All About Docs.collections ធនាគារឯកសារ

ទាញយកឯកសារវគ្គបណ្តុះបណ្តាលស្តីពីការពង្រឹងការងារព័ត៌មាននិងសាធារណមតិ។ https://drive.google.com/drive/mobile/folders/1ujX3ma7z8lP3RbFjn0HEq22BZ4rGrskN?usp=sharing

សៀវភៅ «កំណែទម្រង់វិទ្យាស្ថានជាតិអប់រំ៖ ឆ្ពោះទៅមជ្ឈមណ្ឌលអប់រំគ្រូបង្រៀនប្រកបដោយឧត្តមភាព» ។ សូមចុចលើតំណរខាងក្រោម ដើម្បីទាញយកសៀវភៅ។ https://drive.google.com/file/d/1ZMD9R7s3XJpzi5exV9jRMO2gqPDUsdl2/view?usp=sharing សូមអរគុណ

សៀវភៅ «កំណែទម្រង់វិទ្យាស្ថានជាតិអប់រំ៖ ឆ្ពោះទៅមជ្ឈមណ្ឌលអប់រំគ្រូបង្រៀនប្រកបដោយឧត្តមភាព» ត្រូវបានតាក់តែងឡើង ដើម្បីបង្ហាញអំពីការធ្វើកំណែទម្រង់ស៊ីជម្រៅ និងគ្រប់ជ្រុងជ្រោយនៅក្នុងគ្រឹះស្ថានបណ្តុះបណ្តាលគ្រូបង្រៀនមួយ ដែលមានលក្ខណៈជាប្រវត្តិសាស្ត្រ និងជាគ្រឹះស្ថានបណ្តុះបណ្តាលគ្រូ ដែលមានអាយុកាលជាងមួយរយឆ្នាំមកហើយ ក្នុងគោលដៅធានាឱ្យបាននូវឧត្តមភាព គុណភាព សមធម៌ និងនិរន្តរភាព នៃការបណ្តុះបណ្តាលគ្រូបង្រៀន។ សៀវភៅនេះ មានចំនួន៩២ទំព័រ ដែលត្រូវបានរៀបរៀងជា៥ជំពូក ដូចជា៖ ជំពូក១ ប្រវត្តិវិទ្យាស្ថានជាតិអប់រំ, ជំពូក២ ការកែលម្អហេដ្ឋារចនាសម្ព័ន្ធរូបវន្ត, ជំពូក៣ ការបណ្តុះបណ្តាលដំបូង, ជំពូក៤ ការបណ្តុះបណ្តាលថ្នាក់ក្រោយបរិញ្ញាបត្រ, និងជំពូក៥ ការស្រាវជ្រាវអប់រំ និងនវានុវត្តន៍។ សមិទ្ធផលធំៗនៃកំណែទម្រង់វិទ្យាស្ថានជាតិអប់រំដែលបានរៀបរាប់ក្នុងសៀវភៅនេះ នឹងក្លាយទៅជាឧត្តមានុវត្តន៍មួយសម្រាប់គ្រឹះស្ថានបណ្តុះបណ្តាលគ្រូបង្រៀនដទៃនៅទូទាំងប្រទេស។ សមិទ្ធផលនេះនឹងចូលរួមចំណែកប្រកបដោយប្រសិទ្ធភាព និងគុណភាព ក្នុងការធានាបាននូវការអប់រំប្រកបដោយគុណភាព បរិយាបន្ន សមធម៌ និងឱកាសសិក្សាពេញមួយជីវិតសម្រាប់ប្រជាពលរដ្ឋគ្រប់រូប។ សូមចុចលើចំណងជើងខាងលើ ដើម្បីទាញយកសៀវភៅ។

ក្រសួងអប់រំ យុវជន និងកីឡា សូមជូនសៀវភៅណែនាំពិសោធន៍វិទ្យាសាស្ត្រទាំង៤មុខវិជ្ជា (រូបវិទ្យា គីមីវិទ្យា ជីវវិទ្យា និងផែនដីវិទ្យា) និងវីដេអូពិសោធន៍វិទ្យាសាស្ត្រទាំង៧២ ដើម្បីជួយសម្រួល និងជម្រុញឱ្យការរៀន និងបង្រៀនស្ដីពីការពិសោធន៍​វិទ្យាសាស្ត្រ នៅកម្រិតមធ្យមសិក្សាទុតិយភូមិ មានដំណើរការល្អ ដែលសៀវភៅ និងវីដេអូទាំងនេះមានការសហការផលិត​ពីវិទ្យាស្ថានជាតិអប់រំ វិទ្យាស្ថានបច្ចេកវិទ្យាកម្ពុជា សាកលវិទ្យាល័យភូមិន្ទភ្នំពេញ នាយកដ្ឋានមធ្យមសិក្សាចំណេះទូទៅ នាយកដ្ឋានអភិវឌ្ឍកម្មវិធីសិក្សា គ្រូបង្រៀនសាលារៀនជំនាន់ថ្មីនៃវិទ្យាល័យព្រះស៊ីសុវត្ថិ និងគ្រូបង្រៀនវិទ្យាល័យធនធាន ក្រោមការគាំទ្រថវិកាពីធនាគារអភិវឌ្ឍន៍អាស៊ី ក្រោមគម្រោង USESDP-II និងSTEP-UP ។ លោកអ្នកអាចទាញយកឯកសារតាមរយៈQR ឬ លីងនេះ https://docs.google.com/spreadsheets/d/1q9an27XTuhmd4CgB_8IZYXGchZmVPQmzor8V8ea3cJk/edit?gid=363029224#gid=363029224