بتحكـي:💭❤️❤️

طين العذاب😔

بعد مواقف كتيرة ح تعرفي انو العلاقات و تقيمك للراجل ما بس بالصفات الرهيبة الأنتِ كنتي عاوزاها في شريك حياتك و ما عاوزة غيرها ..! ح تعرفي انو زولك الأنتِ عايزاهو مهم يكون عاوزك بجد و عاوزك علشانك ، علشان عيوبك قبل محاسنك و علشان انتِ ناقصة مرات كتيرة و هو حقيقي كمالك و عارفك أنتِ شنو ❤ و ح تعرفي انو ليه دايما بتتوهي و ح تلقي الجواب عندو و انو مهما الدنيا جارت عليك ح يكون سندك و يطبطب عليك .. فكرة الشريك ما بس زول رهيب ، نحنا كلنا رهيبين في نظر ناس كتار لكن م مناسبين أننا نبدأ حياة فيها مشاركة لصفاتنا الأتنين ، حلوين من بره لكن جوانا ما بتماشى مع أي زول إلا القلبو علينا و عاوزنا كده ( بالعولاق حقنا و هبالتنا كلها ) . بالنسبة لي و للأبد الحنية تفوز ما بس جملة بتتكتب لا حقيقي الحنية هي الأساس العظيم البهون كل قاسي ، تلاقي اليطبطب عليك و يقول ليك بتهون و الكلمة منو و اهتمامو بالتفاصيل الأنتِ اصلاً ناسياها هو بالجد حاجة سمحة و حلوة في حياتك ، الحياة ح تمشي و الزواج ح يكون بيت مليان بالحب و المودة و الأيام ح تكون ماشة بالبركة و ح تجيبي أطفال سويين و حياتهم ماشه كويس ❤ أي علاقة ما حاسه أنها بترضي الجواك و شخصيتك و حتكوني فيها طبيعية و مرتاحة ، ما تمشي خطوة ل قدام ، ما علشان المجتمع و علشان هو رهيب لا حبيبتي علشانك أنتِ ❤ كفاية تطبيل و فرص مهدورة في ناس غلط 💙

اي زول بيعاقبك بالسكات .. دي درجة من درجات الأبيوز و عن نفسي بشوفا من أسوأ الأبيوز على الإطلاق اي افهم انك زعلان ما عايز تتكلم هسي ساعة ساعتين .. يوم يومين لكن اختفي و اسكت تماما و اكون عايش حياتي مبسوط بل و بوريك اني مبسوط و بتكلم مع كل الناس الا انت عشان عايز الوي يدك و اقهرك و اربيك !! I don’t know if this is not abuse then what would it be انت معاقب انت مختوت في الnaughty corner عشان انت naughty و انت/ انتِ تقعد تضرب اخماس في اسداس و و تلف حوالين نفسك في دواير و انت مهمل ، غير محترم و انسانيتك غير مقدرة ! دي دايرة شريرة شديد و صعب جدا كسرها .. لأنه الزول دة مسبقا لفاك بي قيود من حرير تحت وهم الحب انت فريسة في مصيدة But guess what U can break it بتقدر تكسر المصيدة دي و تمشي ما دايما براك .. ممكن تحتاج دعم تحتاج مساندة انا بفتكر الزول الواقع عليه emotional abuse زيه و لربما حتى أسوأ من اللي واقع عليه physical abuse التاني عنده كدمات في جسمه بيقدر يثبت بيها الضرر الأولاني ما عنده غير نفسه الكسيرة و شخصيته المضطربة و حزنه الشديد على ذاته .. و دة أسوأ حاجة تحصل للبني ادم .. انه يفقد نفسه in whatever process

أحذف المحادثات اللي بتأذيك لما تقراها . أحذف أرقامهم . أعمل block و unfriend و mute . ولما تلاقيهم خلي حدّك معاهم بس السلام عليكم . أبعد أي مصدر طاقة سلبية من حياتك . أعمل كل اللي تقدر عليهو عشان تكون شخص سوي وأخلق بيئة إيجابية لنفسك . ابعد عن أي حاجة بتذكرك الآلام والماضي اللي بتحاول تتعافى منه . ممكن ما يكون عندك سيطرة على اللي منو يدخل حياتك ، لكن مفروض تتحكم في المكان اللي يكونو فيها بالنسبة ليك ومدة وجودهم في حياتك . - لا تضع أبدا شخصا مؤقتا في وضع دائم في حياتك . و إتذكر .. مفروض تحمي نفسك حماية كاملة من أي شيء أو أي شخص يكلفك راحة البال ، من أي شيء أو أي شخص يسبب ليك ألم أو أذى عاطفي أو نفسي🤍🌸 .

بتحكي قالت 💛✨ . يوم زواجي وأنا قاعده في الكوافير لقيت صحبتي داخله علي ومعاها علب "أكل" ، قعدت جنبي أكلتني ونضفت مكان ما أكلت. مكالماتهم كل ساعه وجمله "محتاجه حاجه نعملها" من ناس ما بتقدر تجزيهم ، شعري السرحتو لي صحبتي وهيا مبتسمه وبوسه علي راسي بعد ماخلصت واحده واقفه علي جنب بتوصف الطريق للشاب الجاي يصور السيشن ، وواحده تانيه بتعدلي الفستان وواقفه علي راس الميكب أرتيست أتجمعوا حواليا في الصاله وبنظرات منهم حسستني "أني عرفت أختار صح" ، منهم الماسكه مناديل وبتمسحلي العرق ، ومنهم البتتأكد إنو ما ناقصني حاجه ، ومنهم القاعده جنبي تطمني وماسكه "بوكيه الورد" 🌸 تجهيزات قبلها كانت قروب خاص بينهم ، لمتهم جمبي ومشاكلهم علي لبسي عشان كل واحده ليها رأي ولمسه خاصه ، حرصهم علي أني أطلع "جميله" ❤🌸 شنطه ميكب مع واحده فيهم عشان لو حاجه باظت في وشي ، برشامه الصداع في إيد واحده منهم عشان لو حسيت بألم في راسي ، بيوصوا العريس علي ، حضنوني وهما متبتين فيا كأنهم بيقولو لي "علي قدر فرحتنا زعلانين إنك حتمشي ، بس احنا ح نجيك كل شويه في بيتك"" اليوم دا بس حسيت إني مسؤوله من كل واحده فيهم" ❤

"حيِّرتَ قَلبيِّ معاكْ، خليتو بيِّكْ مشغُّول..💚🌻" في كُوبليه من أُغنية "حيّرت قَلبي معاكْ" بيقول: ﻳﺎ ﻣﺎ ﻗَﻀﻴّﺖْ أﻳﺎﻡ أبني ﺍلأﻣﺎﻧﻲ ﻋﻠﻴﻚْ.." ﻭ أﺗﺮﺟِﻢْ ﺍلآﻻﻡ ،ﻣُﻨﻴﺘﻲ عسايَ ﻳﺮﺿﻴِّﻚ.." ﻭ أﺧﻔﻲ ﺍﻟﺪُﻣﻮﻉ ﻋَﻨﻚْ..ﻭ أﺿﺤﻚْ أﻣﺎﻡ ﻋﻴﻨﻴّﻚ.." ﻭ ﺗﻔﻴّﺾ ﻋﻴﻮﻧﻲّ ﺣَﻨﺎﻥْ ﻟﻤﻦْ ﺗﻌﺎﻳِّﻦ ﻟﻴِّﻚْ.." ما أصلو القُلوبْ حَباكْ.. حيِّرتَ قلبي معاكْ.." _ الزول الصاح لما تكون معاه، ما حتكونْ مجبور إنك تخفي عنو الحاجات البتزعلك، و دموعكْ، والحاجات البتضايقك.. طالما هو بيحبكْ دا يبقى إنو لازم يتقبلك في كُل حالاتك، فلما تصل لمرحلة إنك تخفي التفاصيل البتضايقك عنو، عشان خايف من ردة فعلو مثلاً، أو خايف إنو يقلل من قيمة الحاجة البتضايقك، دا طوالي تعمل ليهو دليِّت من حياتكْ. الزول البيحبكْ عمرو ما بقلل من قيمة الحاجة البتزعلك، بالعكس بعيشها معاك حتى لو كانت مُشكلة تافهة.. في بنات ممكن تبكي، لو أظهرها إتكسر مثلاً، حنشوفها حاجة تافهة بحجة إنو أيام يرجع يقوم تاني، بس إنت ما حتكون حاسي بالوجع المعنوي الحصل لما إتكسر.. فالشاعر قال أخفي الدموع عنك و أضحك أمام عيّنيكْ، و تفيض عيوني حنانْ لمنْ تعاين ليك.. فهو هنا فعلاً كان واقع في غرام زول غلط، أو بمعنى آخر أناني ما بحب إلا نفسو.. المفروض إنو دموعي ما أخفيها عنكْ، ما مجبور أدسها ورا الضحكة عشان خاطرك إنتَ.. و بعدين قُول دسيت دموعي و ضحكت ليك معقولة ما حتحس إنو أنا قاعد أمثل قدامك، إذن إنت ما حبيتني من الآخر كدا. //و في نفس الأغنية رجع قال: ﻳﺎ ﻋﺎﻃﻔﺔ ﻓﻲ ﺍﻟﻮِﺟﺪﺍﻥْ ،، ﻳﺎ ﺻُﻮﺭﺓ ﺳﺎﻛﻨﺔ ﺍﻟﻌﻴﻦْ.." ﻳﺎ ﻣِﻦْ ﺑِﻨﻮﺭ ﻣﺤﻴﺎﻙْ ،، أﺳﻌﺪﺕ ﻛُﻞ ﺣﺰﻳِّﻦ.." ﻃﺎﻭﻋﺖ ﻇَﻨﻚْ ﻟﻴﻪ ﻓﺮﻗﺖ ﺑﻴّﻦ ﻗﻠﺒﻴﻦ ،، ﻭ ﻗﻄﻌﺖ ﺣﺒﻞ ﺍﻟﻮﺩ ﺍﻟﻜﺎﻥ ﺯﻣﺎﻥ ﻣَﻮﺻُﻮﻝ.." ﻳﺎ ﺣﺒﻲّ ﻣﺎ أﻗﺴﺎﻙْ ،، ﺣﻴِّﺮﺕْ ﻗﻠﺒﻲِّ ﻣﻌﺎﻙْ.." _العلاقات البتخصم من المشاعر دي مافي داعي ليها، ما تجبر نفسك إنها تكون في مكان مافي تقدير ليها، مهما كانت نسبة حبكْ كبيرة تجاه زول مُعيّنْ، مُجرد ما يقييم مشاعر و بيتعامل معاها كأنها قميص ممكن يجدعو و يرجع يلبسو وقت ما هو عايزو طوالي أفصلو.. ما تخت في إعتبار إني إتحمل القسوة و الصدود بحجة إنو حيتغير، ما هو المفروض من الأول ما واثق من مشاعرك تجاهك يصارحك عديل عشان ما يعيشكْ في وهم، و تكون جاري وراع بحجة أنو أنا بحبو.. و في المُنتهى.. إنت أولى بمشاعركْ، ما تديها كٌلها مهما كانتْ نسبة حُبكْ، فدايماً خلي لكرامتك وجود، البحبك بجد ما حيجي يوم تمثل قدامو، و لا حيجي يوم تخفي دموعك عنو و الحاجات البتضايقك. بالعكس ما محتاج تقولها ولا تتكلم، لإنو حيحس بيها أول ما يشوفك، أو ما يسمع صوتكْ،و طريقة كلامك وردود أفعالك. #عند_المُفترق.. ﻋﺎﻫﺪﺕ ﻗﻠﺒﻲ أﻋﻴﺶ ﺭﺍﺿﻲ ﺍﻟﺴﻬﺎﺩ ﻭ ﺍﻟﺒﻴّﻦ.." ﻳﻤﻜﻦ أﺻﻞ ﻓﻲ ﻳُﻮﻡ ﻏﺎﻳﺔ ﺍلأﻣﻞ ﻳﺎ ﺯﻳﻦ.." ﻭ آﺧﺮ ﻃﺮﻳﻖ ﺍﻟﺸُﻮﻕ ﺍﻟﺴﺮﺕ ﻓﻴﻬﻮ ﺳﻨﻴّﻦ ،، ﺑﻴﻦ ﺍلأﻣﻞ ﻳﺎ ﺣﺒﻴﺐ ﻭ ﺍﻟﺨﻮﻑ ﻣﻦ ﺍﻟﻤﺠﻬﻮﻝْ.." ﻣﻦ إنيﻧ ﻣﺎ أﻟﻘﺎﻙْ ،، ﺣﻴّﺮﺕ ﻗﻠﺒﻲ ﻣﻌﺎﻙ.." "محجوب سُراج/ ثُنائي العاصمة" #ديناريتو. #مُحمدالمُصطفى_عيِّد.

قبل شهرين كنت سنجل وكدا المهم نفسي ف مزه تحتويني ، لقيت واحده عمرها 25 من الفيس حنكتا معاها علي اساس عمري 30 و رسائل و اهتمام و مكالمات بعد اسبوعين العلاقه اتطورت واحلام ورديه واعيشك ملكه وفلسفه ، رسلت ليها خاتم عجبها .. قالت لي : حبيبي ربنا يخليك لي.. وانا خلاص عيوني بقت عصافير حب عديل.. ف يوم كدا قالت لي : مشتاقه ليك وعايزه اشوفك فجأه ف عز البرد بديت اعرق وريقي نشف واللسان اتشلى ، بعد نقاش طويل حددنا مكان نتلاقى فيهو ، حنكت ليها انو ح يجي يلاقيها اخوي الصغير عمرو 23 سنه المهم مشيت لاقيتها واتونستا معاها وطلعت مزه وقوام كيف وجمال كيف بقيت اعاين و اصلي علي النبي.. المهم قلتا اعترف ليها بعمري وانا العريس ، لما وريتها التفاصيل وانو انا بحبها وعايزها لقدام وح اعيشها ملكه وح نحقق احلامنا مع بعض ونبني بيتنا ، قعدتت تضحك ربع ساعه وتقوم وتقع المطعم كلو يعاين ليها ، سكتت وطلعت 1000ج قالت لي : دا حق المواصلات بابا بكون طلع بدري وم أداك المصاريف .. وانا طالع صحبي كان مستنيني بالموتر قلت ليها : بالمناسبه الخاتم نحاس م فضه ي جقه ، بس والله حبيتك 💔

❤️❤️❤️❤️❤️