Anixkdp

نتمنا كاع خوت لي في قناة يكونو بخير وعلى الف خير يارب و يكونو اهل ديالكم كذلك بكل خير يارب وبنسبة لناس لتوفات في هاد زلزال يارب اغفر لهم وارحمهم وعافهم واعف عنهم وأكرم نزلهم وأوسع مدخلهم وتقبلهم عندك في الشهداء و الله اشف المصابين واجمع شمل المشردين.. اللهم أجرنا في مصيبتنا واخلفنا خيرا منها... اللهم ارزقنا حسن فهم رسائلك إلينا إنا لله وإنا إليه راجعون..😞

سلام عليكم صباح لخير لقيت هاد لموقع فيها بزااااف ادوات يقدرو يفيدكم ضروري فشي حاجة ماشي بضرورة في kdp باش زوين بان ليا جامع كلشي حتى تستكشفوه ان شاء الله https://tinywow.com/tools

سلام عليكم لبارح حطيت منشور بلي جاتني مبيعة وحدة من targeting product وليوما صباح قلبت لقيت تزادو جوج مبيعات يعني هاد طريقة استهداف منتوجات خدامة مزيان كنحاول نشارك معاكم كل خطوة ان شاء الله ملي نتمكن من اعلانات ندير ليكم فيديو ونشرح ليكم كيما لعادة فابور تقريبا بنفس طريقة في هاد لفيديو ولكن غير حنا كنستهدفو لكتب https://youtu.be/6yeAZkDjeD0 الله يسر ليكم يارب ويوفقكم 🤍

لكتاب كيولي يبان هنا يعني منافس مع هذاك لي كيجيب زوار بزااف حيث عندو تقييمات بزاااف ناس كيدخلهوم لفضول و كيدخلو عندو يقدر مايعجبهومش لكتاب و يهبطو لتحت و يتقداو عندكم نتوما هاد اعلان كيتسمى Product targeting

سلام عليكم لاباس بخير هادي ثاني مرة ندوي على ادس مزال معنديش تجربة فيه مزال غير كنخربق و كنجرب من بعد اعلان لدرت قبل اعلان اتوماتيكي دابا شي 3 ايام طلقت حملة اعلانية نستهدف بيها منتوجات كتب دابا كاينين 4 انواع حملات اعلانية Targeting keywords automatic Targeting product Targeting category حاليا انا دابا جربت فقط targeting bi keywords, automatic , product لي صدق ليا هو ديال اتوماتيك و ديال بروداكت يالاه جاتني فيها مبيعة وحدة في مدة 3 ايام تقريبا بنسبة لهاد نوع ديال اعلان كنستهدفو بيه فقط منتجات مثلا عندكم كتاب ديال لوݣ بوك خاص بقياس دم يعني في اعلان كتختارو فقط دوك كتب لي حاطين منافسين نفس نيتش لي عندهم علاقة وطيدة بنيتش ديالكم و متصدرين لقائمة و كيجيبو زوار كثار يعني ملي كيدخل زبون كيهبط لتحت كيلقا لكتاب ديالكم طالع تما ويقدر زبون يشري ولكن ضروري من جذب زبون بغلاف يكون ناضي و ثمن يكون هابط على لمنافس بشوية لي بغا يفهم فكرة كثر يكتب في يوتيب 👇 product targeting ads amazon ملاحظة : جميع طرق اعلانات موجودة في يوتيب مهم قلت نشارك معاكم تجربة صغيرة ديال اعلانات لي مزال عاد بادي فيها

سلام عليكم لخوت لاباس عليكم بخير غبرت عليكم شوية جاتني واحد لخدمة في واحد شركة وقلت مرحبا 8 سوايع مرة صباح مرة عشية مرة ليل في مدة جوج سيمانات خدمت هاد اوقات ڤيزيبلات تخربقو ليا كنجي لدار كيبان ليا غير نعاس بكل صراحة انا ضد لخدمة في شركة و لكن عارف راسي عمري طولت فشي شركة اطول شركة طولت فيها ضربت فيها شهر ونص 😁 غير شي مخططات شخصية لا داعي لذكرها قناة تلغرام فيها صحاب عائلة كيما قلت في منشور سابق مكنبغيش نبقا متبوع اش درتي فين وصلتي واش ربحتي مهم هاد لخدمة بغيت نديرها كتجربة بحال اول مرة غادي نبدا شي حاجة في انترنت بفلوسها نحاول نطور بيها شي حاجة يا اما تجارة او او حيث صالير ديال 100 درهم في يوم راه كنت خدام في واحد ضومين لا داعي لذكره كنت كندخل اضعاف ديالو في يوم واحد ومزال يمكن حتى دابا ندخل منو اضعاف حيث عندي تجربة كبيرة ولكن كنت كنجهل انه حرام و من ترك شيء لله عوضه الله خير منه اللهم 100 درهم في شركة حسن من 1000 درهم حرام كيما كيݣول لمثل لمغربي الى كانت حاجتك عند لكلب ݣوليه سيدي 😁 يعني صبر ثم صبر مايمكنش كولشي غادي يعجبنا ضروري شي حوايج نصبرو باش نوصلو داكشي لي باغين مهم هاد شركة دايرها قنطرة لشي حاجة اخرى حمدلله خدمت مع ناس فشكل وباش زوينة هاد شركة فيها ضومين لي قريت في centre ݣالو ليا بغيناك تعلم وتخدم في نفس لوقت ماشي غير تخدم وحتى معاملة باطرون زوينة كيجي كيسلم عليك شاف كذلك مثال كتحس براسك خدام ومرتاح وخا هاكاك الحمدلله من اهم لحوايج بغيت ارباح kdp نصرفهوم في اعلانات وخلصة شركة نخدم بيهوم في حاجة اخرى X والجميل في الامر دابا عطاوني كونجي 😂 حسو بيا ݣالو ليا رتاح افتاح ____ اسم ديال هاد لبيرو لي دفعت ليهوم في شهر 12 Forems عنوان قدس الدارالبيضاء باش زوين هاد لبيرو جميع شركات لي كيصيفطو ليها كيكون عندهم طرونسبور وتعامل ديالهوم زوين

سلام عليكم ليوما نهضر ليكوم على اول تجربة بسيطة ليا في  اعلانات ݣاع لي طلقت تقريبا شي 6 كتوبة  درتهوم  فقط اتوماتيك ومصدقوش ليا من غير هادي ومنافسة قليلة حنى تقريبا 116 واحد هاد  لكتاب جاب  ليا 120 دولار   بلى اعلانات   وقلت علاش منديرش ليها ادس  رباح وليت كنربح فيه دولار واحد تقريبا حيث منافسين مزادوش في ثمن و مبغيتش نغامر ونزيد في ثمن مهم هاد لكتاب بديتو ب $0.20 bid وبقيت كل نهار كنزيد  في لبيد $0.03 يعني كل نهار كندير $0.23 حتى وصلتو $0.30 وحبست و ملي جاب ليا مبيعات رجعت نقصت $0.03 مرة وحدة ولات $0.27 و مع ذلك تزادو جوج مبيعات ملي غادي يشد بلاصتو مزيان غادي نزيد نهبط لبيد 0.24 مهم خسرت 10 دولار في مجموع و وربحت 111 دولار 😂 غير ضاحك معاكم ربحت فقط 17 دولار هاديك 111 دولار هو فقط مجموع لمبيعات انا عندي فقط دولار وشي سينتات في كل مبيعة acos فيما كيكون قل من ٪20 يعني كتعرف راسكم رابحين كان اكثر من 20٪ يعني كتكونو يا اما تعادل او خاسرين مهم ملي نعرف نحسب هادشي مزيان غادي نشرح ليكم بتفاصيل اكثر ان شاء الله هادي فقط  تجربة قلت نشاركها معاكم بلى ما تسولوني على اعلانات حيث مزال عاد مبتدئ 😂

نشر كتاب في امازون مكرهتش نعرف راي ديالكم في pc كيبان ليا حسن لحقاش تصاور كيبانو كبار او واضحين https://infonixkdp.blogspot.com/2023/07/how-to-upload-your-book-on-amazon.html?m=1

سلام عليكم لخوت كنتمنى تكونو بخير وفي افضل الأحوال ان شاء الله بالنسبة لناس لي عمرهم نشرو شي كتاب في امازون ليوم او غدا ان شاء الله غادي نحط في الموقع خطوات كيفاش يتحط اول كتاب في امازون بلى مايشوف فيديو فيه 20 دقيقة او اكثر ويبقا play pause play pause play pause play pause play pause غادي نحط داكشي بترتيب بتصاور و تبعو فقط خطوات ويبقا عندكم كمرجع وهاكا مغاديش تحتاج تسولو حتى واحد مزال و مغاديش تشوفو حتى فيديو ديال شي حد لي يبقا عليكم بالهضرة كثر من تطبيق

ما مسَّني اليأسُ مِن رَحمَتِكَ، وَمَا عَادَت يدايَ فِي الدعاءِ لَك صِفرًا، أؤمنُ أنَّك حِين تُعطِي تُعطِي فَوقَ مَا نَتَمَنَّى، وتهبُ أَكثر ممّا نحلم لكنَّنا دومًا نستعجل. 🤍

سلام عليكم استغليت لفرصة صاوبت هاد فيديوات حيث ايام لي جايا مغاديش نكون بقا ليا فيديو واحد او جوج ديال لكوڤر غادي نحاول نقادو ليوما و نحطو حتى هو في لقناة بالنسبة لناس لي بغاو يخدمو بتليفون و معندهومش pc بحال هاكا مغادي يبقا عذر لحتى واحد ان شاء الله

هادي صفحة وحدة من بين 10 صفحات فقط تاكيد بلي نيتشات خارج امازون وانا اي موقع كندخل ليه خارج امازون ضروري مكنلقا بعض نيتشات من نيتشات لي حاط انا