Doc kamal

أطفال Nocturnal enuresis التبول اللاإرادي هتيجي الأم تشتكي إن الطفل بيعمل حمام بول و هو نايم لازم نسأل كذا حاجة: 💢هتسألها الطفل مش بيعرف يتحكم في البول علي طول ولا بالليل بس؟ 💢هل ده من أول ما اتولد ولا لا ؟ 2 هتسألها عشان تستبعد ال secondary causes: ▶️DM: Polyuria بيدخل الحمام كتير ؟ Polydipsia بيشرب ماية كتير ؟ Polyphagia شهيتة دايما مفتوحة للأكل ؟ Pruritus بيهرش في جسمة على طول ؟ ▶️UTI: urinary symptoms تسألها عن Dysuria ............ في حرقان في البول ؟ Frequency ....... بيدخل الحمام كتير ؟ Urgency الطفل مش بيلحق نفسه وهو رايح يعمل حمام ؟ ▶️Psychological: الطفل حد بيضربه او بيعامله وحش ؟ ▶️Constipation: عندة امساك مزمن ؟ ▶️Oxyuris: الطفل بيهرش كتير حول فتحة الشرج؟ 💥ايه التحاليل الي بنطلبها؟ لازم بنطلب تحليل بول و سكر عشوائي في الدم 💥ايه العلاج؟ R/Uripan Or Detronin 5 mg/5ml Syrup ٥سم قبل النوم لمدة شهر R/Tofranil 25 mg tab مضاد اكتئاب ومهدئ في الحالات الشديدة قرص قبل النوم يوميا لمدة شهرين ثم قرص قبل النوم كل يومين لمدة شهر ثم قرص قبل النوم كل 3 أيام لمدة شهر 💥تعليمات أهم من العلاج: 💢الطفل يدخل الحمام قبل النوم 💢يقلل من شرب السوائل بالليل 💢الأم تصحي الطفل بعد 3 ساعات من النوم يدخل الحمام 💢ممنوع الشاي والقهوة والبيسي 💢بلاش تعنف الطفل او تلومه انه بيعمل حاجة مش كويسة والأفضل تحفيزه وتشجيعه 💢طمن الأم ان الطفل هيتحسن في خلال 3 شهور مع المتابعة و دا طبيعي لحد سن ٥ سنين لكن لازم الإلتزام بالعلاج و التعليمات 💢تدريبات خاصة للمثانة: -يشرب ماية كتير بالنهار -يحاول ما يدخلش الحمام أطول فترة بالنهار -أثناء التبول تدرب الطفل ينزل البول شوية ويقطعه شوية وهكذا Dr abdelaziz Mohamed

أطفال Common cold in pediatric الأم بتجيب الطفل (غالباً في الشتاء) هتلاقيه بيشتكي من أعراض دور البرد المعروفة -مناخيره مقفولة -رشح و عطس -همدان و تكسير -إحتقان في الزور -فقدان في الشهية -ممكن كحة بسيطة -ممكن ارتفاع بسيط في الحرارة إنما لو رضيع: -الطفل مبيرضعش كويس او رافض الرضاعة -الطفل حركته قلت و بيعيط 💥العلاج؟ ‌◀️⁩أقل من ٦ شهور: 💢Lyse or Otrivin Baby ND (local decong) نقطتين بكل فتحة أنف قبل الرضاعة بعشر دقايق كل 8 ساعات لمدة 5 أيام 💢Pyral Or Cetal Drops للحرارة نقطتين/كجم كل ٨ ساعات 💢Balsam Or Herba Cough Syrup للكحة 2.5 سم كل 8 ساعات 💢Fenistil Drops للحساسية نقطة / كجم وتقسم صباحا ومساءا .......... ‌◀️⁩أكبر من ٦ شهور: 💢Otrivin Ped. Or Afrin Ped. ND نقطتين بكل فتحة أنف قبل الرضاعة بعشر دقايق كل 8 ساعات لمدة 5 أيام فقط ولا تكرر 💢Abimol Or Brufen Syrup نصف الوزن كل 8 ساعات 💢Balsam Syrup or Bronchicum للكحة تلت الوزن كل ساعات 💢Fenistil Syrup Or Drops نقطة / كجم او تلت الوزن صباحا ومساءا ....... 💥ملحوظة: ‌◀️⁩ممكن نكتب  دواء غالي شوية (Nasal care) و يحتوي ع فيتامينات Nody Nasal Spray بخة بكل أنف كل ٨ ساعات بنيم الطفل ع جمبه اليمين و أبخ في الناحية الشمال و ممكن يكح أو يعطس بعدها عادي ثم اكرر الناحية التانية بعد دقيقتين ‌◀️⁩لو مفيش كحة ممكن نكتب Systemic decongestion زي: R/ 1 2 3 syrup تلت الوزن كل ٨ ساعات ‌◀️⁩لازم يشرب سوائل دافئة كتير ‌◀️⁩ال Anorexia بتكون مؤقتة فمتجبرش الطفل على الأكل...خليك زي ما قولنا سوائل ◀️الأعراض ممكن تستمر لأسبوعين ‌◀️⁩بنلجأ للمضاد الحيوي مثلا زي Hibiotic لو ظهر Complications زي: Otitis media- Sinusitis- Bronchitis ...etc Dr abdelaziz Mohamed

أطفال Vomiting in children 💥لو الطفل عنده سخونية مع الترجيع فكر في كذا إحتمال: 💢 Gastroenteritis: هنا الطفل هيكون عنده إسهال 💢 Tonsillitis: هنا الطفل لما تبص ع اللوز هتلاقيها متضخمة و ممكن صديد 💢UTI: غالباً بتكون بنت و عندها مشاكل أثناء التبول زي حرقان أو تقطيع في البول 💥لو الطفل معندوش سخونية مع الترجيع فكر في كذا إحتمال: 💢 Intestinal obstruction: بنطلب للطفل اشعة على البطن و سونار ثم عرض جراحة 💢CNS: بنشوف ال projectile vomiting و meningeal irritating signs 💢 Overfeeding: وزن الطفل بيزيد 💢GERD: وزن الطفل بيقل ملحوظة: أي طفل جاي بألم بالبطن لازم نعمل سكر عشوائي لإستبعاد DKA 💥عايزين دواء الترجيع؟ ‌▶️⁩Danset or zofran 4mg amp في الأطفال بعد ٦ شهور جرعته: 0.1 ملي لكل كيلو...بالتقريب: طفل اقل من ١٥كجم: نص حقنة ٤ملي من ١٥ل٣٠كجم: حقنة كاملة ٤ ملي أكتر من ٣٠كجم : حقنة كاملة ٨ ملي و ممكن نكرره كل ١٢ ساعة ▶️⁩Motilium Or Motinorm Susp تلت الوزن كل 8 ساعات ‌ Dr abdelaziz Mohamed

Black halos الهالات السوداء (السمار حول العين) 💥ايه أسبابه؟ -نقص الأكسجين و الأنيميا -السهر و عدم النوم لفترات كافية -تناول المنبهات -الإجهاد أمام الكمبيوتر -ضعف النظر 💥ايه العلاج؟ • Shade out eye contour or يعتبر الارخص • Floxia eye contour or • Isoleft eye contour or • Unitone eye contour or • Pearlight cream يعتبر أرخص واخد فيهم دهان صباحًا ومساءً على المنطقة السوداء دون ملامسة العين من الداخل R/ Lit Up Soap غسل الوجه بالصابونة صباحاً ومساء 💥تعليمات: -الخروج للمشي صباحاً (نسبة عالية من الأكسجين ف الجو) -شرب الكثير من الماء -عمل كمادات ثلج بشكل دائري مع وضع شرائح خيار مع زبادي على المنطقة السوداء -ننصح  الحالة بالنوم عدد كافي من الساعات ( 6 - 8) ساعات -التقليل من شرب القهوة أو الشاي وإيقاف السهر الكثير -شرب العصائر الفريش زى الليمون أو البرتقال التي تحتوي على مواد مؤكسدة لتغيير الجلد وتزويد نسبة الأكسجين للجلد فيقل الاسمرار. -الابتعاد عن المجهود والضغط النفسي والتوتر الى حد ما -البعد عن الجلوس بشكل متكرر وبشكل مباشر أمام الكمبيوتر او التليفزيون. -اتباع نظام غذائي متزن ، يحتوي على الحديد  مثل العسل الأسود والكبدة واللحوم والخضراوات مثل : السبانخ والجرجير Dr abdelaziz Mohamed

السلام عليكم 🧡 Glasgow coma score ببساطة الاسكور ده بيعتمد على ثلاث نقاط .. 💊💊العيان مفتح عينه ولالا 💊💊العيان بيتكلم ولالا 💊💊العيانةبيتحرك ولالا 🔴🔴عشان تقيم العيان تعمل ايه ؟؟ 👀👀أولا..eye opening ....دول ٤ 🟣لو لقيته مفتح عنيه ياخد ٤ 🟣لو مش مفتح اندهله باسمه لو فتح ياخد ٣ 🟣لومفتحش اقرصه قرصه بسيطة فى صدره او دراعه لو فتح ياخد ٢ 🟣لو مافتحش خاص معاك ياخد ١ 📣📣ثانيا..verbal response ..دول ٥ 🩺🩺هتسأل العيان عن اسمه ..انت فين دلوقت ..احنا بلليل ولا بانهار .. 🟣لوجاوب صح ياخد ٥ 🟣لو جاوب (بجمل) ملخبطه ياخد ٤ 🟣جاوب (بكلمات) ملخبطة ياخد ٣ 🟣طلع (اصوات) ياخد ٢ 🟣ماطلعش اى اصوات ياخد ١ 🙋🙋ثالثا motor reponse دول ٦ 🩺🩺اطلب من العيانةيرفع دراعه 🟣لو حركه ياخد ٦ 🟣لومحركوش اقرصه فى دراعه: 🟣لو شاور على مكان الألم (بيبعد ايدك) ياخد ٥ 🟣لو تنا دراعه من  الألم غير مايشاور ياخد ٤ 🟣لو لقيته تانى جسمه تلقائى ياخد ٣ 🟣فارد جسمه وspastic  ياخد ٢ 🟣لقيته مرخى ومفيش reflxes ١ 🔴🔴السكور دا مهم جدا لوصف درجة الوعى 🩺🩺اعلى حاجة فى السكور ١٥ 🩺🩺اقل حاجة ٣ ▶️Mild head injuries are generally defined as those associated with a GCS score of 13-15. ▶️ moderate head injuries are those associated with a GCS score of 9-12. ▶️A GCS score of 8 or less defines a severe head injury. These definitions are not rigid and should be considered as a general guide to the level of injury. 💊المريض اللى سكوره اقل من ٩ لازم يتركبه تيوب حتى لو اكسجينه ١٠٠ % وده عشان نحافظ على air way بتاعه ومايدخلش فى aspiration pneumonia واللي بتكون السبب الاساسى فى وفاة حالة الغيبوبة وليست الغيبوبة نفسها Dr abdelaziz Mohamed

السلام عليكم 🧡 Epistaxis نزيف الأنف لما المريض يجي الإستقبال لازم نسأله كذا حاجة (مهم جدا): من ناحية واحدة؟ شك ف Local disease من ناحيتين؟ شك ف  systematic disease اول مرة ولا نزفت قبل كدة؟ اتخبطت؟ عندك ضغط؟ عندك مشكلة في الكبد؟ عندم مرض في الدم؟ نزيف من مكان تاني؟ بتاخد أدوية للسيولة زي الاسبرين أو كليكسان؟ كمية الدم؟ Investigation: CBC Coagulation profile Liver Function test CT nose and sinuses 💥نتصرف ازاي؟ -العيان يميل راسه لقدام حاجة بسيطة (بنشوف كتير عيانين بيرجعوا راسهم لورا ودا غلط لأن المريض بيبلع دم و دا غلط) -يمسك ال fleshy part بتاع الأنف لمدة ١٠د -نقيش الضغط (مهم جداً) -لو النزيف وقف يمشي بعد نص ساعة بس شوف ضغطه الأول (لو عالي نزله و لو واطي علقله محلول ملح) -لو النزيف موقفش نجيب حتة قطنة و تحط عليها: *لو مفيش ضغط adrenaline 1/1000 *لو مريض ضغط ephedrine *ممكن نستخدم نقط Otrivin بس مش قوية -ضبط ضغطه -لو لسة مستمر استدعاء نائب الانف و الأذن بيعمله حشو Packing او cautery لو النزيف مستمر ندي ايه؟ امبولين Dicynone عضل او وريد ثم امبولين Kapron وريد و Amri-K عضل نعلق محلول...نطلب صورة دم..نشوف محتاج نقل دم ولا لا (لو نزيف شديد بقاله فترة) ثم استدعاء نائب الأنف و الأذن دي روشتة نائب الأنف و الأذن كتبها لحالة بعد لما عملها packing: 💢Dycinone tab قرص كل ١٢ ساعة 💢Kapron amp حقنة كل ١٢ ساعة 💢Otrivin N.D نقطتين بكل أنف ٣ مرات ف اليوم لمدة ٥ أيام فقط 💢Mixora tab قرص كل ١٢ ساعة قياس الضغط كل ٨ ساعات Dr abdelaziz Mohamed

السلام عليكم يا شباب 🧡 هتكلم عن نقطة مهمة جداً بخصوص لو حد إتشك من مريض في الإستقبال 💢أول حاجة تغسل مكان الغزة بماء و صابون بماء جاري لمدة ٥ دقايق كاملة 💢اوعى تعصر الجرح...متعصرش الجرح..محدش يعصر الجرح (مهم) 💢بتطلب من أهل المريض يجيبوا من الصيدلية Kits for HIV, HCV, HBV كلهم ب ٦٠ج تقريبا و تجيب سرنجة و تاخد عينة دم من المريض و تحطهم على ال Kits و تشوف هل هو إيجابي ولا سلبي 💢لو طلع إيجابي لأي فيروس خد الأمور ببساطة لكن ضروري تصور التذكرة بتاعته و تاخد ال Kits و تطلع قسم مكافحة العدوى بالعيادات الخارجية بيعملك محضر وخز و تختمها من إدارة المستشفيات و بعدها بتعمل تحاليل و بتاخد الادوية ال prophylaxis على حساب الجامعة و بتعيد التحليل بعد حوالي شهرين 💢للإطمئنان فرصة إنتقال الفيروس عن طريق الشكة قليلة جدا جدا جدا لكن هذا لا يمنع إنك تاخد إحتياطك و تعمل كل الخطوات دي (مهم جدا) ‌◀️⁩يا شباب إعتبر إن أي حالة جاية الاستقبال عندها إيدز حتى يثبت العكس لأنهم منتشرين جدا...بمعنى إنك تتعامل بحذر مع جميع المرضى و متشتغلش غير ب Gloves و تخلي بالك و تتعقم كويس بعد اي حالة ‌◀️⁩محدش يبص لمريض إيدز بنظرة عار...لا هو شخص مريض زي اي مريض مش شرط يكون شخص سئ...لازم نتعامل معاهم زي ما بنتعامل مع اي مريض...علشان بسبب بعض تعامل الناس السئ ليهم أصبحوا بيخفوا مرضهم و الي بيتئذي هو أنت و المرضى الي بعده الي هيستعملوا نفس أدواته ‌◀️⁩مهم جدا جدا جدا تاخد مصل فيروس B (٣ جرعات) من وحدة مكافحة العدوى ربنا يعافيهم و يعافينا جميعاً Dr abdelaziz Mohamed

🍀أطفال Cough pediatric 💥لو طفل عنده كحة ايه الدواء المناسب الي ممكن نكتبه؟ 🍀كحة ناشفة: (أهدي الكحة) Bronchicum ثلث الوزن كل ٨ ساعات Or Selgon syrup ثلث الوزن كل ٨ ساعات و لو طفل صغير ياخد لبوس Cough seed suppository لبوسة كل ٨ ساعات ولازم تفهم اهل الطفل ان الكحة ممكن تقعد بالأسابيع موسع للشعب فقط: (في حالة مش قادر ياخد نفسه) Ventolin syrup تلت الوزن ٣ مرات ف اليوم 🍀كحة ببلغم: (أذوب و أطرد البلغم) Allvent syrup ( مذيب و طارد للبلغم وموسع للشعب) ثلث الوزن صباحا و عصرا (يجرب ياخده بليل كمان و لو معرفش ينام من الكحة ياخد قبل النوم دواء يهدي الكحة زي Alveolin) فيه أعشاب كويسة للأطفال تحت ال ٥ سنين و عندهم كحة ببلغم Ivypront ٣سم ٣ مرات يومياً Dr. Abdelaziz Mohamed

أطفال UTI pediatric طفل جاي بحرارة ممكن توصل لل febrile convulsions هتسأل على التبول غالبا هيقول فيه حرقان و صعوبة ف التبول...ممكن بيدخل الحمام كتير او مبيلحقش نفسه لو طفل صغير ممكن الأم تحس إن رائحة البول متغيرة أو بيعيط و هو بيعمل حمام لو كشفت عليه هتلاقي ال chest and tonsil free ممكن الطفل يحس بألم في جنبه أو suprapubic بنطلب تحليل بول هتلاقي Pus cell more than 5 RBCs may be up to 10 May be crystals أملاح بنعمل مزرعة بول لو: -Pus cells more than 20 -Recurrent UTI 💥ايه العلاج؟ 💢Brufen syrup نص الوزن كل ٨ ساعات 💢Urivin eff كيس على نص كباية ماء ٣ مرات يوميا مضاد حيوي ‌▶️⁩If infant and sever Infection (from 1 month to 2 years): 💢Cefotax (250,500,1000,2000) vial IM or IV حقنة كل ١٢ ساعة لمدة ٣ ايام جرعتها 50ml/kg/day (حلها في ٥ سم) ثم يمشي على مضاد حيوي لمدة أسبوع ل ١٤يوم 💢Suprax 100 susp مرة واحدة يوميا جرعته 8ml/kg/day ‌▶️⁩If older child more than 2 years: 💢Suprax 100 susp مرة واحدة يوميا لمدة أسبوع ل ١٤يوم جرعته 8ml/kg/day 💢Septrin susp تلت الوزن كل ١٢ ساعة لمدة ١٠ أيام تعليمات: -يشرب ماية كتير -يدخل الحمام بشكل منتظم و يفضي المثانة ‌◀️⁩وعلاج للأملاح: Crystals=Amorphous #Oxalate: مؤلمة Ttt>> Citrocid Mg plus or Epimag فوار ٣ مرات بعد الأكل قلل الحوادث و الطماطم و الفراولة و المانجا و الحلاوة الطحينية وممنوع في حالات Piles...Fissures... Gastritis نستبدله بحاجة واسعة المجال Proximol ٣ مرات قبل الأكل #Urate: Ttt>> Urosolvin or Ur-Aid or Urovin فوار ٣ مرات قبل الأكل (ممنوع قبل سنتين) وممنوع الحوادق و اللب و السوداني ابعد عن اللحوم و الكبدة و البط (كل فراخ او سمك) ابعد عن الشاي و القهوة و البيبسي #Phosphate: Ttt>> Vitacid C eff كيس على نص كباية ماية مرتين يوميا Dr. Abdelaziz Mohamed

#أطفال Analgesic antipyretic pediatric لو جه طفل سخن و عايز خافض حرارة مناسب له هنكتب ايه 💥مسكن وخافض حرارة آمن للأطفال؟ -اول ٦ شهور.... Paracetamol only -من ٦شهور الى سنة... Paracetamol or Brufen -اكتر من سنة... Paracetamol or Brufen or Diclofenac طب محتاجين نعرف أسمائهم التجارية في السوق و جرعاتهم في الأطفال؟ #Paracetamol Cetal or Pyral نقطتين /كيلو كل ٨ ساعات أو ثلث الوزن كل ٨ ساعات #Brufen لازم بعد ٦ شهور Brufen syrup ثلث الوزن كل ٨ ساعات #Diclofenac (ممنوع ف عيان BA) بعد سنة Dolphin sup. لبوس مشهور و فعال جدا لبوسة كل ١٢ ساعة تركيز ١٢.٥ لو أقل من ٣ سنين تركيز ٢٥ لو أكثر من ٣ سنين ملحوظة: لو الحرارة فوق ال ٣٩ لازم كمادات و ممكن ندي نوعين من خوافض الحرارة بالتبادل كل ٤ ساعات على أن يكون أحدهما Paracetamol (مثلا سيتال شراب و دولفين لبوس) ملحوظة: ممنوع منعاً باتاً استخدام Aspirin في الأطفال خاصة Viral infection (Reyes Syndrome) Dr. Abdelaziz Mohamed

Febrile convulsions pediatric علشان نشخص التشنجات الي بتحصل للطفل إنه تشنج حراري لازم يتوافر مجموعة من الشروط: 💢عمر الطفل من ٦ شهور ل ٦ سنين (الي قبل كدة او بعده مش تشنج حراري) 💢بيتشنج مرة واحدة في اليوم أثناء مرضه (ارتفاع الحرارة) أو ٣ مرات في السنة 💢التشنج في جسمه كله مش جزء معين 💢مدة التشنج أقل من ٥ دقايق (ممكن يوصل ل ١٥د كحد أقصى) 💢بعد التشنج الطفل بيكون neurologically free 💢بيكون عنده حرارة مرتفعة لكن مفيش أي  CNS manifistations زي: _headache _progectile Vomitting _blurring of vision _neck stiffness 💥ايه أشهر أسباب التشنج الحراري؟ أي infection ممكن تعمل كدة لكن الي بنشوفه كتير >Follicular Tonsillitis >Otitis media (common cause for hidden fever) >UTI                     ((Management)) ‌◀️⁩بنعمل ايه أثناء التشنجات؟ لو بيتشنج قدامك: 1_ Airway and breathing ( recovery position and oxygen mask) 2_Blood glucose 3_Cold path and antipyretics أحسن وأسرع حاجة تنزل الحرارة تقول للأم خلعي ملابس الطفل وحطيه تحت الحنفية لو لسه في الأول والتشنجات بسيطة وحط ورق مناديل مبلولة علي رقبته وتحت الأبط وبين الفخذين والبطن بالإضافة لخافض حرارة قوي 4_Diazibam ( if > 5 mins) أ) لو مش عارف تركب كانيولا: استخدم stesolid rectal tube 5mg _٠.٥ مجم/ كجم يعني أنبوبه/ ١٠ كجم ( أقصي جرعه ١٠ مجم) يعني ٢ stesolid _لو الطفل أقل من ٣ سنين دخل نصف الأنبوب ولو اكبر من ٣ سنسن دخل الأنبوب كاملا... _ممكن تستخدم ryle tube ب) لو ركبت كانيولا: استخدم neuril or valium 10 mg/ 2ml _ ١سم / ١٠ كجم يحل علي ١٠ سم محلول ملح ويعطي وريد ببطء، وأبدأ بنصف الجرعه. ولو التشنجات وقفت قبل ماتدي الجرعه كامله وقف الدواء ‌◀️⁩بنعمل ايه بعد التشنجات؟ لو جاي بعد التشنجات: 1) History OM, UTI, Tonsillitis,.... For 12_18 h 2) Vitals _High grade Fever 3) Examination _ tonsils _ ear _ Chest _ abdomen _urinary  4) Treatment: ‌▶️⁩ER وأنت في الإستقبال دورك تقلل الحرارة : 1_ water كمادات او حط الطفل تحت الحنفيه 2_ marcofen supp لو طفل اقل من سنة 3_ doulphen 12.5 or 25 mg supp لو اكبر من سنه 4_ Declophen amp IM 1/2 cm/10 kg بعد سنة ‌▶️⁩Home ttt 1_Antibiotic 2_antipyretic + كمادات ع الرقبه والإبط والبطن _ولو التشنجات حصلت تاني،، على أقرب مستشفى... Dr .abdelaziz Mohamed

حفل تخرج طب أزهر دمياط ❤️ بكل حب وتقدير: أتمنى من القلب كل التوفيق والنجاح لأطباء المستقبل. أنتم الأمل، أنتم العطاء، أنتم نور الغد الذي سيشفي الآلام ويرسم البسمة على وجوه المرضى. واصلوا السعي، فطريقكم عظيم ورسالتكم إنسانية سامية.

دا أكبر دليل أن كل إنسان له طريق مخالف لغيره يعني بلاش تقليد ومش كل اللي ينفع لغيرك يبقى بالضرورة ينفع لك ومع الوقت هتلاقي معظم اللي أخذوا قرارت كانت صح بالنسبة لهم لكن قد لا تصلح لك لأن لك حياة وظروف مختلفة تماماً سواء مادية أو اجتماعية وهتعرف أن اللي سافر كان صح واللي استقر كان صح واللي أخد MRCP كان صح واللي اخد USMLE كان صح وهكذا شوف ظروفك الاجتماعية والدينية والمادية وقرر على أساسها وخد خبرات تجارب غيرك من غير تقليد لهم شوف اللي ينفع لك خده واللي مش نافع لك اركنه المهم بلاش تقليد أعمى وقرر اللي يناسبك مش اللي ناسب غيرك Dr. Ahmed alaskary

طب خد دي يا أستاذ عمرو أديب علي سبيل اللي تحمله الاطباء من يوم ما اتخرجوا لحد دلوقت مره انا وشغال نبطشي ٢٤ ساعه في مستشفى الشفاء الخصوص في المرج طبعا الساعه ٥ الفجر ده موعد متفق عليه سكان المنطقة بيموتوا فيه - مش بيحبوه يعني لأ بيموتوا حرفيا فيه 😀 ده موعد تشخيص الوفيات اللي بيجيبوا فيه اي دكتور نبطشي ليلي عشان يقولهم "اه ياخساره ده مات فعلا " 😀 المهم في اليوم ده كنت نايم بعد حوالي ٣ كشوفات اللي هم بيجوا مش مع بعض... لأ.... كل ساعه حالة ....واحده صباحا ...٢ صباحا ....٣ فجرا....المهم الساعه ٥ جم ٢ شباب دفعوا ٥٠ جنيه كشف منزلي ...و صحوني نزلت اخدت شنطة الكشف المنزلي و حطيت فيه السماعه والكشاف وحتة قطنة .... ومحلول لأن من المتعارف عليه في منطقة الخصوص أن عشان تقول العيان مات لازم تركبله محلول الاول 😀 لو مشتغلش يبقي العيان مات 😀 ...... المهم ركبت ورا واحد موتوسكل .... وصاحبه التاني جاي مشي ورانا.... طبعا مطبات وانا وراه لابس سكرب وعمال داداداد من المطبات والبرد الطريق ابتدي يضلم .... سواد كحل.... فجأة لاقيت صوان منصوب وناس لابسين جلاليب شكلهم لسه جايين من الصعيد مفيش دقايق ....و ستات بتصوت في كل حتة ... وعالسلالم بيصوتوا وبيلطموا علي وشي 😀 ... المهم الواد بيقولهم وسع يابني الدكتور وصل ( انا من جوايا عاوز اقوله انتا عشمان فيا ليه اني هقيمه من الاموات 😄) فلقيت الصويت وقف والقرآن وقف وهس هس .... ومستنيني اقول الكلمة .... انا بقي من جوايا قولت احيه هم متوقعين أنه مماتش 😀 ...المهم نبض مفيش قلب ونفس مفيش .... ببص في عينه لاقيت البياض مكانه اصفر والحدقة مكانها ابييييض (نهار ابيض 😀 )..... فقولتلهم.... : آاااااه العيان ده كده بينه مات ..... لاقيت ابنه قفل الباب و قالي : لأ مات ازاي ابوس ايدك اعمل حاجه ..... 😀 ياجدع انته ازاي...والنعمه مات 😀 المهم انا بقي من جوايا بقله بقي يابنلكلب بقي انتوا عاملينله صوان وعزمتوا كل المعازيم اللي تحت دول ...وعاوزني بعد كل ده اقولك مامتش ...ياراجل ده حتي الناس تاكل وشي 😀 Dr Reda Harby

بشكل عام 😌 حالات ال Hypertension Emergency لازم يتم تنزيل ال BP بشكل Gradually باستخدام I.V Drug ... ف خلال ال ساعة الأولى ،بننزل الضغط بمقدار 25% ك حد أقصى . وخلال 6:2 ساعات بنوصله 110:160 /100 وبنحتاج من 48:24 ساعه عشان يرجع لل Normal .. باستثناء 3حالات : 1⃣ Aortic Dissection لازم ينزل الضغط لأقل من 120 خلال اول  20دقيقه لمنع ال Aorta Rupture  . 2⃣ Severe preeclampsia or eclampsia هنا لازم الضغط ينزل لاقل من 140 mmhg خلال اول ساعه .. 3⃣ Pheochromocytoma Crisis بردو لازم خلال اول ساعه ينزل تحت ال 140 غير كده أي حاله HTN emergency لازم الضغط ينزل Gradually.

ماهو الفرق بين👇 🔰 CPR 🔰 CRP 🔰 PCR 🔰 CPR إجراء 💉 Cardio Pulmonary Resuscitation 🍭 الإنعاش الرئوي في حالة الطوارئ 🔰 CRP تحليل 💉 C - Reactive Protein 🍭 بروتين بيزيد في حالات الإلتهابات عندما تكون نسبته عالية نعرف أن هناك إلتهاب 🔰PCR تحليل 💉Polymerase Chain Reaction 🍭 تحليل يستخدم للكشف عن الفيروس واللي يستخدم حالياً لفحص كورونا.

قديماً قالوا المريض العرقان تعرق جنبه لحد ماتعرف السبب العرقات انا كدكتور قلب ورعاية .. لو سألتني ايه الحاجة اللي لو بتحصل مع المريض تخوفك وتقلقك ؟ هقولك لو المريض بيعرق جامد !! من اكتر العلامات اللي تخوفك وتقلقك لما تشوفها على مريض جايلك في الاستقبال او عندك في الرعاية .. هو انه يكون بيعرف بغزارة .. عرق زي الحنفية المفتوحة .. العلامة دي عمري ما شوفتها الا وكان معاها مصيبة كبيرة .. سواء كانت جلطة مكتملة في القلب .. او جلطة قي في المخ ..  او ارتشاح رئوي .. او نقص اكسجين حاد .. او ارتفاع مميت في ثاني أكسيد الكربون .. او نقص شديد في السكر في الدم .. زيادة افراز الادرينالين من اورام الغدة . . ارتفاع شديد جدا في درجة الحرارة .. جلطة في الشريان الرئوي .. ارتفاع شديد في هرمونات الغدة الدرقية .. الخلاصة ان العرق الشديد المفاجئ .. هو ميكانيزم بيعبر بيه الجسم عن كارثة كبيرة هو مش مش قادر يتعامل معاها .. فاحترم المريض اللي جايلك الاستقبال عرقان عرق غزير زي الحنفية .. ودور على الكارثة اللي موجودة في العيان ده ! د محمد امام

كان عندي خاطر بيؤرقني جدا كل ما أشوف أساتذة او معيدين حاسين بعدم الأمان ومقررين بصريح العبارة كده إنهم مش هيعلموا اللي أصغر منهم أي حاجة بالساهل .. الخاطر ده أشتد عليا لما واحد زميلنا من الاوائل قاللي إن الذل اللي شافه في الكلية يخليه يعمل في اللي أصغر منه زي ما إتعمل فيه وأكتر .. حاجة كده زي سعيد صالح لما قال في المسرحيه ( بكرة لما أجيب عيال وديني لاقطع عنهم المصروف) الخاطر ده كان: ايه اللي ممكن يحصل بالتدريج للدفعات المتتالية لما كل دفعة تقرر توريث الذل وكتمان العلم عن اللي بعدهم بالحجة الفاشلة بتاعة "المساواة في الظلم عدل"؟ ويا ترى مستوى اللي اصغر مني حيكون كافي أنه يعالجني انا لما أكبر؟ ده المفروض اللي أصغر مني يكون احسن مني بكتير والا منبقاش بنتقدم ! وفضل الموضوع ده مؤرقني لحد في يوم كنت شغال عمليات في مستشفى بالقاهرة لما دخل علينا طبيب التخدير وهو يقول بحماس لا يخلو من التوتر "شفتوا اللي حصل للدكتور (م)؟ عمل عملية كتاراكت (ميه بيضاء علي العين ) وجاتله عدوى خلتهم يستأصلوا له العين كلها !!!" في اللحظة دي توقف الزمن تماما كل الحاضرين كانوا يعرفوا الدكتور (م) ما عدا أنا ، جراح شديد الشهرة حاز من النجاح والغنى والقرب من الرؤساء والملوك الكثير والكثير زعلت عليه طبعا وقلت أكيد مشكلة تعقيم بشعة حصلت فسألت دكتور التخدير هو عمل العملية فين بالضبط؟ وكانت المفاجأة انه عملها عند أكبر جراح عيون في العالم .. في اسبانيا! طبعا مسألة عدوى في العين بعد كتاراكت لدرجة استئصال العين دي حاجة غريبة ونادرة جدا مكانش ممكن اسيبها تعدي كده بالساهل .. لسبب : واحد بالشهرة والنجاح ده كله ايه اللي يخليه يسافر يعمل عملية بسيطة زي الكتاراكت عند أكبر جراح في العالم؟ مفيش حد في مصر يعني قدر يثق فيه من تلامذته انه يعمل له العملية؟! دي كتاراكت يعني أي أخصائي رمد جديد يعملها بسهولة! رحت سألت كذا واحد من أساتذتي عن الدكتور (م) الراجل ده ليه معملش العملية دي عند أي حد منهم؟ فعرفت انه طول عمره لا كان بيعلم حد ولا بيساعد حد أنه يتعلم!!! واحد من الأساتذة قال لي بالحرف: "لو كان علم أي حد كان وثق فيه يعمل له الكتاراكت .. بس هو سافر اسبانيا عشان يتفادى القدر لكن قدره كان مستنيه في اي حتة يروحها" ساعتها شفت عدل السماء بعيني واتعلمت الدرس : العلم زيه زي المال لا بتاعنا ولا حقنا وإنما ربنا بيديهولنا قرض عشان يشوف حنعمل بيه ايه والجزاء الحقيقي بيكون من الله مش من الناس ! إجتهد جدا إنك تعلم اللي حواليك واللي أصغر منك أحسن مما اتعلمت وسهل ليهم الطريق وربنا حيغنيك اكثر مما تستحق بإختصار " لما توصل متبقاش نسخه من اللي صعبوها عليك " Nizar_abdelfatah

"ممعيش حد يا دكتور" 💔 هتفضل دي أتقل شكوي بالنسبه لي ممكن أسمعها من مريض لما أطلب منه حد من أهله يروح يخلصله ورق ولا يجبله حاجة !! اللي ملوش بواكي عليه لو حصله حاجه ولا عنده اللي يفرح بخروجه ليهم بالسلامه ، وقت الزيارة تلاقي كل السراير حواليها زحمة و دا قاعد لوحده يبص عليهم !! هو عارف إن محدش تقريبا سأل عليه ف حياته. غيرنا إحنا لما اتحجز عندنا في المستشفي و ينبسط اوي لما حد يقله " إزيك النهاردة" رغم إن السؤال غالبا سؤال رسمي من دكتور ف مستشفي وخالي من أي مشاعر  أنا فاكر مرة مريض من دول عيط واحنا بنخرجه قالي عشان خاطري خليني هنا أنا ماليش حد برا طلع في ناس وحيدة بمعني الكلمة..وحيدة لدرجة لو ماتت محدش هيحس بيها !! معندهمش قريب ولا صاحب يتبرعلهم بالدم لو إحتاجوه و لا يقرر عنه في وقت ضعفه أو هذيانه ناس بقت تتكسف تطلب أبسط طلبات زي إن حد يقومها أو حد يسندها تدخل الحمام عشان دايما بتطلب من غريب و حاسين إنهم تقال عليهم عكس قريبه اللي ممكن يطلبه منه بصيغه الأمر !! إرحمهم يارب و إرحمنا... زوقنا بالعافية ناحية الناس دي...حسسنا بيهم...رقق قلبنا تجاهم إرميهم ف طريقنا حتي ولو ليوم واحد.. يحسوا بس إنهم مهمين وإنه فيه حد ممكن يطمن علي صحته و يقوله "إزيك النهارده " ! Dr .faried_gamal

أنا متعود لما أشك في مرض له علاقة بالتدخين عند مريضة أنثى مش بسألها بشكل مباشر بتدخني ولا لأ.. بقولها الأول هل في حد في البيت عندك بيدخن؟ لو قالت اه، ساعتها بسألها طاب وانتي؟ وأوقات كتير بيكونوا بيدخنوا فعلاً.. وبستخدم الإسلوب دا بالذات عشان غالباً البنت اللي بتدخن بيكون عندها في البيت حد مدخن.. اللي بيحصل إنها بتقعد سنين تشم سجاير فبتتعود عليها.. فـ بعد فترة ممكن تبدأ تحتاج نيكوتين وتصدع وتقريف وتبدأ تدور على سجاير زيها زي المدخن بالظبط.. عشان كدا دا اسمه تدخين سلبي.. دا غير إن السجاير بتبقى قدامها.. يعني سهل إنها تاخد من علبة أبوها/أخوها/جوزها من غير ما يعرفوا.. لكن غيرها صعب إنها تقف عند كشك تشتري علبة سجاير.. والحقيقة إن الموضوع قد يبدوا فيه قلة ذوق إني أسأل بنت أو واحدة ست على حاجه زي كدا.. لكن عايز أقولكم إن الموضوع منتشر جداً خصوصاً في البنات اللي مستواهم الإجتماعي عالي أوي، واللي مستواهم الإجتماعي قليل أوي.. فـ أنا بكتب البوست دا أولاً عشان الأهل يكونوا واعيين لبناتهم ويكلموهم عن أضرار التدخين ومايشيلوش من دماغهم فكرة إن ممكن بنتهم تكون بتدخن عشان هي بنت.. ثانياً عشان الرجالة يتقوا ربنا في بناتهم.. ويبطلوا تدخين، وإن كان ولابد هيدخنوا يبقى أي حتة برة في البيت.. وثالثاً عشان في دكاترة زمايلنا بيستبعدوا موضوع التدخين تماماً ومش بيجيبوا سيرته لو المريضة أنثى.. مع إنه موجود وبكثرة.. فـ ابقوا اسألوا عنه ولو بشكل غير مباشر لو شكيتوا في مرض مرتبط بالتدخين.. وشكراً.. د. محمد فهيم