جَــنّـة.

في يوم عرفه ينزل الله مرتين ينزل في الثلث الاخير من الليل كأي ليلة وينزل ايضاً في عشية يوم عرفة متى يبدأ العشيّ ؟

في هذا اليوم كونوا مع الله لان في يوم عرفة يقول النبي صلى الله عليه وسلم : "ما من يوم أكثر أن يعتق فيه عتقاء من النار من يوم عرفة" ادعوا في يوم عرفة مابقلوبكم بكل يقين فـ لاشيء مستحيل مع الله

تعلمون ما معنى ان الله ينزل في السماء الدنيا عشيّة عرفة ؟ في هذا اليوم يحدث شيء عجيب في يوم عرفة في السماء الدنيا لنزول الله تعالى ولحركة العتق من النار فتهتز السماء وتهتز الصحف ويقول الله لمن شاء من عباده قد غفرت لكم

بعد الزوال يعني بعد صلاة الظهر يعني بالذات اعظم الاوقات والافضل الاوقات وأرجى الاوقات للعتق واجابة الدعاء هو بعد صلاة الظهر وقبل اذان العصر وبعد العصر الى قبل اذان المغرب لان العشيّ يبدأ بعد ان تزول الشمس من كبد السماء فهذه من اشد واعظم الاوقات

في يوم عرفه ينزل الله مرتين ينزل في الثلث الاخير من الليل كأي ليلة وينزل ايضاً في عشية يوم عرفة متى يبدأ العشيّ ؟

١٣- هَتحس إن اليوم مُتعب شوية بس تخيل إن فِي ناس تانية هتكون في الوقت ده على جبل عرفات وشوف حَجم المشقة اللي شافوها عشان ينالوا رضَا الله، مش قادر تتعب كام ساعة وأنت في بيتك؟ جَدد النية، ده أعظم يوم في السنة كُلها وياعالم هندركه السنَة الجاية ولا لأ فأوعىٰ تضيعه من إيدك. [اليوم أكمَلت لكُم دينكم واتمَمت عليكُم نعمتِي ورضيت لكُم الإسلام دينًا] متخيل عَظمة اليوم؟ - ربنا يتقَبل مِنا ومنكم صاَلح الأعمال ولا تنسُوني من صالح دعائكُم.

١٢- مُجرد مَا العصر يأذن، اقعد مع نفسك، قول أذكار المَساء، استغفر كتير، ادعي بكل اللي بتتمناه، توب للّٰه واطلب منه أنه يعفو عنك ويتقبل توبتك وصيامك [صيام يوم عرفة يكفر سنتين] وادعي بكُل حاجة حتى لو بنسبالك مُستحيل تتحقق، دعاء يوم عرفة بيحقق معجزات، وهتفضل مكمّل بين الدُّعاء والذِكر لحد المغرب، وزي ما اتفقنا مفيش موبايل، قلبك محتاج للّٰه وبس.

١١- شغل البيت اعملِيه عادي جدًا بس خلي لسانك ميقفش عن ذِكر اللّٰه.

١٠- مُمكن تنام وتريح ساعتِين قبل الضهر، وأول ما تصحى هَات الحجاج على التليفزيون من أكتر الحاجات اللي بتحسسني بالشعَائر وبتأثر فيا، وأدعي بكل اللي بتتمناه، وردد التكبيرات معاهُم.

٩- هتقعد في خُلوة مَع نفسك وتدعي بكُل اللي بتتمناه مِن القائمة اللي كتبتها وتكمل ذكر الله خصوصًا [لا إله إلا الله وحدة لا شريك له، له الملك وله الحمد وهو على كُل شيء قدير].

٨- حُط مياة وأكل في الشباك للطيور. لو نزلت خد معاك أكل نضيف من البيت ومياه ساقعة اديها للناس اللي بتبقى قاعدة في الشارع. وكمَان بواقي أكل ومياه ساقعة للقطط والكلاب في الشارع. [فِي كل كبد رطب صدقة].

٧- هَتصلي ركعتين شروق [على فكرة لو صليت الفجر فِي جماعة وقعدت تذكر اللّٰه وبعد كدا صليت ركعتين يكتب لك أجر عمرة وحجة تامة] إن شاء اللّٰه.

٦- هتقول أذكار الصَّباح وتقعد تذكر اللّٰه وممكن تقرأ جزء من القرآن لحد الشروق.

٥- الفجر أذن دقت ساعة العمل واليوم بيبدأ. - الموبايل بنسبالك هيبقى عبارة عن حديدة حرفيًا هتقفله تمامًا. - هتصلي سنة الفجر [خير من الدُّنيا وما فيها] - هتصلي الفَجر [ياريت في جماعة]

٤- هتصحىٰ تتسحر، وتتوضىٰ وتقعد في رُكن تخصصه لنفسك، تقيم الليل علىٰ قد ما تقدر من الركعات، وتفضل تستغفر وتذكر اللّٰه لحد مَا الفجر يأذن.

٣- هتنام السَّاعة ١٠ أو ١١ كدا وتظبط المنبه علىٰ ٢ بالكتير عشان تصحىٰ تبدأ يومك بتركيز.

٢- هتجيب كذَا ورقة وهتعمل لكل فئة قائمة دعوات كالآتي:- - دعوَات دُنيوية لنفسك. - دعوات أخروية لنفسك. - دعوات لـ أهل بيتك كُل فرد اكتب اسمه وتحته دعوات لِيه. - دعوات لـ عيلتك بالاسم. - دعوات لأصحابك. - دَعوات للناس الغريبة اللي طلبت منك تدعيلها [متنسوش تحطوني في القائمة دِي]. -دعوات لجميع المرضىٰ وجمِيع الموتى. وكُل قائمة تحطوا تحتها الدعوات اللي بتتمنوها. الوَرق ده هيساعدكم جدًا يوم عرفة إنكم متبقوش تائهِين وهيخليكم تتجنبوا خوف إنكم تنسوا دعوة معينة. فوفروا ساعة بعد المغرب كدا رتبوا دعواتكُم.

١- المغرب هيأذن يوم الجمعة وبكدا بَدأت ليلة أهَم يوم في حياتك. هتنوي صيام يوم عرفة وهتردد التكبيرات علىٰ قد ما تقدر ، ( النية لا تنطق محلها القلب). اللّٰه أكبر اللّٰه أكبر اللّٰه أكبر، لا إله إلا اللّٰه، اللّٰه أكبر اللّٰه أكبر اللّٰه أكبر وللّٰه الحَمد.