ڤِينْكَا

نفسي في حد يقولي غمضي عنيكي وهاتي إيدكي وأفتح الأقيني في طيارة تركيا . بسنت سيد .

أنت جاي الدنيا علشان توصل رسالة وتمشي . تسيب لاسمك أثر وبصمة تخلي الكل يدعيلك مش يدعي عليك . - لو أنت شايف نفسك إنسان بلا هدف بسبب ظروف أو عوائق يبقى أنت فعلا بلا هدف . - اسعَ وحاول وعافر ومتيأسش ربنا قادر يغير الحال وهيقف جمبك طول ما هو شايفك عايز تكون إنسان ليه مكانة . بسنت سيد .

أنا ملاحظة إن اليومين دول معظم الشعب تعب وأنا من ضمنكم برضو! - بس عايزة أقول حاجة «الكورونا مبتصيبش مؤمن» 🥲😂💔

أنا عمري ما هقولك هتلحقي وأديكي مجرد كلام وخلاص علشان كدا هبقى بغشك . حاولي تفصلي مخك عن أي حاجة ساعة واحدة استرخي فيها خالص وأعملي أي حاجة بتحبيها تحسسك بالسعادة وذاكري أد ما تقدري كويس وسيبي الباقي على ربنا وإن شاءالله ربنا هيكرمك المهم تسعي ببذل جهد وتعملي اللي عليكي وزيادة في الوقت المتبقي دا واعرفي كويس إن الخير فيما يختاره الله . ربنا معاك يارب ويوفقك يا جميل أنت وكل الطلبة والطالبات 🤍🤲🏻

الله🤍🤍!!!!! وأنا جدا أريد🥲🤍🤍

أنا أي حد بالنسبالي بيخرج بالنهار في الصيف هو كائن فضائي لأن مفيش إنسان عاقل ينزل بإرادته في الحر أبدا . بسنت سيد .

لما ضميرك يأنبك على غلط عملته أعرف إن ربنا بيحبك علشان كدا بيصحي ضميرك وفاتحلك بابه علشان تتوب . بسنت سيد .

النهايات أخلاق فعلا يا جماعة يعني عندكم مثلا أنا والبهايم العرر الواطيين اللي كنت أعرفهم عمرنا ما غلطنا في بعض خالص . بسنت سيد .

الناس الكويسة بس هي اللي يتزعل على فقدانها، فطول ما أنت حياتك فيها ناس كويسة عمرك ما هتزعل علشان هيفضلوا دايما موجودين . بسنت سيد .

متتأسفيش كلامك مفيهوش أي حاجة أنت بتشاركي برأيك وأسلوبك مهذب مفيش داعي للأسف 🤍 بس عايزة ألفت نظرك لحاجة يمكن مخدتيش بالك منها وهي إني قلتلها بطريقة غير مباشرة إن الرجالة ملهومش أمان في المسدج وأنت هنا قولتي إن هو نسيكي وأنت لأ . وبرضو وضحت إن الراجل الناضج بيحب بالطريقة الواقعية مش الخيالية بمعنى إن دا سوشيال أكيد مش هتكمل مهما كانت المدة ودا أنت أكدتيه برضو والدليل أهو أنه نسيكي فهمتيني؟ . إحنا كبنات بنتعامل بعواطفنا أكتر مش زي الولاد، هما الفرص سمحالهم كتير يعملوا موڤ أون بسرعة إنما إحنا لأ ممكن يوصل بينا الحزن على شخص واحد العمر كله عادي ودي فطرة . " بس هرجع وأكد وأقولك إن الراجل وليس الذكر لما بيحب بجد بتفضل البنت معششة جواه حتى لو كمل حياته عادي بس بتفضل مكانتها في قلبه موجودة ممكن متكونش قوية بس بتبقى ذكرى حميدة م منسية لأن حبهم بيبقى قوي جدا وصادق جدا " . - بس في سؤال ياريت تردي عليه،، هل حصل ما بينكم مقابلة فيس تو فيس كدا؟؟!

كنتُ لكَ شمعة مُنيرة أركانُكَ المُنطفِئة، وكنتَ لي الهواء الذي يطفِئُها كلما اشتعَلت . بسنت سيد .

متشيليش أي بلوك ولا تعملي حاجة وخليكي ثابتة على موقفك ومتتكلميش . طبعا العلاقة دي غلط بكل المقاييس أولا مفيش حب بيجي عن طريق السوشيال نهائي . ثانيا مفيش راجل يحب واحدة بجد من غير ما يشوفها أو يتكلم معاها في الطبيعة لأن الحب بييجي من تصرفات واقعية مش خيالية والراجل الناضج العاقل عارف يعني إيه كلمة حب،، ولكن في ذكور وفي مراهقيين بيتوهموا بالحب أو بالمشاعر العادية المؤقتة تحت باند الحب . ثالثا بقى ودا الأهم مفيش حد بيضيع مستقبله علشان حد با حبيبة قلبي خصوصا الولاد وثانوية عامة دي تحديد مصير هو مجرد كلمتين تأنيب ضميرك وخلاص ودا علشان حضرتك لا تعرفيه شكلا في الواقع ولا تعرفي شخصيته مهما كانت مدة الكلام بينكم ولا تعرفي طريقة تفكيره ولا شايفاه علشان تشوفيه هو بيتكلم صح ولا لا كله في مجرد كلام على أبلكيشن . اهتمي بدراستك كويس وذاكري كويس لأن محدش هينفعك علشان متندميش بعدين الناس بتروح وتيجي دراستك والسنة اللي بتعدي مبترجعش أبدا . بلاش تشوهوا الحب لأن مفيش حاجة اسمها حب سوشيال دا مجرد انجذاب مؤقت فقط 👌🏻

تقتكروا الإنسان يروح فين لما ميلاقيش حد يقوله أنا مش مبسوط!

أنا أجمد توكسيك ممكن تقابلوه في حياتكم . بسنت سيد .

أنا جيت الدنيا علشان ابني أحلام أعيش عليها، علشان أغلط وأتعلم من غلطي، علشان أتألم وأتعلم من كل علامة سابت أثر فيا، جيت الدنيا علشان أعافر وأقاوم وأقع وأقوم وأقع وأحاول لحد ما أوصل للي أنا عايزه . أنا متخلقتش علشان أبقى ملاك برئ بجناحات، أنا أتخلقت علشان أسيب مكانة ليا في الدنيا وأعملي مكانة في الآخرة مهما كانت الطريقة . بسنت سيد .

كله اهتم بالجلاليب البيضة ومحدش أتكلم عن الجلاليب السودا خير هي خرجت برا التصنيف ولا إيه! بسنت سيد .

- عزيزي زوجي المستقبلي عيش يا حبيبي حياتك براحتك كدا كدا أنا اللي هتجوزك في الآخر . بسنت سيد .

سِر في أي إتجاه تريده؛ فوالله لن أسمح لفتيات الليل يعوقن وصولك لنشأ عالمنا الخاص . - فأنا لكَ وأنتَ لي . بسنت سيد .

أنا أبان من برا عادي بس أنا من جوايا عايز أكل كشري .

اللهم صل على سيدنا محمد صلاةً تنحل بها العقد وتنفك بها الكرب وتفتح لنا بها أبواب الفرج يارب🤲🏻