‏﮼رُوح

‏حتى لو صار الموج بيساعد ‏والاقدار بتساعد - انا ماعاد ليّ نفس .

‏أنتصفت الدرب لين الدرب وقفني ‏احسب اني كنت أدل / ومادريت إني كنت غادي !

قاسِّي جداً / يوم تِكشف انك ضيعَت ايامك في طِرد السراب وإنك زرعت في أرض ماهِي أرضك وان اللي هقيت له هقوة جاء من دونها وإنك مشيت الطريق اللي ضامّك بإختياااااااارك !

الأحلام عادي لو ماحققت منها شي / عذابك من أشياء في يدينك وصارت حلم”.

بالبدايه كنت أقول " فكيت لك باب عن الناس سكرته " ‏والحين اردد " ما أشره عليك ان كان خيّبت ظني / أشره على قلبٍ فتح للهوى باب ".

بغيتك يوم وقتي سمح والخاطر ضحوك وطرب ‏وأنا هالحين، أحنّك من غثاي.. وشينة أخلاقي"

‏كلما حاولت تتناساه ‏يصفعك الشُوق ويوجع قلبك ‏وينهش ضلُوعك ‏وتسَأل نفسك ليه ؟ ‏ليه هالشُوق يزيد مايقّل مع الوقت.

يرضيك حتى العيد باقي له ايام لاجابك الواجب ولا جابك الشوق؟.

ليتك ردي واقول ماهي غريبه لكنك اطيب من عرفته بدنياي.

"لو إن الزمن قادر يرجعك، بين يدي من يرجعك في نظرتي؟ مثل ما كنت"

عفى الله عن مواعيد انتظارك والسنين حيام ‏وقفت وما معي غير الوله واقف ومتسامي ‏يخوفني ضجيج الشوق لا ارتاد الطريق العام ‏وتغيرت بكل اتجاهاتي وتأثيري وهندامي ‏حرارة فقدك اقسى ما تجيبه بارد الانسام ‏وانا للحين من حر المفارق.. ترجف عظامي!

تراني من هذاك اليوم لا ميّت ولاني حيّ ‏ولا أدري عن جميع الناس قاصيها ودانيها ‏أمانه وش معي ولا وش اللي من غيابك لي ‏يا كود الونّه اللي ما تعدت صدر راعيها

لا قادر أقرب .. ولا قادر أنساه ‏ومشاعري له ما تمللت منها ‏راح وقلبي محتفظ في بقاياه ‏حاجات ما تغنيني الناس عنها

وشلون اقفي وابتعد عنك بالذات ‏وانا ليا من ضاق صدري نصيتك ‏ياللي مكانك داخل القلب مامات ‏عقب البطى ماكني الا بديتك ‏نعم بكيتك مرّه وعشر مرات ‏وهاللحين لامني ذكرتك .. بكيتك

‏رغم التعب رغم الشقاء والمعانات ‏ وطول السنين وغيبتك ما نسيتك ‏حتى ولو سجيت في بعض الاوقات ‏ ما فيه يوم من الدعاء الا نويتك ‏جيتك ودمعي حار وافكاري شتات ‏ واقفيت عنك وصاح قلبي وجيتك