‏﮼رُوح

مُبتغاي الأن أجلس على نفود ‏في الربع الخالي لحالي والقهوة ‏ما تنقطع أشرب ‏ليل ونهار أقرا قصايد ومحد يسأل ‏عني ولا أسال ‏عن أحد عااااايفه البشرية من زمان ‏والأن أحس ‏بحومة كبد وبرود وغلقه وغرابة شعُور. ‏

مرات يكون انتقامك بأنك تهدأ، وقلبك يعوف الدرب بكبره حتى خاطرك يطيب، يعوف الأيام والذكريات باللي فيها ، مو ضروري كل مرة يكون عوض الله على هيئة شخص، مرات يكون العوض ‏إنتقال روحي.. شيء في صدرك يعوف كل اللي فات ‏ويكمل بخفة .

مُبتغاي الأن أجلس على نفود ‏في الربع الخالي لحالي والشاهي ‏ما ينقطع أشرب ‏ليل ونهار أقراء قصايد ومحد يسأل ‏عني ولا أسال ‏عن أحد عااااايفه البشرية من زمان ‏والأن أحس ‏بحومة كبد وبرود وغلقه وغرابة شعُور. ‏

تغيرت بشكل مُرعب من — شخص عاطفي — لشخص والله لو تحط الشمس والقمر بكفي ما راح انتبه لك

في نص الرحلة قررت ترك كل الأشرعة ‏لا السفينة تهمني ‏ولا الرياح تخيفني ‏ولا عاد هي فارقه

‏سبب استمراريّتي مرةً بعد مرة : "أنا كل صبح أغسل وجهي وقلبي" وفي رواية أخرى : "أنا كل ما هزمني الليل! أجي للصبح متلون"

‏الوّكاد إني سريت العمر ‏وأعلنت إرتحالي ‏وإسترحت بغربتي عن كل ‏دربٍ كنت أهيمه.

‏ما بقى في تالي الخطوة ‏طريق ‏وما بقى في زحمة الصحبة ‏رفيق ‏كل تنهيدة بغصة/ وكل ظلٍ صرت ‏أخا ا ا ا ا فة .

‏ياشينها يا إنسان لا صارو كل اللي حولك يعاتبوك ‏" كيف كنت وكيف صرت " ‏ودّك تعلمهم إنك فقدت رحابة صدرك ‏وتتكلم بعالي الصوت وتقولهم إنك مو ‏سيئ بس الأيام عاثت بك حتى صار ‏قلبّك أضيق من ثقب أبره.

« مطرح ما تأمن خاف » ‏معقول المكان اللي أستأمن فيه نفسي ‏وأحس فيه بالأمان أكثر مكان آخافه ! ‏وين المرء يروح و يستأمن ويستريح من خوفه ‏ولكن تجاهد حتى في منطقة أمانك يا إنساااااااان!

‏حسافة صدق الشعُور ‏ولا أنت عابر وما عليك حسوفه.

‏تعبت من الجفا لاني ابيه بخيره و شره ‏ولكن عزتي ضدي تشوف افعاله بمجهر ‏رضيت استسلم لعقلي وقلبي مارضخ مره ‏يقول ان فازت العزه ترى الفرقا بعد تقهر ‏احس اني من الحيره صغيرٍ ماسكٍ جمره ‏اباكابر و لكني لقيت ان حرقتي اكبر

يالله إني دخيلك من شتات الأمور.

‏" كثر ما خفت من قسوة بلادك عشت في منفاي أخاف أرجع بلا قيمة وأخاف ‏أبقى وانا ملهوف “.

والحاصل أنيّ : كل ما أقفيت ناداني تعال والبلا أني كل ما أقبلت عزّم بالرحيل".

‏قلبي الي لواه من الصواديف لاوي ‏جرحته الليالي والحظوظ الردية ‏والله اني بوسط الناس كني خلاوي ‏من يلوم المفارق عقب فرقا خويه ‏أشهد ان المفارق من عظيم البلاوي ‏مير هذا نصيبك يا العيون الشقية

‏شلون تهجرني وانا مالي على الهجر احتمال ‏ وشلون تهملني وانا ماني اطيق اهمالها ‏وشلون تقطعني بـ سيف البعد قطاع الوصال ‏وانا لو اقطع عرق قلبي . . ما قطعت وصالها ‏وشلون ما تشتاق، ما ترحم ،ما تذكر، ماتسال ‏وشلون ما تطلق يدييين كبلتّ بـ اغلالها؟