركم استلمت الجوازات اليوم من الفرنسية على دفعتين ثلاث جوازات امس وجوازين اليوم عن طريق ارامكس صار لها اسبوع تماما. ٤ جوازات جديدة خمس سنوات عطوهم 4 سنوات بالضبط وجواز واحد باقي فيه 8 سنوات عطوه خمس سنوات . عقبال الجميع خمس سنوات 🌹