Malak Mahmoud 'أثر '

استنوا التفاصيل يا بنات 🚶🏻‍♀️🤍

" الصعوبة كلها تكمن في البداية " الجملة دي بتلخص مشكلة كبيرة عندنا كلنا لو حليتها حرفياً حاجات كتير في حياتك هتتغير للأفضل 🤍! كتير بنبقى مكسلين نبدأ في حاجة معينة أو مذاكرة أو شغل و بنقعد نسوف و نأجل بحجة ملناش نفس 🤷🏻‍♀️ عايزة اقولك محدش له نفس أو مزاج يعمل حاجة فيها مجهود طبيعة عقل الإنسان بيحب الراحة 🧠 فا عقلك اكيد هيفضل يكبر الموضوع و يقولك لأ ده صعب جدا اقعد شوية لأ اتمرقع شوية و هكذا 🙃 يبقى بلاش تسمع كلام عقلك و ابدأ في الشغل الي عليك أو أيا كان الحاجة الي مطلوبة منك و هتلاقي الموضوع بقى بسيط جدا الفكرة كلها في البداية 🌸 ~ ملك محمود....

"تِلكَ الدَّقائِقُ مِن أعمَارِنَا إنَّمَا أعطِيَت لَنَا لِيَختَبرَنَا اللهُ فِيهَا، ثُمَّ مَضَت الآن، ولَن تَعُود، لَن تعُودَ أبدًا" إبراهيم السكران

"لا يُكلف الله نفساً إلا وُسعها" مهما كان الواقع قاسي عليك و حاسس أنه صعب و إن الي بتمر بيه مش هيعدي صدقني هيعدي و مش بس كده بل هيجي يوم تنسى فيه ألمك أصلا 🤍! ربنا مش هيديك فوق طاقتك فيه مقوله بحبها جدا بتقول " الله لا يعطي أقوى المعارك إلا لأقوى جنوده" 😉🌸 يعني ربنا مش هيحملك فوق طاقتك مهما كان الي بتمر بيه هيعدي و هتتعلم منه و بالنسبالي أفضل حاجة تتعلمها من أي ظرف صعب هي إنك تشكر ربنا على كل نعمه عليك 🧘🏻‍♀️💜 متنساش إنك بتقرأ البوست ده دلوقتي دي واحدة من نعمه متنساش تحمده 🌿! ~ ملك محمود...

ادراك / كورسيرا / معارف / فرصة

استني بوست بكرة 🤍

السؤال ده من اكتر الاسئلة الي بتجيلي و هحاول افيد حضرتك من ناحية نظرتي أنا 🤍 _ أول حاجة و أهم حاجة في السن ده هو معدش صغير بلاش المعاملة حضرتك تكون على أساس انه طفل هو كبر و بيتحاسب دلوقتي _ تهتمي جدا جدا بصلاته و يتعود عليها و يفهم اهميتها من و هو صغير و يحبها و يعرف انه بيقابل ربنا و ينفع يتكلم معاه في السجود و يتعلم يدعي و يشكي له و يصلي و هو حابب ده و ميسيبش حتى صلاة الفجر و يتعود عليها من صغره و يكون البيت كله كده _ يربط قلبه بالقرآن مش بالاغاني و يحفظ قرآن و يهتم بالتفسير و ده عن طريق الشيخ و يفهم معنى الآيات بشكل يناسب سنه _ مفيش حاجة اسمها حياته و اسيبه يجرب لحد ما يتعلم ! ده مراهق غير واعي عقله غير مكتمل كفاية و بيمشي بعواطفه هيغلط كتير و يمكن غلطات متتصلحش اسمها اربيه و اعلمه و افهمه الغلط من الصح و مسيبوش يغلط و انا بتفرج _ يتعلم رياضة يكون بيحبها سباحة كرة قدم كرة سلة اي حاجة المهم يتحرك من صغره _ نحاول قدر الامكان نظام اكل البيت يكون صحي و الاعتماد الأكبر على اكل البيت مش على الأكل الي من برا _ يتعلم ازاي يتعامل مع الكمبيوتر و برمجة ز يكون كورسات أوف لاين و فيه حاجات كتير مناسبة للأطفال _ ياخد كورس انجليزي صح مش اي كورس هيكون حلو و مش اي كورس هيكون مناسب _ يتعلم لغة عربية صح و مش كله بيهتم بده للأسف أقصد هنا النحو تحديداً هيفرق معاه جدا _ يكون صداقات صالحة تحت عين و مراقبة حضرتك و يكون في بيئة صالحة له _ بلاش مسلسلات و افلام قدامه اه ده صعب بس حرفياً حتى الكرتون بقى بيدعوا لحاجات وحشة جدا خصوصاً شركة ديزني و دي ممنوع منعاً باتاً تتفتح في البيت _ أهم حاجة الاخلاق و ده ممكن من اي كرتون عن السيرة النبوية و قصص الصحابة و التابعين _ يعرف اكتر عن ربنا و يحبه و يعرف إن كل حاجة حرام ربنا منعها عنا عشان ليها ضرر كبير جدا جدا _ يتعلم إن الدين بيحمينا و مش بيقيد حريتنا _ يتعلم يعتمد على نفسه و ياخد قراراته تحت مراقبة و اشراف حضرتك من بعيد بس تكوني مراقبة و عارفه كل حاجه و بس كده 🤍

تقدر تقول اي اقتراح او رأيك هنا 🤍 http://110095520836282944305.sarhne.com