Ijod bahsi

* * * «Сўзларида - эзгу бир ният Кўзларида мусаффо матлаб. Қашшоқликни алқаб куйлар у, Куйлар у бойликни лаънатлаб. Юрагимга босай дейману, Ҳар каломи дардга дорунинг... Қўшиғига ишонолмайман, Овозида шира бор унинг». Матназар АБДУЛҲАКИМ ijod_zarblari

ЛАҲЗА Сен гуллар расмини чизарсан: Япроқлару яшил гиламлар. Бармоғингни бир ўпмоқ учун Навбат кутар рангли қаламлар. Мен челак расмини чизарман, Биласанку, бор ҳунарим шу. Мен челак расмини чизарман, Келтиргани гулларингга сув… ©Шаҳриёр Шавкат ijod_zarblari

AЛҚИССA На мажнунман, на саҳро бор, на теграмда кучуклар, на уйғоқман, на ухлоқман, на қалбимда учуқлар. Морбозимнинг нони тужжор кетмонида чопилди, Додхоларим пора олди, "ёпди-ёпди" – ёпилди. Манам оғзимни ёпдим... Шеър бор дедим, ҳасса ниқтаб қувди кекса ҳассослар, "Мундай севин, мундай соғин", гап ўргатди – ҳиссозлар. Баққоллар-у, даллоллар-у, ғассоллар-у, восвослар Кийикнусха кўнглимни кўп қувди-қувди ҳаллослаб, Манам чўққига чопдим!.. Бўри билан бўза ичдим, оҳу билан оғулар, Мани чол деб сернасиҳат қўшиқ айтди чолғулар, Кел, эй сархуш, кўзамиз бўш, "хўш-хўш" дема, сендекман, Фақирман деб ойга боқдим, ялт этди у – тентакман, Манам тиллани топдим... Ёқма, балки бу кўрпанинг чин хожаси бургадир? Қайси ботир соясининг доясидан ҳуркадир? Ким хатарда ҳурпаймаса, пати юлиқ куркадир. Ҳақим қолди тишларинда. Бирга-бирми? Бирга-бир! Манам кучукни қопдим! Кураш – қўлдан келгани шу, савил ғурур хастамас, Кураш – қўлдан кетгани шу, қасос борар қасдма-қасд. Эл қатори уйдан чиқиб исён ила ҳар нафас – "Мана сенга! Мана сенга!" (шамширимда басма-бас) Манам шамолни чопдим... Шаҳриёр Шавкат ijod_zarblari

​​​​ЁМҒИРОЙ Мен сени севаман, Ёмғирой, Севаман, энтикиб, соғиниб. Кетсайдим, тупроққа сингиблар, Сен билан осмондан ёғилиб. Марвариддай жамолинг бордир, Айланай, дур жончаларингдан. Ёғ, ёғавер, юзларимга ёғ, Бўса олай, томчиларингдан. Сен ҳам мени севасан, асли, Ишқинг сочиб титроқчаларга. Айтолмайин, севаман дея, Шивирлайсан, япроқчаларга. Ишқдан кўнглинг совийди дарров, Ва айланиб кетарсан қорга. Бевафолар дастидан нолиб, Айтиб бергин, бориб баҳорга. Севасан, ёғасан, сингасан, Дийдорга етишмоқ туш эди... Иккимизнинг висолимиздан, Айирган - у ёмғирпўш эди. Соғинчдан толиққан осмонни, Бағри узра бир абри сиёҳ. Яна ёғар бўлсанг, Ёмғирой, Бошимгамас, юрагимга ёғ! Мен сени севаман, Ёмғирой. . . Ўлмасбек Самарқандий. ijod_zarblari

Assalomu alaykum, azizlar, she'riyatga, mehr-muhabbatga oshufta dillar! 🌷🌷🌷 Bugun 14-mart, dushanba. Yana bir go'zal tongda sog'-salomat uyg'otgan Allohga behisob hamdu sanolar bo'lsin! Sizlarga bahoriy musaffolik, go'zallik, beg'uborlik doimo hamroh bo'lsin. Boshlagan kuningiz xayrli, mazmunlarga boy bo'lsin. 🌷🌷🌷 Yaqinlaringizni ardoqlab yashang, o'zingizga bo'lgan ishonch sizni tark etmasin. Bahor havosiday musaffo qalblaringizga g'ubor qo'nmasin 🌷🌷🌷 Bizga qo'shiling ☘🌸☘🌸☘🌺☘🌸☘🌸☘ https://t.me/ijod_zarblari

* * * Aфсус, меники эмас-да осмон, Меники эмас-да тўрт тараф – қибла. Ойнинг хўжаси эмасман. Кимгадир қарашли қуёш ҳам. Оппоқ каптарнинг қанотин Мендан олдин кимдир силаган. Шўрлик бахтни ҳам мен келмасимдан Кимдир кимгадир тилаган. Афсус, меники эмас-да кундуз ҳам, Кутиб олганимиш уни соялар. Меники эмас-да сўзлар ҳам, Ҳаммасининг шафқатсиз эгалари бор... Мен... Болалигимни совға қилмоқчи эдим, Унинг ҳам эгаси тикилди Кўзингдан – Сенинг болалигинг... Азиз Саид Bizga qo'shiling 🌹🌹🌹 🌹🌹🌹 https://t.me/ijod_zarblari. 🌹🌹🌹

Nega shuncha go'zal ko'rinar olam, Nega qarab to'ymas ko'zlarim?! Nega jo'sh uradi ko'piradi qon, Nega misday qizir yuzlarim!? 🌺 https://t.me/ijod_zarblari

Hayot lazzatlaring bir lahzaligu, Lekin azoblaring asrday uzun. Qisqa umrimizda nelar ko'rdiku, Nelarni ko'rmasdan ketyapmiz mahzun. Elnur Bizga qo'shiling 💥💥💥 https://t.me/ijod_zarblari

МЕХР СЎЗИ... 🎙Шерзод Карим https://t.me/ijod_zarblari