All About Docs.collections ធនាគារឯកសារ

ប្រធានបទស្តីពី “អក្ខរកម្មហិរញ្ញវត្ថុ៖ គន្លឹះក្នុងការគ្រប់គ្រងហិរញ្ញវត្ថុផ្ទាល់ខ្លួនសម្រាប់យុវជន” @OUPNarith

វេបសាយ Picker Wheel គឺជាឧបករណ៍ដ៏មានប្រសិទ្ធភាពសម្រាប់គ្រូបង្រៀនក្នុងការជំរុញការចូលរួមរបស់សិស្ស និងបង្កើតបរិយាកាសការសិក្សាបែបវិជ្ជមាន។ វាជួយសម្រួលការជ្រើសរើសសិស្សដោយចៃដន្យ ជំរុញការចូលរួមដោយស្មើភាពគ្នា ព្រមទាំងបង្កើតភាពទាក់ទាញប្រកបដោយភាពច្នៃប្រឌិត និងភាពសប្បាយរីករាយ។ ចូលទៅប្រើប្រាស់កម្មវិធី៖ Picker Wheel https://pickerwheel.com/ មើលរបៀបប្រើប្រាស់តាម Youtube៖ ប្រើប្រាស់ Picker Wheel ដើម្បីហៅឈ្មោះសិស្ស និងបែងចែកក្រុមសិស្ស https://youtu.be/1hIYZohvyQE?si=WeV6z79owQ6Tb2H-

រាជរដ្ឋាភិបាលចេញ សារាចរ ស្តីពី ការធ្វើបច្ចុប្បន្នភាពរចនាសម្ព័ន្ធ និងជំរឿនមន្ត្រីជាក់ស្តែងនៅតាមរចនាសម្ព័ន្ធនៃ គ្រឹះស្ថានសិក្សាសាធារណ

ជំនាន់មនុស្សក៏ខុស ផ្នត់គំនិតក៏ខុស វិធីវាយតម្លៃក៏ខុស — តើយើងគួរផ្លាស់ប្តូរបែបណា? __ I. ការបកស្រាយ និងវិភាគអំពីការគិត និងផលជះលើការបង្រៀនរបស់ជំនាន់មនុស្ស (សូមមើលតារាងក្នុងរូបភាព) II. បញ្ហា និងផលប៉ះពាល់ក្នុងការបង្រៀន • គ្រូបង្រៀនជំនាន់ X និង Baby Boomers មិនយល់ពីលក្ខណៈ ឬតម្រូវការរបស់សិស្សជំនាន់ថ្មី ដែលចូលចិត្តរៀនបែបអន្តរកម្ម និងការបញ្ចូលបច្ចេកវិទ្យា។ • គ្រប់យ៉ាងគ្រូបង្រៀនបន្ទោសតែសិស្ស ធ្វើឱ្យសិស្សបាត់ការចូលរួម មិនមានទំនាក់ទំនងល្អ មិនឆ្លុះបញ្ចាំងលើការបង្រៀនរបស់ខ្លួន (ផ្នត់គំនិតថេរ/មិនរីកចម្រើន)។ • សិស្សជំនាន់ Z និង Alpha ចង់បានបរិយាកាសរៀនដែលផ្អែកលើការចូលរួម មានបច្ចេកវិទ្យាប្រើប្រាស់ និងការសិក្សាដោយអនុវត្តផ្ទាល់។ III. ដំណោះស្រាយដើម្បីបន្ថយគម្លាតរវាងជំនាន់មនុស្សក្នុងបរិបទការសិក្សា 1. ចងក្រងការបណ្តុះបណ្តាលគ្រូបង្រៀនស្តីពី៖ o ផ្នត់គំនិតរីកចម្រើន (Growth mindset) o បង្រៀនឱ្យយល់ពីមនុស្សជំនាន់ Z និង Alpha ជាសិស្សដែលខ្លួនកំពុងបង្រៀន o ការបញ្ចូលបច្ចេកវិទ្យាថ្មីៗក្នុងបង្រៀន 2. ជំរុញការបង្រៀនបែបសកម្មដើម្បីឆ្លើយតបតម្រូវការមនុស្សជំនាន់ Z និង Alpha ៖ o ការសិក្សាដោយប្រើប្រាស់គម្រោង រួមមាន៖ ការងារគម្រោងមូលដ្ឋាន (Project Work-Basic) ការសិក្សាអាស្រ័យលើបញ្ហា (Project Based Learning) និងការសិក្សាអាស្រ័យលើបញ្ហា (Problem Based Learning), ការសិក្សាបែបរិះរក (IBL), ការអប់រំបែប STEM ។ល។ ពោលគឺវិធីសាស្រ្តសិក្សាទាំងឡាយណាដែលស្ថិតក្រោមទ្រឹស្ដីស្ថាបនានិយមដែលបង្កប់នូវគោលការណ៍ចំនួន៥ រួមមាន (១) ការសិក្សាបែបជាក់ស្ដែង (២) ការសិក្សាបែបអន្តរកម្ម (៣) ការសិក្សាបែបសម្របសម្រួល (៤) សិស្សដឹកនាំខ្លួនឯង&ជាក្រុម និង (៥) ការសិក្សាមានគុណភាពខ្ពស់ (ប្រើBloomកម្រិតខ្ពស់ និងបង្កើតស្នាដៃ)។ o ការបង្រៀនអំពី Gamification, interactive apps, flipped classroom 3. រៀបចំសហគមន៍សិក្សាវិជ្ជាជីវៈគ្រូបង្រៀន(Professional Learning Community-PLC)៖ o ការផ្លាស់ប្តូរផ្នត់គំនិត o ការសិក្សាអំពីឧទាហរណ៍ល្អៗ ឬឧត្ដមានុវត្តន៍ 4. បង្កើតការបង្រៀនសហគមន៍របស់ខ្លួន៖ o គ្រូវ័យក្មេងជួយបង្រៀនគ្រូដែលមានវ័យចាស់អំពីការប្រើបច្ចេកវិទ្យា o គ្រូបង្រៀនវ័យចាស់ផ្តល់បទពិសោធន៍ និងជំនាញទំនាក់ទំនងដល់គ្រូវ័យក្មេង សូមស្វែងយល់បន្ថែមអំពី (១) ប្រព័ន្ធវាយតម្លៃ និងការវាស់វែងសិស្សដែលមិនបានគ្របដណ្ដប់ពេញលេញលើសក្ដានុពលរបស់សិស្ស និង (២) ទ្រឹស្ដីពហុបញ្ហា។ បើលោកគ្រូ អ្នកគ្រូបានយល់ដឹងអំពីការគិតរបស់ជំនាន់មនុស្ស ការវាយតម្លៃបានត្រឹមត្រូវ និងទ្រឹស្ដីពហុបញ្ញា លោកគ្រូ អ្នកគ្រូប្រហែលជាអាចកាត់បន្ថយការបន្ទោសសិស្ស ឈានទៅប្រឹងប្រឹងរៀនសូត្រវិធីសាស្រ្តបង្រៀនបែបសកម្ម និងការប្រើប្រាស់បច្ចេកវិទ្យាដើម្បីបន្ថយគម្លាតរវាងជំនាន់មនុស្ស និងចេះស្វែងរកសុភមង្គលក្នុងភាពជាគ្រូបង្រៀន។