قناة خاصة للتقديم على الشنغن الاوروبي 🇪🇺

خاصه اللي مطلعين فيزا من الاسبانيه والايطاليه احيانا والالمانيه خلك دقيق في اختيار وقت الحجوزات اللي بتقدمها للشنقن لان الشنقن تبدا بالتاريخ اللي تختاره في بعض السفارات او حط تاريخ تقريبي يكون قبل رحلتك

الغلطه هذي تكررت كثير مالكم ومال الخساير الواحد يحصل عرض مناسب على الطيران ويروح يحجز وفيزته مابعد بدات في تاريخ رحلته

موعدي اليوم تاريخ 12 ابريل مع مركز TLS فرع الخبر لسفارة جمهورية ألمانيا الاتحادية 🇩🇪 1. صورة من الجواز للصفحة الثانية والثالثة بعد التوقيع. 2. كشف حساب 6 شهور من تطبيق البنك الأهلي (غير ملون) 3. صورتين شخصية ورفضوها لكن تعاونوا معي وصورت صور جديدة عندهم. 4. حجز طيران ذهاب وعودة 5. حجز سكن من بوكنق لكامل المدة. 6.الأبلكيشن عن طريق النموذج الإلكتروني من موقع TLS. رجع طبعه من جديد لعدم ذكر أسم جهة العمل في النموذج علماً بأنه لم يكتب متطلب في النموذج الإلكتروني. 7. تأمين سفر من فيزا. 8. تعريف راتب. 9. صورة من الهوية وطلب ترجمتها بسبب مكان الميلاد وطلبت منه كتابة إسم مدينة الميلاد بخط اليد باللغة الإنجليزية على مسؤوليتي. التكلفة: 464 ريال شامل رسوم التقديم والتوصيل وإعادة طباعة النموذج (12 ريال) ورسوم الرسائل النصية

أسوأ سفارة قدمت عليها 😅 الخميس كان عندي موعد في السفارة اليونانية، ومن البداية التجربة ما كانت مريحة أبداً… وصلت قبل الموعد بـ10 دقايق ورفضت الموظفة تدخلني إلا بالوقت بالثانية! توقعت الصالة زحمة او انتظار طويل 🤷‍♂️ وقالت يا تدخل بريميوم أو انتظر… ولما دخلنا الصالة فاضية حرفياً احنا فقط ! عبّيت الأبلكيشن من موقعهم، ولازم تخلص بسرعة لأن الموقع يمسح كل شي وتعيد من جديد وإذا أرسلوه لك الـ PDF، ما تقدر تفتحه إلا برقم سري حركة غريبة جداً وكل مره لازم تدخل الرقم المتطلبات : • أبلكيشن • حجز طيران ( وهمي) • حجز فندق صحيح • تأمين سفر من فيزا • ترجمة الهويات وكرت العائلة • تعهد تحمل مصاريف • خطاب عدم ممانعة (بنموذجهم هم) • ورقة الموعد • تعريف راتب • كشف حساب حق الراتب وفيه مبلغ والغريب إن لازم نسخة كاملة لكل شخص من كل ورقة حتى كشف الحساب صورة اخر ورقة و اول ورقتين ! (عكس سفارات زي الفرنسية والألمانية ) صورة مستندات عندهم بـ 130 ريال تقريبا وبرضو دققوا على موضوع تواقيع الأطفال في الجوازات! قالوا ليش توقيعهم مختلف عن الأم او الاب🤦‍♂️ وكتبوا ملاحظة وقالوا سو خطاب تبرر فيه الاختلاف! الرسوم: • الشنغن: 360 ريال • التوصيل إجباري: 70 ريال على كل جواز • الأطفال تحت 12 سنة: مجاناً (وهذي صراحة غريبة، أغلب السفارات تاخذ نص السعر) جلسنا تقريباً 3 ساعات… والمشكلة؟ ما فيه أحد مافي الا احنا بمعنى الكلمة الخلاصة: تجربة سيئة + تدقيق زايد على أشياء بسيطة + تنظيم مو ذاك الزود. ليش قدمت عليهم؟ تقدر تقول… لقافة شوي 😂 وأقرب مواعيد كانت عندهم مقارنة بالباقي يقولون الجوازات تاخذ من 15 يوم إلى 30 يوم عمل ولا انسى الاخت فاتي @fateal4 ماقصرت معي والله كانت معي على طول واي شي احتاجه كانت ترد أول بأول ودعواتكم بعد ذا التعب كله ناخذ مده طيبه

السلام عليكم ورحمة الله وبركاته حبيت انقل لكم تجربتي الفريدة من نوعها😎 مركز التأشيرات الالمانية 🇩🇪 /TLScotact بالرياض : الموعد يوم الاثنين ١٥ مارس ٢٠٢٦ ووصلتني لباب بيتي في أبها ٢٨ مارس (مع الاخذ بالاعتبار اجازة العيد). محدثكم من سكان أبها وكنت مستصعب اجيب عائلتي في رمضان معي عشان التبصيم لكن لقيت معلومة بموقعهم خلتني أتصل عليهم واتأكد، موقع التأشيرات الالمانية TLScotact يقول اذا انت بصمت وما تجاوزت مدة اخر تبصيم ٥٩ شهر ، تقدر تقدم بدون تبصيم، طبعا الاطفال والي اقل من ١٢ سنة ماياخذون بصماتهم. رحت للرياض وكانت تجربة جدًا سهلة ولله الحمد. • الطلبات المقدمة في الموعد: •وريتهم حجز الموعد بالجوال (ماطبعته!). • جواز السفر الأصلي+ نسخة من الجواز. • نموذج طلب التأشيرة موقع. • صورتين شخصية بمعايير شنغن. • كشف حساب مختصر اخذو اول ورقة منه وكان مطبوع اونلاين عن طريق تطبيق البنك الاهلي. • خطاب تعريف بالراتب من جهه العمل بالانجليزي (انا موظف حكومي). • حجز طيران مؤكد. • حجز فندقي يغطي كامل مدة الإقامة حجوزات من موقع bookig Airbnd. حجز وحدة من الشقق ماكان فيه تاريخ مذكور في تفاصيل الحجز المطبوعة بس انهم مشوها. • تأمين سفر دولي يغطي 30,000 يورو اخذت تامين من موقع فيزا (بطاقتي الانماء انفنت) ببلاش، كل اللي عليك تطبع شهادة التأمين وتسجل الي بيسافرون معك وتوقع عليها يدوي. • خطاب تغطية وتكفل بالرحلة يوضح الهدف من الرحلة وخطة السفر ( لافراد الاسرة ) • نسخة من التأشيرات السابقة (إن وجدت، طبعا التأشيرات السابقة كانت في جوازات منتهية فجبت الاصل وصورة من كل واحد) شخصيا طبعت لهم تأشيراتي الامريكية والكندية السابقة والجديدة. *الشنقن الاوروبي الوحيد الي طلعته كان هولندي ومدته ٤٥ يوم وانتهت من سنتين. وهي الي اعفتني من التبصيم. *لله الحمد ماحتجت أحد وسويت الملف كامل بنفسي لان تقريبا هذه المره الثامنة أقدم فيها على تاشيرة لدول مختلفة😎 بس ما استغنيت عن تجارب الشباب السابقة مشكورين جزاهم الله خير. *الي يبغى يريح راسه يشوف الاعضاء الموثوقين يضبط ويرتب ملفه.

تجربتي مع الفيزا الإيطالية 🇮🇹 حجزت موعد يوم 26 فبراير من الموقع https://ksa.consortiumforitalianvisaservices.com ورسومه 52 ريال مركز التأشيرات بجدة جهزت الأوراق مطبوعة: 1. نموذج الفيزا تمت تعبئته إلكتروني ما عدا التوقيع في الأخير بالقلم. استفدت من موقع ترافيل ديف للتعبئة. 2. ملخص الموعد. 3. صورة الهوية من أبشر - لم يطلب الأصل 4. الجواز - رفض الصورة من أبشر وأعاد التصوير 5. تأمين تكافل الراجحي إنجلش 6. صورة من التذكرة مؤكدة 7. حجز الفنادق غير مدفوع من بوكنغ، وجميعها قابلة للإلغاء المجاني 8. خطاب تعريف الراتب (قطاع خاص) - تواصلت مع الـHR في الشركة وأخبروني بعدم الحاجة لختم الغرفة التجارية. الأفضل التأكد من شركتك لأن هناك اختلاف في الطريقة بين الشركات. 9. كشف حساب 3 شهور - طبعته وختمته في الفرع 10. صورتين شخصية وكانت غير مطابقة للمواصفات فذهبت للتصوير في استديو خارجي 6 صور بـ 30 ريال - التصوير عندهم صورتين بـ 100 ريال طلبت استلام الجواز من الفرع - خيار التوصيل تقريبًا 100 ريال تم التبصيم ودفع الرسوم 393 ريال تم التواصل معي بتاريخ 12 مارس لاستلام الجواز الحمدلله أعطوني سنتين و 7 شهور، إلى قبل نهاية جوازي بـ3 شهور. أشكر جميع الإخوة والأخوات هنا على دعمهم وتجاوبهم المتواصل.

🔵تجربتي اليوم بإستخراج (تاشيرة فرنسية بالرياض 🇫🇷) استلمت الجوازات اليوم عطوني أنا وزوجتي 5 سنوات، والاطفال عطوهم 4 سنوات المدة المتبقية للجواز 🟢🟢 الأوراق اللي قدمتها لمركز التأشيرات الموحد لعائلة مكونة من زوجين و4 اطفال: 🔵 الجوزات الأصل . 🔵 صورة للجوازت " الجديد الصفحة 1و 2 2-كشف حساب بنكي 4 شهور للحساب الي ينزل فيه الراتب لغة انجليزية ( طباعة ملون ) من تطبيق البنك الاهلي وتم الاكتفاء بالصفحة الاولى والأخيرة فقط. 🔵 تعريف بالراتب من العمل باللغة الانجليزية وموجه لسفارة فرنسا. 🔵 تأمين سفر من بطاقة فيزا انفينيت ( طباعة ملون ) الاكتفاء بواحد فقط. 🔵 صور شخصية مخصصة للتأشيرة حجم 3.5 في 4.5 خلفية بيضاء عدد 1 للزوجين والأطفال عدد 2. 🔵طباعة الابلكيشن لكل شخص حتى الاطفال. 🔵 طباعة الموعد للجميع وتم الاكتفاء بواحد فقط. 🔵 تذكرة الطيران ذهاب وعودة الحجز مؤكد وغير مدفوع عن طريق الخطوط الاماراتية. 🔵 حجز الفندق (بوكنق) الحجز مؤكد وإلغاء مجاني تم الاكتفاء بتقديم حجز واحد فقط. 🔵 صورة من بطاقة العائلة مترجم لغة انجليزية وتم الاكتفاء بواحد فقط. 🔵 خطاب التكفل للجميع لغة انجليزية وتم الاكتفاء ب 1 فقط. 🔵دفع الرسوم عندهم ( شبكة فيزا ) 🟣⚪️ جميع ما ذكر سويتها بنفسي بدون مكتب والأمور سهالات.

تجربة الاخ @mousa_tg السفارة الايطالية تجربتي مع 🇮🇹السفاره الايطالية🇮🇹 يوم الاحد 08-02-2026 لشخصين وطفل. ١⁃ طباعة الموعد ( نسخة لكل شخص). ورجعها لي قال مايحتاج ٢⁃ حجز طيران سداد وحذف كلمة Booking is on hold ( نسخة لكل شخص). ٣⁃ حجز فنادق بإلغاء مجاني ( نسخة لكل شخص). ٤⁃ الابلكيشن تم تعبئته الكتروني ( نسخة لكل شخص). ٥⁃ تعريف الراتب مترجم انجليزي ( نسخة لكل شخص). ٦⁃ خطاب التكفل بالمصاريف (نسخة بملف المرافقين). ٧⁃ كشف حساب 3 شهور انجليزي من البنك ومختم نسخة وحدة بملف الزوج. ٨⁃ التأمين من بطاقة ماستر كارد (نسخة لكل شخص). ٩⁃ صورة اول صفحتين من كل جواز مع التوقيع + التوقيع عن الطفلة . ١٠⁃ ترجمة الهويات. اعتقد اللي بتوكلنا تكفي . ١١⁃ كرت العائلة مترجم. ١٢⁃ صورة كرت العائلة بملف المرافقين . ١٣⁃ 2 صورة شخصية لكل شخص . *الموعد كان الساعة 12:30 وقعدت بالانتظار تقريبًا ساعة لانه كان زحمة شوي *التقديم كان يوم الاحد 8 فبراير *الموعد 3اشخاص 156 ريال+رسوم التأشيرة لشخصين 786 ريال +الطفل سنتين مجانًا المجموع 942 ريال *تم استلام جوازين يوم الخميس 12 فبراير و جواز الطفل بتاريخ 22 والمدة تبدأ من تاريخ الحجز والمدة ٤ سنوات و٤ شهور تم التبصيم فقط الطفل حضوره غير مهم وشكرا لكل من رد على تساؤلاتي سواء كان مشرف او عضو في هذا القروب وبالاخص @fateal4 و @abaade_k

سلام عليكم الحمدلله استخرجنا الشنغن النمساويه وعطونا خمس سنين😍😍بعد توفيق الله وبعد معلوماتكم بهالقروب وحابه اشكر فاطمه من كل قلبي ساعدتني وكانت تراجع معاي الاوراق وترد علي اول باول الله يوفقها ويرزقها ماتتمنى انسانه راقيه لابعد حد @fateal4

كل الشكر والتقدير للمشرفة @fateal4 على جهودها المميزة في مساعدتنا باستخراج التأشيرة الفرنسية، إعدادك للملف كان متكامل ووفّر علينا الكثير من الوقت والجهد. جزاك الله خيراً وبارك فيك.

"من لا يشكر الناس لا يشكر الله". أتقدم بخالص الشكر والتقدير للاخ / عبدالله السعدون ابو خالد @abaade_k على المجهود الذي بذله معي في توفير واستكمال جميع متطلبات استخراج فيزا الشنغن من السفارة الايطالية🇮🇹 من المركز الموحد في جدة لعدد 6 ثلاث بالغين و ثلاث اطفال، والذي تكللت ولله الحمد والشكر من اصدار التأشيرة صالحة لمدة 5 سنوات للزوجه و 4 سنوات للابناء جميع الجوازت جديده - موعد التقديم كان في تاريخ: 2026/07/29 - تم استلام الجوازت من مركز التاشيرات الايطالية : 2026/02/5. ولله الحمد وهذا ثالث مره تم استخراجها عن طريق الاخ / عبدالله السعدون ابو خالد

السلام عليكم ودي أشارككم تجربتي مع الاخت @fateal4 في طلب فيزا شينغن الموعد كان بتاريخ ١١ يناير في جدة وللاسف كانت فيه مشكلة وحيدة من جهتي وهي تعريف الراتب لابد يكون مصدق من الغرفة التجارية. حجزنا موعد ثاني بتاريخ ١٣ يناير وكان الملف جاهز ومرتب ومشيك من قبل الموظفه بالموعد الاول والحمدلله مشت الامور وتم التبصيم وخلصنا خلال نص ساعه. اليوم وصلت الجوازات حقتي انا وزوجتي ولله الحمد. ماقصرت الاخت @fateal4 بكل شي من البداية الى تسليم الجوازات. الملاحظات كانت فقط ان اي موظف بالقطاع الخاص لازم يصدق تعريف الراتب من الغرفة التجارية، والموظفة نصحت بالفرنسية لسهوله تقديم وقبول الطلب.

نصيحة اللي يبي يخلص بسرعة يتعامل معها @fateal4

@fateal4 الف شكر للأخت fate طلعت الشنقن بسرعة وكانت جميع الأوراق والحجوزات كاملة ماشاء الله لدرجة محد سألني عن شي غير ايميلي وجوالي لاجل الفاتورة - يعطيك العافية عالدقة والمصداقية ..

تجربتي في خدمة الاستلام من البيت حجزت طيران لبودابست بتاريخ ٣٠ ديسمبر و كان موعدي في مركز التأشيرات في جده عند الهنغارية بتاريخ ١٧ ديسمبر جبت معي كل الطلبات و الحجوزات الحقيقية معي و لكن للأسف الموظف قالي الهنغاريه الاسبوع القادم اجازة و لازم تغيير تواريخ الحجوزات لبعد شهر على أقل تقدير و التأشيره تبدأ في تاريخ حجز السفر رحت من عنده و سألت قالو لي الفرنسيه اجراءاتها سريعه و التأشيرة تبدأ من تاريخ اصدار التأشيرة لقيت اقرب موعد عن طريق الخدمة المنزليه بتاريخ ٢٢ ديسمبر سويت حجوزات طيران و فندق وهمي على بعد شهر و عبيت الابلكشين الكتروني و طبعته و باقي الطلبات عندي جاني الموظف على الموعد و شاف الاوراق و مشى في أقل من نص ساعه بعدها بيوم جاتني رسالة ان الجوازات وصلت السفارة و تحت المعالجه و اليوم اللي بعده خلصت و استلمتها قبل لا تاخذها شركة الشحن بتاريخ ٢٤ ديسمبر الحمد لله تاريخ بدء التأشيرة من تاريخ صدور الفيزا اللي هو اليوم و اعطوا كل واحد على مدة جوازه ٣ سنوات ٥ سنوات التكلفة الاجمالية لشخصين 1615 ريال طبعا عشان تستفيد من الخدمة المنزليه لازم يكون عندك بصمة سابقة خلال ال ٥٩ شهر السابقة العبرة لابد من الأخذ بالاعتبار اجازات نهاية السنه للسفارات و القنصليات بالنسبة للفرنسيه عندهم يوم ٢٥ ديسمبر و يوم ١ يناير اجازة فقط يومين شكرا للجميع على تجاوبهم و مساعدتهم

السلام عليكم تجربتي في استخراج الشنغن الاسبانيه 📄الاوراق المطلوبة لتأشيرة اسبانيا: كشف حساب من البنك بالانجليزي 4 شهور 15 الف ◦ صور للجواز مع الصفحتين الاولى ◦ صورة للتأشيرات السابقه ◦ صورتين خلفية بيضاء مقاس ٤.٥ x ٣.٥ ◦ بطاقة الاحوال .الاساس صورة و. مترجمه من مكتب معتمد تعبئة الابلكيشن لكل شخص حجز الطيران ◦ حجز الفنادق ( تأكد ان اسمك يكون بالحجوزات ) ◦ تعريف بالراتب انجليزي ◦ تأمين سفر (سفر بلس يمشي ) ◦ حجز الموعد التقديم يوم 14/12/2025 في مركزهم بسوق الاندلس الرياض يومين وطلعت والحمد لله 5 سنوات --------- والشكر لكل من قدم معلومه واستفدت منه 💐

بقولكم تجربتي لعل غيري يستفيد انا جوازي كان ضايع وفيه فيزا سارية وطلعت جواز جديد ويوم جيت اقدم كذا شخص ذكر لي انه لازم اروح لسفارة الفيزا السارية او أراسلهم بالايميل ل الغاء الفيزا السابقة وانه اجباري اللي سويته باختصار اني قدمت بمكتب التأشيرات الموحد بالرياض وارفقت معه خطاب ان جوازي مفقود وفيه فيزا سارية ( قدمت على نفس دولة الفيزا السابقة فرنسية ) واستلمت جوازي اليوم وفيه شنقن 5 سنوات ( جوازي ضايع - فقدت جوازي - فيزا سارية )

السلام عليكم ورحمة الله وبركاته حبيت انقل لكم تجربتي بخصوص تاشيرة الشنقن للاستفادة وتوضيح المتطلبات اللي تم تقديمها • تاريخ الموعد في السفارةالالمانية/المركز الموحد بجدة : يوم الاثنين 4 نوفمبر 2025 كان الموعد الساعه ٩ صباحا ولم يستغرق معالجة الطلب اكثر من نصف ساعه • الطلبات المقدمة في الموعد: •نسخة من حجز الموعد • جواز السفر الأصلي+ نسخة من الجواز • نموذج طلب التأشيرة موقع • صورتين شخصية بمعايير شنغن (عندي طفله كان عاكس الفلاش ع الشعر ورفضوها وتصورت عندهم بحوالي ٣٠ ريال) • كشف حساب بنكي لآخر 3 أشهر مع ختم البنك اخذته يدوي • خطاب تعريف بالراتب من جهه العمل بالانجليزي • حجز طيران مؤكد ( الخطوط السعودية) • حجز فندقي يغطي كامل مدة الإقامة حجوزات من موقع بوكينج • تأمين سفر دولي يغطي 30,000 يورو اخذت تامين من موقع الماني DR-WALTER GmbH وتم قبوله • خطاب تغطية وتكفل بالرحلة يوضح الهدف من الرحلة وخطة السفر ( لافراد الاسرة ) • نسخة من التأشيرات السابقة (إن وجدت) •خطاب الموافقة للسفر للقاصرين وتوقيعه من الاب والام النموذج موجود ع موقع السفارة ( في حال بيسافرون معكم اطفال) • تاريخ استلام الجواز بعد إصدار التأشيرة: يوم الاثنين 11 نوفمبر 2025 •صور الهوية وسجل الاسرة ( ترجمة للانجليزي من مكتب معتمد) • مدة المعالجة: أسبوع واحد بالضبط من تاريخ الموعد وتم استلام الجواز عبر البريد السريع (سمسا)

السلام عليكم ورحمة الله وبركاته أسعد الله أوقاتكم بكل خير.. تجربتي مع السفارة الفرنسية بجدة .. طبعاً ما قصرت معنا @fateal4 تعاملت معها للمرة الثانيه كان شغلها احترافي جداً ودقيق الموعد الخميس واستلمنا الجواز الثلاثاء ختاماً اشكر الاخت @fateal4 الله يسعدها🩵