ڤِينْكَا

🖤!!

جماعة أنتوا بتسموا نفسكوا على السوشيال ميديا أسامي غريبة ليه؟ هو أنتوا عليكم طار مثلا! حد ماسك عليكم ذلة طيب! ماهو أصل مش معقول في حد هيسرق صوركوا اللي أنتوا مش بتنزلوها من الإسم! اطلعوا بقى من جو حديقة الزهور اللي انتوا عايشين فيها دا ووحدوا الله واكتبوا اسمكم الحقيقي . بسنت سيد .

هو أنا كل ما أحب حد الظروف تاخده مني دا إيه الشغلانة المهببة دي! بسنت سيد .

اللي هلمحه بيسرق كتاباتي وبينسبها لإسمه همرجحه اللهم بلغت🤌🏻

كفاية تطبيل لبعض بقى كفااااية روحوا طبلوا على طبلة أحسن بدل المرار الطافح اللي الواحد بيشوفه دا . بسنت سيد .

أي حد مش لاقي حد يعيط معاه يجيلي أنا عاملة عرض عياط لمدة أسبوع يوميا ٢٤ ساعة من غير فواصل . بسنت سيد .

يارب أتجوز شاعر علشان كل ما أزعل منه يجيبني بكلمتين . بسنت سيد .

أنا غاوية قراءة روايات أوي، وأنت؟ . - أنا كمان غاوي قراءة . قراءة إيه؟ . - عيونك؛ قراءة عيونك علشان أحس بكل حاجة بتخبيها وعيونك بتفضحك بيها . بسنت سيد .

بكرة اللي جاي يبقى أحسن من اللي فات . - ولا مش أحسن كدا هنموت وكدا هنموت . بسنت سيد .

بما إن في ناس جديدة جت . أولا، فأحب أوجه كل حبي لكل الناس القديمة اللي معايا من بداية القناة وشكر إنهم لسا مكملين 🤍🤍 ثانيا، هعرفكم بنفسي سريعا كدا . أنا بسنت سيد عندي20 سنة بدرس في كلية حقوق جامعة القاهرة الفرقة التانية وبعد كام شهر هبقى في تالتة . أنا بكتب خواطر أو بوستات وبكتب أغاني أو قصص أو روايات ولو هفني الشوق ممكن أكتب شعر بس الأساسي إني كاتبة وليس شاعرة . - دي قناتي أنا وأنا اللي بنزل كل حاجة وكل اللي بينزل ملوش أي علاقة بحياتي الشخصية إطلاقا ولا ليها علاقة بتفكيري أو مبادئي كل الفكرة إن حاجة بتيجي في بالي بنزلها . عندي فيس وانستا ياريت تعملولي فولو علشان أحبكم أكتر وتتفاعلوا كدا بكرة أتشهر وأشهركم معايا دا هيبقى الفضل ليكم طبعا😂🤍 - وكمان أنا سنجل علشان الناس اللي بتبعتلي أنها مضايقة من بوستات الحب هو مش محن مني والله يا جماعة دي هواية مش أكتر😃 أتمنى بوستاتي تعجبكم وياريت تشوفوها من أولها هيفوتكوا كتير والله دا هما شهرين بس😂🤍 أخيرا بقى، كل الصور اللي موجودة أنا اللي مصمماها واللي فيهم كتاباتي وإن شاءالله هحضر حاجات كتير الفترة اللي جاية بس أخلص امتحانات 🤍 شكرا لمتابعتكم يا حبايب جلبي 😂🤍🤍🫂 .

أنا شخصيتي مش صعبة أنتوا اللي مش عارفين تفهموني . بسنت سيد .

يعني أنا لو مش سنجل هقول ليه إن أنا سنجل هخاف مثلا ما أنا سنجل فعلا يا بهايم يا بهايم يا بهايم . بسنت سيد .

ناس بتروح وناس بتيجي ومفيش غير قلبك يا حبيبي اللي معشش جوايا . بسنت سيد .

هعوز إيه من الدنيا تاني وأنت معايا! بسنت سيد .

أصبحت كالوردة كلانا نهايتنا الدفن في أعماق التراب . فأنا لم أجد أحد يُساندني فسقطت، وهي لم تجد أحد يرويها فسقطت . بسنت سيد .

مهما كانت صعوبة الظروف هتعدي وهيعدي معاها كل الوحش المهم إنك تعافر علشان متعديش عليك وتهزمك . بسنت سيد .

لازم نواجه أي حاجة عائق في طريقنا . الحياة مش كلها حلوة ولا كلها وحشة، الحياة عايزة حد يفهمها علشان يعرف يعيشها صح من غير إرهاق . بسنت سيد .

أنا الذي قدّم كل ما يمكن تقديمه وخُذل في النهاية . بسنت سيد .

وكم من الورد الوردي الذي طَلَّ بلونِهِ البمبي وأنار القلب بِبسمتهِ وجفف مآسي الحياة . بسنت سيد .

لما تلاقوا حل لمشاكلي صحوني غير كدا محدش ييجي جنبي . بسنت سيد .