جايز تلاقي نفسك هنا🌿

كله يدخل يسمع الساوند بتاعي ومحدش ينسي يكتب كومنت حلو ❤

‏مينفعش تقول لحد بحبك وانت مش شايف منه اي حاجه تثبت الحب ده مينفعش تقول لحد كلمني وهو فاتح طول الوقت ومش معبرك ولما تيجي تكلمه يرد علي قد الكلمه ببرود،مينفعش تقول لحد انا محتاجك وهو مش مديك اي اهتمام او انك مجرد سد خانه مش اكتر.مينفعش حد يوحشك وانت مش في باله اصلاً كرامتك فوق الكل

لو هعدي موقف فــ علشان احافظ علي الحلو اللي بينا ،، بس مش معني كده اني مخدتش بالي منه او مزعلنيش ،، و لو حسيت اللي قدامي ممكن يتمادىٰ فيها ،، ساعتها مش هعدي الموقف بس لا والشخص كمان ،، وكأنه ولا كان موجود في يوم ،، لان الانسان طاقه وكتر الضغط بيزهق وهيولد انفجار احنا في غني عنه ..

الإنسان المُفتقِد للأمان مبيدلعش، ومش قاصد يضايقك، ومش مبسوط بحاله ده، أزمة الإحساس بالأمان وفقدان الثقة في اللي حواليك مرتبطة بتجارب سيئة كتير مريت بيها، اتعرضت فيها للكذب، ويمكن الخيانة، وبيبقى صعب إنك ترجع تصدق في البشر تاني.. لما تدخل حياة إنسان بيعاني من الحالة دي لازم تتقبل إنه كده غصب عنه، كل كلمة بيحللها ١٠٠ مرة، كل موقف بيفكرله في ألف احتمال، دماغه بتعذبه، وخايف سكينة الغدر تفاجئه تاني في عز ما هو مطمن، وإحساسه بإنه مش كامل بيكويه، وهياخد فترة طويلة عشان يرجع لطبيعته القديمة.. هو مش مستني منك حب أد ما هو منتظر حنية وأمان وصدق، أمان قبل أي شيء، يطمِّن إنك اختارته بجد ومش هتمشي.. ولو اطمنلك وخذلته، عمره ما هيطمنلك تاني...

مش هتلاقي اكثر مني يديك فرص ويعديلك بس في مرة هتلاقيني جبت اخري واختفيت ولو اتشقلبت مش هتعرف تبقى في حياتي تاني.

تخيل إن مجرد علاقة سويه واحده تقدر تخلى الانسان يتعافى من مشاكل نفسيه كتير جدا، بل ممكن يتعافى تماما، علاقه صحية فيها تقبل وحب غير مشروط فيها، كل طرف بيدى الطرف التانى وضعه ويحسسه إنه طول الوقت مقبول، وان الغلط بيتعالج بالحب والتفاهم، علاقه واحده من دى تغنى عن الدنيا كلها بجد.

حتى الناس اللى برتاح معاهم فى الكلام مبعرفش اطلع اللى جوايا ليهم مبعرفش احكى مبعرفش اقول في كذا تاعبنى , مهما كانت درجة قرب الشخص ليا مبعرفش اعمل دا , جايز اتعودت انى اكون كدا او جايز ان الفضفضه مش بتريحنى , بس انا بقيت اتعب من كتر التفكير لوحدى

مشكلتى الأبديّة الكلام ، الكلام دايما بيخُون تعبيرى ومبيِديش لإحساسى حقه كما يجب ، مفتكرش مرة ان الكلام كفّى اللى جوايا سواء كان حلو أو وحش ، دايماً تعبير الوش وهز الرجلين وقرقضة الضوافر وكركبة البطن بيقولوا اللى مبيقدرش الكلام يقوله وغالباً بيبقوا أصدَق .

من أهم الحاجات اللي بتمناها إن شريك حياتي يكون safe zone بالنسبالي،ويسمعني من غير ما يزهق و يشاركني أي حاجه ، و يحبني في كل حالاتي،ويفهمني ديماً ، و اعرف احكيله كل مشاكلي ويعرف يطمني..ومكونش مُضطر إني أشرح نفسي وأبرر أفعالي ، وميهونش عليه زعلي ويكون معايا ال downs قبل ال ups.

Happy Eid ❤

الطبيعي في اي علاقه بشريّه بين اي اتنين انه يكون في خلافات ، بس اللي بيبيّن قوة العلاقه دي ازاي قدروا يتعاملوا مع الموقف وحالهم بقا ازاي مع بعض بعده

الدعاء ده عظيم جداً: استودعتك ما اخاف حدوثه ولا اريده أن يحدث ، استودعتك ربي كل دعوه دعيتها وفوضتها لك اللهم إني استودعك أيامى فأرني فيها مايسعدني يالله

أنا بكره جِداً التصرُفات الغير مُبررة، أي حاجة ليها تفسير بتبقي حِلوة حتي لو كانت نهايتها مُحزِنه، "People need an answer"، مبحبش حد يعلّق دماغي مع إحتمالّات مفتوحة، التفسير حِلو، متعملوش أي حاجة لأي حد بِدون سبب وتبرير واضح عشان الموضوع مؤذي جِداً والله.

انا لو رجع بيا الزمن تانى في حاجات كتير مكنتش هعملها، ف ناس كنت اتمنى مقابلهمش فى حياتى او يكون بينا اى تعامل، ف صدف كنت اتمنى انها متحصلش ودعوات كتير كنت بدعيها بلهفه مكنتش هدعيها من الاساس، مكنتش هتعشم ف حد، وكنت هفكر ف حاجات كتير قبل ما اعملها بتلقائيه وحُسن نيه.

واحد من أكبر المعارك النفسية إنك تكون too sensitive وفي نفس الوقت بتحاول تبين إنك عكس كدة وإنك مش بتاخد بالك او لو أخدت بالك فا انت عادي مش مضايق، بتوازن بين شعورك الحقيقي إللى جواك وبين إللى لازم تبينه للناس، وحقيقي دي مرحله من أكبر المعارك النفسية.

شكراً للناس اللي معانا بدون أسباب وبدون شروط، بدون مصالح، شكراً للناس اللي بتهون علينا دايماً واللي بيحبونا بجد من غير مقابل،الناس اللي طول مالواحد مقصر في حقهم مبيزعلوش، شكراً للناس اللي بتحب تشوفك كويس ومرتاح وتسمع عنك الخير وتفرحلك، شكراً للناس اللي بتحبك وبتحب تفرح لفرحك.

فكرة إن شخص بياخد من وقتُه وحيَّاته عشان يرد عليك on time لما تبعتلُه message دي حاجة جميلة جداً، بتحسسَّك قد إيه إنتَ قيِّم عنده لدرجة إن الـ notification بتاع إسمك كافي إنه يسيب إللي بيعملُه ويرُد عليك، هو أصلاً بيبقي مستنيك تتكلم، تقدير الشخص وإحترامه مش لازم تبقي حاجة معقدة

فكرة اني break my rules عشان خاطركم ومتقدروش أنا عملت ايه عشانكم دي مؤذية جداً، اني اغير حاجة جوايا واضحي وأعمل حاجة عكس شخصيتي لمجرد إني بحبكم وعايز اراضيكم، إني أعمل كده واتخذل في الآخر أو الاقي منكم عدم تقدير وبرود، بتبقي صعبة عليا جداً، بتقفلني منكم وبتكرهني فيكم والله.

انا بكرَه في الدنيا إنها بتضطر الواحد يضحي دايماً ، لدرجة اني كمان بقيت بكرَه فكرة الإختيار ما بين كذا حاجه ، وبيتعبني جدا ان حياتي مش بالسهوله الكافيه لإني آخد قرار اتفرج بس ومشاركش في اللي بيحصل ، تراكم كل شيء جويايا بقا شيء لا يُحتمل .