Coach hanouf| 🏋🏻‍♀️هنوف

تحكمك باحتياج جسمك من السعرات يساعدك في التحكم بوزن جسمك، و الرياضة راح تساعد في شد وتقاسيم الجسم.

نزول وزنك او زيادته تعتمد بشكل رئيسي و اساسي على السعرات الداخلة لجسمك ‏Calories in , calories out ‏يعني السمبوسة المقلية ما بتزيد وزنك. ‏و الهيت كارديو يومياً ما بينزل وزنك 🖇

لا يصل الناس إلى نتيجة مرضيةة دون أن يمروا بمحطات التعب والفشل واليأس، ولكن صاحب الإرادة القوية لا يطيل الوقوف في هذه المحطات .. 🖇

ميزة تمارين السحب والدفع تشغل اكثر من عضلة في نفس الوقت مناسبة للي ماعندهم وقت للتمرين يقدرون يقسمون الجدول يومين دفع و يومين سحب🛑 تمارين الدفع: تشغل عضلات الصدر والتراي والكتف الامامي 🏋🏻‍♀️ تمارين السحب: تشغل عضلة الظهر و البايسيبس و الترابيسيس و الكتف الخلفي

تمرن عشان انت تحب جسمك ‏يكون مرتب ‏عشان صحتك ‏عشان ثقتك في نفسك ‏عشان تلبس الي بخاطرك وتستمتع بشبابك ‏عشان نومك يصير مريح ‏ولان التمرين يساعد جميع اجهزة الجسم تعمل بشكل صحيح ‏استثمر في نفسك

نقص فيتامين دال -بطء في نزول الوزن -تساقط الشعر -الم في العظام وخصوصاً اسفل الظهر -ارهاق وخمول متواصل -نوم سيء

الصيام العكسي عامل مساعد للدايت، ينظم الشهيه ويساعد على تنظيم الوجبات ينصح فيه كحد اقصى ١٦ ساعه اكثر من كيذا يلعب في الهرمونات، الافضل يومياً يكون مابين ١٤-١٢ ساعه، لاتعتمد علي كـ دايت و تتوقع بينزل وزنك عليه 👍🏻

متى تعرف انك ماشي صح بالتغذية والتمرين؟ ‏- جداً مرتاح بنظامك ‏- تستمتع بالتمرين ‏- تستمتع بالتغذية ‏- جالس تشوف نتائج ‏ممكن ماتستوعب الموضوع لكن فعلاً اذا حسيت غير كذا في شي يحتاج يتعدل.

‏لا تنفصل نفسيًا عن جسدك ‏أن تكرهه، أن تظل تقارن نفسك بغيرك، وأن تشمئز من نفسك ‏النتيجة ثابتة: ‏ستظل كما أنت بلا تغيير، حتى تعود مرة أخرى لرؤية الواقع بتجرد، حتى تتصل بجسدك ثانية!

عشان نخسر الوزن الزائد لازم نعرف شي مهم -التغذيه هي الاساس (عجز السعرات) و حسبة الماكروز في بداياتك مهمه جداً وتختصر وقت طويل عليك تحدد لك كمية ونوع الاكل -الرياضة عامل مُساعد ويشد ويرتب الجسم

عند الانقطاع عن تدريبات المقاومه ماذا يحدث؟ ‏١. قبل اسبوعين من ترك التدريبات لايُسمى انقطاع ❌ ‏٢. بعد الاسبوع الثالث يبدأ يحدث انخفاض بسيط في قوة و حجم العضلة، و يصل الى 10-12% عند التوقف لمدة 8-10 اسابيع عن التدريب، ثم يكون الانخفاض أكثر مع زيادة مدة التوقف.

تطورك ونتائجك بطيئة جداً السبب يكون : ‏- قلة النوم ( جوع اعلى , تركيز اقل , استشفاء اقل ) ‏- التغذية السيئه والتوتر ‏راح توقف تطورك اذا اهملتهم ,حاول تنام على الأقل 7 ساعات يومياً وخصص وقت للراحه وتستمتع وتسترخي لأجل انك تقلل من الضغوطات

سؤال وصلني على الخاص بتويتر ( كيف انحف ؟ ) 🖇 عشان تخسر وزن تحتاج تركز على : - تغذيتك ( عجز في السعرات ) ⏬ - ممارسة اي نشاط رياضي مُدة ساعه يومياً 🤸🏻‍♂️🏋🏻‍♀️ وفالكم المثالي 🤍

تحسن اليوغا من التركيز والتفكير بعمق، والتنفس بشكل افضل، تعطي الجسم ليونه ومرونه اكثر، تساعد العضلات على التمدد و تعطي مدى واسع للعضله، و تساعد على التخلص من التوتر، وتجعلك اكثر هدوء واسترخاء.

كلنا نبي جسم مشدود ومرسوم وهذا شي جيد، لكن في الغالب نفشل🥲، ليه ؟ ‏لان اهدافنا غير واقعيه ونبي نتائج سريعه او نبطل مانكمل ‏الحل تعامل مع صحتك وجسدك بذكاء،خلك واقعي واكتب اهداف منطقيه وقابله للقياس، التدرج بالنتائج مهم يحفز للاستمرار

ماذا تفعل بعد التخبيص في الإجازات ؟ ‏نعود للبرنامج بشكل طبيعي بدون حرمان إضافي ‏فقط التزام كامل بالتغذية والتمرين ‏لكن ينصح بزيادة نشاطك اللارياضي في هذه الأيام بالحركة عمومًا لزيادة الحرق

كيف تعرف اذا النظام مُناسب لك: اسمع لجسدك ونفسيتك اذا حسيت بجوع مستمر او هبوط بمستوى الطاقه يادوبك تتمرن وباقي اليوم مرهق، او تدني في نفسيتك ، والنظام ثقيل عليك غالباً انت بتكون ماشي بطريق غلط الغذاء والرياضه صحه نفسية وجسدية اذافقدت احد منهم ف انت ماحققت الهدف