Zainab khalifa

من كتاب مع النبي 💗 كن مع الله ولا تقلق✨

🤎

الصلاة ♥️ اللي مش عارف قصة جريج فا هو رجل عابد، عصاة بني إسرائيل كانوا منزعجين من صلاحه، فا بني إسرائيل أرسلوا له بغيا وهى كانت امرأة يتمثل بحسنها، وقالت إن شئتم لافتننه فتعرضت له فلم يلتفت إليها فأتت راعيا وحملت منه ثم قالت أن الولد من جريج فا بني إسرائيل ذهبوا لجريج وضربوه وهدموا صومعته فا قال: ما شأنكم قالوا: زنيت بهذه البغي فا قال: أين الصبي فا جاءوا به فقال: دعوني حتى اصلي فصلى وقال للغلام: من أبوك قال: فلان الراعي فأقبلوا على جريج يقبلونه ويتمسحون به وهنا كانت براءة جريج وكمان كانوا عايزين يعيدوا بناء صومعته من ذهب لكنه قال اعيدوها كما كانت من طين، ففعلوا! من كتاب مع النبي💗 زينب خليفة

٣ نصائح مهمين جدا بخصوص سورة الإخلاص💗 (من دكتور احمد سمير ) ١- حاول وانت قاعد في مواصلاتك .. مستني دورك في طابور .. قاعد بتعمل حاجة بإيدك مش محتاجة تركيز .. ماشي في الشارع .. نازل طالع على سلم .. لسانك يبقى شغال "قل هو الله أحد" .. تخلص تعيد تاني وهكذا على قد ما تقدر .. لإن الثواني اللي انت بتقرأ فيها السورة دي بتعادل ثلث القرآن كله .. وانت مش متخيل ده كم ثواب قد إيه انت بتاخده بمجهود لا يُذكر ! لذلك مش ذكاء أبداً إنك تضيع كنز زي ده من إيدك ! ٢- السورة دي تحديدًا حاول إن يكون ليها مكانة مختلفة في قلبك .. تبقى بتحبها بصدق وبتحب تقرأها من قلبك .. حاسس ومستشعر معانيها .. بتقرأها كتير في صلاتك وخارج صلاتك .. وده لإن حُبك للسورة دي كفيل إنه يدخلك الجنة .. وده مذكور في حديث صحيح إن واحد من الصحابة قال للرسول عليه الصلاة والسلام عن سورة الإخلاص : إني أُحبها، فقال ﷺ: حُبُّك إيَّاها أدخلك الجنة ٣- استخدم السورة دي دايماً في دعائك واتعود إنك تبدأ بيها أي دعوة .. ودي من فضائلها اللي مش كتير عارفها .. الرسول عليه الصلاة والسلام سمع رجل بيدعو بها ويقول "اللهم إني أسألك بأنك الواحد الأحد الصمد الذي لم يلد ولم يولد، ولم يكن له كفوًا أحد، أن تغفر لي ذنوبي إنك أنت الغفور الرحيم. فقال ﷺ: قد غفر الله له، ثلاثاً" .. إذن الدعاء بها حريّ بالإجابة ❤️

صديق رمضان 🌙 انتظروا مقتطفات منه 🤎

اهلاً بشعُور السلام في كُل مكان♥️.” ‏ اهلا رمضان✨ كل عام وانتم بخير 🌙🥰

مننساش إن انهاردة اول يوم في الاستدراك اللي لسة مسمع يستعين بالله ويبدأ 🤎

خطة استدراك البناء المنهجي 🤎 عندنا المنهج ٣٢ باب متقسمين على ١٦ يوم كل يوم هنذاكر بابين. * في الصورتين فهرس الأبواب عشان تتابع منهم زي ما اتفقنا (هندرس كل يوم بابين) هنبدأ من ٣ مارس لحد ١٨ مارس ( موافق ٨ رمضان) يوم ١٩ و ٢٠ مارس هيكون مراجعة ( موافق ٩، ١٠ رمضان) وقتها هقولكم هنراجع ازاي. هندخل الامتحان يوم ٢١ مارس (١١ رمضان) لأن الامتحان يقفل ٢٢ مارس (١٢ رمضان) * فا خلي بالك مفيش مجال للكسل طيب هنذاكر ازاي؟ قدامك طريقتين 1: تقرا ملخص كل باب بعدين تسمع المحاضرة ومش محتاج تكتب لأن هنستعين بملخصات جاهزة نذاكر منها عشان الوقت بس. 2: مش هتسمع محاضرات هتقرا التفريغات والملخصات بعدين هتسمع من فيديو مدارسة الاسبوع اللي بيكون مراجعة على كل الابواب اللي اتشرحت في الاسبوع ( والطريقة دي لو وقتك ضيق اوي اوي) https://www.facebook.com/share/p/v4jiUrXNTWmeSYzA/?mibextid=oFDknk في اللينك دا ملخصات لحد الباب ٢١ واللي ناقص هتلاقوني بنزله هنا على القناة، والقناة الرسمية كمان فيها ملخصات. إن شاء الله هبعت تذكير كل يوم على القناة إننا نسمع المحاضرات. صاحب الهمة لا يقف حتى يتم المهمة 💗

بجهزلكم خطة إنقاذ عشان امتحان البناء المنهجي ✍️ انتظروا 👀

زتونة الساعة و تلت في بوست ✍️ من بودكاست "رمضان فرصة" حلقة الدكتور حازم شومان، وكمان اقتراحات ازاي نحقق النقط دي بشكل عملي، فا البوست مش مجرد سرد 🤎 الحلقة بدأت بعنوان (اية هى مقاييس التدين العملية) بمعنى تعمل اية عشان تكون فعلا انسان متدين قريب من ربنا؟ 1: لابد إن يكون عندك ورد ثابت في يومك ( ورد للقرآن ورد ذكر، جلسة ضحى، خلوة مع الله) 2: يكون عندك علاقة قوية مع القران، الشيخ تقريبا معظم الحلقة كان بيتكلم عن اهمية النقطة دي وإن حياتك مش هتتغير الا أما تفهم القرآن صح، يكون ليك حياة مع القران( اسمع دكتور احمد عبد المنعم في تفسير القرآن) 3: صحبة الهمة وبيئة الإيمان اللي تساعدك على الثبات ( ممكن تكون بيئة الايمان بتاعتك درس ديني ثابت تسمعه في المسجدأو جلسة دينية ثابتة انت وعيتلك، دروس إيمانية بتسمعها اون لاين محدد ليها موعد ثابت) وحاول تشوف ناس قريبة من ربنا وصاحبها بحيث تساعدك على القرب من ربنا 🤍 4: يكون عندك منهج وخطة عملية بتتعلم بيها دينك، يعني دراسة بشكل نظامي كأنك في مدرسة بس بتتعلم علوم دينك ( ممكن تنضم لمعهد قريب منك او أكاديمية اون لاين زي أكاديمية زاد وأكاديمية الفرقان وغيرهم كتير اوي محتاجين بوست لوحده) .............................................................. الشيخ ذكر 7 شخصيات لازم يكونوا في حياتك عشان تطور في الدين وهم 1: محفظ القران 2: المعلم الشرعي ( اللي بتتعلم معاه علوم شرعية 'ملحوظة' مش لازم يكون اوف لاين ممكن اكاديمية اون لاين عادي) 3: صاحب الهمة ( صحبك اللي ديما يشجعك على طريق ربنا) 4: الشيخ الواعظ ( الشيخ الواعظ اللي اول ما تسمعه تحس قلبك يلين تاني لطريق ربنا بمعنى اصح الشيخ اللي يخليك تفوق، وبحس دكتور حازم شومان كدا جدا 🤎) 5: الشيخ الكبير ( اللي ترجعله ديما في اي حاجة في الدين) 6: الاخ الكبير ( إنسان سابقك في طريق ربنا ويخليك ديما تقرب لربنا يشدك معاه ) 7: المربي المصاحب ( اللي يربيك تربية دينية إسلامية صحيحة 🤎) * كتير مننا صعب يتوفر في حياته السبع أشخاص فا الشيخ قال على الأقل يكون في ٣ أو أربعة، مثلا منهم زي محفظ القران والمعلم الشرعي والشيخ الواعظ وصاحب الهمة ............................................................. الجزء الثاني من البودكاست كان عن ( ازاي نتغير في رمضان) والشيخ قال إننا مش هنتغير الا أما نفهم ونتدبر القرآن، وحكى قصته إنه متغيرش الا أما قرأ القرآن صح في رمضان🤎 والشيخ قال شعار " رمضان البداية" يعني البداية في طريقك لربنا صح. وإن المهم إنك تقرأ القرآن صح اكتر من إنك تختم قراءة كتير، اختم مرة واحدة وانت فاهم صح احسن ما تختم كذا مرة وانت لسة و عايش مع القران. ذكر كمان ان رمضان مش شهر قراءة القرآن دا شهر إننا نعيش مع القرآن ونفهمه صح ونتدبر اياته 🤎 الحلقة كان ناقصها بس الشيخ يعملنا خطة لتدبر وفهم القرآن صح، لكن ممكن نلاقي الخطة في حلقة دكتور احمد عبد المنعم إن شاء الله استنوا بوست ليها 🥰💗

السلام عليكم، أنا قعدت فترة مش بنزل حاجة على القناة عشان كنت مشغولة في كام حاجة والفترة اللي فاتت كنت بسمع سلسلة صغيرة خالص اسمها (رمضان فرصة) وبكرة هنزلكم اللي استفدته من اول حلقة سمعتها وحقيقي هتفرق مع كل واحد فينا ♥️ كذا حد دخل كلمني إنه محتاج جدول عشان يلم المتراكم من البناء وانا كنت ناوية مش هعمل جدول تاني بس هنزلكم خطة كويسة عشان تخلصوا قبل امتحان المرحلة التمهيدية إن شاء الله 🤎

السلام عليكم انهاردة بداية الأسبوع التالت من خطة رمضان برنامج الاسبوع الثالث 1: الحلقة الثانية من دورة فقه الصيام 2: صلاة السنن بعد كل صلاة 3: بعد كل صلاة نقعد نذكر ربنا عشر دقائق * اوعي تنسي جدول الثوابت اليومية فيه حاجات كل يوم ها جدول الثوابت اليومية صلاة الخمس فروض ورد القرآن ورد الحفظ ( اختياري) أذكار الصباح والمساء (لو ذكرين بس حتى) حلقة من سلسلة كل يوم اية (دكتور محمد الغليظ) حلقة من سلسلة اسماء الله الحسنى ( المهندس علاءحامد) كل عام وانتم بخير 🤎

برنامج الاسبوع الثاني من خطة رمضان: 1: حلقة من دورة فقه الصيام ( اوعي تكون نسيتها عشان مش في جدول الثوابت اليومية لا احنا هنسمع كل اسبوع حلقة لأنهم أربعة بس اما باقي الدورات حلقة كل يوم ) 2: صلاة الفروض 3: صلاة ركعتين قيام ليل * خليك فاكر إن اذكار الصباح والمساء من الثوابت اليومية حتى لو هتقول ذكرين بس ( طبعا أما ندخل في اسبوع جديد بنبقى ملتزمين بمهام الاسبوع الأول يعني مثلا مش هتبطل تقرا أذكار النوم في الاسبوع التاني عشان دا كان في الاسبوع الاول😂 فاهمني صح)

السلام عليكم، أنا عارفة إني مقصرة ليا يومين في المتابعة لكن مشغولة جدا الحقيقة، يارب الناس تكون التزمت 💗 بكرة عندنا المحاضرة رقم ١٥ والمحاضرة الجديدة وبكدا هيكون انتهى الجدول فا مبارك لكل واحد التزم وياريت يبعتلي إسمه 🥰 خطة رمضان هنبدا الاسبوع الثاني بكرة

السلام عليكم، اولا بعتذر إني منزلتش امبارح متابعة الجدول وخطة رمضان لأني كنت مشغولة، الصورة فيها مقرر انهاردة https://youtu.be/9O73OIoIeGo?si=6bLiAbpfHE5GPh8j دا لينك المحاضرة الثامنة https://youtu.be/hqcxatX64lU?si=gAqOpuUt4Q6OzUDl دا لينك المحاضرة التاسعة والعاشرة في فيديو واحد احنا قربنا نخلص الجدول خلاص 💗

اليوم الرابع من خطة الاستعداد لرمضان 💗 من حسن الاستعداد لرمضان: أن تعقد العزم على تعميره بالطاعات وزيادة الحسنات وهجر السيئات. 💗

ملخص الباب الثالث

السلام عليكم، انهاردة اليوم الثالث من جدول الاستدراك ابمحاضرة الرابعة والخامسة باب تعظيم حدود الله https://youtu.be/wL3hGYC-KwQ?si=jFrNkjT_6mWoqeo_ لينك المحاضرة 💗

مساء الخير 💗 في حد التزم بجدول الاستدراك القديم؟ لو حد التزم يبعتلي اسمه 🥰