Amir Sayyid Olimxon

Коментариядан: ---Юк,орида постларни биридаги профессор Тохир Тоировнинг Бухоро бомбалар остида к,олгани хакидаги мак,оласи 1989 йилда езилган эканку. Хозирга келиб хам, сайехларнинг: ---Минораи Калондаги ок, доглар нима?-- деб сураганларида, "Табиий офат" ни сабаб к,илиб ку'рсатишмок,да экан гидлар...--- Отабек админ гурухдошимиз. ---- Аслида, Минораи Калон--- дунедаги Энг кахрамон минора! Шундай наминация билан дунедаги барча миноралар у'ртасида танлов утказилса, ушбу минара ютиб чик,ади. Негаки, аэропланнинг 27 у'к, зарбасига хам дош бериб, у'з у'рнида йик,илмай тураверган. Учувчи ва аэропландаги у'т очувчи буйрук,ни бажариш учун к,анчалик уринмасинлар барибир миноранинг гиштлари ку'чиб отилиб чик,са хам, аммо у'зи йик,илмаган, гуеки унда гойибдан химоя к,алк,они бордек бу'лган. Охири хужумчиларнинг аэропланида ек,илги тугашига як,ин к,олгани, уларни ортига к,айтишига сабаб бу'лган... Эх, бу манзара хам, "Аждодлар рухи" КИНОсини сценариясига киритилиб, Дуне ахли хайратига сабабчи булса эди... Иншааллох, шундай кинони куриш бахти хаммамизга насиб килиб юрсин илохим Ин шаа Аллох омин Аллоху Акбар--- Остонаева Дилфуза. Сана: 13. 07. 2024 йил. 👇👇👇 @amirsayyidolimxon.

https://youtu.be/RyzAOdq-Tkk?si=IuS87Hau_aqnMkvy дан олинди. 👇👇👇 @amirsayyidolimxon.

https://www.facebook.com/share/iKoFtvmfJAkKB7od/?mibextid=qi2Omg дан олинди. 👇👇👇 @amirsayyidolimxon.

https://www.facebook.com/share/p/51yNWN8L6HxiDTCR/?mibextid=xfxF2i дан олинди 👇👇👇 @ amirsayyidolimxon.

Ёшлар тўғри тан олдилар, уларнинг ота-оналари бор.. Минг бор афсус... Улар ота оналаридан эҳтимолки "Ҳаё" деган сўзни ҳеч қачон. эшитмагандирлар.. Ҳозир ёшларимизу кексаларимиз кўпчиликлари телефондан беҳаёлик сабоқларини олаётирлар.. Минг афсус! Шу маънода бизгача яшаб ўтган Пайғамбарлардан етиб келган бир ҳадисни келтирмоқчиман: "Агар уялмасанг, истаганингни. қил!" Бу сўзларнинг маъно моҳияти жуда чуқур. Уятинг-кўркинг, обрўйинг, яхши инсон эканлигинг нишонаси. Уяти йўқ кишидан ҳамма нарсани кутиш мумкин. Ундайлар гапирса ёлғон гапиради, зинодан ҳазар қилмайди, омонатга хиёнат қилади, ғийбатдан орланмайди, одамларнинг орасига совуқчилик солади, тили ва қўли билан бошқаларга озор етказади.. Бундайлардан эл безор, қанийди улар "Уят ўлимдан қаттиқ" деган нақлни тушуниб етсалар, ибрат деб қабул қилсалар, ўз- ўзларидан уялсалар эди... Ҳаётимиздан андишасизлик деган тушунча йўқолиб, бандалар гуноҳлардан фориғ бўлардилар. Буюк мутафаккир олим Аҳмад Зиёуддин Кумушхонавий ўзларининг "Мажмуатул аҳзоб" номли китобларида Ҳ А Ё тўғрисида шундай ёзган эканлар: "Шубҳасиз, ҳаё имондандир. Расулуллоҳ соллаллоҳу алайҳи васаллам Аллоҳдан ҳақ-рост ҳаё қилган бошини ва бошидаги аъзоларини, қорни ва қорнини ташкил этган аъзоларини муҳофаза этсин, ўлимни (ва тупроқ остида) чиришни ўйласин! Охиратни ўйлаган киши дунё ҳаётининг зеб-зийнатларини тарк этади. Ким ана шундай қилса, Аллоҳдан ҳаққоний ҲАЁ этган бўлади" Келинг, биз ҳам Яратган эгамдан бу синов оламида ҳаққоний Ҳаё билан яшаб, Ҳаё билан ҳузурига бормоғимизни насиб айласин,деб дуоларимизда сўрайлик. А м и и н. Дилором Каримова Филология фанлари номзоди, доцент." Юнусобод "ҳудуд отинойиси. 👇👇👇 @amirsayyidolimxon.

Уч тўрт папка тутган киши,милиция зобити ва яна бир аёл билан келган Сайёра хук ёлғон кўз ёш билан кирди дарвозадан.Анчагина тийрак,ҳамма нарсага ақли етиб турган Узронинг қаршисида тиз чўкиб қучоғини очган эди қизалоқ изиллаб йиғлаб Мукаррамнинг этагига ёпишди.Алдаб сулдаб ҳам уни ажратолмагач мажбурлаб қўлидан тортқилаётган Сайёра Хукни энди Мукаррам хумордан чиқиб сочини юлди. Папка тутганлар эса қонундан сўзлар эдилар!...Ғавғоли шу кунларда Зулай кампир ҳассасига таяниб кириб келди. ---Сўтинг(судинг демоқчи)тирик болани зовурга отганга ишонаверадими гўдакни?---сўради у сочини баланд турмаклаб энди урф бўла бошлаган костюм ва юбка кийган аёлга заҳарханда билан. ---Биласизми,одамда ҳар хил вазият бўлиши мумкин.Балким Сайёра руҳан зўриқиш ва ғамхўрлик етишмаслиги сабаб... ---Эеееййй....Дам ўтир,хўпми?Ғамхўрлик етишмаслиги эмиш.Бу юзсизга нима етишмаган мандан сўра!---жеркиб берди Зулай кампир.Кейин Сайёра Хукга юзланди: ---Агар шу болага ичинг ачиса эди бўтадай бўзлатиб олиб кетмас эдинг.Ҳе она бўлмай ҳар нарса бўлгур!!!Қанжиқ!!!Санга ҳам худонинг бир жазоси бордир!!! Одатда ким гапирса шанғиллаб сўз бермайдиган Сайёра бу сафар бошини эгганча жим қолди.Ниҳоят бир неча жарималар солингандан сўнг ва шу масала озгина бўлса ҳам таалуқли бўлган ҳамма ташкилот вакиллари келиб қонунни пеш қилавергач Узрони Сайёра олиб кетди.Олиб кетди деб қўя қолиш осон.Лекин қизалоқ қай алфозу унинг ортидан йиғлаб қолганларнинг аҳволини тасаввур қилаётгандирсиз?Мукаррам кўксига муштлаб йиғлади. Гулчаман Нори ва Сайёрани қарғаб йиғлади. Узрогина Мукаррамни қучоқлаб олганча йиғларди.Тортқиллаб олиб чиқиб кетилаётган Узро фақат бир гапни айтарди йиғлаб йиғлаб: ---Ояжон,ман барибир келаман.Қочиб келаман ояжон! Миробид эса кўксида ловуллаётган оташ кўзидан сачраб вишиллади: ---Манга қара,ўв Хук!Кўзимга кўринган ерингда сўяман сани! Ҳувиллаб қолган ҳовлида кунда Узронинг кўйлак лозимчаларини ювиб дорга ёярди Мукаррам қиз олиб кетилгач. Кўзи нурсиз, ранги кундан кун заҳиллашиб борарди. Шундан бери шу бугун гапирди. Гулчаман ҳам Узрога меҳри тушгани рост эди. Аслида туғилган кунидан то шу кунга қадар унинг учун бошқалар қарор қабул қилган. Шўрлик беникоҳ туғилган тамғаси остида ўсиб ихтиёрсиз хотин қилинган тамғаси остида яшади. Ҳақиқатда балки рисоладагидай оила ва ота--онаси бўлганда эди тақдири буткул бошқача бўларди балки. Бошқа пайт бўлганда Миробид хотининг оғзини йиртган бўлур эди. Лекин айни дамда Гулчаман айтаётган ҳақиқат унинг жаҳлидан кучлироқ эди. ---Нимага ҳайрон боқурсиз? Гапим нотўғрими?!Ман нодондан ақллисизларку, не деб ҳам шу гапни гапирдим! Гулчаман зарда билан чиқиб кетди.Мукаррам унинг ортидан кўзи тўла ёш билан қараб қолди. Овсинга овсин тош, кундош кундошга пахта отади дейишади. Гулчаман ҳақ гапни айтаётганини Миробид ҳам, Мукаррам ҳам билиб туришарди. Лекин умр савдосини осон эканми бир кунда ҳал қилмоқ? Осон эканми кўнгил қўйган аёлидан кечмоқ?! Осонми экан кўз очиб кўрганидан, пир билган эридан кечмоқ?Аллоҳ узоқ қилсин у кунни! Эри қўйган деган номни кўтариш осон эканми? Миробид сукут қилган билан, Мукаррам кундошига ғазабу--алам билан қарагани билан ҳар иккиси ҳам ичида балким энг ҳаққоний ечим ва йўл шу эканини тан олишган эди. давоми бор Муаллиф: Зейл Лейла Мустафасайяр @amirsayyidolimxon.

Заҳил юзли, кўм--кўк кўзларининг совуқ йилтирашини айлана кўзойнагининг ойнаси ҳам яширолмаган жикаккина нўғай терговчи маҳаллий форс--тожик тилини бузиб савол берарди: ---Гражданка Рахимова!Нима учун болани топиб олганингиз ҳаққида ўша заҳотиёқ миршабхонага хабар қилмадингиз? ---Оч--наҳор,ҳолсиз гўдакни нигойи--бин (парвариш маъносида)қилмак ўрнига миршабхонага бормагим лозим эдими? Миробид шу топгача бунчалик чорасиз қолмаган эди. Жангу жадал кўриб, қон кечиб, от устидан тушмай неча кунлаб туз тотмай юрганда нолимаган Миробид ҳаётидан илк бора нолиди. Кўзидан фақат отасию--онасини тупроққа қўйгандагина ёш чиққан эди. Ҳозир йиғлаб йиғлаб сўзлади. Бегона кўздан панада, жонсиз ҳайкалга айланиб қолган Мукаррам ётган хонада уни бағрига босиб айтиб айтиб йиғлади. ---Ман нотавонни қарға, юзимни юл, бетимга тупур!...Ўн тўртингда манга тушиб кўрганинг не бўлди санинг? Навниҳол пиллангдан ёш бошингга ташвиш солган ман бўламан! Кундошлик азобини бошингга солган ман бўламан! Ҳаммасидан ҳам... Санга она бўлишни насиб қилмаганига айбдор ҳам ман бўламан! Ҳозир ҳам ишончингни оқлолмай Узроингни олиб қололмаган ҳам ман! Асли шўри пешона ман Мукаррам! Қарийб бир ҳафтадан бери туз тотмаган, кўзлари киртайиб қолган Мукаррам кафти билан унинг оғзини бекитди. ---Айтманг! Айтманг!--деди ҳолсиз пичирлаб.---Сиздан не ёмонлик кўрибман? Пешонада борини кўрмаса гўр қабул қилмасмиш. Пешона бу. У юзсиз... Узроимни олиб бу ердан кетибмишми? Миробид тасдиқ маъносида бош ирғади. Мукаррам инграб кўзини юмди. Гулчаман косада сутли умоч олиб кирди. ---Сан яхши кўрган сутлик умоч қилдим.Бир икки ҳўплам ич.Емаслик бирор наф қилса емай ўтарди бошига ташвиш тушганларнинг бари! ---деди у Мукаррамга Дастурхон ёзиб косани қўйди. Ўзи бориб деворга суянганча эри ва кундошидан кўз узмай қараб қолди. У эрининг йиғлаганини ҳеч қачон кўрмаган эди. ---Бас қилинг! Гулчаманнинг кутилмаган хитобидан Миробид ялт этиб қаради. ---Бас қилинг!--деди Гулчаман яна қатъий.---Кундошлик азобини аслида ман кўрдим. Манку бир ҳеч кими йўқ етим эдим. Борар ерим йўқ эди. Лекин гулғунчадай қизни бирингиз лафзни, бирингиз ориятни баҳона қилиб нечун бунча азобга қўйдингиз?! На Миробид, на Мукаррам ундан бу тахлит сўзларни кутмаган эди. Гулчаман ҳеч ким билан сўзлашмай тунд бўлиб юриб эди ўзи. Ўша кундан бери. Ўша кун эса.... Икки ой давом этган долу--қазо, сўроқ--савол ва жанжалдан сўнг суд билан Узрони Сайёра хукга олиб беришга қарор қилди. Қамарнисо юзини тилиб йиғлади. Гулчаман ўтирган еридан Сайёра хукга сапчиб сочидан ўраб икки мушт тушириб улгурди. Соқчилар ажратишди. Миробид чап курагидаги кучли санчиқдан букилиб қолди. Фақатгина Мукаррам худди ҳеч нарса бўлмагандек ўтирарди. Тўғрироғи шунақага ўхшаб кўринарди. Аслида эса на бир сўз демоққа ва на ўрнидан турмакка ҳоли йўқ, тили, вужуди карахт бўлиб онгига бўйсунмай қолган эди унинг. Узро... Узрони олиб берилсин ўз онасига деди анави юзи оҳакланган девордек қонсизу ҳиссиз рус аёл. Ўз онаси ким, Сайёрами? Муқаррар ўлимдан олиб қолган Мукаррам ҳеч киму, ахлатдек зовурга ирғитиб кетган ўз онасими? ---Гражданка Раҳимова! Агар суд қароридан норози бўлсангиз қайта кўриб чиқиш учун шикоят аризаси ёзишингиз мумкин. Судда котиблик қилаётган бахмал дўппилик новча йигитга ҳатто қарамади ҳам Мукаррам. Унинг ўрнига Гулчаман гапирди: ---Кейин яна суд бўладими? ---Ҳа. ---Ким суд қилади? Яна шуларми? ---Ҳа. ---Даф бўл аризангу судинг билан! Тур Мукаррам, кетдик. Худонинг ҳукмига топшир! Гулчаман бир силтаб Мукаррамни турғизиб судрагандай олиб чиқиб кетди. Эртаси кундан бошлаб қарийб бир ҳафта Мукаррам қон ютди. Гулчаман ғазабдан юзи қорайиб юрди. Миробидда эса ҳу ўша йигитлик йилларида, унча мунча киши "босмачи" деб ҳайиққан дамларида юрагида бўлган олов қайта ёнди.Боласини бериш осон эканми?Узрони олиб кетмак ниятида келган Нори ўласи қилиб калтакланиб Гулчаман жаримага тортилди. Норинирг ўзи қайтиб бу ҳовлига кирмакка юраги бетламади. @amirsayyidolimxon.

10.МУКАРРАМ 2 ҳикоя, 10қисм ---Мани туғдириб ташлаб кетган ану песмарайимдан пул ундириб берди ҳукумат. Энди ойма--ой пўштачи(почтачи) уйимга келтириб беради фалон пулни! Сан ҳам лалайиб оғзингни очиб ўтирмай ҳаракат қил. Қизингни қайтариб олиш ҳаракатини қил. Худди мана шу ойма--ой пул олиш эди дарди Сайёра хукнинг.Хуллас Нори йўл кўрсатди, Сайёра хук унинг кўрсатган йўлидан юриб нақ Мукаррамнинг юрагига ханжар ургандай иш қилди. Шунча панд--насиҳат, инсофга чақиришлар бир пул! Одамгарчилик, инсоф, оналик меҳри, маҳалладошлару халқ Мукаррам томон бўлди. Қонун эса Сайёра томонда эди таасуфки... ЕР ТЕРС АЙЛАНГАН КУНЛАР Онанинг кўксидан юрагини юлиб олгандек бу қабиҳлик қилинганда Узро етти ёшга қадам қўйган эди. Шу кунгача бир йўқлаб келмаган, йўқлаш у ёқда турсин ўзининг борлигини билдирмаган Сайёра хукни ҳовлисида кўриб Мукаррамнинг юраги шувиллаб кетди. Худди мандан олган қарзингни бер деб келган кишига ўхшаб ўзидан кўз узмай без бўлиб қараб турган Сайёрани қанчалик хушламасин содир бўлиши мумкин бўлган нохушликдан чўчиб у билан салом алик қилди Мукаррам. --Келинг..лар...Не хизмат? Ранги оқаринқираб бир Сайёра хукга бир шеригига ҳайрон қаради. Сайёра одмироқ кийиниб бошига рўмол ўраб олган эди. Ёнида юз--кўзига бўёқ чаплаб лабини қизартириб олган Нори қўлини белига қўйиб турарди. Нори лозимини тиззасигача кўтариб устидан энди урф бўлиб бораётган капрон пайпоқ тортган, оёғига қора "лакарон" (лакированный---ялтироқ) туфли кийган эди. Эгнидаги фаранг шойи кўйлагининг устидан қизил барқут "кастумча" (пиджак, костюм) кийиб, "Ироқи" дўпписи устидан икки ўрим улама сочини чамбарак қилиб ўраб олганди. Мукаррамнинг хаёлидан шу топда раҳматлик Зебинисо бибижони хиргойи қилган қўшиқ ўтди: "ЧИРОЙЛИНИНГ СУМКАСИДА УПАСИ БОРДИР, УПАСИНИ ОЛИБ БЕРГАН АКАСИ БОРДИР!" Одамлар нонга зўрға қорни тўяётган маҳал бунақа кийиниш ҳар кимга ҳам эмаслигини фаҳмлаш қийин эмас эди. Норининг уйида эса ўзига ўхшаган аёллар ва тўраларнинг базми жамшидлари ҳаққида эшитгани бор эди Мукаррамнинг ҳам.Сайёра кўзлари олазарак бўлиб сен гапир дегандек Норига қаради. ---Келдик!---деди Нори қошини тепага кўтариб. Мукаррам ҳар не кутса кутганди, лекин бунчалик инсофсизликни кутмаган эди. Не демоқда бу юзсиз? Дугонамнинг қизини бер дейдими? ---Ман дугонангизнинг қизини уйидан ўғрилаб олибманми? Агар ўшанда манга йўлиқтирмаса ҳозир тирик бўлмас эди Узройим! Эҳ содда Мукаррам! Балким содда эмас, тўғриликдан, ҳаққонийликдан бошқасини билмаган Мукаррам! Макр--ҳийланинг борлигидан бехабар Мукаррам! Агарда озгина айёрлигу--маккорлиги бўлганда эди ҳозир ҳеч нени тан олмай рад қилса олам гулистон бўлиши ҳам мумкин эди. Ростда, сан нима деяпсан, ўзим туққанман, сани қизингмас деса не қила оларди? Лекин Худо билганни бандага рад қиладиган тоифадан эмас эдида у! ---Узройим?! Унинг оти Ойбиби! Мана, гувоҳномаси бор!--жириллади Нори. Мукаррам Узро эшитиб қолишидан чўчиб ҳовлига қаради. ---Қизи энди эсига тушдими?! Мукаррам жаҳлдан бўғриқиб еб қўйгудай бўлиб қараган эди Сайёра дарҳол кўзини олиб қочиб Норининг панасига ўтди. ---Тур йўқол уйимдан иккаланг ҳамеее, бетингни мурдашўй ювсин! Йўқол дедим!!! Мукаррамнинг важоҳатидан ўтакаси ёрилиб лип этиб ўзини ташқарига олгач Нори бор овози билан бобиллади: ---Закунни билмас экансанда сен ойимтилло?! Закун билан оламиз сендан!!! Мукаррам дарвозани ёпиб унга орқаси билан суянди. ---Кимга бақирдинг?Биров келдими? Ўзига томон келаётган Гулчаманнинг лаблари қимирлаётганини кўрса ҳам қолган гапини эшитмади. Кўз олдида ҳамма нарса эриб оқиб кетаётгандай бўлиб кўнгли беҳузур бўлди. Киприклари тош осилгандай оғирлашиб борарди.. Норининг чизган чизиғидан юриб Сайёра ҳали унча мунча киши нималигини анламайдиган Судга мурожаат қилди.Қозию мингбошига дардини айтиб адолатли ажримдан суюниб юрган улус Суд дейиладиргон мажлис аҳлининг қудрати беҳад кучлилиги ҳаққида бир бирига шивирлашарди. Суд кунигача Мукаррам икки марта сўроққа чақирилди. @amirsayyidolimxon.

---Ҳолвами дейман? Чиройлилигини қара бугинани! Малим чиройли эдида, малим! --Ўлсин ўша малим! Сайёра ҳўнграб йиғлаб юборди. ---Ўзимни зўрға эплаб юрувдим, энди буни қандай боқаман? Манга керакмиди шу? Кошки ўлса! Кошки эди ўлиб қолса! Худди ҳозиргина подшоҳ эри ўлгандек ўзини уриб уриб йиғлаётган Сайёрага Зулай кампир анграйиб қараб қолди. ---Оғзингни юмеее!--ниҳоят ўзига келиб жеркиб ташлади кампир.---Ношукур!!! Ўнталаб болани боқиб бир нолимаганлар бор. Э ўлееее! Ол, болани эмиз! Ҳиқиллаб бурнини тортганча Сайёра унга сўзсиз итоат қилди. Энди кампир кунда икки уч маҳал кирарди она боланинг олдига. Гўдакнинг баданига доғланмаган пахта мойи сурар, гил қўшилган сувда ювинтирар, онаси соғиб берган сут билан юзи, қўлтиқ ости, чов соҳаларини артиб йўргакларди. Эринмай ўчоқда қаердандир топиб келган оқ буғдой унини ёғда қовуриб атала қилиб Сайёрага ичирарди. ---Уйқудан тўймаяпман. Нуқул ғингшийди!--нолийди Сайёра. ---Қорни тўйса пишиллаб ухлайдику! Туриб эмизгани, бешикка белаб--ечиб, тувагини ювгани эринасан сан! Ит ҳам боласини тишида тишлайди. Итчалик ҳам бўлолмайсанми?-- жаврарди кампир қизалоқни бешикдан ечиб олаётиб. Сайёра билинтирмай еб қўйгудек ўқрайиб қўярдию лекин гап қайтармасди ҳартугул. Ўша куни эрталаб кимларгадир илтимос қилиб топган бир бўлак думба ёғи ва ёнғоқдеккина уч бўлак новвотни олиб кирган эди. Сайёра ҳамон ухлаб ётар, одатда ёнидаги бешик нарироқда ичи бўш эди. Кампир рўмолининг учини тишлаб ҳайратда қотди! ---Боланг қани?!!!--чинқириб юборди кампир унинг боши устига келиб. Сайёра хук сапчиб туриб кўзлари катта катта очилди.Бошини қуйи солиб индамай ўтираверди. ---Сандан сўраяпман ўв!Боланг қани деяпман?!--силтай бошлади уни Зулай кампир. ---Қўйворинг эээ!Кимсиз манга ўзи?!Қанақа бола?!Ҳеч қандай бола--пола йўқ эди манда!--деди кўзини лўқ қилиб Сайёра.Бечора Зулай кампир оғзи очилиб анграйиб қолди.Кейин кутилмаганда озғин ва нимжон бўлса ҳам чунон шапалоқ тортдики Сайёра гандираклаб деворга суяниб қолди.Шу турганича тураверди. Юзини қўли билан тўсиб ҳўнг-ҳўнг йиғлаб тураверди. Иккинчи кун пешинга етмай Миробидбойнинг кичик хотини Мукаррам зовурдан чақалоқ топиб олгани ҳаққида миш миш тарқалди. Қаердандир Рофеъ ҳам топилиб кела қолди. Кўзлари мўлтираб олдидан чиққан Сайёрани сочидан судраб уйга олиб кирди ва бироз ўтиб қўлида оқ матога ўралган ҳужжат билан чиқди. Тўғри Миробиднинг уйига борди.Унинг нимага келганини англаб олдига чиққан Миробид билан холироқда гаплашиб олгач унга қўлидаги ҳужжатни топшириб тез-тез юриб чиқиб кетди. Ҳар ҳолда зиёли, ўқимишлида не қилса ҳам, гўдагини кўзи қиймади бемаъсулиятга ташлаб кетгани. Туғилганлик ҳаққидаги гувоҳномада Ойбиби исмли қизнинг отаси Рофеъ, онаси Сайёра деб кўрсатилган эди. Сайёра қизи туғилганда Рофеъ хабар топиб келгани, унга туғилганлик ҳаққида гувоҳнома расмийлаштиргани ҳаққида ҳеч кимга индамаган эди. Бу сирни Миробид гўрига олиб кетур эди агарки Маҳала советида котиб бўлиб ишловчи Юнус отлик вайсақи тилига эрк бермаганда. Азалдан ўзи Юнус бировни кўрса эрталаб турганидан кеч ётгунига қадар нима қилганию нима еганини айтмаса кўнгли жойига тушмайдиган хилидан эди. Юнус ҳам Сайёра хукнинг бир неча марта хуфя меҳмони бўлган тунларнинг бирида мақтанди: ---Рофеъ малим ўн сўм бериб докумитни ўзимга ёздирган.Қизлик бўлдим деб, ҳмм! Саводсиз бўлсада хук бу ҳужжат унга кўп имкониятлар беришини тушуниб етган эди бу пайтга келиб. ---Афсус,у ҳужжатни йўқотганмен...---ёлғондакам маъюс тортди Сайёра. ---Асло куюнманг жонидан!Кўфия(копия)сини ёзиб бериш ваколати қўлимизда!---гердайди Юнус. Сайёранинг юрагига бир парча ўт тушди ўша ондан бошлаб. У қилган ишига пушаймон эмас эди асло. Йўқ, у қизини ўйлаб кечалари йиғлаб чиққан ҳам эмас эди. Бир шаҳарга тушганида эшитиб келган гапи энди тинчлик бермай қўйган эди унга. Турқидан суюқ оёқлиги билиниб тургувчи,юзига чаплаган мойупасининг қалинлигидан оҳакланган деворга ўхшаб қолган Нори исмли дугонаси унга қонундонлик қилди. давоми бор. Муаллиф: Зейл Лейла Мустафасайяр @amirsayyidolimxon.

САЙЁРА ХУК Бир умр бир ўзи яшаган Зулай кампирнинг синглисидан қолган ягона қиз жияни Сайёрани маҳалла аҳли кампирнинг таъзиясида кўрди. Зулай кампир хокига топширилгач азадорликнинг барча маросимларини ўтказиб юрган киши бўлиб шу уйда силиққина муқим яшаб қолиб кетди. Қолишга қолдию лекин маҳалла куйга қўшилмади. Мудом қовоғидан қор ёғиб биров билан борди келди тугул салом аликни зўрға қилгани учун унга маҳалла аёллари орқаваротдан Хук--яъне тўнғиз деб лақаб қўйишди.Шу билан Сайёра деса биров танимай Сайёра хук деса танийдиган бўлди.Сайёра ўрта бўйли, қорачадан келган бўлиб ҳусни ўртамиёна эди. Фақат бир текис садафдек тишлари ва оҳуникидек чиройли кўз, шу кўзларни ўраб турган узун узун киприклари дил тортар эди. Унинг қачонлардир эрга теккани ва ивирсиқ, ёлчитиб рўзғорни эплолмагани учун эри ҳайдагани ҳаққида Зулай кампирдан қўшни кампирларнинг эшитганлари бор экан. Яна эрига тўрт ёшли ўғлини ташлаб чиқиб кетгани ҳаққида ҳам кампир қўшниларга айтгани энди очиқ айтила бошланди. Сабаби Узронинг зовурдан топилгани бўлди. Аллақайси бир узоқ вилоятнинг йироқ туманидан келган ўрта ёшли тракторчи Сайёранинг уйига кириб чиқиб юрганини ҳам кўрганлар бор эди. Ундан сўнг бу тракторчи кўринмай қолиб Туркманистонга чегара тумандан табельчи бўлиб келган Сайёранинг ўзига ўхшаб бировга қараса ўқрайиб қарагувчи, башараси нуқул ижирғангандек бужмайган одам серқатнов бўлди. Орадан кўп ҳам ўтмай бужмайган башарали кўринмай қолиб бошқа бир эркак кириб чиқа бошлади Сайёранинг уйига. Аммо буниси олдингиларидан фарқли ўлароқ Қишлоқ совети раиси томонидан ижарачи сифатида жойлаштирилган эди бу уйга. Ўрта мактабга ўқитувчи қилиб бошқа вилоятдан жўнатилган Рофеъ анчайин кўзга яқин йигит эди. Жиддий боқишлари, чиройли табассуми,қошини бироз тепага кўтариб кибрлироқ юз ифодаси ва кулранг костюм шим,шу тусдаги кепкаси шунчалик унга ярашардики худди агар сал бошқача қараса бошқа одамга айланиб қоладигандек туюларди.Сайёра хук Рофеъга пою--патак бўлди.Ишга кетса кирини ювиб хонасини тозалайди,ишдан қайтар чоғи овқатини тайёрлайди ишқилиб қўнжидан кириб енгидан чиқади.Егулик танқисроқ замонмасми,ошқовоқ сомса,кўк печак,шолғом қовурма қилиб яна тут майиздан тортиб атиргул қиёмгача муҳайё!Эркакнинг юрагига йўл ошқозони орқали дегани бежиз эмас экан. Кўп ўтмай сергак қўшнилар Сайёра хукнинг дўмпайган қорнини илғаб қолишди. Қудуқдан сув олиб келаётган маҳали тили ўткирроқ Зубайра кампир гап отди унга. ---Ҳа, Зулайни жияни! Бу дейман кўпайишасан ўхшайди? Эрга қачон тегиб эдинг, холангни қадрдони бўлиб ман бехабар қопман? Сайёра хук одати бўйича хўмрайиб қарадида жавоб бермай уйига кириб кетди. Шу билан унинг ҳомиладорлиги ошкор бўлди.Тешик қулоқ эшитмай қолмас дегандек муаллимнинг қулоғига ҳам ўзигача Сайёранинг уйидаги келди кетдилар етиб келди. Орияти кучлилик қилдими, ёки қутулмоққа баҳона бўлдими бир кечада лаш--лушини йиғиштириб кетди қўйди муаллим ҳам. Сайёра хук ростакамига кўнгил қўйган экан. Кўрпа тўшак қилиб ётиб қолди. Ора сира кириб унинг ҳолидан хабар олиб турган Зулай кампир бир куни олиб кирган бир коса умочини Сайёрани уйидан тополмагач ҳовлидаги сават остига қолдириб қайтди. Икки кундан кейин кирса умоч турган ерида турибти. Сайёра йўқ! Зулай кампир энди хавотир ола бошлади. Оғир оёқ нарса эди, қаерга кетади? Кўзи кечда Сайёранинг дерезасида,кунда ҳовлисида бўлди.Ниҳоят бир куни кечқурун дерезадан чироқ нурини кўриб қоронғи бўлса ҳам туртиниб суртиниб келди. ---Сайёр!Сайёр ҳуууув!Оч!...---эшикни жон жаҳди билан тақиллатди.Сайёра олдингидан бадтарроқ хўмрайиб эшикни очиб норози тўнғиллади: ---Эрталабгача чидолмадингизми? Нимага келдингиз?! Кампир энди оғиз жуфтлаган эди ҳамки ичкаридан чақалоқ ингалади. Оғзи қулоғида илжайиб Сайёра уй эгасилиги ҳам эсидан чиққандек уни суриб ичкарига кирди. ---Ҳай, ҳай, ҳай тифли бегуноҳ!--деб юзидан ўпди йўргакдаги чақалоқнинг. Сўнг Сайёрага қарамай сўради: @amirsayyidolimxon.